大家樂

營業中

休息中

起大埔行完山有d肚餓，各自搭火車歸家前又去大家樂食個tea先。燒鴨瀨粉配紅豆冰，$29。忘記了轉米粉🤦🏽‍♀️，紅豆冰好飲，紅豆夠入味熱狗，雞翼，薯餅 $35。凍飲+$3熱狗有沙津菜起入面

掛咗號睇醫生，等一個鐘就不如食早餐先好耐都冇食過大家樂，睇水牌價錢平過幾間茶餐廳，一於食佢啦叫咗炸魚柳炒蛋，加個沙嗲牛米，轉鮮奶咖啡，30幾蚊本來就冇乜期望嘅，原來唔係喎佢個炒蛋炒得好靚仔！仲係有好多蛋汁！配厚多士正炸魚同沙嗲牛米都係正常貨色，鮮奶咖啡都幾香，雖然啲奶泡就係機沖，不過加＄3就有一杯算係咁啊！好過茶餐廳嗰啲煮咗好耐嘅咖啡好多啦整體來講比我想像中出色，而且都幾抵食咁近屋企下次叫男朋友買外賣先哈哈哈

悶悶地唔知食乜，就選擇左大家樂，勝在選擇種類多，今次揀左無骨海南雞飯，加六蚊要左個真姬茹湯娃娃菜。個餐仲有雞油飯，花生眉豆煲龍骨（無味精湯）同埋普洱。個雞底下面有醃菜，其實唔係真係個個人岩，建議用芽菜或菜墊底可能仲好。雞肥，肉鞋口。跟餐既醬料比較少，少既關係連飯都撈唔到。加左個菜，唯一覺得好食既野。而野飲，本來都冇乜意見，但.. 普洱浸超過一分鐘都已經好濃，唔係個個都鍾意飲濃茶，如果外賣茶包可以分開上既可能會好d。

員工有禮貌，連執碗的姐姐，工作時也不忘與身邊客人打招呼及幫助安排位置，態度也非常好，今天見到她們幫助兩個視障客人，由收銀、取餐、就坐，簡直是一條龍服務。值得一讚。

跑完步之後緊係醫肚, 就去左附近商場搵野食, 見到大家樂就好想重拾舊好, 因為大家樂的焗豬扒飯陪著我地成長下午二時許, 已經爆場:叫左個焗豬扒飯, 豬排焗得岩岩好, 唔會太硬, 又厚身, 盡吸收左番笳鮮味, 酸酸甜甜非常好味, 但豆同洋蔥就超級Dry, 呢個係長年以來的問題, 食之無味棄之不可惜, 真係要諗諗去! 至於菠蘿, 真係酸到貼地, 食左一粒已經投降

星期一晚約了友人係大家樂短聚。大家樂新出了個滑雞四寶蒸飯。加凍可樂埋單要$40。等咗大約2分鐘就有得食。個飯有小棠菜、東菇、雞肉、蒸肉餅同鳯抓。食落好似食咗鳯抓排骨飯。美其名係滑雞四寶蒸飯。只不過加入東菇同雞肉。東菇好鮮嫩。雞肉粒個切口啱啱好細粒。易入口，好爽。天冷食落去好暖身。蒸肉餅有馬蹄粒。味道一般。個飯好適中，如果係大男人食就唔夠食。小棠菜又係一般。我食得出唔係好新鮮。好似係翻叮過加入去。鳯抓同小棠菜都係好似翻叮過。唔係太好食。杯可樂味道一般。個四寶飯有咁多餸算抵食。

每年都會試吓大家樂嘅火煱.但今年比較失望.象拔蚌火鍋我買嘅係象拔蚌火鍋,但水吧副理俾咗兩合都係肥牛俾我,之後,我同收銀講,個收銀幫我攞返去水吧換返合象拔蚌,其他配料,肥牛...都無問題,入正題啦~象拔蚌,OH NO.象拔蚌超唔掂,超"鯹"

下午時份，有少少肚餓，去左大家樂食個 light tea，叫左 <菠蘿芝士火腿卷> 配 熱蔘蜜 ($20)菠蘿芝士火腿卷只係暖暖地，不過菠蘿既酸甜加上少少可以拉成絲既芝士，內餡係ok的，可惜個卷外皮硬到擲死狗，只係食左少少個皮，放棄了熱蔘蜜只係暖暖哋，不過都潤喉既，算ok~大家樂既質數真係每況愈下，淨係識加價，質數又唔提升。

早上, 繼續係大埔車站周邊, 食完先走. 大快活試了, 美心MX試了. 呢一次, 就輪到大阿哥, 大家樂了. 而我既選擇, 同樣是雞扒, 蘿蔔糕, 炒滑蛋同奶茶.大家樂的, 是蜜糖雞扒, 食落雞皮脆, 蜜糖味重, 大家樂取勝的, 就是這蜜糖雞扒. 甜甜的味道, 就是其皇道. 炒蛋, 加了香草的, 不甚喜歡, 滑同香既程度, 算是三者中的最後一位. 蘿蔔糕就比較有味有餡.說出我最欣賞的, 就是大家樂杯濃濃香香滑滑兼奶味十足既奶茶啦.....

