大快活

做了大快活會員在報稱的生日月份就可獲特價生日餐優惠, 我就選了下午茶餐,以$9.9就可享用特定茶餐,以往茶餐可選炸雞肶配熱飲的,但是次優惠券並無列出此選項,幸好收銀靚女確認我可選。$9.9就可嘆炸雞肶配熱啡,真的時光物價倒流30年以上才可做得到, 多謝大快活！…查看更多

每次外賣，要求多汁的話都唔會俾你，今次仲誇張，扣減醬汁!呢間服務正常可以接受，但出品係点各位都心知肚明，味道正常，但醬汁永遠唔會俾多你，如果原因是因為要控制成本，咁攪法d客都會去少d啦!…查看更多

好耐無食大快活，今日收工行去淰住買個飯，見佢出左新野-白咖喱豬扒，就想試下。叫左白咖喱豬扒鴛鴦米，即係米粉加粉絲。返到屋企，一打開個盒，呆左。有無搞錯，46蚊一個餐，d豬扒，肉碎咁，咩事啊。仲要一攞起睇，薄過紙皮啊，炸粉仲厚過d肉，咩玩法啊。咁少咁薄嘅肉，真係難為炸嘅果個員工啦，咁考功夫，真係犀利啦。個飯應該叫做白咖喱豬肉碎喔，咁先貼切嘛。而且份量少到咁，應該正常人都唔會夠食嘅。味道就一般啦，好淡味。…查看更多

平時早餐都會過嚟叫過脆炸魚柳加太陽蛋加多士再加多杯熱阿華田，味道正常，魚柳炸得外脆內軟，多士更加可以轉為蘿蔔糕，不過平時早上去食，人會比較多，較難搵位！建議下次可以早少少過去等位！…查看更多

迷你煎蛋餐肉泡麵，都唔算迷你，算正常， 佢個面質唔錯，如果同而家嘅福麵比，佢好十倍！ 唯一唔得嘅佢隻煎蛋， 試過揀荷包蛋，又試過揀太陽蛋，好多次都係全熟曬嘅荷包蛋。 荷包蛋係兩邊都煎曬，太陽蛋淨係煎一面， 兩款蛋個黄都唔會全熟。唔好同我講因為外賣搞到全熟，我試過一兩次外賣係個黃仲生歐歐嘅。西多冇花生醬(我嘅口味 )，要好睇運氣，如果少人叫嘅時候，係室溫同硬嘅。蜜糖燒雞髀，一年前係真係有蜜糖嘅， 但係而家啲雞髀就越嚟越冇蜜糖味。.迷你熱狗其實幾好味，條腸係脆皮。…查看更多