大家樂 (葵涌廣場)

營業中

休息中

本來menu 有以下選擇(1)朱古力西多+drink HK$15(2)朱古力西多+雞翼+drink HK$16(3)朱古力西多+xx小食+ drink HK$16我order左(1). 點知拿餐時只有"三大粒"朱古力西多, 問過水吧阿姐及manager, 佢地都話"係咁架, 一份係得三粒". 但個"水牌"的圖片明明有好多粒的. 現在太唔抵食啦, 以後唔食呢個.

今日同fds放學見早早地,,頭先又早食lunch~就去左大家樂tea la~食左吉朱腸仔多士+熱阿華田$18+$2榨菜肉絲米~果醬多士+coke~哈,,我just食左碗米jar=]

晨早到銀行後走上樓上大家樂找早餐吃,看到這款很久沒吃的炒米粉配就選定了。排隊時看到店員拿著這個體積不小的盒子,心想份量也好像滿多....回公司打開盒蓋,原來鬆鬆的八分滿,唯有當輕盈早餐去吃。米粉不太油膩,質感也算ok,不是太過淋的口感;配菜就如圖中所見的一點雞蛋絲、洋蔥絲、甘筍絲和蔥段;撇清這些蔥段,其實也沒有太多東西可吃。吃罷這個早餐,還有點空虛感覺.....凍奶茶的茶味有點怪怪,喝過那麼多凍奶茶,這杯的味道真的不太討好,不知道是什麼原因了。排隊時看到其他食客的雞扒、雞蛋早餐也頗對辦,應該選這些或糯米雞會比較好,今次又是自己選擇錯誤。題外話:那天早上,大家樂的高層到訪這分店,廚師拿出一碟炒得極佳的炒蛋配雞扒給高層試食,要是日後供應炒蛋時有這個水準,相信是這區食客之福。

好耐冇幫襯大家樂o既晚市! 尋晚好想飲佢杯熱o茶, 所以幫襯佢! 叫了個上海排骨菜飯+ 茄子+ 熱o茶。老公叫了個四寶飯+凍央! 四寶飯個賣相及味道都ok! 而個菜飯都唔錯, 個茄子同排骨幾好味,而家蔬菜比例多咗啱曬女仔! 而在等位期間, 大家樂個姐姐仔走來幫我揾位! 又見佢幫人托個份火煱船埋位! d 清潔呀嬸又係幫人揾住同攞火煱船埋位! 而家服務態度非常之好, 值得讚賞!

今日經過居然見到有久違了o既熱狗!!! 當然要買啦!一向鐘意佢o既熱狗.....有芝麻o既包+脆皮腸+多生菜+蕃茄再配上好好味o既醬汁! yummy ! 只售十幾蚊仲連飲品(當然要熱o荼啦! 自己一向鐘意佢o既荼胆 ! )第二間快餐店x心/ x快活都唔得....d腸係普通早餐食d雞肉腸, 豬仔包, 普通o既沙律醬, 又冇生菜蕃茄! deli- x o個間d食物水準成日都好飄忽.....而d飲品mocha 又越來越唔好飲所以都out o左佢好耐! 所以今次見到佢出番所以好開心呀! : p

我一向都鐘情佢習團o既熱o茶! 鐘意佢o既荼胆夠濃及檸檬都新鮮! 為了o荼間中都會幫襯o下佢!剛剛食完佢o既炭燒豬扒包+熱o荼$16.- 嘩! 差差差! o荼ok !一向水準! 但個包非常之差! 件豬扒一來勁" un " 而且細到不得了! 個包三份一都冇! 不如只放d有味洋葱算數! 勁差! 總之去a1 買面包!

今晚趕住開會，求其去大家樂買兩個飯盒返屋企食，我的至愛係一哥焗豬扒飯，不過近年水準下降，無咗D磨菇；另外買咗一個新出品，海鮮天使麵，打開個飯盒，一陣腥味湧出黎，食落好淡。

食過兩次,因要去葵芳,就比多次機會佢,結果係......叫左個公司三文治,知道好多時都要等,但都要睇下值唔值得等囉~麵包有烘過,但係淋嘅~三文治係接近凍嘅~薯片又淋又碎,好似用一塊大嘅珍珍薯片扛搓碎哂咁,整到D麵包一堆野咁......俾得咁小家,我情願唔要呀!!!!!價錢同美心差唔多,佢係19,美心好似係$19.5,但美心好食過大家樂好多,即使我外賣返屋企,佢跟個D薯條又多又唔淋,點解D質素可以差咁遠嘅~~ 我以後都唔會再食大家樂嘅公司三文治呀!!!

要等一陣先有得食，個汁係青綠色，冇乜味道；雞扒有D咸，唔係太好；配左好多洋蔥同好幼類似菜絲既野，整體上只會食一次就算喇

下午茶時間本來想食雞翼,但未食過這裡的豬扒包,便試下麵包的味道幾好,但完全唔脆,名不符實豬扒煎過等於無煎一樣,似烚多D,唔掂!!

晚上同老婆去咗葵涌廣場大家樂打邊爐,八点幾人都幾多，但老婆醒目,好快有位,然後叫咗兩個肥牛雜錦煱走肥牛轉水餃和兩杯青檸冰,Ｄ阿姐好快幫我地开爐,一路食一路食,中途密密幫我地加湯,服務好好,但唔知Ｄ湯咸定係Ｄ料咸,食完之後,飲完兩杯青檸冰都唔掂,攪到要買支2L蒸溜水飲!!!!!!!!!!!

先講:呢個食評有d過期...果日要出葵涌買舊書,可惜呀媽話要食快餐,所以去左呢度...叫左個公司三文治,等左好耐先有,好惜:1:成個公司三文治都係凍冰冰的2:麵包好似完全冇烘過3:薯片淋哂至於配料ok ge...連呀媽都覺得難食...之後就同個經理反映下,可惜冇乜進步...相反,美心的公司三文治就好得多了...

三文治即叫即做,等了15 mins,好耐...但個三文治係凍的..應該是面包預先烘定的但三文治饀係配得幾好d美中不足係不夠熱

這是一頓差透的港式肉醬意粉午餐（$26.5）。好明顯係抄「大x活」的同類商品，但質素就「給比下去」！有港式肉醬意粉（輕盈版）、蒜蓉包、雜菜湯、凍綠茶。肉醬味道唔得，差太遠！包係toasted 港式芝麻包，亦唔好味！紅湯勉強OK，喜見內裡有好菜頭。綠茶好淡亦無茶味。兩個字：差爆，絕對無下次！

夜晚去左大家樂食飯,見買廣告新推出個鐵板餐好想試下咪去大家樂,入到去個男經理好好招呼呀,佢介紹我地d套餐,我地叫左西冷扒要嚮螺唔要香芒咩蝦,個酥皮湯幾好味,酥皮正,d海鮮湯料都幾足wor,有魚肉,有蜆肉,個焗薯都幾好味,不過個咩嚮螺就一般了,同幅圖片廣告都唔同ge,個扒好厚都幾溜,但整體黎講個餐都ok,$37咁既價錢有咁多野,真係好飽呀!姐男朋友食果個上海排骨菜飯佢就無咩意見,只係講左話d奶茶唔好飲,佢份餐仲有個細兜裝住d涼菜,有金針,雲耳,同豆腐,我試左d,都幾好味,$29.5都ok呀