大圍小館

營業中

休息中

新鮮滾熱辣的食評🤭哩間茶樓好巴閉，要一早可能9點就開始排隊，10:30am先開門😂我地今日好彩，行遲一步都冇飛🤭原本俾張大檯我地，我地嫌太大，想換張細檯🤣但內廳的細檯太夾攝好核突哈哈😫咁啱經理話有個阿伯突然要十位想同我地換，直接幫我地換大廳的細檯，仲舒服☺️檯與檯之間好大塊透明夾板，坐得好舒服😌原本一開始感覺好寧靜好舒服，大家都真係好enjoy嘆茶，唔似一般茶樓；但食到尾聲，隔離檯嚟咗六條女，三個女人一個墟呢度有兩個🫣煎韭菜粿(小)一個字，好鹹😖😂蒸瑤柱蘿蔔糕（小）有頭髮😨好彩未食經理幫我地換過碟😂擺上餐桌先淋上豉油，餡料放咗瑤柱臘腸蝦米，餡料頗多，味道鮮美😉唔會好霖得d粉冇餡😌經理過後有詢問有冇幫我地上到👍🏻手打墨魚燒賣（頂）有d墨魚籽豐富口感，彈牙爽口，仲有d蔬菜，搭配均勻🥬叉燒餐包（小）好多叉燒，肉質嫩滑新鮮👍🏻麵包鬆軟，加上蜜糖，甜甜地好味😋韭黃鮮蝦腸粉（特）腸粉又薄又滑👍🏻蝦新鮮🦐配搭甜豉油更加點綴，整體感覺爽口👍🏻我好驚食到好似成口粉嘅腸粉😬每樣點心都感覺新鮮，即點即整，唔似其他茶樓可能蒸定好耐，例如燒賣甩皮鳳爪甩骨🤣小$33｜中$36｜大$40｜特$43｜頂$46｜茶位$1

鮮筍蝦餃 $46皮薄得黎唔易穿👍🏻仲有煙韌口感內餡juicy💦蝦仁大粒🦐口感爽彈好食🤤嘴炮包 $40皮算厚身🫣但勝在唔痴牙內餡超級流沙🤩份量亦多鹹蛋黃味重🥚厚身既包皮啱啱中和到食到最尾既甜膩🍯唔錯👌🏻懷舊咸薄撐 $35邊位煎到香脆🍳芯帶少許煙韌口感入口有濃濃既蝦米味🍤仲有臘腸粒同大量蔥粒惹味😋雞絲粉卷 $40肉餡夾埋蔬菜條🥗入口鮮嫩😽腸粉皮薄得黎軟滑🉐有少少咬口頂湯灌湯餃 $58有別於其他茶樓用湯浸住個灌湯餃哩到啲湯係包係灌湯餃入面🍲好處係唔會浸淋左餃子皮🥟餃子皮薄而不易穿質地彈牙😇灌湯餃餡料用大量蝦仁同肉攪拌而成口感彈牙✅湯既份量都算多可惜調味偏鹹🥹欖仁馬拉糕 $40質地鬆軟🥧唔會過份甜膩面頭欖仁增加口感層次幾好食👏🏻黃沙豬潤腸 $43腸粉晶瑩剔透😽質地軟滑又唔會過淋帶少許彈牙口感黃沙豬潤口感爽彈無腥臭味👍🏻沾埋甜豉油🍾成件事好夾好食😻沙薑豬手 $58無咩肉只要係豬皮🐷豬皮口感爽彈清爽唔肥膩🫶🏻醬汁有姜、蔥、蒜🧄、麻油同豉油🍾惹味😻整體而言，點心味道比普通茶樓更好除左灌湯餃偏鹹較為普通，其他點心都值得一試🉑今次一心係黎試冰花蛋球但點知賣曬🥹希望下次可以試到🙏🏻

