大快活 (馬鞍山廣場)

今日出去有啲嘢做，經過大快活諗諗吓都係買外賣返去唔使整嚟食今次揀咗幾個餐，之前見到人哋食都想試咕嚕肉，都幾靚仔質素唔錯，冇骨嘅多肉少少，皮唔算太厚或者太薄個汁調味OK，最欣賞佢係好多配菜青椒，紅椒洋蔥同埋菠蘿都好充足呢個會配一碗白飯 冇嘢飲嘅見到人哋個海南雞好靚仔仲食淨兩舊雞胸，即刻諗住嗌海南雞，點知我個位係我完全唔啱食得啲肥屎窟。。。同埋雞皮完全唔掂，側邊嘅配菜係類似泰式嗰啲咖喱雜菜，唔係甜酸酸菜唔係咁正宗醬汁都一般反而雞胸餐好滿足！南瓜汁好好味唔會太邪惡，紅米飯200 gram，雞胸都有200 gram！側邊仲有啲急椰菜雜豆，好似吉野家以前嗰啲雞飯咁🤣本身都驚煎會好多油，但係又唔會喎欣賞欣賞可以encore加$10有個生菜黐咗線佢落勁多豉油，半碗咁滯 沖咗幾次水都覺得好重味......同埋係都係落蠔油吧 不過貴啲$9有三粒煎釀三寶，不過好細粒…查看更多

正副兩位經理態度超級惡劣，外賣漏單，唔承認，仲要大聲夾惡，話咪俾返你咯所謂大快活大公司就請這些正副經理，實在失望呢種所謂經理，快啲炒左佢啦，實在不知所謂叫人點相信會有好服務，唔會再來幫襯…查看更多

聽日唔知食咩好又想食個快飯 午市諗諗吓就變咗下午茶 🫖點知原來仲抵食！好多款式，不過我都係揀咗個唔係特別特價嘅，順便幫人買埋外賣我揀咗個平嘅滷水牛腱平燒味，揀燒鴨！估唔到咁靚仔 個滷水牛腱好似仲好味過茶木嗰 好有牛味，而且厚切勁興奮燒鴨都好好味！個皮唔會太肥，又有啲肉食，係瘦嘅雞胸啱晒我！不過如果有酸梅醬就正個老火湯係苦瓜南北杏瘦肉湯 我冇飲到，因為試到好似都係麻麻地，我估都係味精湯 啲苦瓜幾好味！瘦肉就真係好乾柴食唔落口 黃豆，但係用南北杏🤣🤣係唔當造??呢個仲有一個優點！就係你可以揀飯或者米粉佢個飯係中國嘅絲苗白米唔係我杯茶，我鍾意食珍珠米哈哈軟熟啲 佢啲飯有啲硬斬料叉燒有瘦有半肥瘦，調味唔錯 不過一定係出面燒味舖好味啲 佢唔係太有爐香四寶飯都唔錯！果然係快餐店係快靚正，紅腸就麻麻哋不嬲都唔鍾意食，鹹蛋覺得太鹹 仲有兩隻雞翼，呢個叫做大件 味道就普普通通唔好有太大要求，但係食得幾滿足，跟餐仲有杯熱飲，熱奶茶唔錯，比四粒星速度冇得輸 快餐店無敵…查看更多

連續兩次嗌咕嚕肉加白飯外賣都比漏咗盒白飯，完全唔知點算。之後下午茶嗌熱狗餐，熱狗🌭冇咗條腸，淨係得個包，入邊冇腸，都唔知發生咩事！仲有一次晚餐嗌凍檸茶變咗熱檸茶，明明加咗$3 ，就變咗做熱檸茶。下午茶買兩個天天超值選，米粉應該有兩個，但係佢俾咗一個，之後同佢講俾漏咗一個，負責執食物啲員工態度好差，仲要話個收銀做得唔好，好似唔想俾同覺得自己冇錯😤SHOP 336, 馬鞍山廣場608 Sai Sha Rd, Ma On Shan…查看更多

迷你摩洛哥咖喱焗雞肉飯非常難食，賣相差，用料更差，浪費時間，浪費錢味道好像用 Black Pepper 開出來的水，撈落飯，然後焗，飯上有幾片肥肉，雞就完全找不到，完全不是咖哩，一邊食一邊研究誰做 Food Development 可以搞出這樣的奇怪的 Recipe。去過摩洛哥的朋友們看到真的無話可說，摩洛哥人見到會好傷心。這種餐請不要再在大快活賣，連長者都說就算有優惠都不想去。餐廳人很多的，真正食客不算多，都是聊天長者，免費座位，免費冷氣，對面是圖書館景觀好。…查看更多

