大家樂 (屯門市廣場1期)

營業中

休息中

在家抗日嘅日子 有外賣喺屋企食啦！ 自從有咗外賣平台之後 足不出戶都可以食到正嘢畀我發現大家樂下午茶仲要好抵食添 有七折 三十幾蚊 大大份 當晚餐都非常夠飽 叉燒 一啲都唔 而且飯嘅份量很夠 雞全翼考得唔錯大大隻都幾嫩滑 公司三文治最正

超大塊既豬扒❤️配埋芝士同茄汁超好食食過咁多間餐廳既豬扒飯一哥豬扒飯係無可取代☺️又足料 仲有個炒飯底係好滿意 唔似出面個啲淡而無味淨係得白飯同少少蛋絲成日都心掛掛 今日叫個外賣拎返公司食超滿足❤️

疫情緩和左就可以多d出街行行了，加上好多鋪頭都有特價😊😊,今日同妹妹行左3個鐘想揾地方歇腳休息下，這裡大家樂地方很大，好多位選擇，雖然位置開揚，尚算坐得舒服。公司三文治餐$27半份三文治，餡料豐富，麵包烘底好香脆，再加上牛油好美味👍👍花生西多紅豆冰$24🥳🥳只看價錢已經冇得輸，粒粒紅豆分明有口感，不太甜，西多炸得香脆，中間是粗粒花生醬

嗰日同同事諗唔到食啲乜嘢，就決定去附近嘅大家樂食，大家樂一如以往都係咁多人排隊同食飯😂！見到佢新出一啲新嘅產品梗係試吓啦！依個係雞扒漢堡飯認真聽個名嘅時候諗起都流口水🥴🥴最估唔到嘅出嚟個效果同想像中一樣 ❤️一樣咁好味同抵食

午餐🥣 逛來逛去，不知道吃什麼？很久沒來 ... 大家樂,就這樣吧$46 南瓜汁🎃豬柳藜麥飯兩大塊豬柳，用薄薄蛋漿微微炸至金黃色賣相不錯香滑南瓜汁，香氣撲鼻仍有少量椰菜配合藜麥飯，健康啲😋太好了奉送餐飲，當然是我喜歡的熱奶茶，味道..仍然保持水準 吃飽了，滿足

市廣場呢間大家樂永遠都很多人，未食午餐又到下午茶時間當然要攞返個下午茶優惠啦😂😂細叉燒飯，加春卷、免費升級紅豆冰，好鬼抵食！！32大洋捧住個肚走雖然話細叉燒飯但份量一啲都唔小，而且熱辣辣叉燒都有6件，仲要係好味嘅😝春卷肉都好夠脆，紅豆冰大大杯😋😋

早餐食得太飽午餐都食唔落，又可以食個下午茶☕就ok 順便去屯門市廣場行街辦年貨，就喺大家樂食個公司三文治🥪熱辣辣即叫即做，材料非常豐富有煙肉蛋火腿蕃茄生菜沙律醬，麵包🥯脆r卜，一間間非常靚仔乾乾地飲番杯汽水就最夾啦，$34一個人都夠晒飽👍👍

社會動盪的晚上, 鐵路於晚上八時就沒有了, 於是約了友人在市中心食飯, 就算無車都可以行回家吧。初時友人稱想食日本野, 我剛下巴士, 見到大家樂, 有打邊邊wor, 於是最後就食邊邊了。筆者本身有點貪心, 於是叫了x4的牛+豬, 友人叫了"堅係和牛", 再加14蚊, 有2大杯野飲。我們亦加了蝦滑,  蝦滑與飲品先到, 一看的蝦滑, 以為是沙律吧, 蝦滑份量有點少。不太值得加錢。等了十多分鐘, 兩份餐到了, 但是, 湯底完全攪錯, 只是一些清湯, 另外, 友人的和牛, 食食下才發現, 似豬多D (因為我倆掛住傾計, 都無太留意D食物, HAHHAHA), 而我的兩包牛豬都唔錯的。值得讚的是牛, 豬都分別用即棄膠盒裝好, 包好, 密封好, 很衛生, 但是亦非常的不環保吧。至於食物方面, 除了肉之外, 亦有菜, 南瓜片附送, 對於女生, 亦算飽的, 但如男生, 相信一定要再加烏冬或其他小食吧。最後, 由於安全問題, 店亦於10時前全關了, 就只剩下我地兩條某利繼續坐, 直至見到屯市職員拉出閘預備關門的一刻。

