大家樂 (葵涌廣場)

營業中

休息中

今日我來到朋友家樓下吃飯，但因為不多選擇，朋友最後就話去吃大家樂做午餐，朋友要了荷葉飯，而想吃面的我要了豬扒烏冬配咖啡。朋友的荷葉飯份量吾大而且整體作偏濕，而且材料就偏，檸檬茶吾夠熱只屬一般。而我的午餐就睇落十分漂亮，豬扒夾上到都感覺幾脆口，點知側面看一看竟然皮仲厚過中間的薄豬扒，只可講醬汁加上芝麻香味道不錯，但如果以炸豬扒來講絕對吾合格。烏冬份量真係十分之少，食完成個餐仲覺得肚餓，飲品咖啡味道淡，整體差點令我想食多個下午茶添。冇下次。

每日午餐都忙著諗下今日食乜好。 而喺我公司附近呢間大家樂，它既肉醬意粉真係好好味。每日十二點鐘就要落去買， 如果遲咗就好快售罄。 我鍾意它肉醬夠多，意粉夠淋， 配上濃濃既芝士，再配埋錫紙兜， 溫度可以保持長久一點。 價錢只需要42蚊， 真係好抵食。快餐店嚟講，呢個意粉真係煮得好出色， 每次食都可以保持好高既水準!

是日晚上與好友閒逛葵廣，個人感覺越來越MK，但格仔舖的貨品價錢唔及MK抵~~~本身未食晚餐的我突然想食快餐店的一人火鍋，多謝好友相伴，始終一個人唔會食得晒，還記得呢種快餐店的一人火鍋已經超過10年歷史，初初我總會找細食的女同事陪我吃，近年因為太多自助任食火鍋店，反而少咗這樣的吃~~~個人最LIKE係點食物時服務員的態度誠懇，當我煩惱是否飲凍檸樂時，她們提議我走冰，始終女性不便日子飲凍飲冇益~~~ 在冬天打邊爐感覺最開心，因為可以慢慢的吃，而且可以有交流，好友見我做低頭族太久，仲拎走我的電話，要我專心食個飽為止~~~豉油和碗仔要自己拎，食物味道其實OK，因為係靠自己烚吓烚吓，但真心講偶爾與最好的朋友品嚐簡單的食物係開心的事=]

是日凍凍地, 好想食咖哩牛腩飯. 咖哩牛腩飯我只愛大家樂的. 因為佢啲咖哩味道剛好, 夠辣食落好惹味. 牛腩又整得夠晒淋, 仲有薯仔連埋啲汁一齊食, 真係好正~ 間唔中食下真係好爽~ 

冇諗過係一間快餐店都可以食到咁好味嘅皮蛋瘦肉粥。 平時不嬲都食開出面嘅粥店，今日因為趕時間，所以就去咗葵芳大家樂，但係原來都可以畀咗一個驚喜我，啲皮蛋瘦肉粥熱辣辣仲有好大隻皮蛋。( 有圖有真相)差不多有一隻咁多，仲有個粥底好綿好甜。經過今次我都唔會再識第二間

很耐沒有食大家樂，見今天冇咩人，比次機會佢，結果是真心失望。一個餐另外加一碗8元的銀針粉，銀針粉份量竟然比正餐還少，有冇過份d呀，唔係4、5元呀，是8元呀，以後唔食佢，垃圾。

今日返工要喺呢度轉車，見有少少時間，就去大家樂買返個早餐返公司食下先！實在有太多選擇，所以就睇吓餐廳裏面嘅人食啲咩，見到好多人食有雞扒又有炒麵嘅餐，再去餐牌度睇睇，發現原來呢個餐只係＄25 ,有雞扒，有炒麵，又有火腿，再包一杯飲品，真係幾抵喎！好快就落完單，拎住飛去等number，等等等，等左十分鐘，見住其他遲過我買既人都攞左，忍唔住去問下份餐有未，呀姐話雞扒整緊，叫我等多陣。好，我等。但係越等就越覺得奇怪，又話雞扒整緊，但點解堂食又出晒雞扒？再望望佢地張單，個號碼遲過我差唔多十個！再三追問後，呀姐同師傅依舊同我講雞扒整緊，咁堂食又出晒？點解釋先？最後我等左超過25分鐘！（前兩日都有買，一樣既餐只係等左5分鐘）真係早到都變遲到，仲要搭的士飛返公司！真係好嬲好嬲！係就係抵食，味道都ok，但係出餐完全冇準則！一樣既食物，堂食全部出先，外賣就要等咁既服務，幾平都冇用！

今日要去葵芳工作所以順便喺呢間大家樂度食午飯見到最新有個推介係海南雞飯雖然價錢較貴但都嗌黎試吓點知只係伏嘅開始一嚟到就見到啲飯份量太少而且食落去基本上同白飯冇乜分別 同餐單上所寫嘅附送海南雞油飯大不相符所以一見到煩嘅時候已經有少少失望如果淨係睇到呢度都覺得只係以偏概全嘅話不妨可以睇埋落去咁爬完兩啖飯就試吓啲雞啦一食落去已經覺得有陣怪味講真海南雞飯我食過好多次我想要求嘅只係一餐普通嘅海南雞 但你都大家樂叫嘅海南雞飯食落去竟然會有陣咖喱味同腥味一啲海南雞嘅味道都發現唔到或者賣相我會比合格嘅但味道方面真係有啲不敢苟同我明白唔應該對大家樂要求過高畢竟佢只係一間大眾化嘅快餐店所以即時之間我冇要求店員幫我換第二碟但同時我希望大家樂可以係菜式方面不斷進步而且價格可以調整得再親民少少期待見到大家樂更大的進步！