大快活apps 外賣$43 肉醬意粉。好耐冇食過大快活， 又比機會試下， 點知超級中伏，難食至極點。我食左d咩， 碎意粉？ 肉槳（not 肉醬） 意粉。意粉槳(係槳呀！）到不得了， 碎到不得了， 食糊仔咁。未試過咁難食， 食2啖就放棄， 真係好想投訴。 邊個廚師整？ 意粉可以成pat槳咁， 又淋又碎 . 肉醬及汁又少。 真係好唔明， 咁難食都有人幫襯， 咩原因？ 平又唔係平， 環境清潔又唔係好。。浪費了$43, 這世唔會再比自己去食此餐廳食物， 會black list 佢。 bye bye 👋 大快活。🤮🤢🤢🤢🤮🤮🤮🤮…查看更多

嗌咗兩個下午茶餐返去食，因為已經唔想食自己煮嘅嘢！又冇得糖食就食下呢啲算啦！平時食開大家樂嘅一個焗豬扒飯，但係因為就腳試吓大快活，估唔到又出奇地好味喎！價錢同大家樂一樣，都係$45.1個唔包嘢飲～個賣相都同大家樂嘅差唔多，不過好似少啲蔬菜，下面有少少菇嘅佢個味道調教得幾單嘅蕃茄味，最神奇嘅係，佢個豬扒比大快活嘅好似少啲化學野，唔會好似出面嗰啲咁林，那左咁多鬆肉粉亦都好口肉得來，唔會好硬口我哋都食得好滿意！連阿媽都讚嗌咗一個下午茶餐有長通粉肉醬腸仔，印象中呢個都係勁細兜！果然都係一樣，份量細細我就覺得唔抵啦！因為佢跟餐嘢兩隻雞翼都係好少嘅啫！包埋杯熱飲，個人認為唔值得$39～ 不過食物嘅味道就唔錯嘅，媽咪話香茅雞翼好香好乾爽:)…查看更多

食飯的背景係，啱啱行完山睇新年日出，累到三魂唔見七魄需要覓食補充體力，而大快活早餐餐牌最大份係呢個brunch，又累又餓之下，自然有大食大。Brunch：組合有脆魚柳、薯仔火腿奄列、薯餅、煙肉、粟米、茄汁豆，加飲品。基本上呢。始終係快餐店，每樣餸相信大家都想像到味道，無驚喜亦無失望，魚柳薯餅就係正常的魚柳薯餅，就係幾脆幾好食，但唔會話好有衝動想讚頌佢咁。正如茄汁豆就係茄汁豆，鍾意就鍾意。唯一值得一講係，個奄列，薯仔火腿奄列，蛋皮OK，入饀料呢就......well，一pat奇怪的饀，薯仔火腿混成一堆醬般的東西，口感無以名狀，我相信就咁攝火腿絲入去會比較可人......…查看更多

蝦仁韭黃炒蛋 轉配紅米飯 $47大快活的小菜套餐算是平靚正，蝦仁韭黃炒蛋很大份，蛋炒得很滑調味也剛剛好，蝦仁和韭黃很足料，很好吃。但唯一不足是紅米飯，本來見白飯可以轉紅米飯所以轉了，但原來只是一碗白飯加很少紅米飯紅米飯還煮得有點爛這個飯很失望。…查看更多

星期日晚上八點半吃晚飯，但鐵板餐的鐵板完全不熱幸好食物是熱的。雖然說快餐店不會要求太高，但鐵板不熱還是有點失望。但男朋友吃的咖喱牛腩飯，咖喱是放涼的而且份量很少，像賣剩的樣子，最後要拿去請店員翻熱。…查看更多