1️⃣鬱米赫杳籠仔蒸蟹飯飯粒粒金黃炒得好乾身， 有蝦醬同埋蟹嘅味道。 本身蒸蟹嘅時候上面鋪咗洋蔥同埋蒜蓉，將炒香嘅蒜蓉撥落去同返一齊食， 味道多層次又濃郁。 👍蟹有18-19兩 大大隻 好蟹肉蟹膏， juicy! 時間到啱啱好🫶🏻2️⃣蜜礬牛柳粒呢個真係5星！ 🌟🌟🌟🌟🌟食得出係靚牛食材， 問過後知道原來係美國安格斯牛肉， 而且聽員工講呢一個部位很少有， 一隻牛只有少部分。食落口的確好鬆軟， 好滑！ 十分之有驚喜！3️⃣蔥大利黑醋肉排醬汁好濃郁，亦都好入味！ 醋嘅味道不會太大，但同時可以去油膩感。滿意✨4️⃣者者唐生菜煲上菜嘅時候， 山菜汁仲喺煲入邊滾動， 可以知道個煲有幾熱辣辣！ 味道正常， 10分有鑊氣🔥🆒環境都寬敞，即是兩個人也可以坐一張員枱， 最後想讚一讚 雖然人比較多 但上菜好快，又不失質素👍👍 整體是高質的一餐飯🫶🏻

摸左三次門釘 終於食到！！平時唔排隊嘅我都屈服咗 等咗半個鐘😭〰️第一叉 （1份）$268真係好嫩又多汁 我好鍾意肥叉燒 佢有半大嚿都係肥叉燒 食到我好開心 聽講佢哋夜晚嘅叉燒同lunch嘅叉燒係有唔同希望下次有機會試埋個夜叉 比較下〰️ 蜂巢炸芋角 $35平時唔食芋頭嘅我都覺得好好味外層炸得勁酥脆！！好似一掂就會碎嘅感覺不過我覺得可以再鹹啲 〰️ 赤肉燒賣2粒 $31〰️鮮筍蝦餃2粒 $31〰️ 辣豉椒蒸鳳爪 $35〰️日本蠔皇煎腸粉 $48呢個好驚喜 勁有鑊氣 好想每日早餐都係食呢個炒腸粉😂〰️豉油皇鮮鵝腸 $188我見lunch menu冇提供我喺OpenRice見到有人推薦 就問下職員有冇得叫 同個腸粉相比之下係冇咩獲氣📌茶水$15@1📌10%服務費

🔸️大圍小館 🌍 中菜📍大圍積福街92號地舖大圍冇乜地方飲好茶，同屋企試下呢間好多人等位既餐館。夜晚食小菜都真係幾好，難得放假黎試下點心先。🗨️ 奶皇千層糕喺冰花蛋球同千層糕之間，我揀左千層糕。餐館冇切開四件，用筷子分開會容易整散，不過真係好好食，呢味唔係度度地方都有得食。下次一定要試蛋球，因為1日12個，限量發售，見隔離枱嗌左，真係好大個。🗨️ 手拉布腸粉我媽咪最中意食齋腸，我就一般。但呢間啲腸粉真心滑，非常正，亦會比麻，甜醬自行點食，估吾到咁高質！🗨️ 甜梅菜叉燒腸一共有三條，腸粉皮好薄，餡料都好足，好味～🗨️ 懷舊煎糯米雞睇相就知裏個餡料非常足，外皮煎得好脆，食落口嘅時候卜卜聲架🗨️ 仁稔蒸排骨食落口有怪味，上網查先知係仁稔呢樣野，東南亞野，長知識。但係我地一家唔啱食，最後老豆清左佢🗨️ 吊片肉餅煲仔飯呢樣最先到，夠熱，煲仔好乾淨，無咩飯焦，老豆稱讚豉油做得好好整體很滿意，怪唔知成日都有人未開店就排定隊。中午都可以叫必食既叉燒架！埋單$316，其中有長者可免茶位，下次必定再來！PS: 睇番原來一年前黎飲過茶，現在質素更好👍🏻

