大山日本料理

營業中

休息中

今日放假，就去左旺角行街街，5點零鐘就肚餓，想食過早飯，就行過呢間不太起眼，但位處於旺角既角落，平時人流勁多既大山（居食屋）日本料理，位置係家樂坊同兆萬對面角落既樓上舖。7點15分前落單就有85折（只限正價）所以就上去一試，而且佢有每日不同既晚市大割引，而堂食滿100元，還可以加68元換取十切三文魚刺身。咁最後我哋叫咗一個大阪燒，一個海鮮沙律，一個鐵板薄切牛舌散叫咗幾件壽司，一個火焰三色卷同埋劍魚腩刺身同活赤背刺身。海鮮沙律個份量都幾大而且入面有好多角切刺身，之後就嚟咗鐵板薄切牛舌味道同口感都不錯，也不太鹹大阪燒也不錯，上台還熱辣辣配料充足，所以叫咗幾個壽司火炙吞拿魚壽司，火炙黑松露帶子壽司，油甘魚壽司同埋花之戀壽司，材料都很新鮮。之後就到火焰三色卷比較特別佢嘅三色提子有帶子三文魚同吞拿魚呢三種，三種都不同口感價錢都合理最後到劍魚腩刺身同埋赤背刺身赤背非常之新鮮，口感非常之好，整體非常之不錯，係旺市之中而價格都不算太貴，二食物質素有返咁上下，值得推薦

除左旺角兆萬商場嘅樓上食肆，原來它對面商場有幾間樓上鋪，今次抬頭見呢間大大招牌嘅大山日本料理就試吓佢先，走上電梯2樓呢到鋪面好闊落，仲近窗邊間開左幾個卡位可以睇哂成條西洋菜街，靜靜地又坐得舒服😆今次叫左最想食嘅😋😋1） 極上北海道帶子丼飯 $128 （有厚肉帶子、三文魚、三文魚子、甜蝦、玉子）食材新鮮豐富😍，連埋足料味噌湯，好鮮美😉2）壽司叫左海膽軍艦$44滿滿嘅鮮味海膽🍱+醬油七味燒左口魚邊壽司$36 油脂好香好豐富😋3）吉列日本生蠔🦪$58 即炸生蠔正👍🏻4）明太子雞翼$48 呢餡料釀得好飽滿好滿足呢😆

Lunch同同事兩個人去了食日本菜，去左旺角大山餐廳佈置頗和風：睇下餐牌有咩食先😎中午都係食番個飯先有氣力做野😅用手機落單😄😄落完單，有個Summary😉前菜 - 海鮮刺身沙律🥗沙律醬另上，上咗我哋就自己撈沙律醬，刺身都是好鮮甜卷物 - 加州卷加州卷上面嘅蟹子好多、分佈平均、大粒，實淨，壽司飯實淨，質感滿滿，無散開，一啖食哂，塞滿個嘴🙈🙈小食 - 和風炸雞和風炸雞份量一啲都唔小，即炸即上，新鮮熱辣辣，好好食，今餐最正呢個，我同事都讚不絕口。主食 - 蒲燒鰻魚飯 蒲燒鰻魚飯上黎既時候好香、鰻魚有四件在飯面，好食到想食多兩件，成個飯有配麵豉湯、沙律、抹茶甜品。最後我們食了$332，人均$166，好飽好滿足，下午又繼續工作去🤣🤣

朋友推介去吃日本料理，話價錢公道好抵食，於是去了旺角西洋菜南街2W-2X號2樓 ~大山日本料理，港鐵油麻地站A2出口，步行約3至4分鐘，交通非常方便。店內走日本風路線，居酒屋為裝飾格調，落地玻璃採光自然，座位很寬敞舒適，環境清潔整齊。店員禮貌招待，推介多款由日本直銷海產料理，還有是日割價、特價壽司和炸物，款式多元化供客人選擇配搭。牛油果軟殼蟹卷$78每份6件，賣相極佳，外層是薄片牛油果，佈滿著蟹子粒，日本珍珠飯卷著炸脆軟殼蟹和青瓜條，脆口又爽口，還有間花的日式沙律醬，非常惹味。和風炸雞$58和風雞份量十足，雞件炸至外脆內軟，肉嫩多汁，面層佈滿日式燒汁、沙律醬和蔥花，碟底放入很多新鮮脆口甜生菜，令炸雞不會覺得油膩，味道極佳。牛肉壽喜鍋$58牛肉壽喜鍋的材料很多，牛肉的質感很好，肉嫩淋滑油脂均勻，鍋內有金菇、冬菇、黑木耳、豆腐、芋絲、娃娃菜、鮮蛋一隻等，壽喜湯底也很香濃，就這價錢非常抵食。蕎麥冷麵配胡麻醬$58蕎麥麵冷度剛好，麵條彈牙爽口，配上胡麻醬，惹味又滋味，足夠兩人份量。