一直以黎都覺得大家食其實係幾好食既，不過近年來既價錢真係唔抵！已經打破左心理關口！所以如果唔係做member 既話根本就唔抵食！但係前排聽排有人推介呢個燒鴨瀨tea，所以今日特登唔食lunch 等tea time試下～一見到個menu ，燒鴨瀨連凍飲只需$28！今時今日$28食個tea已經可以覺得抵食，其實都不得不嘆物價上漲既厲害⋯⋯不過飲凍飲唔洗加兩蚊真係會令人覺得好抵既錯覺。即刻落單叫埋杯凍奶茶嘆下個tea 先我今日真係好好彩，撞手神師傅仲斬左個脾俾我！廿八蚊有凍奶茶燒鴨脾瀨～大家樂既燒味不嬲都有水準，個燒鴨係好食既，而且脾位唔會骨多過肉師傅斬又斬得好，唔會有碎骨。個瀨粉既份量就一定有dd少架啦話曬都係tea。所以我選擇叫瀨粉係想自己夾到手都軟，咁咪可以呃埋自己個肚囉～

去食快餐店識食就一定食燒臘粉啦，其實應該講總之係燒鴨既粉都好正呢到既燒鴨就個皮都幾脆，燒得幾靚，味幾濃，而且肉都好多，唔會瘦奀奀至於粉就好爽口但係冇咩味道，即係得個口感但係好吸唔到好香嘅湯鴨味，但都總好過煮到爛哂，口感唔算差的。湯底一飲就覺得味精好濃郁，之後要飲返好多水來補充，一樣都係冇咩燒鴨味，差感!所以呢個燒鴨瀨既評分認真係一般。紅豆冰係個餐包埋，味道都唔差有好多粒紅豆，紅豆都幾融，好甜蜜啊！

早餐叫了自取外賣，一個套餐裏面包含一杯飲品，炒蛋和雞扒，另外有火腿通粉。通粉拎到返屋企已經林晒，有少少似爛咗，雞扒亦都係稔身嘅，個皮都dum晒，痴晒啲汁。不過個汁味都OK ,鹹鹹地。不過千祈唔好食皮，一啲都唔好食。 炒蛋加左奶，所以算係好好食，食大家樂最正就係個蛋。飲品選擇我華田，裝得唔夠滿，不過甜味適中。

中秋佳節屋企人喺大家樂訂購左一個大型盆菜，價錢大約＄600左右，認真數過大約有20款餸，每一款都非常入味，不過有啲就冇咁新鮮，數食物來講最好味係芋頭！嗰啲一隻隻嘅蝦都唔係太鮮，有d霉。另外叫啲豉油雞都好入味，雖然唔係太滑，不過呢個價錢有咁多嘢食， 10個人食都夠，每人都係幾十蚊姐！

返工前有時都會買大家樂，平時食開都係火腿雙蛋，食得多都厭左，今日見到新推出依款:腿蛋治+雪菜肉絲米連熱飲先$25，我轉左凍飲+$3，買左外賣拎返公司慢慢嘆。腿蛋治: 一盒有兩份，中間夾住炒滑蛋，蛋都滑不過散左少少，雖然唔算好重蛋味，但都味道尚算可以雪菜肉絲米粉: 米粉比平時係茶記食粗身少少，但入口都算滑，唔會鞋口感覺，湯都幾濃，加埋辣椒油更香整體而言，早餐黎講算幾超值，味道雖然普通，但份量相對多，我食左一份三文治同碗米粉已經好飽了

宵夜餐就最岩經常要留守公司至夜深的打工仔啦！所以一於去試下, 以為會係好細份, 點知原來份量都好足夠喎點了煎旦肉醬意粉, 雖然等左好耐, 但係都真係值得等, 因為個意粉好新鮮, 而且都好夠份量的, 所以都好滿足嫁最正係隻旦唔係全熟, 太陽旦真心正

行左一輪商場諗住下午茶, 想去大家樂食燒味, 點知佢話賣晒, 所以是但揀左個酸辣湯SET.有一碗酸辣湯, 一碗咖哩魚蛋蘿蔔, 一個生煎包, 要$30, 無飲品的.齊晒野睇睇份量好少, 先講咖哩魚蛋蘿蔔, 魚蛋得兩粒, 味道屬正常, 有咖哩味. 蘿蔔大大小小有4-5舊, 唔苦夠腍但唔入味. 另有幾片豬皮, 好腍好腍, 唔入味. 剩係個咖哩汁反而仲有味.酸辣湯起初睇以為碗仔翅, 不過飲左一啖, 辣但唔算太辣, 少少酸. 入面有D冬菇絲, 粉絲之類. 生煎包外皮比較硬, 好厚, 唔軟熟, 個餡既豬肉就正常.食晒之後唔夠飽, 但30蚊仲貴過燒味粉, 唔抵食.