大榕樹下

營業中

休息中

這裡不是傳統酒樓，而是順德菜邁向全球的第一步！作為香港首店，大榕樹下以「鮮做」為名，不少人慕名而來，希望一嚐順德菜的「頭啖湯」。與一般中菜餐廳不同，大榕樹下的裝潢非常有心，讓食客置身於「大榕樹下」，舌尖未動先墜入嶺南風情。既然餐廳主打順德菜，第一次食一定要點一些最熱門的菜式，品嚐一下。🦢 1. 順德豉味碌鵝（上莊）順德古法生碌方法，將鵝身浸透，豉香如鎧甲鍍滿鵝皮。鵝肉上莊肉質纖維分明，入口卻嫩似豆腐，精粹之處在於餐廳調製的醬汁，將鵝肉帶出更甜香。🍚 2. 老廣臘味煲仔飯陶煲上桌時白煙蒸騰，侍應淋醬剎那「炸炸聲」炸響！揭蓋瞬間，臘味香味非常香濃，鍋底夠熱烤香飯焦。臘味脂香配上金黃飯焦。蘸流心蛋黃同食，脆硬與綿滑在齒間廝殺。彩蛋：鍋底暗藏番薯塊，吸飽肉汁甜如蜜餞！🐟 3. 順德拌魚皮師傅以冰鎮拌魚皮的方式來激活膠原蛋白，再拌入椒絲、秘製醬汁等，非常開胃。🌿 4. 上湯桑葉苗香港極少見的桑芽嫩葉，桑葉苗嚼感似嫩菠菜混紫蘇香，微苦回甘，絕對推薦。🥛 5. 大良雙皮奶最後，順德最出名的甜品-大良雙皮奶。青衣城的大榕樹下作為香港第一分店，眼見真的吸引了不少其他地區的人特意過來，看來在香港開展其他分

📍大榕樹下 (青衣)青衣青敬路31-33號青衣城1地下G01號舖👉順德撈雞 - 半隻😋😋😋😋.8/5呢隻順德撈雞真係令人回味無窮！雞肉嫩滑，皮脆口感剛好，每一口都感受到濃厚的順德風味，食完讓人忍不住想再來一份。👉老廣臘味煲仔飯😋😋😋😋.8/5老廣臘味煲仔飯真係懷舊又美味！底層米飯煮得剛好，香氣撲鼻，臘腸同臘肉的鹹香味滲入米飯，上面多汁的臘味，每一口都咬出滿滿的幸福感，絕對係飯友不可錯過的選擇！👉雙菇爆鵝腸😋😋😋😋.8/5呢道雙菇爆鵝腸既鮮又香，菇類的香味同鵝腸的彈牙口感完美融合。炒至金黃的雙菇，味道更加濃郁，配上清爽的調味，唔會覺得膩，真係好味到爆！👉上湯桑葉苗😋😋😋😋.8/5上湯桑葉苗清新又健康，湯底鮮甜，讓人一飲就愛上。桑葉苗脆口，吸滿了湯汁，清爽無比，鮮味十足！👉 雜菇浸魚腐😋😋😋😋.8/5雜菇浸魚腐色香味俱全，魚腐滑口，菇類鮮香，湯底清甜。每一口都充滿了菇的香氣，搭配魚腐的柔軟，特別健康!👉蒜蓉炒菜心😋😋😋😋.8/5蒜蓉炒菜心簡單卻好味，菜心鮮嫩，蒜香四溢。炒至剛剛好，保留了菜心的原汁原味，讓人食得津津有味。回頭:yes yes yes!!!!佢啲食物真係好有風味，唔怪之得大排

餐廳裝潢設計翠綠典雅，內進便迎面一幅巨大牆畫，有一棵大榕樹，枝葉茂盛，樹冠下的地方一大片綠蔭。餐廳主打順德菜，提供的茶飲為菊花茶，茶色淡黃，芬香淡雅。順德豉味碌鵝鵝肉選用清遠黑棕鵝，上淋有豉汁，味道甘甜同時有餘韻。鵝肉嫩滑香，鵝皮油香味撲鼻。碟下有燃燒既蠟燭，令鵝肉可以保持其溫度。撈起陳村粉陳村粉以涼食上碟，口感煙韌，厚實寛粉，相當容易掛汁，上面有薄荷及香菜等，特別香口開胃。雜菇浸魚腐菇類種類多樣，有冬菇、金針菇、雲朵菇等，魚腐味道好鮮甜濃厚，仲有芹菜、雲耳、節瓜等配料。上湯桑葉苗湯汁清甜濃郁，有淡淡既胡椒粉香味，湯水奶白，桑葉苗口感鮮嫩，色澤翠綠，有清熱效果。黃豆苦瓜燉龍骨苦瓜燉得相當軟熟，完全沒有苦澀味，即日原盅鮮燉，燉足4小時。大良雙皮奶雙皮奶入口香濃奶味，質地細滑，可以選擇熱食或者凍食，食完奶香味齒頰留香。

