大快活 (建康大廈)

營業中

休息中

今日星期日 周圍都係人 所以選舉了少一點人的方向走 去咗聖保祿醫院對面大快活食野原來都幾多人哦⋯⋯野食選擇都幾多下我選了下午茶餐：西多士加菠蘿肉碎炒飯加熱檸水好耐無食過西多士，有得選用煉奶或糖漿，我當然係要糖漿同牛油！熱騰騰，牛油溶溶地，又香又甜，好滿足！菠蘿肉碎炒飯：都油膩，菠蘿有幾塊，中型，肉碎分量都可以，飯都可以，不過唔算太熱 是溫溫的 熱檸水：竟然都有4片檸檬，好夠味！客人都幾多，食物質素以這價錢來說很抵及好食

HA上次食完蜜糖雞肶,今日黎試埋豉油雞肶;有個餐係雞肶配米粉唉~個米粉真係超失望,完全無味,湯連小小咸味都無,淨係配少少椰菜,唯有去拎幾包辣椒油撈落去食;但豉油雞肶鹵得好入味,肉嫩又滑,完全有細個食既味道;唔洗加錢配熱檸檬水熱狗配蜜汁燒雞翼;熱狗上面有滿到滴出黎既沙津汁配生菜,腸係脆皮既,如果大份少少就好啦.愈食愈細份;蜜汁燒雞翼;燒到雞翼尖位好乾,少少焦燶,但咬落去會有肉汁流出黎好野味,跟餐有可樂飲唔洗加錢

下午開會遲左好多，搞到飯都無時間食，落黎大快活食番個下午茶鬆一鬆，人唔算多都易搵到位，無食中午飯想食個飽肚少少既西炒飯 配 蜜糖燒雞髀跟餐送可樂 $39， 仲可以唔洗加錢轉滷水雞脾，西炒飯蕃茄味偏淡，材料都唔多但勝在夠大碗，飯唔會炒得好濕，材料有炒蛋同蝦得幾隻，可以用雞肶當餸；雞肶塊皮燒到脆卜卜，少少焦燶燶地加埋蜜糖少少甜味，真係忍唔到口唔食皮，肉好滑又嫩咁多連鎖餐廳黎講，下午茶有西炒飯食，真係少有，如果飯多番少少料就正啦

今日一早起床要陪朋友係對面的聖保祿醫院做眼科手術。佢入咗手術室都11點幾了，有少少肚餓，咁就出去附近食嘢啦。都費事行咁遠了，因為醫生話手術一小時內做好。咁就過咗對面大快活食個early lunch.. 叫咗個叉燒雞米粉味道正常，賣相都OK不過都打咗個凸.. 乜原來大快活都咁貴架?!?! 呢碗米粉都成$38，仲要唔包野飲加熱飲要＄6凍飲$8。總結: 趕時間就食大快活啦如果＄38包埋嘢飲就差唔多

係報紙見到大快活廣告 出左新既健康選擇 南瓜薏米雞胸紅米飯， 對keep fit既我黎講，有興趣一試於是果日lunch去左銅鑼灣果間大快活 叫左尼個，本身諗住叫多碟菜 但係店員話今日無⋯ 大佬⋯我需要蔬菜纖維呀個紅米飯我叫左汁另上，in case 中伏 lunch就送餐 服務ok 等左一陣就送到雞胸好大件，比超級市場裡賣雞胸既一塊仲大，但有d油，同埋又裹左生粉，雞皮d油已經煎得溶曬 但比生粉吸左 雞胸都算嫩既，但如果汁另上齋食雞胸有d乾 紅米飯很多 大概有兩碗甘多， 紅米比例還ok 對於平時食慣糙米飯既我黎講 比例唔算高 但餐廳可能也考慮到成本以及口感吧 有d人唔鍾意紅米糙米尼d 因為佢很硬 但係我很鍾意因為紅米糙米比白飯有嚼勁 營養成分比較豐富再黎試下尼個南瓜薏米汁 薏米唔多 基本都是汁 有幾條很細的洋蔥 我試左一啖 有南瓜味 但係南瓜本身係甜既 佢又落左鹹又鮮既調味料 有d怪怪地 我覺得一般⋯同埋營養師都唔建議用汁撈飯食 因為出面餐廳d汁落左很多油同芡汁 一d都唔健康 所以我頭先落單驚中伏 特登要汁另上 尼個南瓜汁呢 感覺真係用南瓜打成漿 然之後落雞粉果d調味料 但表面都係可以見到

香港地， 廿幾蚊食一份早餐差唔多啦喂! 有蕃茄通粉; 炒蛋; 多士， 再加杯滑滑奶茶。早餐嘅通粉可以轉換其他配搭呢! 可以轉鮮奶麥皮或雪菜肉絲米粉或香菇醬肉上海麵或火腿通粉。自由配搭。

