大家樂 (海富中心)

位於金鐘的大家樂最近推出芝士牛肝菌汁焗牛肉飯，味道表現穩定。牛肉經醃製後焗至微焦，肉質尚算嫩滑。牛肝菌汁香氣不俗，芝士味濃但不過鹹，配合蘑菇片和蔬菜粒，令整體口感更豐富。飯粒吸汁力不錯，焗得微焦邊位略帶香脆，整體層次感尚可。環境：店舖整潔，座位安排合理。 價格：屬中價位，性價比不錯。 食物質素：牛肉與醬汁配搭自然，飯底吸汁力佳。 食物種類：焗飯系列選擇多，定期推出新口味。如果你喜歡菇菌香氣與芝士焗飯的組合，這款牛肝菌汁焗牛肉飯值得一試。…查看更多

今晚看馬戲，入場之前，要先食飽飽。見到冬瓜盅二人餐今期有優惠！在金鐘這個地段，真係好抵，所以在此晚餐。三餸二飯一湯二飲品很快到手！冬瓜半件，湯裡有肉粒，勝瓜粒，發水蝦仁，蟹柳。湯清甜。叉燒 鮮紅色集中於外圈，口感硬，中芯位無底味，欠缺一款醃料。梅菜蝦米蒸肉餅 免治豬肉，肉質纖維變短，長時間蒸煮，也保證滑滑容易咬，撈飯也一流。 因為蝦醬炒通菜偏鹹，所以沒有額外添加豉油。蝦醬通菜炒牛肉 為了健康，菜多多，無問題。鹹香蝦醬，配清淡的通菜很和諧。普洱茶 無糖無奶的普洱茶，更健康。食飽飽，看馬戲去了！…查看更多

今日晚餐 一於試試大家樂嘅即炒乾炒牛河 ，上枱時熱度足夠，賣相一般，因為感覺好多油又唔夠乾，配料方面牛肉芽菜韭黃同蔥份量正常，但致命傷係太油又鑊氣唔夠香，食唔到干炒牛河嘅精髓，失敗🤦🏻‍♀️快餐店食炒嘢真係唔好咁大期望， 最後食完碟底仲淨返好多油，外賣食剩啲油，真係攞返屋企炒多碟菜都夠。聽啲老㕑房師傅講，乾炒牛河要炒得乾身又有鑊氣，真係功夫絕對唔簡單。…查看更多

位於金鐘嘅大家樂 其實覺得大家樂除咗一個焗豬扒飯最出名之外其次就係佢下午茶呢個炸雞髀呀 由細細個已經開始食到大㗎喇 佢價錢唔貴呀三四十蚊就有呢個質素嘅炸雞髀而且係雞髀都唔算太細隻佢炸髀呢香脆之餘啦就醃得幾入味食到嗰種鹹香嘅炸雞髀味唔錯真係個皮又賺得夠鬆軟又脆夠香 咁仲話一個下午茶其實呢加埋呢個炒麵呢 令到成件事更加飽肚更加完滿食炸雞髀呀其實首選呢一定係配飲可樂不過今日就飲咗呢個凍奶茶 家樂嘅凍奶茶都唔錯嘅個味道適中唔會太甜我每次去大家樂食下午茶一定係食炸雞髀 我推薦大家有時間都可以去試下呢個大家樂嘅炸雞髀 唔錯㗎…查看更多

是日紅日嘅晚上，一行4人，選擇了放便嘅食肆。亦揀自己鍾意食嘅食物。看看餐牌，有輕型類、有健康類、有燒味類，有咖喱類，最近食過好食嘅吉列豬扒，於是今次揀咖喱吉列豬扒試下，比較下：🍚咖喱吉列豬扒飯好快可以取餐，不用等太耐已經有好感，可是個餐不是熱焫焫，咖喱汁稀，咖喱味少，偏凍；豬扒看似大塊，可惜炸份多，而且不是外脆內軟，肉質亦一般，失望。有時食得健康清淡，有時食得過癮豐富，有時食得瘋狂滿足，生活就係品嘗。…查看更多