大員

放假出街食午餐，但想食好味既野又想健康無味精，荔枝角既大員就啱曬我要求🥰大員係一間台灣菜餐廳，食物唔添加味精主打天然健康，而依度既廚師仲係台灣人添，真正係香港都食到正宗台灣菜😋我好仲意花雕醉雞腿卷配藥膳湯麵，湯底好香藥材味，飲落好足料味道剛剛好，好味到我飲曬個湯底呢🤣花雕醉雞腿啖啖肉入曬味，肉質好嫩滑！凍低糖鮮草奶茶好香滑，甜度唔會好似其他出面既奶茶咁甜到膩，但又好好飲！而朋友叫既十三香牛肉麵都好好味，牛筋牛腩好入味，刀削麵好好口感！阿美族烤松板豬係必叫啊！好爽口肉質超靚！手工古早味芋籖粿表面少少香脆入面軟糯好正！手工肉鬆咸蛋黃芋餅入面既芋泥包住靚靚咸蛋黃，好想食多几隻🤤茶葉蛋超流心🤤Food list🍽️十三香牛肉麵 $82-是日大廚靚湯 +$8-凍低糖鮮草奶茶(跟餐送)花雕醉雞腿卷配藥膳湯麵 $75-是日大廚靚湯 +$8-凍低糖鮮草奶茶(跟餐送)阿美族烤松板豬 $50手工古早味芋籖粿 $28手工肉鬆咸蛋黃芋餅 $13茶葉蛋 $8…查看更多

今日真漢子介紹位於荔枝角半島大廈地下嘅「大員」，係台式餐廳，有幾款素食供應。😉🍄 椒鹽杏鮑菇，配前菜，白飯及飲品 $68作為素食者，椒鹽杏鮑菇都食唔少啦，但呢碟係我食過最好食嘅。之前食嘅都係切塊炸，但呢度就切成幼絲，薄薄咁炸咗一層。食落去首先食到好惹味嘅椒鹽味，仲有啲辣辣哋嘅香脆蒜粒，好過癮。咬到中間杏鮑菇軟得嚟有少少彈牙，完全係食緊椒鹽魷魚鬚嘅感覺。🐙埋單同老闆講起，原來佢哋真係想模仿椒鹽魷魚鬚，所以先咁樣整嘅，咁你哋真係幾成功呀。👏🏻老闆仲好細心，驚炸杏鮑菇比較乾，送咗啲醬油膏比我送飯食。佢話台灣醬油膏一般用豬油整，但佢哋就用豆油，所以素食者可以食，不過就有蒜。我想講個醬油膏撈白飯食真係超正，冇餸都可以食幾碗飯。😋🍲 鍋邊素滷味，配前菜，白飯及飲品 $58鍋邊素嘅意思即係响葷食素食都有嘅菜式中，揀素食嚟食。呢個菜式個名叫鍋邊素，而事實佢哋個滷味汁都有煮過肉嘅，所以絕冇違反商品說明條例 😂。如果唔接受鍋邊素嘅素友可以略過。🚫其實個菜式嚟到，大部分餸都並冇汁浸住嘅，係個底有少少汁，而且啲汁都冇話好「肉感」，所以分分鐘比大家去兩餸飯店食鍋邊素嘅感覺仲純淨啲。🌱賣五十幾蚊但完全冇將貨就價，有好多餸包括：百頁豆腐，豆乾，海帶結，杏鮑菇，酸菜，薑絲。酸菜食落唔太酸，但就辣得好開胃。百頁豆腐軟硬適中，海帶結有咬口之餘，調得好好味，非常好送飯。滷杏鮑菇食落涼涼哋，滷得入味而且充滿麻油香，切成三角塊狀，所以咬落去好彈牙。☺️望落去以為係芽菜嘅薑絲，拌埋其他嘢食竟然幾醒神。感覺呢個鍋邊素所有配料加入去都係有諗過，而唔係求其拼埋一齊咁簡單。👍🏻🍜 涼拌麵 $57呢個價錢未必人人一樣嘅，因為視乎揀咩餸。素食嘅餸有：🥬青菜🥒青瓜絲🌽玉米粒🥚蛋絲真漢子揀咗青菜，青瓜絲同玉米粒。上枱見到有蛋絲同半隻溏心蛋，我相信因為青瓜絲，蛋絲同溏心蛋係個 base 嚟嘅，如果唔食我諗可以同店員預先講聲。🙋🏻‍♂️個麵份量超大，食哂飽咗成晚。麵質都算幾靚，咬落有少少彈牙。麻醬加咗少少醋，所以食落幾開胃。呢個拌麵雖然冇上面兩個餐咁驚艷，但就大件夾抵食。😙呢度嘅餐大部分特色飲品都唔使加錢。同而家好多新開食肆一樣，飲品係預先入好樽，雖然係咁但質素都唔錯。台式餐廳必點嘅冬瓜茶有，白桃烏龍茶有，蘋果泡茶亦有。佢哋仲有台式蛋餅，不過只限早餐，下午茶，同星期六日先供應。😅真漢子幾欣賞佢哋開到晚上八點，因為好多工商業區類似餐廳主要做 office 客，所以好多都六點前就收鋪。開到八點就更多街外客都可以試到啦。🥳…查看更多