大圍小館今年榮登米芝連銜頭，開業4年，一向都人頭湧湧，而最具人氣叉燒 ，又係我鍾意食嘅，一定要推薦俾大家啦！餐廳裝修雅致，帶中式風格，環境闊落舒適，店員服務非常有禮，招呼周到，廚窗掛滿各式燒味，真的很誘人呀！看看餐紙先，原來這裏出品的點心是非一般的茶樓出品，新派創意點心，甚有心思，好吃又好看。第一叉   $158店舖人氣叉燒  "第一叉"，擺盤已經夠吸引！而每一塊叉燒都好厚，燶邊焦香，肉質非常鮮嫩，啖啖肉無筋，肉味香濃鬆化，充滿肉汁，覺得係最好味嘅叉燒，食完真係太滿足，值得推廌俾大家！冰花蛋球     $33太邪惡既美食！比想像中還要大嘅蛋球，好大個呢 ~ 外層沾滿沙糖，炸得好香脆，內裡鬆軟，蛋味非常香濃，依款甜點好特式，現時已較罕有，真的一試難忘！百花蟹肉竹笙卷    $46這點心賣相精美，鮮竹笙包住蟹肉，竹笙爽脆，蟹肉鮮甜，加上蟹籽，鮮味更突出！推薦！懷舊淮山雞扎    $46用上爽口淮山，比起腐皮還有質感，包住滑滑魚肚，軟綿綿，吸入晒湯汁，花菇好厚肉，菇味十分濃，好爽口，以及嫩滑雞肉，經典美點。古早味牛骨髓    $46近幾年在酒樓已經好少見到有牛骨髓出現，嚟到大圍小館重拾懷舊

大圍高質點心 – 大圍小館成日經過呢間大圍小館都好多人排隊，一直想試下佢地既中菜但唔成功，難得今日放假約埋幾個朋友一齊去飲早茶食點心先~鮮筍蝦餃 ($46/4件)一啖一隻既蝦餃，外皮好通透，蝦肉爽口彈牙，必點👍🏻👍🏻👍🏻糯米包 ($40)呢個懷舊點心唔係周圍都有，皮薄糯米香，非常高質😍😍欖仁馬拉糕 ($40)馬拉糕蒸到好香，口感好鬆軟見到好多氣孔係入面就知正野，甜度適中，加埋欖仁粒增加口感，正🥰蝦籽油燘筍 ($58)呢個蝦籽油燘筍最好送飯，一上枱聞到好香蝦籽味，春筍爽脆鮮味，好好食😋灌湯餃 ($65客)灌湯餃好足料，手掌咁大既灌湯餃超巨型，用筷子整開就有好多湯汁，湯底清甜，配埋餃子餡一齊食仲正💯😌古早味牛骨髓 ($46)估唔到傳統酒樓都食到牛骨髓，口感軟糯唔會有羶味，仲有豐富既骨膠原添🥰🥰#foodie #hkfoodie #hongkongfoodie #hkfood #hongkongfood #hongkong #hk #foodblogger #hkig #hkfoodshare #hkfoodielife #hkrestautant #bestfoodfeed #instad

⭐️大圍小館⭐️📍: 大圍積福街92號地舖⏰:10:30am-3:30pm; 6:00pm-10:30pm連放幾日假特別開心，可以陪下屋企人周圍食，今朝同佢地去大圍小館飲早茶食一盅兩件，幾個人食可以叫多幾款點心開心share~🌟灌湯餃 ($65客)月頭出左糧食好啲，叫左個灌湯餃比自己，平時食灌湯餃會有湯係底，而大圍小館既灌湯餃以蒸籠盛載，食嗰陣先將原隻灌湯餃放落湯碗度，先整開餃子等啲湯流到碗內，湯底非常清甜，皮薄餡靚既灌湯餃好好食😋🌟鮮肉燒賣 ($46/4件)飲茶必定要點我最鐘意食既燒賣，好香冬菇同肉味，高質💯🌟煎韭菜粿 ($33)呢個煎韭菜粿好出色，兩邊煎到金黃色，一咬開見到滿滿既韭菜好juicy，推介🥰🌟蒸瑤柱蘿蔔糕 ($33)瑤柱蘿蔔糕好足料，唔會好粉仲食到蘿蔔條，好清甜😌🌟百花蟹肉竹笙卷 ($46)呢個竹笙卷都好正，入面夾住蟹肉，鮮味十足😌👍🏻🌟韭黃鮮蝦腸粉 ($43)晶瑩剔透既腸粉皮包住大大隻既鮮蝦，蝦肉爽口彈牙，加埋腸粉豉油真係一流😄😌

