大家樂 (屯門市廣場1期)

營業中

休息中

今日去行屯市，因為無帶水所以好口渴，諗住求求其其去大家樂食個下午茶餐，貪佢有杯凍檸茶可以解吓渴啦，點知原來宜家喺大家樂食個炸雞髀下午茶餐都要成三十二蚊，啲位仲要鬼死咁難搵添，咁貴都能夠座無虛席。隻炸髀一如往時大家樂嘅味道，皮炸得脆肉又夠入味，不過就唔係好夠熟，我明白嫩滑同炸得夠熟中間係好難平衡嘅。

下午茶時段，突然間好想食炸脾近近地就去左大家樂覓食！炸脾估唔到又炸得好香脆入面的雞肉又唔會太乾！仲好滑！我叫左紅豆冰紅豆好林，甜度適中老公就叫左西多士佢話味道都尚算ok, 唔會太油不過中間的花生醬就比較少

玩完國泰城，由於是星期六的關係，我們要到屯門，又由於開始要買嬰兒用品，所以我們先到屯門市中心。買好東西，而且在自助餐的時間中沒有去狂食，所以我們有胃口多吃一個下午茶。同太太食，簡單快捷不要用腦的地方就最好，於是，我們就地解決，行出 Aeon，落到樓下，就是《大家樂》，那我們就平平地，快快地，食少少野就要出發去佛堂了。下午茶時段，只有一樣東西啱我太太食，那就是西多士了。西多士，是花生醬餡，不過用醬其實是好少的，味道亦只是微微的，太太給我的一件，主要的味道，其實是糖漿味。我要了一隻熱狗，加上洋蔥來扮德國酸菜，是美國式的食法。腸是脆皮腸，我幾欣賞的，但個麵包沒有烘過，凍的，質感鬆散的，打了少少折扣。天氣不凍，又有點疲倦，大家都想飲凍的同甜的來開心一下，我簡簡單單的要了一杯可樂，不需要多評了。太太就要了《大家樂》的 signature 的一個夏日特飲，紅豆冰。好多紅豆，好甜，再加上好足夠的奶味，咁多年來，《大家樂》的紅豆冰依然是頂呱呱。之不過，我本人不太好此飲品而已。簡單，味道不錯，沒太高要求，《大家樂》的確是一間好啱大家心意的連鎖店。

今日晚餐打算求奇食, 就入左間大家樂叫左個咖哩雞飯食個咖哩汁幾有馬來咖哩既風味, 椰奶味重, 香料味足, 不過個咖哩汁比較稀, 同埋少許偏辣, 岩哂D食辣人事另外, 薯仔都有誠意, 先煎香後炆, 食落香口淋身, 雞呢,就係一般街市雞扒, 無咩特別, 不過$40整體都算可以接受 

今日下午我們去咗屯門市廣場嘅「大家樂」食下午茶！我們叫咗燒鵝瀨粉同火腿米粉配奶油多士！燒鵝瀨粉嘅燒鵝肉質都幾鬆軟，肉味都幾香濃，瀨粉亦幾爽口彈牙！火腿米粉嘅味道係淡而無味！奶油多士烘得都幾香脆鬆軟，奶油嘅份量都幾多，唔會得幾滴咁少！跟餐嘅紅豆冰味道比較淡，奶味唔夠濃郁！

今日同屋企人去屯門看電影，未看電影前先吃tea,就去了大家樂，我同屋企人1個餐2份吃,我叫了mochi包烏冬+沙律(29元)+5.5要柚子生姜茶，我不會期望大家樂有咩高水準，今次叫這個又不錯，2個人吃剛剛好，mochi包味道幾好,紅豆味道不錯，烏冬口感好彈牙,個湯並不是太咸 ,估不到今次下午茶餐又幾好味 ，柚子生姜茶十分好飲，生姜味並不太重,柚子味道好甜 ,整體好好味,這裡環境都OK,只是有些小嘈

大家樂真是甚少在夜晚光顧,我有習慣在免費報紙剪下coupon,今日發現大家樂有coupon,師奶心熊就是這樣，見到有著數要用下啦,今晚放工之後去了屯市地下大家樂，我只是貪近不用行太遠，有時放假去下這間下午茶，晚餐時間甚少來,大家樂咩質素心知,估不到今晚的龍利柳真是好難吃，龍利柳煎到好乾,口感好鞋，白飯又好硬,白飯一點都不軟熟,連白飯煮到咁難吃，這間分店真好野,仙草奶茶又是唔好飲，仙草份量好少,似普通凍奶茶多些小，甜味又好甜,地方比以前舒適咗,之前裝修過這分店

