大圍小館 (已結業)

又貴食物比以前差了，灌湯餃及腸粉皮厚，味道一般但收費高，七點心共六百幾埋單。昨日兩人去食，都有起碼二年冇去，第一沙翁冇咗，個侍應話請都冇人食，所以元朗唔做，只有大圍才有，我估可能廚房師傅走咗呱，第二鳳瓜好普通，同一般酒樓一定樣，個煎薄撐太多樱花蝦啦，煎得個樣好似好脆咁，但咬落去冧嘅，重麵粉勁多冇香味，三色腸粉皮厚但蝦爽口，灌湯餃皮厚皮內湯水不夠多，有啲乾爭拿感覺，叉燒有番D水準但可惜唔夠味，啖咗少少，希望佢再努力番少少啦。

1048開枱，服務員說明12點交枱1140服務員槍結賬1143至1157期間有3個服務員過黎提示我地要12點交枱，再加埋幾位服務員喺我地周圍行來行去，示意我地夠鐘離開最終我地係1158交枱問題係佢12點入場嘅客人跟本不多，未真正需要用到我地原本嗰張枱有個男服務員仲大大聲講：留港消費我地5人坐低不足1小時30分，消費1200（午餐），不是高消費但以午餐計算，也不是低消費，雖然食物質素都算ok, 但啲咁嘅服務，叫人如何樂意留港消費

只接受訂枱，但係電話係永遠都打唔通的，不接受生客，熟客唔洗訂都有檯問有冇外賣，服務員態度十分惡劣，表明自己間舖好膠級，唔做外賣，我呢啲人都係出返去尖沙咀飲茶/返大陸先啱香港飲食業都多謝佢唔少

佢入位既方式好特別，係一個時間入哂全部人，所以訂位夾岩時間入會較好，以免無位/要等下一節先入等。坐得好舒服，兩人都俾左張大枱，服務都好，難怪係米芝蓮級。茶叫左鐵觀音，但佢係自家特別傳統拱焙，感覺有小小似焙茶。蛋黃千層糕，顏色無圖片咁靚，但都好香咸蛋黃味，奶黃味就無咁出。三色腸 好特別，十分適合貪心既我。淮山雞扎（一件）我唔食既，朋友話好出色。叉燒包，食得出同平時既唔同，無平時酒樓咁甜。茶香鮮筍蝦餃（兩粒），皮摺得好靚，唔算厚。蝦無好彈牙，但都好大粒，又有筍。花菇吊魷鮮肉燒賣（兩粒），一粒花菇，一粒吊魷，味道不錯。食材食到都算係靚料，味道唔錯，但茶位要$25位同點心價錢係元朗區算幾貴，實在拍得上五星級酒店（午市），聽到隔離枱話係長者免茶位。不過就唔肯定，未證實。

大圍小館成日都聽㗎啦！好多朋友都試過。今日終於輪到我啦，不過就冇book到大圍嗰間，因為大圍嗰間常常爆滿。今次就試吓元朗嗰間啦！今次係朋友一個星期前book位，都仲有位。 當晚我就早到咗，去到坐低落嚟啲座位都幾闊落下枱，而差唔多抬抬都係中枱大枱。我連埋朋友四個人都好似係坐七至八人枱。食物方面，朋友一早就訂咗個 仙鶴神針。如果啲傳統菜式都要訂位時預訂。朋友嚟到之後我哋都係睇Menu嗌，叫咗個 第一叉、冰梅鹹檸骨、椒鹽九肚魚、啫啫生菜煲同埋泥鯭粥。最後加咗個 脆皮炸白兔牛奶糖。最後大概每人約$450，都10分飽！如果未去過嘅話，都值得去試吓啲菜式！

