大快活

營業中

休息中

　　一向比較少在大快活吃早餐，恰好經過這裏，肚子又餓了，卻還沒有到午餐時間，便來這裏吃早餐。　　我一直對魚柳情有獨鍾，於是點了魚柳香腸配多士，喝熱奶茶。　　魚柳夠大夠熱，而且是剛炸好的，很脆，有口感。香腸卻是乾癯而瘦小的，但是很油膩，偏鹹，而多士卻已經涼掉了，不夠熱。是敗筆之處。　　熱奶茶卻讓我驚喜，夠熱最為重要，質感軟滑，夠甘香，濃而不澀，使我回味再三。　　以為餐廳處於這樣的角落不會很吵，卻是有很多太太慢慢在吃早餐並且大談兒女經。我耐不住這樣的嘈雜，再加上冷氣太大，要不然我會好好地歎奶茶，然後細細地讀一本書，簡直是無以上之的享受。　　希望下次來的時候不會這麼吵吧。

近排點解去多咗大快活??? 懷舊嗎???焗豬扒飯 $35 不連飲品 ... 排到熊媽就只配到外賣裝, 主任問我介不介意 難道堂食裝與外賣裝是有分別嗎?豬扒是半塊有骨豬扒, 不再像以前般用成呎長的豬扒, 茄汁味道偏酸少甜, 配料有蕃茄角、罐頭菠蘿粒、洋葱塊 及 三粒西蘭花BB, 蛋炒飯作底, 飯身不偏軟也不偏硬, 豬扒肉質不會嚡而且角位帶根部份會好juicy添~~

Saw this weird dish so decided to get it.It was a baked dish. Usually the Chinese baked dishes are tomato sauce or cheese based with seafood or pork chops.However this one was garlic and black bean, and usually in Chinese cooking it is in the form of a clear gravy, but the sauce for this dish was creamy!!!! Not like the traditionary clear brown gravy with garlic and black beans. I assumed it was going to be served in a ceramic dish with the rice beneath the fish, but the rice was served separat

問心個句.食物係唔差....個日塞車..去到大快活門口好肚餓....上到去叫左個打邊爐....82元....心中想.下.呢個價錢去酒樓都得啦.食物唔差.....牛肉不算太肥.都幾香.......雞.係雪雞脾來....蠔好细加偏少....之後菜同餃子普通....最值得讚都係湯底..甜而.飲完無口渴服務一般.叫的嬸嬸幫我....肯的....但一粒聲都唔出....

朋友結婚的第二個早上. 起身後便去食早餐, 兄弟建議食大快活, 冇咩所謂的我跟佢來了.看到對面馬路的中式建築, 和朋友閒談才知, 原來係間教堂! 真係超級中西合壁呀叫了個最普通的炒蛋早餐, 加上個火腿通.朋友要燸米雞及粥.我倆都中西合壁呀!一攞個盤回卡位, 第一個發現係 - 嘩, 塊多士好厚, 好熱, 好香!本能地將d 炒蛋放了上去塊多士上食!炒得半生熟, 好滑, 正!腿通正常. 另個燸米雞都ok.但塊多士好正呢!食飽這塊難忘的多士, 又要再上去朋友度搞他難忘的一天~

天寒地凍，街外的氣溫低至單位數字。最適合不過的，當然是打邊爐啦今晚選擇光顧快餐店，到銅鑼灣中央圖書館附近的一間大快活這間分店由於位置較偏僻隱蔽，儘管地處仍算是銅鑼灣(實際上已經是銅鑼灣的邊緣)，人流不算多叫了一份豚肉牛肉火鍋，選擇了豬骨湯底除了豬肉片、牛肉片外，肉類的還有豬肉粒、牛肉粒，仲有菜肉餃子、玉子豆腐、數款蔬菜、烏冬、雞蛋一隻份量算是豐富，尤其是肉類方面，竟然載了兩個盒子這個份量，只是賣五十元，算是抵食的了加十元叫了一支巨峰提子梳打、加六元叫了一碗白飯用來打邊燼的食物，但求倒進鍋內煮熟，熱騰騰地吃下，已經算收貨了因此沒有刻意留意其食物質素唯有較有印象的，就是那款烏冬較幼、較偏身，唔算太滑而那一支巨峰提子梳打，看起來只賣十元好像十分抵飲，但內裏浮冰甚多。在這冰凍的一晚上，喝這麼多冰，實在不好受！兩個人一起吃，六十六元夠令兩人吃飽溫暖的一餐，算是十分抵食的了！如果以早前我吃過的大家樂火鍋作比較，相信大快活的份量、抵食程度是勝一籌的詳見早前大家樂火鍋食評︰http://www.openrice.com/gourmet/reviews.htm?userid=40557&page=2

聖保祿醫院俾我有好大回憶個晚去左對面大快活..叫左火煱....又唔錯..牛肉.牛肉粒香....又唔肥....好正...估唔到加20元的豪有的貴又細隻,不過都好新鮮反而菜我就唔喜歡.好怪啦的味..不過大快活進步好大.....服務員都有好好笑容同加水