太失望，我今晚在大家樂買外賣飯盒回家食，叫咗一盒义油雞飯和一盒蝦仁抄滑蛋飯，。付完錢，去到燒味部。起初只有我和另外一個人等，等咗20分鐘之後, 大叔大聲話只得好小油雞。之後有位女人過來話要多一份义油雞飯，佢之前已經買咗好多盒，現在話要多一盒，個大叔整埋比佢。到我嘅時候，已經無油雞，大叔話無油雞改什麼，我話改紅腸，之後執好哂就走返屋企，點知，我返到屋企打開個飯盒，裡面只得餸無飯。激到我死😠，但又唔想再回去追究，因為一來一回都好浪費時間，只好和家姐一起食一個飯。個飯盒嘅餸和豉油好喊, 又小餸,下次唔會再在大家樂買外賣燒味飯。

今日同老公一齊放假，帶埋個仔仔出街食飯，老公想食牛扒，咪黎左呢間大家樂，之前都有黎過食下午茶既熱九拼雞翼既餐雞翼已經唔熟，今次重衰，我同老公都喜愛食牛扒，一人一份牛扒拼唔知咩腸配意粉，重有個甜餐包同個唔知咩湯，唉！本來對大家樂都重有信心，到左今次一定唔會再黎哩一間，個餐黎我先飲個湯同食個餐包個包唔好話熱暖都唔暖下，個湯就原全同個包成正比，一d都唔熱我真係未試過出街食飯飲凍湯囉，牛扒同意粉同腸係暖既，哩一餐無諗過食鐵板餐熱度都可以差成咁囉！對哩間大家樂我真係好失望😠

其實寫食評的其一好處是能幫自己記著某D地方某D食物可不再食,因為除非是非常好味,或非常難食,介乎中間的有時真係唔記得,好似去飲茶,去咁多間食咁多點心,有時真係會忘了邊間邊樣好食,呢篇純為提自己如有其他選擇就選其他,不是不好吃,只是好普通,之前食過一次,忘了味道,熱狗(腸仔)狂的我又被吸引又點選了!春卷6/10 ~ 好熱,以為好脆,其實另一邊是被油浸全透白的,味道一般,但餡料很多,筍絲,芽菜絲等等!熱狗6/10 ~麵包沒有焗脆,腸是偏甜的味(似火腿),不是咸香味的,沙律醬淺黃色,有微微芥辣味,但不酸反甜,結果我頂唔順太多醬撥走曬!以後提自己,見到熱狗要三思!

做冬唔想迫又唔想諗, 就最好叫盆菜食, 雖然係大什會放埋一齊, 但一齊摷下搶下都好好玩架~ 可能好多人都係咁諗, 所以見佢都有好多order, 我地都等咗一排先論到招呼我地~我都係第一次食大家樂D盆菜, 通常都係食出面專做盆菜果D舖頭, 好似專業D咁, 但其實間間都係咁上下, 主打都係果幾味, 永遠都係白蘿蔔、魚蛋、豬皮、芋頭呢d平嘢墊底, 中間又係例牌有冬菇、支竹、腩肉, 然後面頭都係蝦同燒味果類, 比較特別係有個福袋, 當然如果你叫d貴嘢, 就會有飽魚、海參、花膠等, 視乎你叫邊款, 但佢呢度只有大同細, 細的係4-6人, 大的係10-12人, 但大果個d嘢貴價少少, 雖然想食大果個, 但我地得5個人, 唯有order細果個啦~ 叫做有唔知鵝掌定鴨腳, 但唔明點解得3隻? 其餘大部份都有6隻/粒, 連蝦同蠔豉都有6隻, 唯獨佢只得3隻, 但其實鵝掌或都鴨腳都唔係好貴啫, 如果6個人, 個個都想食, 咁咪真係要爭?其實食過咁多間盆菜, 度度都係差不多, 係睇下調味果度, 今次大家樂呢個就比較鹹咗少少, 如果嚟撈飯就啱, 齋食就會覺得重味咗~ 不過以三百幾蚊的價錢, 算係咁上下貨色~