難得來到青衣，打算試下順德菜，排隊也成20分鐘，入到坐下，怎麼桌上沒有餐盤那麼準確，只有水！叫個服務員也是沒有人看到，都在收銀處那兒都有3個人了，不知忙什麼！菜式是不錯，可惜人手不足！

🌿環境好闊落好乾淨整潔，坐得舒服🍽️今次第三次去食，菜式保持到水準！尤其推介豆腐，豆腐好滑！煲仔飯好香配料亦都算多，仲有就係鲜人參水品雞，有蔘味雞都好滑，魚頭煲不過不失！🛎️服務員有禮，招呼都周到💰性價比高，我哋都叫咗好多嘢食買單都係$500左右

🌳 榕樹下的家鄉味內地超火紅的順德菜連鎖「大榕樹下」終於登陸青衣城！2000呎空間重現嶺南庭院風情，連廚師團隊都特地從順德運過嚟，一開幕就大排長龍～ 🍲 必食推薦▫️ 順德撈雞（半隻$118）200日清遠走地雞▫️ 均安墨魚餅（$58）咬到粒粒墨魚肉▫️ 豉味碌鵝（$158）黑棕鵝吸飽秘製豉油，連骨都入味！ ✨ 驚喜彩蛋石橄欖燉湯（$35）喝得出山澗水的清甜 炸鮮奶（$29）外脆內流心，熱辣辣爆漿⚠️ 竹蔗馬蹄水爆珠口感似食緊液體版「爆炸糖」 📌 實測筆記→ 桑葉苗降三高超健康 → 煲仔飯開蓋瞬間香到隔離枱轉頭 → 魚皮加檸檬葉好醒胃

前排同朋友聚會，約咗喺呢間大榕樹下順德菜聚餐！呢間食材新鮮唔會有預製菜～朋友好重視食物安全，住附近嘅朋友好推薦呢間餐廳！平日未到6點已經好多人排隊攞飛，入到去乾淨衛生位置闊落～入座已經有茉莉花茶🍵可飲用😌美食⭐️⭐️⭐️⭐️⭐️🩵順德豉味碌鵝芡汁以陽江豆豉或本地豉醬為基底，搭配蒜末、薑片等爆香，醬汁鹹鮮中帶發酵豆豉的醇厚，加上醬油調味時加入冰糖或片糖，熬煮後形成油亮的琥珀色醬汁，滲透鵝肉，超好餸飯！鵝肉肉質細膩不柴，皮下脂肪化開，吸附醬香卻不膩口，骨縫都浸透滋味。👍🏻🩵古法鳳梨咕嚕肉咕嚕肉外酥裡嫩，肉香濃郁！半肥瘦豬肉，外層裹著薄而脆的粉漿，咬開後肉質嫩滑多汁，帶有豬油香氣。甜酸汁酸甜適中，帶有微微果酸回甘～加入新鮮鳳梨，多一種水果的清香🤩🩵銀魚仔蒸絲瓜🩵鹿茸菌燉竹絲雞

呢間順德菜價錢都幾大眾，50-70蚊嘅菜都大把選擇👍🏻門口企滿曬人，跟隊😂餐廳嘅茶係菊花羅漢果茶🌼飲落好清新舒服，原來門口有得單賣🪿順德豉味碌鵝 $128 碌鵝色澤油亮醬濃，豉香醇厚微甜，醬汁滲入鵝肉入口外皮軟糯帶彈性，鹹中帶鮮，配飯一流！🫘鮑汁海皇豆腐 $58豆腐面用甜脆玉米粒、腰豆同章魚粒等作為點綴炸左嘅外皮吸滿鮑汁，豆腐入口嫩滑🐤無骨百香果鳳爪 $58去骨鳳爪浸潤係百香果嘅酸甜同泡椒嘅微辣中，入口有百果香嘅清新，酸酸辣辣，清爽開胃🔥啫啫生腸 $78砂鍋上台仲咋咋聲，生腸處理得乾淨利落，咬落爽脆彈牙，配埋大量芫茜、姜、蔥、乾蔥一齊食，夠曬香🪷順德公煎釀蓮藕 $68蓮藕嘅咕隆填滿豬肉，藕片爽脆帶糯，呢個順德功夫菜值得一試🥢撈起陳村粉 $58加入肉碎同花生粒撈勻，最特別係加左紫蘇葉，估唔到又好夾，升華左成個陳村粉☕茶位：$8一位

今日同朋友去左大榕樹下食飯，就叫左幾款順德經典菜老廣臘味煲仔飯臘味係自家製，飯粒吸滿臘味精華，粒粒分明，底部仲有飯焦，焦香脆口順德小炒王各種配料炒到鑊氣十足，口感豐富順德豉味碌鵝揀左上莊部位，用左30多種香料，完美滲透鵝肉，肉質嫩滑順德拌魚皮用左鯪魚皮，質感爽脆，搭配薑絲，洋蔥等配料，酸辣開胃黃豆苦瓜燉龍骨燉盅內有大量龍骨同苦瓜，燉足4小時，湯頭清澈，入口微甘大良炸脆奶外層炸到金黃酥脆，包住香滑奶酪，口味正宗大良雙皮奶面頭有層奶皮，入口細膩滑嫩，奶味香濃