今日約咗幾個中學同學去大圍小館食飯敘舊大圍小館我食過幾次大圍店食過三次元朗店食過一次所以今次都幾期待我負責訂位，Pre order咗仙鶴神針我哋食第二輪，8:10左右已經可以入座我哋叫咗第一叉、冰梅鹹檸骨、蝦醬啫啫生菜、陳皮泥鯭粥第一叉保持到水準都 好淋身冰梅鹹檸骨上到嚟好夠熱、不過就略嫌普通咗啲蝦醬生菜係今餐我最欣賞嘅菜式，完成度好高泥鯭粥就好有陳皮味，我食咗三碗仙鶴神針係懷舊菜原本應該係將魚翅放入隻乳鴿，不過環保所以佢哋用素魚翅手工應該係多嘅，不過味道就未算驚為天人食食吓我哋見到隔籬枱有個九肚魚所以我哋都叫咗個嚟食九肚魚上到嚟好香好多肉，蒜蓉味都好夠唔算油，所以都幾好味最後甜品我哋食咗炸牛奶糖算幾特別，喺第度未必食到餐廳仲送咗碗糖水不過佢做兩輪生意基本上每輪都係食個半鐘左右有啲急如果想傾吓偈就唔係好適合

電話長期無人接聽，之後直接去店內訂座，服務員態度極𣎴良好，對答過程已經唔禮貌，未食已經趕客，生意太好？？就算有幾好食，咁既接客服務態度，完全唔會去幫襯。。。。

想試好耐嘅中菜館, 大圍嗰間成日都full booking所以同朋友試下元朗呢間分店, 又好好彩book到✨提早訂左隻琵琶鵝 係成晚嘅mvp! 鵝肉非常鮮嫩多汁，食完個個都讚❤️豉油雞都非常之出色，肉質鮮嫩滑口，簡單但顯功夫！其他小菜都唔錯，每一樣都有水準！呢個荷葉飯都幾有驚喜，蟹肉鮮甜，而且每粒飯都吸收晒啲精華😋荷葉嘅清香令到成個飯更有層次✨最後有芝麻卷做甜品！芝麻味好濃郁而且甜度啱啱好唔會太膩！可惜個日冇哂沙翁！希望下次黎可以食到😋

慶生🎂飲茶🥳選了很耐想試的著名米芝蓮 #大圍小館，以前要排隊等，現 #元朗分店 可 #訂座 太好了👍店舖位於翻新後的 #好順福商場，鄰近朗屏西鐵站🚝飯後往元朗購物🛍️都好方便😆餐牌會定時更新，點心數量不算多，勝在好有特色👍🏻 座位舒適，服務亦很好#特濃芝麻卷必食中的必食🤤甜品天花板🉐傳統手藝完美呈現👏🏻 可以攤開成一條長布👍🏻香濃芝麻甜度適中不會好甜#南瓜糕類似蘿蔔糕的質感，內有原粒南瓜🎃表面煎香♨️香口好食#流心糯米雞煎香的糯米雞🐤餡料有冬菇🍄‍🟫肉碎等，重點是剪開時流心蛋🥚將糯米雞都昇華了🤤#三色腸鯪魚肉🐟鮮蝦🦐牛肉🐂腸各一，用料足👍🏻皮滑，加上辣醬美味非常😋#花菇吊魷鮮肉燒賣魷魚粒🦑在燒賣上，口感很得意，冬菇🍄‍🟫一大一細唔平均🤣燒賣肉較咸#茶香鮮荀蝦餃皮薄肉鮮🦐品茶必點#眼淚奶黃包包底做得好👍🏻不會濕淋，奶黃醬香濃🤤有蛋黃碎🉐邪惡必勝😂#煎蔥花蝦米腸為環保節約能源♨️用了蒸的火喉去煎腸粉😂蔥多蝦米大粒見精選8款午市粉麵飯$88都好吸引抵食想試，但已太飽鳥。 見外賣仲$48😱😱真好抵👍勁想叫盒外賣走😆整體都好味，可再來。#飲食情侶🥰#香港美食 #元朗美食 #香港商舖 #租舖 #Cher