今晚不知吃什麼好﹖友人想据扒，我又窮，滿足大家所需的，就去大家樂嚕。呵呵﹗扒餐就鐵定要一個，而我選擇打邊爐，不過價錢比起我在十月那次打過竟然貴了十元呢爵士牛扒餐配原條粟米，好特別亦好吸引我份量超大的牛扒，放在無里聲氣的鐵板上，淋上有很多蕃茄粒的蕃茄汁，'炸'一聲又靜下來了。牛油溶於牛扒之上，令牛肉味加份香氣，牛扒的肉味都算濃郁，起碼不是淡茂茂，牛扒有一定的厚度，很易切開，口感方面是意外之有嚼勁﹗快餐店的牛扒也可以有肉芯見紅，是否算不錯呢呵﹖牛扒餐還配有酥皮白湯，額外加多六元有個雪糕奶凍。少少的奶凍杯加上大大球芒果味雪糕，添點士多啤梨醬，六元真是超值選﹗我重點是放在牛奶奶凍，牛奶味很重，質感好滑，勁好吃﹗下次吃我想走雪糕球加多點醬啊~~~打邊爐選了最貴的海鮮拼盤，配的是蕃茄湯，(我真是什麼都是'蕃茄'行先架)。這個蕃茄湯頭尚算濃郁，起碼不會淡如水，油份不多又加入不少邵菜絲，健康頭選。每個餐都會配上一個菜籃。有粟米﹑生菜﹑冬菇﹑金菇和福袋年糕。蔬菜整體也洗得乾淨，滾後的粟米異常甜美﹗配套有肥牛﹑炸魚皮﹑大蝦﹑斑片﹑魷魚﹑蟹棒﹑水餃﹑肉丸﹑生根和烏冬。肥牛肥膏不多，肉質鞋鞋的，主角的大蝦很鮮

今日放假早餐就當lunch..所以到左3點幾餓餓地去大家樂食個下午茶..好耐冇食過la...見樣樣都加左價起碼要20蚊以上..但比我見到有熱狗餐woo..$18蚊又有餐飲..就試下la賣相唔錯..先講醬汁..除左個醬之外仲有d什豆, 青瓜係到...好足料woo醬既份量亦都好足夠唔會唔夠醬食..因為熱狗唔夠醬就一定唔會好食..腸仔方面size都好唔錯差唔多長過個包呀...而個包仲熱熱地ga..又好軟熟..真係好好食呀..其實個熱狗都好大ga..嘆埋杯可樂真係一流呀..仲要成個餐都係$18蚊咋...抵!!!!!!!!!!!

一心提大機出來,計劃在外周圍影相,學食友S早前話齋,我真係貴人招風雨,如果不是的話,就不會近月來想外出玩玩都是突如其來的下雨天呢看完戲後困在市中心,雖然還未肚餓,但反正要等雨勢過,兩點半就去食下午茶了.老友奉上茶市平三元的優惠卷,懶得想,每人點了一個便當,貪其什麼都有得吃雞翼配咖哩角便當和雜菌卷配春卷便當,除了'主菜'不一樣,其餘都是包括炸燒賣,牛油粟米,椰汁糕,再有一小碗嗚門卷湯鳥冬.雜菌卷以為是健康物,材料則反其道而行,蘑菇只有數粒,其餘是大量沙律醬(!!)加數條腸仔絲(?!?)刮下刮下刮剩塊薄餅皮食,煎得香香地,少少脆,其實係幾好食的.但如果純包素菇我會食得更開心春卷香口香脆,這條反而是齋春卷,有芽菜蘿蔔絲,清清地好味道.粟米粒下了太多牛油,重味過頭.椰林糕夠凍,香滑少甜,夾雜起沙紅豆粒,又是好食的湯鳥冬確實夠清淡,麵條沒有煮到糊淋淋,幾爽身的.我們也想飲ZERO,點知店方沒有提供了,究竟是這天沒有還是以後沒有呢?希望不是以後啦,有時我也有想飲ZERO的時候啊

因為有下午茶平$3的券，所以到了這家大家樂找東西吃。選了又選，最後決定要了兩個茶餐盛盒。(因為眼前隔鄰檯的其他茶餐不是太差賣相就是太細份)好似得盛盒似樣一點價錢a同B兩款盛盒都係一樣,差主菜(一係春卷,一係雞翼).個人推介雞翼多一點.其他都係共通的.現在大家樂沒有ZERO,又無沒有LIGHT...局住選了普通汽水.服務有點要彈，做水吧的都好像唔係好聽到人講嘢，尤其個店長......為了杯汽水都搞到我幾勞氣下...