係旺角近登打士街咁熱鬧嘅地方，竟然有間食日本嘢嘅樓上鋪同樓下熱鬧嘅氣氛截然不同餐廳嘅價錢都比較相宜仲有啲早鳥優惠，同埋唔同嘅折扣海鮮沙律份量十足，入邊配有多種嘅角切魚生加埋日式嘅沙律醬，相當開胃鐵板薄切牛舌口感唔錯，配搭埋煎香嘅蒜片配埋白飯就一流大阪燒上菜嘅時候熱辣辣，加上滿滿嘅沙律醬同埋燒汁入邊仲食都有粒粒嘅章魚我地再散叫左幾件壽司，有火炙吞拿魚壽司，火炙黑松露帶子壽司，油甘魚壽司同花之戀壽司手握壽司味道唔錯，尤其係啲火炙嘅系列，加埋油脂嘅加持，令到成件壽司嘅口感增加不少火焰三色卷係我覺得最出色嘅，入面有帶子，三文魚同呑拿魚加咗沙律醬，同埋帶甜味嘅醬汁，入口嘅味道已經非常豐富燒後加埋嘅油脂，令到整件壽司嘅口感層次增加劍魚腩刺身同埋活赤背刺身都相當新鮮價錢亦都相當平民

今日同friend試左呢間日式和風餐廳，抵食得離都幾高質牛肉壽喜鍋呢款牛肉壽喜鍋份量勁多，無麵底所以應該有大約7成都係牛上枱時係半熟狀態，自己中意食幾熟就煮幾耐～每片牛脂肪比例都岩岩好，其他配料都豐富有蛋、金菇、豆腐、菜etc鐵板牛油帶子呢個價錢有5粒大帶子真係好似人地啲鐵板牛咁啲汁仲係滋滋聲，煎到表面有金黃色，口感軟熟，而且牛油勁入味天婦羅烏冬天婦羅拉麵轉左烏冬，天婦羅同樣係炸到金黃色好脆口，都多種類有2隻蝦、茄子、南瓜同菇，而烏冬就係手打質地唔係食落粉個隻，仲有隻流心蛋😋和風炸雞呢間餐廳啲野食份量都偏多，估計呢碟有6-7大大舊嘅炸雞，食得出係即叫即炸，雞食落唔會話好厚粉，好似落左啲自家製嘅汁，同沙律醬夾埋鹹鹹甜甜咁好惹味

嚟親旺角一定有好嘢食！今日放工想靜靜地同同事傾吓偈，就俾我搵到呢間。😄📍大山日本料理佢位於兆萬中心對面嘅樓上餐廳，搭𨋢㩒3字就到。🔻一入到去個環境好清靜，上方掛滿哂七彩花燈，側邊又有木牌同清酒，係久違嘅和式居酒屋🤩🔻1. 極上北海道帶子丼（$128）啲魚生色澤均勻光亮、好新鮮。三文魚有油脂感。帶子肥美有咬口，亦係我最欣賞嘅。🥰甜蝦鮮甜，啜到近蝦頭都唔覺得有腥味。🔻2. 麵豉湯佢唔係得豆腐嗰啲！仲有蘿蔔、紅蘿蔔，飲落仲唔係一般現成😃🔻3. 炸雞軟骨粒（$48）粒粒都炸到金黃色，食落香口，又唔覺得好油膩，真係抵食之選。🔻4. 黑松露薯條（$38）我呢個唔食薯條唔安落嘅人，都忍唔到喺呢度嗌薯條🤤佢用嘅唔係黑松露粉，而係黑松露醬，個人覺得同蛋黃醬mix比例唔錯，但份量唔算太大份。咁有日本風味又咁好坐，簡直係旺角嘅綠洲！