內地連鎖順德菜餐廳「大榕樹下」香港首店正式進駐青衣城開幕，成為首間海外分店，並帶來多款人氣經典菜式！已經過咗8:30pm 但係店外仍然大排長龍 證明真係好好生意 !9:00我終於入座 嗱嗱臨點咗幾個菜先叫咗個菜上湯桑葉苗菜苗入口的感覺很有質感粗糙毛絨絨的！入口感覺特別😳用上湯浸菜苗 感覺很清新 而且非常健康正宗順德菜 仲包括呢個酸菜炒大腸鍾意食豬大腸嘅朋友一定會勁鍾意用嘅酸菜夠正宗 色水好靚 而且入晒味 酸酸甜甜勁開胃 同豬大腸味道好夾本來想飲個湯 但係冇諗過一早已經售罄一睇個價錢就明白 原來燉湯價錢實在太親民$38 仲非常足料 老闆同我哋傾偈 都話食物質素要保持 就係唔可以囤積太多貨 寧願賣晒都唔好賣剩 冇辦法啦 唯有等待下次再飲啦🤪🤪

6月才開張標榜順德菜，通常新C坑都多人試菜。星期六中午人流都旺，等了20分鐘入席。順德菜講求“鮮嫩爽滑”，餐牌海鮮類卻不算多，招牌推介是家鄉碌鵝，當然要試啦！醬汁酸酸甜甜，味道不錯，價錢吾平。其他餸菜質素就普普通通啦！啫啫生腸未夠鑊氣，生腸也不夠爽脆。桑葉苗少吃，上湯都鮮甜嘅！大良炸脆奶正正常常啦！最伏是撈起陳村粉，毫無鑊氣，不冷不熱，是冷盤嗎？一塊塊點做到“撈起”呢？挖頭。450蚊埋單，午餐人均消費110蚊，吾算抵食，一試無妨，貪新鮮人潮過後，應該吾使等位。

大榕樹下 (青衣城) //喺廣州食過呢間「大榕樹下」，知道佢喺青衣城開咗新鋪，所以特登嚟試吓試吓，廣東菜口味唔會過鹹，價錢合理，味道夠地道！ 原本想食返佢哋嘅招牌碌鵝，大廚秘製30多種天然香料，碌足50分鐘，香料滲透鵝肉，不過今日去到已經賣晒！🍵 茶位 ($16/2位)甜甜地嘅菊花羅漢果茶，鍾意嘅話仲可以將茶葉買走🐟 順德拌魚皮 ($58) – 大辣** 魚皮夠爽脆，撈埋啲醬汁同配料，辣度揀咗「大辣」，真係幾刺激！！ 🍄 鹿茸菌嫩竹絲雞 ($38)呢個湯好鮮甜，夠曬滋補🐔 順德撈雞-半隻 ($118)半隻雞份量足，雞肉嫩滑，皮又爽，有啲似手撕雞，撈埋啲蔥絲、洋蔥，花生等等🍲 鮑汁海皇豆腐 ($58) 玉子豆腐滑溜溜，鮑汁夠濃郁，仲有啲海參同魷魚粒粒，撈飯一流！用蠟燭一路加熱，夠晒火候！🥒 銀魚仔蒸絲瓜 ($58) 絲瓜清甜，銀魚仔鹹香，蒸得剛剛好，簡單但好食，健康之選！ 🐟 啫啫水庫魚頭 ($88)魚頭夠大件，啫啫醬汁香濃，仲有啲蒜頭同薑片，一上枱「啫啫」聲，熱辣辣，送飯超正！ 炸鮮奶 $29三件外層嘅酥皮超薄，而且好鬆脆，口感好似蛋捲咁，入邊嘅鮮奶奶味香濃，而且不會過甜！做飯後甜品一

接待職員表達不清晰，未有明確指示要排隊取票，收銀處四眼男職員態度欠佳。上枱食物唔熱，菜有少少生。因排隊輪候人數過多，職員會不停來回巡視，給人趕客的感覺，冷氣唔夠凍，以後不會來。

行過見到新開無耐，入去試吓先，門口好多人排隊，我哋拎咗飛等咗一陣之後有位啦！唔算等得太耐，入到去環境都好舒服好乾淨，我哋隨意叫咗幾款食物，整體評分都算高，因為食物質素喺OK，而工作人員嘅服務態度都好好，大家不妨可以一試

未食就已經一肚氣嘅餐廳排隊等位極度混亂冇遙控等位，攞咗飛之後要企定定同一張籌號叫完有客入座後又重複叫以為下一張枱就係你點知又叫返七張前嘅籌號再下一張以為係你，點知又叫後幾張籌號終於忍唔住出聲佢竟然比一張四人位問你七人坐唔坐我哋由始至終都係攞七人位冇改呀本身餐廳已經少大枱，我哋等足個幾鐘竟然最後見到有一張大枱走嘅時候職員竟然又話唔可以入座要留俾老細喂大佬喺繁忙晚市人人喺度等位我哋都係客都係俾錢都係老細咁樣嘅安排有幾好食嘅嘢都唔會受歡迎只會趕客走😡