大家樂 (淘大商場1期)

淘大大家樂，乜都有得食。 一家四口，200蚊左右埋單抵食，唔洗諗食乜。有咖哩牛腩飯，原隻燒雞，海南雞飯，鐵板紐西蘭牛扒，加埋都唔使300蚊環境ok衛生，出餐快，冇投訴…查看更多

收工唔想行遠，直接入咗淘大商場嘅大家樂解決晚餐～平時喺出面食開砂鍋雲吞雞，今次第一次試大家樂版本，結果發現原來唔差喎👏$61就有成個砂鍋，入面半隻雞 + 三粒雲吞 + 幾粒豆腐，份量絕對夠一個成年人食飽。雞肉嫩滑唔鞋口，雲吞皮薄餡足，豆腐吸滿湯汁好入味～以快餐嚟講，呢個價錢真係物超所值💯湯底係雞湯為主，飲落有香氣，不過對我嚟講鹹咗少少，如果淡啲會更啱口味～但整體發揮穩陣，唔會有即食湯包嗰種人工味，仲帶點家常feel。想平平地食返餐熱辣辣又有飽足感嘅晚餐，大家樂呢款砂鍋雲吞雞係一個安全又滿足嘅選擇～👍…查看更多

位於九龍灣的大家樂是日常快餐的穩定選擇。這次試的是油雞拼麻婆豆腐飯，油雞皮薄肉嫩，味道偏淡但不乾柴；麻婆豆腐則帶微辣，豆腐滑身，醬汁略鹹但下飯。兩者搭配不算特別，但份量足夠，適合簡單一餐。 環境： 店內整潔光猛。 價格： 約 $45–50，包飲品，屬快餐合理水平。 食物質素： 食材新鮮，味道穩定，無過多調味。 食物種類： 港式飯餐選擇多，配搭靈活，適合不同口味。 如果你想要一份快捷又不太重口味的飯餐，這款油雞拼麻婆豆腐飯可以考慮。…查看更多

呢幾日，大家樂又做$30 半斤外賣叉燒，加料就最啱啦。份量比預期多👍叉燒切得整齊，顏色鮮豔，看起來非常 appetizing叉燒外皮帶有微微的焦香，肉質則相對多汁，口感滑嫩。醬汁的甜味和鹹味平衡得當，味道不錯。…查看更多

食晏有時都會過嚟呢度食, 有次撳完飛，望住個mon，等咗半日都未有叫號。原來係個職員冇scan到張單。咁都未完，叫個鴛鴦炒飯 加大飯另上,個職員將啲飯汁分離，然後就話飯另上咪即係同汁分離，態度差都算。衛生環境就奶嘢，先唔講啲卡位仲有啲食物殘渣未抹，食個飯食到一半突然間有隻小強爬出嚟🤢🤢搵咗好耐先摷返佢出嚟，我淨係想快快脆脆食埋個晏就走，唉搞到咩胃口都冇曬。味道就一般,正正常常大家樂。價錢就冇乜好講,都係連鎖價,咁個服務態度質素,搞唔掂。…查看更多