大師傅粥品 (金馬倫道)

營業中

休息中

It is not easy to find a congee restaurant nowadays. Luckily, I have a good one nearby!!!The congee with thousand year old egg and salted meat is nice. A lot of ingredients!!! The texture of congee is nice!!!The rice roll with crispy roll inside is a surprise to me. The crispy roll is still crispy. So nice that I can add sesame, different paste like peanut butter by myself!!!

態度好一般，個粥名叫「生菜粟米瘦肉粥」，咁我叫「唔該一碗粟米瘦肉粥」，個女店員問番我，咁你要唔要生菜呀？我答話要，「唔該生菜粟米瘦肉粥」，一字不敢漏。結果張單明明寫住「粟瘦粥」，我同朋友都睇完再睇，但成碗粥係一條肉絲都無，底面都翻一遍係完全無肉的！我癈事俾人加料唯有當減肥食齋算了...坦白講，佢價錢唔貴，年初三都無加一二三之類，想清清地食碗粥啫，不過無咩事唔想無啦啦受氣，無啦啦多咗嘢或少咗野嘅話唔好入嚟食，唔該晒，完。閣下如時間充裕，可以考慮吓通知海關，貨不對辦。

花生醬味苦、粥無味，限制客人使用豉油，問店員取就醃醃尖尖冇好面色炸兩又凍又軟，完全唔脆，仲要幾嚿癡埋一齊冇斬斷，難以入口店員動作粗魯倒瀉粥食物質素與門口照騙有很大落差

話說星期四晚同女友睇完話劇，諗住天氣凍凍地入去食粥暖吓，點知未食已經一肚火，11點左右到門口，見啲人塞喺度叫外賣，但明明入面係有位未執好，唔緊要，入去搵左張長枱對坐，我哋兩分鐘諗好食乜嗌，個男工話執枱先，叫我哋等，3分鐘之後，我哋舉示意手嗌唔該，男既叫我哋等多陣；3分鐘之後，我哋繼續舉手示意嗌唔該，男既再叫我哋等多陣；3分鐘之後，我哋繼續舉手示意嗌唔該，女既好似話嚟緊，但又做自己嘢，男既都做自己嘢直頭無視，再3分鐘之後....我哋真係㷫過火屎!見個女工幫個最遲入來對面枱，戴金鏈既男仕先落單，再幫尾二來坐我哋隔既中年男落單，之後應該/有可能到我哋落單？最後我不等了，拉埋女友離開，要嘥12分鐘以上乾等已經飽了...唔知呢度係咪專登filter年青人？定係覺得咁好好玩？咁既垃圾服務態度，有幾好食都無用!

今日想食清D唔想食飯 去左搵粥鋪 不過尖沙咀粥鋪選擇唔多有生滾粥概就更加小,好在呢間大師傅粥品有生滾粥,而且位置亦方便係金馬倫道環境粥鋪黎講都算OK,唔會成堆人迫埋係一張台,一人都有一張台仔入到去點左個窩蛋牛肉生滾粥,又覺得可能唔夠飽就點多個蝦米炸兩窩蛋牛肉生滾粥$43粥底夠綿,始終生滾粥係好食過即熟粥,牛肉都夠滑蝦米炸兩$23炸兩夠脆 蝦米略少,下次會叫返普通炸兩總括黎講係尖沙咀想食生滾粥值得推薦,位置方便環境OK!附上餐牌參考大師傅粥品地址 :尖沙咀金馬倫道15號地下B號舖電話號碼:34831628營業時間:星期一至日06:30 - 02:00

今日早餐突然好想食中式，剛好公司附近有一間賣粥粉麵，就外賣返工慢慢嘆牛脷酥 $10外表炸得剛剛好夠鬆脆，拎上手唔會太過油淋淋，裡面有嚼口、靭性，簡單麵粉香帶點甜。稍可挑剔就係撕開中間有一少位置未炸透有少少濕。齋腸粉 $13有米香，皮夠薄，咬落層層分明，唔會一Pat 野黏埋一齊。豉油王炒麵 $16$16大大盒到滿瀉炒麵，麵炒得夠乾身亦夠鬆身，條條分明色澤炒得均勻。只係味道較淡，豉油味不足。炸両 $20油條即炸脆卜卜，但腸粉皮稍厚左啲未算晶凝透薄

放假，要陪朋友食得清清地戎吓口，所以便選了這間粥品，因為見佢開左好耐，仲翻新了，乾乾淨淨，便試下😙小店來說，都是幾好服務。我哋叫了滑牛生滾粥+肉片生滾粥+炸兩+叉燒腸+油炸鬼😋粥是好味，但我覺得淡，都加了鹽，對我戎口的朋友是很適合。到腸粉類，是意想不到的好味🤩炸兩中的油炸鬼，還是脆的，而且皮都好薄👍叉燒腸沒有芫荽，完全喜歡，哈哈😊將油炸鬼浸入粥中，又是美味的配搭😙埋單每人$60，以在尖沙咀來說，是很合理，不錯啦！而且又不難找到，地點都方便，真心推薦，可以再光顧！

本來被約了吃早餐結果變了自己吃看來早起床對香港本地人來說是一件很艱難的事特別在放假的時候好吧在家等待時自己先吃了點東西結果變成兩頭唔到岸..又怕午巿忙一半開始想吃（給自己想出一堆借口來吃早餐）吃粥還是吃什麼好呢最後點點在下有點想念的齋腸粉 $13上枱只有Soy sauce 甜醬辣醬麻醬芝麻請因應自己口味添加雖然沒有滑溜溜的（大概最原始的味道早已失傳？）不過在下來看已經是合格至少沒有讓在下不喜歡然後一碟炒麵 $16這就好像少了點芽菜和蔥味道沒有很濃很適合愛吃清淡的客人不過因為炒麵的比列更多讓整體而言有點乾硬感所以讓在下多加了一碟白灼生菜 $28沒想到是這般大的一碟通常都只是一半的份量吧讓在下突然有點吃不消的感覺呃..不愛浪費的在下最後還是慢慢把全部吃光光這是美德 😏沒想到整餐也用了半小時多讓時間有點趕快快埋單上班去..