今日同朋友去咗元朗大圍小館飲茶，見到門口已經排晒隊，真係好彩我哋有book位。呢間小館果然名不虛傳，點心真係一流！**香鮮筍蝦餃** 🥟：呢款蝦餃皮薄餡靚，啲蝦肉鮮甜彈牙，配埋香甜嘅筍，口感豐富，好好味。**酥炸魷魚鬚** 🦑：炸得好脆口，魷魚鬚鮮嫩，外層金黃香脆，真係好好食。**奶皇包** 🥮：呢款奶皇包嘅奶皇餡滑溜香甜，包皮鬆軟，唔會好甜**福建炒飯** 🍚：炒飯粒粒分明，材料豐富，有蝦仁、叉燒、青豆同雞蛋，味道層次分明，好好味。整個飲茶經歷真係非常滿足，每一道點心都係精心製作，非常美味。元朗大圍小館真係值得一試，下次一定會再嚟！😋🥟🍚🦑🥮

員工服務態度好，環境舒適！食物有水準，尤其燒鵝超水準～皮脆肉嫰好味😋😋厚切叉燒係他們招牌菜！他們會奉上叉燒時，即時在場搽上蜜糖用火熗再燒烤片刻，增加味蕾和視覺享受！！

今晚一行三人唱完歌吃晚飯，早兩天已經打電話訂枱，晚上只有6點和8點兩輪枱，剛好我們5點半便唱完歌，大家都懷着期待的心情來到餐廳，看見差不多每枱都有點义燒，我們也要了一碟，餐廳的中央有個大屏幕，剛巧正在推介醃鵝的方法，我們便點了個例牌脆皮黑鬃鵝一試，朋友點了砂窩蝦頭膏炒飯，還有蝦醬啫啫生菜煲。坐下很快便端上义燒，义燒是燒得焦黑的，肉質不夠嫰滑而且偏肥，接著端上脆皮黑鬃鵝，比义燒更惡劣，肉質又嚡又實，吃不出味道，接著來的砂窩蝦頭膏炒飯更是敗筆之作，朋友以為送錯了飯給我們，便向侍應查詢，因為在砂窩裏面完全找不到蝦頭膏，更加吃不到蝦頭膏的味道，淨係有些淡而無味的蝦仁在飯裏面，仲要索價$228，其實同蝦仁加蔥炒飯冇分別，最後來的蝦醬啫啫生菜煲比較正常，不過我哋異口同聲都說份量太少，以$138的價錢，其實可以放多兩棵生菜。吃完飯剛好7點，全程我哋都係透明的，沒有人幫我哋清理枱上的空碟子，唯一關注我哋就係問我哋啲餸菜到齊未，然後就急不及待遞上單據埋單，真係食到一肚氣，結帳埋單共$900，以呢個價錢，這樣的服務，我哋唔會再來光顧了。

又寫住電話訂檯又唔聽電話，打左N個電話都唔聽咁姐係點呀？過到去又話要預定。一係就網上訂檯啦。又寫住電話訂檯又唔聽電話，打左N個電話都唔聽咁姐係點呀？過到去又話要預定。

一行十多人慶祝生日，服務體驗非常差！！！食物正常，乳豬好吃，但服務太差不會再幫襯，服務員態度惡劣！上漏菜耽誤了整餐飯的時間，然後又不停催促交檯，一幫人影相拍照時服務員完全不理狀況，突然插入中間上糖水？？然後有問題時服務員未了解清楚狀況，就胡亂答客，其實佢唔知問一問其他同事又有幾難？？諗住開開心心喺度慶祝家人生日，點知食完出嚟一肚氣，食得一啲都唔盡興，完全享受不到應有的食客體驗，貼錢買難受，不推介！！！

本來尋日已經book好今日6pm枱同屋企人慶祝生日。Book枱時侍應有問：「Book 6點定8點？」突然今日中午12點打嚟扮確認：「你book咗今日1點枱」？？？？？係6點喎！之後佢哋一句：「唔好意思，我哋攪錯，真係無枱」就算數。今日12點先問係咪book咗今日1點？定係突然有熟客要枱，就要唔俾枱我哋呀？呢啲服務態度真係好真誠。