第一次去呢間日本餐廳食，容易book位，同埋見到價錢相宜就去試吓🤣食物種類多、味道一般正常、環境衛生良好、係一間不過不失的日本餐廳，不要期望太過高質，但絕對食得過😋

呢間日本居酒屋係朋友介紹，2樓大大個招牌好搶眼，但地面嘅入口我搵咗一陣先搵到。上到去發現餐廳面積都幾大，最鍾意佢窗口邊有一大排卡位，望住成條西洋菜街，啱晒同朋友嚟慢慢食住傾下計刺身拼盤（松）($249)首先我地先點左個刺身拼盤，呢個松嘅組合有赤蝦、三文魚腩、吞拿魚、油甘魚同海膽。以咁嘅價錢仲可以有半板海膽簡單係物超所值！而且海膽嘅質素非常不錯，味道鮮甜唔會有腥味。其他刺身亦都新鮮，尤其三文魚腩厚切油香味十足！牛油果軟殼蟹卷 ($78)壽司方面就揀左牛油果軟殼蟹卷，軟殼蟹整得相當鬆脆，而且食到蟹肉唔會淨係得炸粉，係真材實料免治雞肉棒 ($29/一串)仲有我最愛嘅免治雞肉棒，食到細細粒嘅脆軟骨味道幾好呢度係入Sapporo啤酒，本身冇打算飲酒，但實在忍唔住都叫左杯300ml嘅嚟飲🤭

無專登上openrice搵食，行行下望到呢間，就試試新野，其實都無咩特別期望上到2樓，以為無乜人，原來都差唔多座滿餐廳環境都幾有氣氛，掛滿日本裝飾安排入座之後，用手機點餐，最方便點咗刺生，壽司，雞泡魚乾，牛舌，雞肉捧三文魚刺生係加$68， 唔算厚大，還好，不過盛器微暖，加快冰塊溶化，要盡快食雞泡魚乾比較燶其餘係唔錯因為事前無期望，估唔到佢啲食物質素都唔錯喎不過位與位之間有點逼，而且枱比較小，點多幾樣已放不下

午餐突然想食日本嘢，見佢呢間有Lunch Set 就決定食佢，要搭升降機先上到餐廳。先講環境，因為環境無乜特別，無乜嘢好欣賞，服務都係無乜特別好講，「好港式嘅服務」試左佢火炙三色飯 $78，有左口魚，北海道帶子同三文魚，雖然帶唔出炙燒嘅香，但整體味道係唔錯嘅，該有嘅鮮甜都有，特別欣賞佢嘅醬油係有調製過，唔係平時嘅壽司鼓油。套餐包左味增湯，唔洗擔心過咸，但佢沙律實在太多沙律醬，除此之外仲有一件細細件唔會太甜嘅抹茶甜品。以佢呢個價錢，我覺得有呢個質素都Okay！

最近政府終於放寬0+3 即刻book左番香港人嘅家鄉日本北海道旅行🤭🤭🤭不過仲有幾個月先去 所以都係要食日本野止下癮😛求其係OpenRice book jor公司附近嘅日本野 好似係新開(?)一入去望到裝修幾有心思 啲燈籠幾有日本夏日祭典嘅feel 🎇門口啲卡位再好氣氛啲不過可惜店員安排左我哋坐入面 Menu 眼花撩亂勁多野揀 本身以為佢得壽司刺身同串燒點知仲有埋壽喜燒同石板燒不過同fd兩個人試唔到咁多野😝首先上咗個牛油果軟殼蟹卷 牛油果同軟殼蟹都足料🙌沙律醬岩岩好 唔會好似有啲舖頭落太多另外嗌左一串豚肉串燒 即叫即燒 熱辣辣 半肥瘦 唔會燒得過乾😋串燒值得下次黎再試多啲跟住係我最期待嘅刺身拼盤😋😋有兩隻赤蝦、三塊油甘魚腩、三塊吞拿魚、三塊三文魚腩同半板海膽啲刺身望落全部都厚切大件 睇落唔錯~食落新鮮唔失望 海膽雖然唔多但水準之上😚最後食埋壽司埋尾嗌左炙燒黑松露帶子壽司🍣呢個好好食好match 燒得岩岩好😍😍另外仲有大拖羅壽司~ 一樣厚切唔吝嗇 不過都係有啲筋 Overall黎講值得下次再嚟試下🙌