大家樂過去俾我的印象係平靚正.但屋企和工作的地方都無大家樂,所以無食好耐了.近日的"太刻薄"事件,大家本來話要罷食,後來大家樂高層出來澄清及加番人工.大家才取消.其實我寧願佢加價,都唔想大家樂員工咁慘,打工其實好受氣架,呢D係辛苦錢,為何重要減人人工呢.員工係手上的籌碼.做事有因果架.今次的事件大家都睇得清清楚楚吧.係大家樂叫左個招牌菜-焗豬扒飯.....可惜無晒,亞姐補番四蚊俾我轉左個焗意粉.肚仔餓咩都覺得好味.肉醬意粉:好味道.酸味適中.份量又多.十分抵食第一次入米埔慈善行,空氣好,秋意中有點陽光,勁舒服.

今晚同老公去大家樂食火鍋..可能我太夜去啦..果個虎蝦湯底已經賣晒啦..我要左個甜醬油湯底..老公果個係豬骨湯底...甜醬油湯底唔錯啊..甜甜地咁...幾好味...不過老公個豬骨湯係冇味架囉...我地一人叫左一個餐..再加左一個牛肉拼豬肉&蝦滑拼獅子狗炸魚皮...食物都唔錯的..都幾新鮮...蝦滑超好味..豬肉都唔錯...比較特別既一樣新野..迷你生根豬肉丸...小生根入面釀粒豬肉丸...意料之外...幾好味喎..8點半後配料半價..感覺上抵好多...下次再去^^

星期六都要返工，七點三先收工，就去大家樂買埋飯返屋企食～2個人，叫咗：1) 五層脆燒腩多寶飯　$302) 一哥焗豬扒飯　$34外賣都算快，大約5分鐘就攞得～返到屋企，一打開盒「五層脆燒腩多寶飯」，我簡直呆咗。D燒腩全部都冇皮！！！望住盒飯，我真係火都嚟埋。點解大家樂D員工可以咁無良？如果堂食的話，客人見到咁嘅情況一定會即刻叫師傅換過碟。但係我買外賣，要返到屋企先可以打開盒飯，唔通要我特登走返去換？近都話丫，我屋企來回呢間大家樂要成30分鐘！各位如果去呢間大家樂買外賣，最好喺員工面前打開Check Check先好走～費事又好似我今次咁～

今晚我老豆突然返來,話想去大家樂食...咁全家人就陪佢去試下嘩...真係難食到...之前兩次去食已經係咁,但係我老豆要搭火車為左方便同佢去新達呢間大家樂食...係收銀果度,個八婆態度就麻麻,問佢野好似唔想答咁之後去到交飛等燒味飯個燒味佬望住我,係咁"uh,uh,uh?"抬頭望...連聲歡迎光臨都唔講聲果陣勁嬲...之後唔講咁多野啦拎完野食返到埋位食我阿媽同家姐食焗豬扒飯,睇落去賣相唔錯,但好唔好食就唔知了咁我老豆就食燒味飯啦...d叉燒真係見到都想嘔,瘦到...切到又大又細都唔知個燒味佬有冇學過???到我碟鹹魚雞粒炒飯啦,終於黎料...首先碟飯睇落去,好似幾令唔錯,點知食落去...想嘔囉,d飯爛熔熔咁,之後又無味道,鹹魚味乜都無...咁我都將就食住下先...點知飲杯可樂,佢竟然無汽???嘩...真係難飲到爆,而且d可樂仲有種怪味道,我原本就話左唔想去呢間食...唉,真係「唔好食就一次過」啦!大家要食真係要諗清楚~

4/29記得早排大家樂出左個爵士牛排,好吃,有香草牛油仲有焗薯後來去到最後改了送蕃薯條,都算啦因為呢間d忌廉蘑菇湯真是唔錯(有酥皮)那天打算再吃過爸腸胃唔多好改要了魚香茄子飯,汁好多連所有白飯都染曬汁,味道不過不失媽同我叫牛排餐,要紅湯+飯,另叫汽水(可樂)(另加5元)真是沒咩牛肉味,落得太多梳打粉了,而且d配菜咸到苦的,根本吃不落個飯就ok,紅湯是好港式的味道配菜特別是青豆真的好咸,吃不下去...服務就沒咩大出錯,呢間大家樂質素差左啦....

星期日去左呢間大家樂叫野食，諗住叫個叉燒瀨粉，同個收銀講要個叉燒瀨，佢又問我細定大，我覺得奇怪，MUG有分大細架咩？！之後我睇一睇牌，冇寫大細WOR，我同佢講話要$19果隻，佢又話係細定大既叉燒飯，之後我話”叉燒瀨呀”，佢仲要一路咁皺起眉頭咁望住我，又繼續皺起眉頭咁問我飲MUG！我果時已感到好不滿，好似俾錢買面色睇咁！之後去到燒味俾飛，個師傳又差D講左”細叉燒飯”！我想知點解間大家樂可以咁唔掂，成日都差D搞錯野咁！之後碗叉燒瀨整好，我一睇，心諗”嘩，MUG咁核突既”，呢D湯係燒係燒味既湯來架咩？！白色既，係清湯定重用?！見到D色覺得好核突，好似用過好多次咁，D叉燒又硬又唔好食，只係一塊硬肉，完全不值＄１９，我以後都唔會幫襯大家樂