夜晚唔知食乜好於是就落咗大快活睇睇個餐牌，突然想食啲酸甜嘢，就叫咗菠蘿咕嚕肉配白飯套餐。分量十足，菠蘿酸甜十分開胃，咕嚕肉甜酸惹味，肥瘦適當，唔會話成口都係肥油肥膏，酸甜汁令人不禁扒多兩啖飯。加上廚師用咗三色椒及洋蔥伴炒，讓整體香氣更加提升一個層次。如果要講美中不足之處，就係略嫌個甜酸汁偏甜，真係要扒多兩啖飯中和一下。而呢一個套餐嘅最大加分為係，主打「冇味精」。所以食完之後唔會話好頸渴，或者令肚仔唔舒服，真係好適合一啲味精不適或者過敏嘅人士呢～同樣地，大快活用手機落單係有九折嘅！仲可以去到即刻拎外賣走，唔使等好耐呢～…查看更多

又係快靚正嘅一日啊！今次試咗大快活最新出嘅吉列雞扒套餐，（另外亦有吉列豬扒套餐嘅選擇）。套餐包括 飯一個，麻將拌沙律，炸雞扒一份。醬汁方便，配有肉茉醬，咖喱醬，及麻醬。（小編肉茉醬偏鹹，咖喱醬又會些許蓋住咗炸雞嘅香味，可能係熱天嘅關係小編更加喜愛麻醬，比較清新，同時去油膩。）飯同以往一樣可以揀紅米飯或者正常白米飯，亦十分貼心地讓食客選擇正常份量，少飯或者多飯。主角「炸雞扒」，份量極足！成個飯盒裝滿左，亦有一定厚度！其實食咗三舊雞扒就已經好有飽足感。食肉獸朋友們機不可失！…查看更多

早兩日想食啲酸辣嘅食物，咁岩見到大快活新出嘅菜單「泡椒酸菜魚」，見網上嘅評價好壞參半，於是就膽粗粗試一試。👎🏼👎🏼酸湯方面：油多過水，食落好油膩，味道偏淡，湯似水溝油。👎🏼泡椒酸菜方面：酸菜量少，且味淡，似走咗味；泡椒味真係唔多覺。👍🏼魚肉：撇除乜味之外，魚肉新鮮彈牙，約有魚塊完整去骨魚塊，都幾滑口。其他：生根極吸油，加上本身湯底多油，可以直接棄掉；蘿蔔唔入味，但勝在冇乜渣。隨餐附送泡菜，酸香。👍🏼全場最住：例湯（足料香口）小編意見：不可一不可再，向大快活酸菜魚說不，留返個quota食好西說得。…查看更多

早兩日買咗份大快活嘅「越式番茄燉牛面肉煲」返屋企邊睇劇邊食，話晒呢一啲餸菜要自己煮都幾花心思，大快活呢一份肉煲都只係$54，而且份量都算多，普通女仔應該食半份就飽。燉牛肉都幾腍，配上番茄，酸酸甜甜，好開胃。小編好鍾意食辣，大快活好貼心咁樣可以揀加辣，其實係另外附上小辣椒粒，讓食客可以自行添加。米飯方面可以選擇紅米飯或者普通白飯，諗住健康啲所以小編揀咗紅米飯，米飯都幾有咬口，配上肉煲嘅醬汁，個人覺得好滋味！加上大快活有外賣九折！真係好抵！上網點完餐再慢慢行落去拎，完全唔會嘥時間企喺度等呢～…查看更多

大快活大約係七年前食過一次，重此之後就 black list 咗佢無再食，想當年食下午茶得隻雞翼同一個米粉，居然要收成三十蚊，而且味道重係麻麻地，重知去食餐茶廳或者其他餐廳好過 ; 七年後既今日本身係大家樂排梗隊買早餐食，但因為太多人排既關係，而且屋邨停車場又得半小時免費泊車，無理由買早餐重要虧埋停車場錢咁傻。係朋友極力推介食大快活既情況下，所以就去咗附近商場既大快活試下，佢話啲早餐粉麵有好多選擇吓，雖然大快活都要排隊，但商場有免費泊車所以坐低食都得，果然真係有好多款粉麵揀，有通粉、麥皮、米粉、幼麵，雖然有好多款不過都要試下啲味道合唔合格，自己叫咗午餐肉雪菜肉絲湯米粉早餐。有雪菜肉絲湯米粉、午餐肉、珍寶腸、吉列豬扒、粟米、多士，以 $38 蚊黎講都叫幾多元化，米粉份量都足，而且重有半塊午餐肉同湯底都夠味，吉列豬扒熱辣辣脆卜卜都算合格 ; 經過今次既早餐後，對阿活真係改觀咗幾多，以後又多個早餐選擇了。…查看更多