自從拎左米之蓮推介🌟 一直都好想試大圍小館 weekend既booking差唔多要預成個半月前先有🥲門面裝飾古色古香 入到去都好寬敞 好舒適 前菜 想特別highlight 話梅苦瓜 本身我唔食苦瓜 但咁樣浸完又酸酸甘甘地咁 好開胃 香濃腐乳蝦球西蘭花 比較少試腐乳搭其他菜 估唔到係咁夾 蝦球新鮮爽口 再有超濃郁腐乳醬好refreshing 柚蜜鹹檸骨 柚子蜜極濃 超喜歡 同埋好肥美 食左好多舊 勾魂叉 依碟晚市先有既signature dish一定要叫喇 上枱果陣會係你面前淋秘製陳皮醬 再有火槍即席燒到濃邊 無得輸 超有gimmick 同埋好厚好大塊 最特別係底下有好多脆米 痴著咁食 口感好特別！ 薑米蒜香籠仔蒸蟹飯係我全晚既最愛 蟹膏爆多 蟹身又啖啖肉 蟹拑好大舊添 蒸飯好香 食左兩碗添 必推！ 最後以花生微豆髮菜湯水作結 非常滿足

性價比：8/10～先講預約小故事呢間預約困難店，由朋友負責訂枱，原來 WhatsApp 向餐廳詢問係會自動引導客人打電話。。。最後朋友用咗某信用卡秘書服務先訂到😅👉🏻 勾魂叉燒 ($188)好味指數：😍😍😍😍🙂✅本身鍾意食啖啖肉勁厚切嘅叉燒，呢款好啱我心水。鍾意傳統窿邊叉燒嘅就未必啱食。✅佢既一件叉燒等於出面叉燒飯既一半叉燒份量。食完兩件基本上已經飽肚。✅醬汁都唔錯，唔會過甜✅有表演睇都幾開心嘅

☎️連續打43次電話先通嘅 超高質中菜館🌟上年攞埋米芝蓮推薦 大愛流沙包同燶邊叉！一咬落去超有滿足感第一叉💰HKD158(半)/268（Rating：8.9/10）好好食！好厚切 肉緊緻多汁 稍鬆軟但冇明顯肥膏 唔會太甜 實物都幾龐大 想再食🤤利申: 偏好瘦叉流沙包💰HKD40（Rating：8.5/10）好澎湃嘅流沙！合格合格 流沙都夠蛋黃味 包體鬆軟 比例恰好 係兩個包少少難分懷舊煎糯米雞💰HKD43（Rating：7.8/10）呢個好特別！煎所以冇我唔鍾意糯米雞黏濕感 裡面仲有我愛嘅鹹蛋黃 肉汁正常 特別菜式 試得過烘焙醬茄子💰HKD48（Rating：7.4/10）中式茄子最怕油 但呢個ok！簡單幾清新 不過冇咁特別日本蠔皇煎腸粉💰HKD48（Rating：7.2/10）幾好食嘅煎腸粉 喜歡蛋絲！不過我唔特別好所以冇心動蜂巢炸芋角💰HKD35（Rating：7/10）試過逸東軒出品覺得嗰個好食啲🫣芋味中等 炸皮鬆脆欖仁馬拉糕💰HKD40（Rating：6.8/10）好大塊 欖仁平均 好飽肚 食多有少少悶 個人唔特別like鹽酥魷魚鬚💰HKD58（Rating：6/10）最普通呢個

一直都知道大圍小館好出名又有米芝蓮加持，門口排住一排紅紅燈籠，長期人龍店，講左咁耐呢晚特登過黎試下，未夠6點就係門口等派飛入座幾乎每枱都會叫勾魂叉燒一客有5大件，件件厚肉，上枱後待應會抹上15年陳皮叉燒醬，再用火槍燒一燒肉香嫰滑，焦香又惹味，記得食之前再加埋脆米一齊食，又會再多一份口感無花果肉排岩哂食肉獸，肉排炸得鬆軟，用上新鮮無花果乾，清甜不油膩豉油皇鮮鵝腸新鮮鵝腸好入味，爽口又彈牙底下有平時少見花生苗，幾特別啫啫唐生菜煲落左好多蝦醬去炒，咸香十足，送飯一流三虂籠仔蒸飯有銀魚仔，蝦乾，魷魚乾 ，一打開勁香仲要係炒飯底，真係唔好食都幾難最後仲有是日糖水送，真係勁滿足