行街行到攰，旺角有一間樓上嘅日本料理，聽朋友講係抵食又高級嘅，上去試一試。 原條鰻魚壽司，條鰻魚好長呀，呢間店畀的鰻魚毫不吝嗇，好長好大條，加上啲汁醬，食鰻魚壽司，真係無得頂。 火炙黑豚肉拉麵，拉麵好滑，黑豚肉好香，加上用火炙煮食，更加美味。 鰻魚卷，用鰻魚做手卷，鰻魚好香、好好味。明太子雞翼，朋友話來到這店必食嘅菜式，雞翼裏面加上明太子，明太子嘅香味把雞翼嘅鮮味帶出來，真係好、香好脆㗎。黑松露三文魚沙律，食咗咁多壽司，真是想吃個沙律，黑松露三文魚沙律真是不錯的選擇，黑松露嘅濃味，帶出三文魚嘅鮮味，加埋啲沙律菜，真的不錯，一個好清新嘅感覺，真係一個好嘅配搭。

餐廳位置喺西洋菜南街尾段，近以前家樂坊嗰頭。6點幾呢個時間早左啲，不過行過見到有間日本餐廳就沖左上嚟試下幾好喎～安排左個卡位，私隱度高，而且幾寬躺，坐得好舒服。最正係有個午市之選，價錢一啲都唔貴， $60 ，有主食、有小食、又有壽司，加$8仲可以有埋嘢飲添刺身定食都有喎，全部都唔過$100 ，幾抵食另外仲有壽司餐，食唔到當飯或者烏冬麵食嘅朋友，可以有呢個選擇，價錢經濟實惠。魚生當飯都係$58至$78 ，睇相見佢有沙律、前菜、麵豉湯，咩都齊晒想食熱食嘅朋友，有鍋燒、肉類….今日小試牛刀，膽粗粗咁直接叫個刺身拼盤。一望就知三文魚腩夠大件啦，3款嘅刺身魚都ok，海膽還好啦，配紫菜食就可以。牛油燒帶子，隻隻都好大件，抵食，加埋牛油香👍🏻

呢間餐廳位於西洋菜南街，距離附近地鐵站只有大概5分鐘路程，相當方便。好耐嘅裝飾花咗唔少心思，天花掛咗好多唔同顏色嘅燈籠，成間餐廳都以木為裝飾，仲有好多鯉魚嘅標誌，令到成間舖頭好有日本嘅感覺，好友去咗日本嘅感覺☺️第一碟叫咗海鮮沙律。海鮮嘅種類都唔少，有三文魚粒，吞拿魚粒，飛魚子，油甘魚粒，仲有兩隻蝦。蔬菜新鮮而且甘甜，仲會有配一個沙律醬，非常清新開胃☺️之後叫咗個照燒魷魚筒。份量非常足夠，而且魷魚燒得又唔會好老，好韌，相當有口感。由於面仲會諗想燒汁，識落非常可口。☺️呢啲係一個自家製照燒章魚小丸子。一碟有八粒章魚燒，店舖應該係模仿緊東京風嘅章魚燒，表皮係炸嘅，咬落好脆口，上面放滿左木魚塊同埋加上左頭後嘅醬汁，十分配合☺️打開一半嘅章魚燒入邊有一粒章魚，仲有唔同嘅配料，十分抵食☺️最後叫咗一碟雜錦天婦羅。呢啲天婦羅都有好多材料分別有三隻蝦，茄子塊，南瓜塊，番薯塊。點少少白蘿蔔蓉再點埋醬汁一齊放入口，十分美味☺️食完咁多嘢，飲番一杯清清嘅日本茶，消滯都唔錯☺️