大同老餅家

營業中

休息中

荳蓉皮蛋酥: 好好味, 啲綠豆好香, 加埋啲薑同皮蛋, 真係絕配, 佢放係個暖爐入面, 所以食個時暖暖地, 好好味, 一定要試下荳蓉棋子餅: 第一次見有荳蓉餡既棋子餅, 就買黎試下, 又係超好味, 雖然有少少過甜, 但係真係好好味, 一次可以食2 個買唔到太白餅, 留待下次吧

昨天在元朗跑佐五六間僱傭公司請工人,連中午飯都無時間食,攪掂後都巳四点半了,和簡生走入大同買了兩個菠蘿飽,WOW!入口好脆皮,又大個,重熱熱地,好耐無食過咁高質素嘅菠蘿飽啦!又唔太甜, 再加一罐cokelight,一路行一路食,非常滿足.見到好多街方在等老婆餅,連續出了四五大鐵盤,一陣就賣光了,下次都要試試.

唔想買外頭有得買既餅，又想買新鮮出爐既餅。大白餅（光酥餅/ 西樵大餅類）未出爐，就買o左豆蓉皮蛋酥、荳沙酥同老婆餅：豆蓉皮蛋酥係鹹綠豆茸餡，有1/4 隻皮蛋，當然無成隻皮蛋咁食咁震撼，亦都無成隻皮蛋咁食咁漏，味道唔錯；荳沙酥當然是有紅豆沙，但混有棗泥的清甜味道（！）；老婆餅的冬蓉餡比其他餅舖軟身，但勝在少甜。食酥餅，食油係預o左，但新鮮好食，無計。

7.2(日)平時經過呢到一定會入黎買野番屋企食,最鍾意呢到d皮蛋酥,老婆餅同雞仔餅今次買左兩個大既太白餅,平時好少見到有得買,今次第一次買,大$2.5,細$1其實太白餅外型同光酥餅好似,只係太白餅無咁乾,外面多d粉,甜d同煙韌d咁解同場見到好多旅行團係到大肆購物~

皮蛋酥好食, 中間有d綠豆蓉&薑, 勁中意食.白餅都好好味, 應該得佢有架咋!

去開元朗,好多時都會去佢\度買返個皮蛋酥食,有綠豆蓉(有薑)同蓮蓉(無薑),次次都係買蓮蓉的,$3.5大大個,仲有半隻皮蛋,有時個黃仲係流出黎TIM,蓮蓉唔會過甜,皮都夠酥。除左老婆餅之外,佢都係一個好的選擇!

蛋黃蓮蓉酥、老婆餅有一陣香味,非常好吃,正!

我好鍾意食佢地D煎堆同菠蘿包...真係好正架.D 煎堆係有豆沙做餡...新鮮熱辣真係好好食...而菠蘿包仲正...脆皮架...哈哈...攤左幾個鐘依然咁好食...

雖然係傳統中式餅家,但都有D特別野.好似喱個沙翁串,每個沙翁size大過一個乒乓波小小,炸麵包球點到即止,唔油膩,麵包球非常軟熟而較一般麵包有彈性,食左一半個麵包球都唔會倒塌或者扁晒咁.用竹纖食又唔會食到成手糖,方便,好食!

細白餅($1-2/件,好煙韌但好甜)摩囉酥,好食,但係又係甜左dd,因為係蓮蓉餡,一袋好似有6隻,個餠都幾重身下~十字包一袋好似有4個,呢個就麻麻喇~

路經此店, 買左個大白餅$2.5,一咬落口,頗有口感,幾好!而味道方面同光酥餅大同小異,不同之處系佢比光酥餅煙韌!

我依加一边睇緊超級盃足球,一边要聽老婆話,寫两句元朗大同餅店D正嘢,可謂稀犧極大,唉！冇法啦,鬼叫佢D餅的確係好食咩！唯有拿拿淋講两句,老婆餅真係咽靭夾清甜,又厚厚的,不覺油膩,暖綿綿的放在手掌裏,猷如溫柔老婆,捨不得飛禽大咬,只有輕搓淺酎,不敢把它狼吞而下！雞仔餅有好正和濃沃的南乳香味！老只讓我咬了一啖她手中的餅,其餘全歸她的.其他餅食,我沒有試過,不能置評,但是大同的老婆餅和雞仔餅,就肯定比恆香好.重有,D 賣餅亞姐好有禮貌和耐心.I just missed a touch down from New England Patriot.

見倒有人講大同,我就諗起中秋食既大同月餅,嘩!係油浸月餅黎ga!重未食過咁多油既月餅,好可怕!大家今年要買,千萬唔好食大同!另外,讚下都有既, 就係佢好多時都新鮮出爐既麵包,菠蘿包,腸仔包,好正,好軟熟,不過又係會食肥人既...

佢有款叫"椰堆"小吃,好香,好好食,熱的話重正呀!一定要試

竟然冇人評過佢既食物呀?真係好出奇佢其實係比恆香更老字號既餅家雞仔餅同老婆餅都係佢既鎮店之寶之不過因為恆香有做宣傳呢人先對佢冇認識o者佢既雞仔餅係我食過最正既不過真係一件起兩件止因為係好大件架好似恆香d迷你老婆餅咁大件面頭係脆既但入面既口感就煙煙靭靭有好多饀o係入面好好食又有特色不過今次買就比起膿左d如果唔係仲正呀!其實除左雞仔餅人地話佢d出爐麵包都好正架又平喎,不過我就未試過