食客又出動了，住喺大圍嘅friend話有一間新進2022米芝蓮食府，朝朝飲茶都要排隊先有得入，遲一步就要等下一轉了。今次有大圍朋友排定隊先，咁我來到啱啱開場，即時入得，轉眼間full晒。叫咗普通D嘅“叉燒餐包”，“赤肉燒賣”，“鮮筍蝦餃”和“懷舊鹹薄撑”試吓掂唔掂先，食咗叉燒餐包，啲叉燒調味適中，肉質juicy，皮又鬆化，唔錯，合格之上，咁就加碼嗌咗“紙包骨”和"古早味牛骨髓"呢两樣第二度茶市都比較少見嘅嘢。紙包骨上台時熱辣辣，待應即時用鉸剪剪開，就見入邊的肉，等多一陣先食，費事辣親我嘅口，食落一啲都唔“鞋”，似乎仲有D香茅之類嘅泰國香料，好泰式juicy 嘅紙包骨；牛骨髓出現係茶市都係第一次見，只見好多條白色的骨髓，還有少少配菜鵪鶉蛋，小玉米，見到勁吸引，食落肚又好滑，感覺好補吖。燒賣上邊嘅花菇厚肉高質，仲好食過第二度啲鮑魚仔吖。

大圍小館，米之蓮銜頭，梗係多人捧場，雖然已經有心理準備，但冇諗過未夠六點就已經咁多人等入座😅店員陸續安排客人入座，細心有禮，招呼周到，睇嚟都係訓練有素，每個細節都做得好好，值得一讚👍🏻蒜香無骨魚$138，招牌小食前菜，呢個一定要襯熱食，一串一條，酥香鬆化，魚香味濃，外脆內嫰，正😄另一道必食名菜「勾魂叉燒」（5件）$188，選用上等豚肉，掃上獨家15年陳皮勾魂燒汁，望見已經口水流🥰即場火燒叉燒表面，除咗吸晴之外，更加香氣四溢，色香味俱全😋入口肉香甜美，獨門醬汁更帶出多種不同層次質感，與別不同，必試推介👍🏻👍🏻👍🏻無花果肉排$188，肉香不膩，果香味足，兩者完美配搭，份量十足😀原曬豆豉雞煲$188，上枱吱吱聲響，離遠都聞到香噴噴，雞肉嫰滑無比，豆豉獨有香味，真係食到我地舔舔脷，送番碗白飯更加正🥰啫啫唐生菜🥬煲$138，惹味又爽口，咁平凡嘅菜式都能夠變成咁巧手菜式，真心佩服😎整體來講，招呼周到，食材新鮮，好坐又好食，唔怪之得座無虛席，摘星中菜，果然名不虛傳💯😋

今日同朋友去踩單車， 踩完單車係附近搵食，記得上次朋友帶我去大圍小館飲茶，茶同點心都好有特色，所以決定再試試唔同點心。踩完單車好肚餓，先來個糯米包$40一籠有三個好大舊，餡料超多，有臘腸、蝦米、冬菇、瑤柱、芫荽，味道幾好，醫肚一流。韭黃鮮蝦腸$43皮薄餡靚超級鮮甜。一條有2隻大蝦。紙包骨$46配上紫洋蔥，好鬼入味，但偏鹹咗少少。古早味牛骨髓$46出面少見，食落滑滑哋呢間餐廳嘅好處係可以分別叫兩隻蝦餃兩隻燒賣撐枱腳。赤肉燒賣$31大粒圓潤，成隻花茹係面頭好靚。鮮筍蝦餃$31蝦餃晶凝通透，食落夾甜帶汁。茶位$15合理！餐廳用上名貴嘅茶葉，好飲😋