影片
以上資料只供參考, 請與餐廳確認詳情
食家推介
呢日朋友病咗，我哋就揾咗間粥鋪食，順便清下腸胃。最先上係叉燒腸，腸粉皮算滑，意外地叉燒份量好足，叉燒偏乾但唔會太柴。朋友叫咗狀元及第粥加魚腩，粥底夠綿而且好足料，豬潤大大塊得黎好嫩滑，豬肉同粉腸都煮得啱啱好。魚腩尚算完整，唔會好肥但都有魚味。冬菇仿鮑片滑雞粥就我叫嘅，本身單純見差兩蚊就試埋個仿鮑片，點知一試之下驚為天人，未食過可以咁好食嘅仿鮑片ＱＱＱＱ 大大片好滑又好濃味，合埋眼食你話係鮑魚我真係信，我下次食咩粥都一定要加呢個仿鮑片。雞件上枱時比較生，但因為係生滾粥所以都合理，沈落粥底一陣再食就好啲。幾嫩滑同埋都多肉，唔會骨caam caam。炒米粉睇落比較清淡，炒得乾身，調味其實夠的，味道比佢個賣相好，如果加返少少老抽，增加啲色水應該會靚仔啲XD口痕順便叫埋白糖糕，好食喎唔會酸，鬆軟煙韌唔會過甜，點估到粥鋪都可以食完正餐再補個甜品XD 開開心心又一餐~
繼續閱讀
這家連鎖的大師傅粥品，無論是粥品還是油器都相當的有水準！如果想清淡一點，來這裡就對了！店員服務親切！餐廳環境亦很整潔，座位闊落舒適～✨黃沙豬膶粥豬膶質地爽口又帶點起沙！份量十足，而且每一片都是大大片的！粥亦充分地吸收了豬膶的鮮味～✨菜乾粥菜乾為綿密的粥增添了口感，還吃到豬骨的鮮甜味呢～✨韭皇鮮蝦腸腸粉口感嫩滑，內裡的鮮蝦仁爽口彈牙，淋上甜醬油，風味極佳～✨蔥花炸兩腸外層腸粉嫩滑，中間的油條保持口感酥脆，加入了蔥花提升整體的香味，味道很出色～✨豆漿入口順滑，豆味香濃～下次想得清淡一點的時候，絕對會再來～
繼續閱讀
呢間連鎖粥店【大師傅】，人流唔算多，坐得幾舒服，仲可以望到公園景，幾寫意🌿。 🌟必試推薦⭐狀元及第粥豬雜控必點！一碗有齊豬潤、豬粉腸、豬肝、豬腰同豬肉丸，份量十足，粥底綿滑，夠傳統👍🏻⭐蝦米炸兩腸炸腸裡面香脆，加咗蝦米同蔥花，口感更豐富，點少少甜醬更加惹味！ ⭐九皇鮮蝦腸腸粉皮薄滑溜，入面包住爽口大蝦，蝦肉新鮮彈牙，性價比高！ 其他食品⭐煎堆-外脆內煙韌，傳統風味 ⭐白糖糕-微甜軟糯，懷舊之選 ⭐凍豆漿-枝裝設計，豆味香濃食物質素穩定，價錢合理，早餐或輕食都係唔錯選擇。特別推薦及第粥同炸腸，夠傳統又足料！
繼續閱讀
😛呢餐點心組合真係好正，齊齊地帶埋港式情懷！我平時最鍾意飲返包濃香滑身嘅豆漿，襯炸兩腸一齊食，個油炸鬼外脆內軟，配住腸粉冇得輸。叉燒腸鮮甜帶少少蜜味，餡料厚實，唔會覺得得個皮冇餡。九皇鮮蝦腸就啲蝦彈牙，爽口又爽甜，必食嗰種！食任何𥟡，我都會落堂係糖，呢隻綠豆非常好多，糯米煙靭，又平又好食，牛利蘇係咬落軟熟腍身，淡淡牛香又唔會難嚼，真係點心入邊嘅低調代表。😍講到生滾鮮牛粥，溫溫地飲一啖舒服晒，牛肉超滑，粥底浓郁，好有媽媽味道，配埋半隻鹹蛋就完美！成餐溫暖滿足感爆棚，集合晒港式點心嘅經典，平日嗌定朋友聚會都啱晒，無論咩年齡都啱食，真係推介大家試下！
繼續閱讀
出街食又唔想食得咁油膩今次決定揀呢間粥店。豬紅粥上浮著翠綠生菜絲，一匙舀下，軟嫩微彈的豬紅與爽脆生菜在口中交疊，粥底溫潤順滑，毫無腥氣，樸素卻踏實。另一碗皮蛋瘦肉粥更是精彩，皮蛋凝脂般柔滑，中心流沙般的溏心化開鹹香，醃得入味的肉絲鹹鮮點睛，稠度恰好，暖意直透心脾。金黃牛脷酥裏著細密糖粉，入口酥脆微甜，糖粒在齒間沙沙作響。油條炸得蓬鬆空心，單吃酥脆帶韌勁，浸入粥中吸飽湯汁，瞬間綿軟，又是另一番風情。
繼續閱讀
您可能會有興趣的...