🌸#楓盛雜扒餐 $59.5楓樹糖雞扒,七味豬扒,司華力腸配粟米+酥皮周打魚湯/蘋果薯仔沙津(黑淑汁/洋蔥汁/蒜茸汁)***************************評語:-楓樹糖雞扒醃得好入味,肉質鮮嫩多汁,係好幾食既,如果兩塊都係雞扒就好啦🥴-七味豬扒Um...好‘鞋’🥴好似失左水準,骨仲大舊過肉,切極都係骨黎既🙃食左一啖就冇食了-司華力腸脆皮司華力腸黎,甜甜地-酥皮周打魚湯影完一輪相,食曬所有嘢先再食佢,個酥皮都仲係熱嘅,個湯有好多料,但真心想飲忌廉湯多啲🙃

下午茶時間黎大家樂食返個tea，20幾蚊一個餐，性價比都OK。叫咗兩個餐，一個係熱狗加通粉，一個係西多士餐。兩個餐都有紅豆冰，紅豆冰啲紅豆都夠多，幾好飲。西多士個賣相就好一般，好似縮左水咁，但味道都ok。通粉估唔到湯底唔係平時嗰啲 ，而係忌廉湯味。

難得一場入到屯門，本身諗住食d小見d既野，但如果唔係有app有優惠劵就過期，真心唔會食大家樂。睇住個餐牌，可能真係太耐無食，晩市快餐店閒閒地都要60幾，真係百物騰貴。叫左個雜扒鐵板餐，坐低無兩分鐘就有得拎，心諗又幾有效率喎。點知，一倒d黑椒汁落去...炸一聲呢？點解無架？已經開始對個扒餐無乜期望。食落去塊豬同雞扒，係夠淋既，但係味道有d怪怪地同雪味，熱度就好似本身叮熱左先放上個鐵板度。帆立貝更加奇怪，有好杰既南瓜汁唔知點咁，完美地覆蓋住帆立貝既真身，幾大隻真係食落先知。酥皮湯個味道尚算ok，係咸左小小，都幾creamy既。真心，應該都唔會有下次。正正經經去餐廳食個扒餐都係咁上下價錢。

去完屯門市廣場行完街，揾度地方坐下，嘆下下午茶，見到市廣埸地下有間勁大間的大家樂，座位十分多，就即刻入去坐。餐廳地方超大，座位勁多，樓底又夠高。多款美食任君選擇，價錢廿零三十蛟一個餐一點都唔貴。我叫左個公司三文治配熱咖啡($33)公司三文治外觀一流，見到都會流口水。快餐店的熱咖啡面頭居然會有拉花，非常認真，有進步。公司三文治的脆口多士包住豐富的配料味道一流配料包括有煙肉、火腿、鷄蛋、生菜、蕃茄，並配上微甜的沙律醬味道一流，餐廳做法認真，一點也没有偷工減料，$33包埋杯熱咖啡真係無得輸，抵食！

早幾日食完薩莉亞，今晚又唔知食咩好，就決定試下大家樂既鐵板餐係咪比薩莉亞好。紐西蘭冷特色腸鐵板配意式蕃茄汁 ($57)鐵板餐有牛扒、腸仔、炒飯、餐包同龍蝦湯。食物質素正常，雖然牛扒比薩莉亞細d，但係跟餐仲有腸仔炒飯餐包同餐湯，價錢又平d，重點係熱辣辣既，比薩莉亞抵食。相信之後都唔會再係薩莉亞叫鐵板餐。南洋咖哩牛腩飯($50+$6一杯可樂)大約有8件牛腩、1大舊牛筋仲有~4舊薯仔。最怕食到又硬又un、未炆”諗”既牛腩.。本身都無乜期侍，只係打算一試，點知牛腩炆到好”諗”又無根，真係好正，超出我預期。不過我估未必次次都食到好味牛腩，要睇下好唔好彩。至於咖哩都ok，唔會有太多辣油。尼個價錢可以再食。

最近覺得外出用膳，比較熱氣原本大家樂最出色咖哩和一哥豬扒飯但今天我試了新出咸雞菜飯。 菜飯大大碗，菜份量都很多，不俗。雞的外觀就不太漂亮，有點失望，上面有一些炸蔥炸蒜增加香味。卤蛋如果流心會更好，可惜呀……雞件下面有一試脆肉瓜。正式開動，雞件味道都很配飯，味道比買相好，肉質滑溜，瓜件太軟，感覺蒸太耐了。希望大家樂會繼續努力，本人覺得大家樂有多間不同系列餐廳，而最經濟這個品牌，亦可以更好質量的，支持

今日去行屯市，因為無帶水所以好口渴，諗住求求其其去大家樂食個下午茶餐，貪佢有杯凍檸茶可以解吓渴啦，點知原來宜家喺大家樂食個炸雞髀下午茶餐都要成三十二蚊，啲位仲要鬼死咁難搵添，咁貴都能夠座無虛席。隻炸髀一如往時大家樂嘅味道，皮炸得脆肉又夠入味，不過就唔係好夠熟，我明白嫩滑同炸得夠熟中間係好難平衡嘅。