食物好味道，員工又細心，又有禮貌照顧唔同客人需要，見到員工好主動清潔，會幫助長者加添熱水👏👏👏👍👍👍👍是快餐店中的好質素推介，特別在銅鑼灣區這繁忙地方。

打工仔最常嘅食咩，快餐囉呀活咖哩冇得輸，又可以多飯又可以調辣度，又要黎講番句，快餐算係咁啦我要正常姐，快餐要快好緊要架，薯仔好夠淋，但仲保持個形狀，入口就似薯容，好好食呀咖哩汁係有小小椰香嘅，加上辣油刺激食慾牛腩好淋，肉味十足，配上咖哩真係胃口大開，當中亦有牛筋飯唔係好熱，仲有d一舊舊咁，冷飯來麻？好在個汁正

快餐店的鐵板餐, 明知它會是甚麼樣的出品，偶然亦會心癢癢的想去吃！今次直接推出有牛扒配葡國香腸，賣$52更要吃吃無妨！連汽水一杯及伴菜有大量蒜蓉煮過的椰菜，還有一鍚碗的「焗薯蓉？？」吧！此葡國腸與醃漬的那隻葡國腸是不同，樣子與普通香腸無異，吃著香香辣辣，根本要洗掉慣常吃葡菜所遇見的葡腸意念才能接受它來！到快餐店吃煎牛扒，就是吃那種充滿鬆肉粉，被鬆肉粉破壞的肉質。它就合格了！原來這鍚碗裝的不是焗薯蓉而是焗飯，粟米忌廉煙肉焗飯，醬汁只覆蓋在飯面，煙肉兩三片，飯質好乾。以上以快餐店的質素來說是非常正常了！

今日去咗大快活，點咗個名好長既臘腸香蝦爽肉煲仔飯。價錢$48。加埋杯熱奶茶$5。天口凍真係要食臘味飯暖下肚。個臘味飯好stickly。cha 燒幾塊，好乾身。算合格。配合香趣香生加榮華臘腸。足料。三個餸混合臘味飯，好食。天口凍就更易入口。但係得一條臘腸，就唔係好夠食。杯熱奶茶好飲。

今日要去銅鑼灣見客，lunch都唔得閒食，唯又去食個茶餐，我就去左“大快活”今日我就叫左個西多士配紅豆冰，西多士剛炸起，炸到金黄色，表皮好脆，裡面麵包則好鬆軟;紅豆冰，紅豆好大粒，褒到好爛，好入味，但冰塊太多，花奶味完全溝淡，無晒味，變左红豆水，差，有待改良

個滑蛋炒得都幾好食！炒得都幾夠滑幾有蛋香，但系我覺得成嗰餐比較多油。一塊多士整得唔夠平時茶餐廳好。快多士令我知道呢間一定系快餐店。但系我覺得佢地都係有心嘅，派食物嘅職員都會用一個膠口罩，令到佢地講野或者唔小心嘅時候都唔會有口水滴落食物度。抵贊。跟餐嘅通心粉又系失敗之作，通心粉太林，成塊火腿上，而唔系火腿絲。

周末在開心就可以瞓到自然醒，今日瞓到一點幾起身，仲未諗到食咩早餐，就先去圖書館還左書先。。。還完已經三點幾啦，開始有啲肚餓。但係今晚七點就同朋友食飯，係距離四個鐘後要食晚飯嘅時候，咩都唔食就應該挨唔到七點，最後決定擇一間有下午茶嘅地方。去到附近銅鑼灣嘅大快活，由於太熱，就費時周圍行，直接入左去睇下佢有咩下午茶啱食。大快活嘅下午茶真係好多選擇，由西多士，熱狗，湯麵同叉燒飯都有。。。越睇就越肚餓最後係佢個雞髀上海麵同迷你叉燒飯之間決定不下。由於全日未食過飯，所以最後都係選擇左個迷你叉燒飯＄26，凍飲加3蚊。叉燒飯真幾迷你，好彩叉燒都算多塊，睇上去都唔錯。食落去個叉燒就比較乾，冇乜脂肪嘅位置，可以話係健康，但係又覺得未滑。叉燒始終都係半肥瘦會好食啲。個飯份量如果係下午茶來講都算足夠，汁就夠用。可能係我全日咩都冇食，原本係因為唔想食得太飽叫呢個迷你叉燒飯，結果食完又好似爭啲爭啲呢種感覺真係非常矛盾。凍奶茶我叫左佢少冰少糖，幾點飲。係夏天來講飲杯凍野真係非常之爽！如果個叉燒可以在肥多少少就好啦！

很久沒有到來的大快活，今日舊地重遊，感覺沒變!一個人的早餐 :雞扒湯米+熱阿華田，雞扒夠味又夠滑，湯底可以，但不太熱身，米粉略為有點鞋口，熱阿華田是我每日一定要飲的環節，所以它怎樣都是最美味的。

一早要上班，經過在吃早餐。魚柳是最不錯，剛炸好，入面是多汁的，又不太乾。蛋要了反蛋，可惜太熟了，中間成為實體，又沒蛋味。麵包是普通啦，沒有味道，只有乾乾的。價格比台的早餐店貴，但是在港來說，是平吧