最近喺長沙灣試咗間新開嘅台灣菜《大員》，聽店員講廚師係台灣人，難怪食物咁正宗喇😍！ 除咗我叫嘅午餐同小食，呢度仲有古早味嘅選擇㗎🥰🐥 蔥油手撕雞肉飯（$62）每個套餐都有前菜，而且係全自家製嘅，每日都有機會有唔同嘅前菜，好開胃㗎🤤蔥油手撕雞肉飯份量啱啱好，調味鹹香得宜又唔油😚跟餐飲品我揀咗自家製豆漿，飲得出鮮磨口感，而且仲係低糖嘅添！🐮 十三香牛肉麵（$82）牛肉麵一樣都有前菜同飲品，今次就揀咗個自家冷泡茶：香芙蘋果冷泡茶，酸酸甜甜咁🍎十三香牛肉麵有牛筯腩肉，麵底係粗麵，但都夠入味，而且湯底香辣，另外仲配咗舊辣牛油增加口感🥰 🥚 茶葉蛋 （$8）茶葉蛋係用紅茶浸泡嘅糖心蛋，好正😍🍟 甘梅地瓜條 （$28）甜甜哋嘅地瓜條灑上酸甜甘梅粉好match🥰🐣 花雕醉雞腿卷 （$55）超推呢個醉雞！雞肉嫩滑啖啖肉🤤🤤🐤 啤酒鹽酥雞 （$40）呢個感覺冇一般鹽酥雞咁熱氣，做到皮薄肉厚，啖啖肉🤭🥬 燙青菜 （$18）最後仲叫咗青菜，健康戎人選💕…查看更多

最近去咗荔枝角半島大廈食台灣菜「大員」 餐廳主打唔用雞粉同無味精🙌🏻非常之健康 廚師係台灣人嚟添所以係正宗台灣菜 餐廳簡約有好多坐位 牆上掛咗好多幅畫 而餐廳推出左全新「台式桶雞二人餐」 兩個人食非常之夠 「台式桶雞二人餐HK$278」 好抵食！有包到台式桶仔雞配雞油烤時蔬、前菜: 鍋邊素滷味、白菜同飲品🥤鍋邊素滷味係人氣嘅台灣小吃 有海帶結、百頁豆腐、豆乾、杏鮑菇、酸菜 口感非常豐富 餸飯就啱哂 豆乾豆腐都唔會好咸味道較清 非常之推介台式桶仔雞😋無雞粉無味精同其他餐廳食嘅真係好唔同 桶仔雞原隻上熱辣辣送上枱 店員會俾兩對手套俾你去用手撕啲雞肉落嚟 雞肉非常之嫩滑 加上胡椒粉同自家製蒜頭醬油膏食得非常滋味👍🏻👍🏻…查看更多

🍜「大員」餐廳主打台式風味，佢嘅手工製麵仲係冇味精❗️重點係價錢親民，份量唔足，CP值爆燈😍🐮十三番牛肉麵 + 前菜 + 白桃烏龍冷泡茶 $72牛肉麵湯底香濃，牛肉炆得夠腍😛手工麵條煙韌彈牙，配埋白桃烏龍冷泡茶，果香清新，夠清爽😉花雕醉雞腿卷配藥膳湯麵 + 前菜 + 凍低糖仙草奶茶 $75醉雞腿卷酒味唔會太搶，雞肉滑得嚟又入味😍藥膳湯底溫和唔燥，啱晒秋冬飲😚仙草奶茶甜度啱啱好，飲完好滿足。啤酒鹽酥雞🐔 $40鹽酥雞炸得香脆，入面仲幾Juicy🐷手工肉鬆培根蛋餅 + 茶葉蛋 + 台式飲品 $36呢個set 真係勁抵❗️蛋餅外脆內軟，肉鬆同培根夠晒香口，茶葉蛋仲係流心ga😍台式飲品可以揀奶茶、冬瓜茶、仙草茶等等，款式選擇夠多☺️主食加$8有大廚靚湯，今日係海帶蛋花湯，唔係嗰啲味精湯，係真材實料煲出嚟🤩…查看更多