6月23日（星期二）晚，是晚本地球會“少林寺”在大球場打亞洲賽事，因為主委有錢大買廣告，吸引了我這些從來未親身到球場看本地球隊比賽的人，恰巧得知著名食家「搵食能手」也會前往觀賞賽事，於是相約結伴前往。難得女友是晚竟然可以七點前放工，我便叫她來找我們。在入場睇波前，一行三人先吃晚飯，搵食兄提議去最近的“大快活”，我和女友當然沒問題。記憶所及，我和女友好像不曾在“大字派”的快餐店吃過一餐。原本想吃最近宣傳的“牛立方”，可惜已過了推廣期，轉了甚麼“大韓牛”，橫豎來到便試試罷！因為我和女友都不覺肚餓，所以兩個人分享一個套餐。等了不夠五分鐘就有得吃了，原來所謂的“大韓牛”，其實祇是用鍋仔盛著幾塊牛柳，再加些連黃牙白和紅蘿蔔絲炒過的韓式年糕以及一小角煎蛋餅。牛柳都是經過化學品處理，沒肉味也不算韌；炒韓式年糕和煎蛋餅都總算不過不失，可惜超多油，鍋底的油應該可以再用來煎一客火腿蛋早餐！這個“大韓牛”套餐，連飯、泡菜和疑似韓式醬汁，飯是類似珍珠米，煮得很硬，泡菜更不值一提，味道連超市賣的也不如！餐飲的熱檸水反而有些驚喜，因為一杯熱檸水內有近乎半個檸檬在內，用料十足！整體來說，這些食物的主要任務，應該都是

之前黎呢間係無燒髀同紅豆冰食，但今次黎到終於有反啦。去到間野都幾多人，但都好快找到位既。燒髀皮脆，好香同好濃既蜜汁味。而肉質雖然唔算淋，但未至於咬唔開。個燒髀都算幾好食既，以而家既價錢。紅豆冰無乜特別既，但都算幾好飲。好彩今次乜都有，唔係就一定無下次。

尋日去左呢間食下午茶，嘩！唔知點解勁多人。收銀又得一個，所以等既時間仲長過糖街果間。我當然想食燒髀啦，點知賣哂。咁就食西多士配雞翼，飲紅豆冰。點知連紅豆冰都無，實在太差啦。我去到水吧居然見到一隻隻既燒髀，我想食架，但我唔想再退錢咁煩。總之，水吧同收銀既溝通唔多夠。西多值得欣慰既係，西多係即整既。個邊好脆口，又夠熱。加上牛油同糖漿就更好。但快活既牛油係好難開架，糖漿都係果句，應該換過第二隻會好。但整體上都可以既。雞翼好甜呀，個皮好脆口，肉質都唔錯架。凍奶茶落得太多奶，好似飲緊奶水。奶茶都係大家樂好飲。食物就無乜野，但服務就唔得啦。咁多人剩係得一個收銀點得架，紅豆冰又咁快無哂。佢地預野應該預多小小，咁會好。

今日正正想試下佢d燒味撈粗,點不知就已經轉左做米線lu。除左新出有米線,仲有鹵水肉同鹵水鴨推出。好大膽咁試左叉燒鹵水鴨米線!快餐店d燒味真係時好時壞,好睇佢俾邊一 "忽" 你今次d叉燒好麻麻,唔肥,大大舊,但好在仲有叉燒味。鹵水味,淨係靠白醋 "鈞" 味!而且d鴨冇乜肉食,好彩得四件,俾多我都食唔到 !!米線出奇地好wor!!~好軟、好滑。但份量唔係多, 如果要食米線都係去米線鋪啦!

28.3.2008 星期五趁今日老細仍然未返，買個靚早餐返公司嘆下先~我仲要係返左公司然後再落街買，呵呵~~唔...由於晏晝約同事出去飲茶，所以早餐費時食咁飽，結果叫左個最簡單的火腿炒蛋多士加杯熱奶茶做早餐。火腿係唔熱的，都預左，不過又唔係凍，都ok。炒蛋一向都覺幾好味，多士夠厚同脆。我最後係將塊火腿同蛋擺上塊多士度一齊食，正。唔知點解，最後都係食到好飽。

2008年1月20日下午去試左佢地個荷葉飯. 我係荷葉飯精, 一見到荷葉飯就雙眼發光, 所以試過唔少店舖, 有d收到好貴都唔好食, 呢到二十幾蚊都幾好味喎! 口味可以淡番少少重好d.

雖然大家樂同大快活賣嘅嘢差唔多，而且創辦人仲要係兩兄弟，但我一直都覺得後者及不上前者。大快活無論喺食物質素、價錢到選擇都比大家樂遜色，往往都係照抄大家樂嘅策略，所以始終都只係做阿二。今次九點後去幫襯買外賣，收銀話已經無燒味賣，再睇餐牌都只係得好少嘢揀，同一樣嘅嘢用唔同汁與及唔同整法就當係唔同選擇，實在係有啲魚目混珠。最後叫咗個粟米班塊，雖然係跟湯跟茶，但價錢都唔平，而味道又唔算特別好。雖然大家樂近來嘅質素下降，但大快活都不見得可以迎頭趕上，單係廣告已經差人一截。人家有俊男美女宣傳，佢哋就搵個杜生嚟，淨係形象都輸晒。

前幾日去大快活食dinner..諗住以為冇chicken curry食..之後諗住叫curry牛腩,,點知有chicken curry食wor..意想不到..之後緊係食chicken curry啦.. 我要左加辣..真係幾辣下!~i like it..之後都叫左杯奶茶.. 幾滑食完之後勁飽.. 食左$31咋!都幾平