大師傅粥品我已經食過好幾次，次次都好足料又大份覺得好抵食今次叫嘅係肉丸粥加生菜同埋炸兩蝦米腸粉。個粥入邊嘅肉丸都好多，味道亦好夠至於咱倆腸粉一盒入邊都有好多，價錢亦都唔貴，絕對抵食之選！

由番左ICC 之後好耐都無幫襯過原因係好多時都自己帶飯2黎要由ICC 行去買好遠ICC吾多平民的選擇今日決定行去買番碗一碗的份量已經足夠不用多加腸粉之類的艇仔粥魷魚、豬皮、碎肉好多材料仲要由尖沙咀行到番公司冬天都仲可以熱乎乎

只係閒日嘅食晏時間就已經爆到七彩，果然平價就係皇道炸兩腸 $20腸粉本身好滑好充足米味，中間嘅油炸鬼雖然一般都話要用隔夜，不過我覺得新鮮油炸鬼整出黎會更有層次口感，唔係不斷地淋淋淋，呢份就係淋同淋不過自己加醬係重點，想要多麻醬多芝麻都可以自己搞掂鹹肉粽 $19紮得夠實，烚又唔會過火，成隻粽都係好紮實好好味，質高菜乾豬骨粥 $26菜乾多，豬骨一件，粥底超綿，不過感覺似喺粥底加上菜乾同豬骨，因為唔覺粥底有太多菜乾味，而且我個人唔太鍾意咁綿

嚟到尖沙咀突然間心血來潮想食返碗黃沙豬膶粥暖暖胃，見到呢間叫大師傅諗住啲粥一定好好味喇！點知碗黃沙豬膶粥嚟到真係嚇一跳！🤯啲豬潤竟然係瘀黑色😨見到個賣相已經唔多開胃抱住「唔緊要！賣相唔靚可能味道好呢」嘅心態繼續食，一咬落去個豬潤到，喂大佬！超鞋同埋個感覺膠膠地仲要冇味㗎喎！唔知佢哋搵啲咩加工過，即刻不停諗到底我食緊啲乜嘢😖真係從來都未食過黃沙豬膶！唔好講話黃沙，直情連普通豬膶來講都煮得好難食，唔講真係好難相信食緊嘅係豬膶囉！總結呢間粥店真係可一不可再！😔

喺尼間粥店嗌咗幾次外賣, 次次都發現碗雞粥有偷工減料嘅情況出現, 一次嗌鮑片北菇雞粥冇菇, 一次嗌鮑片北菇雞粥再追加冬菇結果得三舊冬菇喺入面, 今次嗌咗鮑片北菇雞粥追加咗蠔豉, 走前同位年輕男店員反映上次有畀漏料嘅情況出現, 問佢有冇畀齊蠔豉冬菇, 跟住佢好肯定咁點頭答有畀呀, 結果都係唔齊料, 一塊鮑片喺入面都摷唔到, 對尼間嘢真心好失望, 唔明點解幾舊冬菇幾塊鮑片都吝嗇, 做生意連尼啲都慳不如唔好喺尖沙咀開舖結論: 建議做生意老實少少🙏

近排喺尖沙咀混, 很多時都係尖沙咀搵食, 大師傅粥品位於尖沙咀金馬倫道, 前後左右都係shopping黃金地帶, 雖則而家有好多吉鋪, 但人流亦不少, 每次嚟食粥, 呢間粥品店客人都算多, 今日係第二次嚟食, 上個星期嚟食生滾魚腩粥及油炸鬼,  今日再接再厲, 嚟食艇仔粥。生滾魚腩粥($42)及油炸鬼($10)**生滾粥非常美味, 魚腩及粥完全唔腥, 足見魚腩很新鮮, 粥底也煲得鮮甜綿滑, 加埋肥美嘅魚腩, 好味又飽肚。**油炸鬼還暖暖的, 非常脆口, 裏面又煙煙韌韌, 仲要很乾身, 完全無油淋淋既感覺, 真係好耐冇食了, 下星期會再來食其他粥品及試埋佢哋嘅肥大肉厚牛脷酥艇仔粥 ($26)尖沙咀遊客區, 一碗咁足料嘅艇仔粥仔賣$26, 真係成本價或良心價, 粥底同樣綿滑, 裏面有牛肉撈炸粉絲、豬皮絲、 魷魚絲及花生等配料, 材料很豐富。$26也絕不欺場值得不斷捧場的一間粥品店, 大家繼續齊齊努力振興香港飲食業。

今日向尖沙咀突然想食粥，行下行下見到金馬倫道有1間粥店，店面望落去幾乾淨企理，油器係放向門口的油器櫃內。睇餐牌，有好多粥品，仲有生滾粥，炒麵炒米粉腸粉都有，另外仲有素食嘅粥👉🏻粟米粥👍🏻我揀咗艇仔粥+炒米粉，好快就有得食。艇仔粥好多料，有水魷丶碎牛丶花生⋯花生有少少淋左，粥底好綿，粥好夠熱丶有米香，一碗都好大份，因為粥好傑身，所以其實都幾飽肚。我呢有落少少楜椒粉，佢哋嘅楜椒粉係香和辣，似係越南楜椒粉果種，正！炒米粉就比較失色，冇乜菜絲⋯好斎米粉咁，冇乜味，真係要靠落醬撈嚟食。店員都好有禮貌丶上菜都好快。