大家樂 (嘉里中心)

想食得健康啲，可以去大家樂試下有營之選：椰菜花飯🥦👍🏻【🧡香煎三文魚椰菜花飯】（$66）三文魚皮煎得香脆，魚肉就係係十分熟嗰種熟法😂欣嘗佢但椰菜花飯🥦👍🏻有三色豆但冇青豆，改左估翠玉瓜，開心好多👍🏻嘉里中心依間大家樂都幾推薦係坐得幾舒服，環境又乾淨👍🏻…查看更多

大家樂Café de Coral乃知名「法國餐廳」 係香港人先明嘅爛 Gag但諗深一層其實大家樂都真係香港人嘅飯堂之一，由細食到大，原來不經不覺都開咗有 50 年了店外環境+等候時間今日黎到鰂魚涌嘉里中心分店 由於午飯時間關係 打公仔於店外大排長龍 (大部分都係樓上返工外賣的) 我在門外大約等了約15分鐘餐牌畢竟連鎖快餐店 簡潔而有色彩 選擇也很多店內環境: 4分 店內衛生: 3分店內環境: 此分店設有自然採光設計 店內環境非常光猛醒神 以快餐店來說算是十分有特色店內衛生: LUNCH時段客人太多 姐姐未必及時收晒所有托盤 所以衛生情況一般味道: 3分食物: 太極鴛鴦炒飯最近重新推出的高性價比餐一邊是蕃茄汁配雞肉 味道酸酸甜甜 十分開胃一邊是白汁配幾隻蝦 雪藏味較重 口感咬落而較差飲品: 奶茶奶味較多 茶味較少  抵食: 5分(滿分)原價$35包一杯熱飲(登記成會員後可享有幫襯3次平$5的價惠) 可以食得飽而且味道不過不失  同區附近的餐廳閒閒地一般要$50或以上 食完仲要趕你走做第2枱客 大家樂性價比無得輸啦! 中午平平地食一餐 收工先搵間好野再食過! …查看更多

落雨天氣又凍, 就決定留返係公司附近食午飯。平時食lunch都唔鐘意食太飽, 所以盡量都食粉面, 但今日又突然好想食燒味, 就問下收銀姐姐四寶飯可唔可以轉米粉, 原來係可以的, 另外再加錢配多個凍檸茶少甜少冰。 個四寶米賣相好吸引, 叫左佢米粉同燒味分開上。有隻豉油雞脾仔仲有隻雞翼, 叉燒偏瘦但都唔算太乾, 加埋紅腸同咸蛋岩岩好。另外拎埋蔥油就更有燒味既味道。杯檸茶都好飲, 四片檸檬唔太甜又真係有少冰, 成個餐唔洗五十蚊咁既質素都真係冇得輸。…查看更多

為了省錢，我真的無所不用其極啊，每天早餐我也會依附同事們的正價消費，以加$6的優惠多要一款食品，可供選擇的有：是日靚粥、火腿通粉、雪菜肉絲米粉、家鄉炒米粉、豉油王炒麵等。今早我就挑選貴價一點價值$8的銀針粉另外，只要網上登記成為大家家的會員，每次用八達通儲積分，就可以將積分當錢使，加上以支付寶付款，每次消費儲一個印花，每三個印花換$5現金券，三個優惠一起用，年中真的節省不少餐廳員工又友善，每天早上都會笑容滿面跟食客打招呼！服務又殷勤，經常主動協助找座位、拿食物等！令我每天早上充滿動力迎接工作上的挑戰！…查看更多

近排推仲嘅 "平靚正拉上補下" 之選，莫過於大家樂嘅雞扒 / 炸豬扒湯烏冬！點解？因為佢大大碗，熱辣辣，湯底入味唔膩又夠飽，連餐飲都係 $27 咋！ (有 COUPON 再減 $2) 手上有 COUPON，佢甫推出不日之間，我已經試晒兩款！首先講炸雞扒烏冬：大大塊的雞扒，醃得勁入味！味道好似台灣夜市果種，令人食完一啖好想快D食第二啖！雞扒濃香剛剛同湯烏冬一凹一凸，味道好夾！配料有椰菜，黑木耳，紅蘿蔔絲，仲有日式太陽魚肉片添！至於炸豬扒湯烏冬：又係大大碗，豬扒則是吉列款，炸漿厚薄適中，肉質彈牙，醃料方面猜雞扒咁重手！佢仲附有沙律醬俾你點黎食！配菜方面同雞扒一樣！WEEKDAY 多野做要 LATE LUNCH？不妨等 2:30 下午茶時段，喺燒味鴨瀨之外的另一飽肚選擇！…查看更多