大叻越南牛肉粉餐廳 (新會道) (已結業)

越食越想食呢！今次幫親左一間係銅鑼灣近利園既餐廳，同佢個名一樣咁叻。 餐廳野食好好味，有散叫又有set，價錢算ok,餐廳環境簡約舒適，乾淨乾淨。 野食算好味，簡單想食個午餐/下午茶都可以。湯河、濛粉、飯餐都有。 行去銅鑼灣不妨試一下，勝價比高附近OL午餐可以食下。泰式豬頸肉高，越南炸春，捲米紙，牛肉，樣樣好睇好食呢！

今日中午去左呢間越南餐廳食午餐，叫左一個雞絲扎肉湯河 。我等左5分鐘左右，侍應就拎左碗雞絲扎肉湯河。一睇就發現碗內的洋蔥係生的，完全冇煮過。我立即同其中一位中年的女侍應反映要求她更換，她只是叫我將洋蔥浸落湯內浸熟佢，拒絕更換。 此時另外一位女收銀員工上前同我講同一樣野，叫我將洋蔥浸落湯內浸熟佢。我繼續食，之後再發現不單洋蔥是生，連河粉都係一餅一餅，沒有煮過，湯也不是熱的，根本不可以將洋蔥浸熟。於是我再要求侍應更換，此時侍應才更換過一碗。 5分鐘後侍應再送上一碗雞絲扎肉湯河 ，我發現係我頭先食過的同一碗雞絲扎肉湯河，即係廚房冇幫我換過另外一碗，只係翻煮同一碗雞絲扎肉湯河，但今次連洋蔥都冇比。店舖的侍應態度惡劣，我第一次反映食物未熟就應該更換，我第二次叫她更換，她先肯換。 而且月廚房根本冇換過另一碗新的河粉，只是翻煮過我食過的河粉。銅鑼灣餐廳好多，選擇都多，競爭好大。如果呢間餐廳不改善食物質素，員工態度，很難生存落去。

諗住是但搵間餐廳食個 tea set, 越南野好少出事。我想叫大叻蕃茄牛坑腩，餐牌寫喺河粉，我見到飯類都有個越式牛坑腩飯，以為係同一樣嘢就叫咗。碟飯嚟到嗰下我就知道自己叫錯咗，同埋覺得 lai 野。啲汁明顯係生粉落得太重手，杰嘅程度衰過誤入難食茶餐廳啲碟頭飯。啲牛腩又亂切，好彩唔太韌，我諗佢啲牛腩本身唔差。但個飯好硬，啲汁又咁樣。食咗2啖已經諗住一陣要買 comfort food 黎平衡返個人。另外，杯奶茶味道正常但一黎就加咗料，以為係茶葉似係洗野果啲刷嘅碎🤔

這間餐廳在公司附近，偶爾會幫襯買外賣自取。之前的服務態度不算好也不算差，是典型的茶餐廳粗聲粗氣但使命必達。今日照樣外賣自取，兩個侍應是中年講廣東話的大媽（不是平日的外藉姨姨）。平日裡叫雞絲札肉湯河都附上香葉辣椒跟青檸，今天沒有所以回頭去取。我說欠了這個佐料，大媽A立即發惡說這個湯河不附送，我說平日裡都有，大媽A繼續鬧人，大媽B說今日起不送，然後立即推我出門口並關上門。這是什麼垃圾態度！不是因為受氣，今天食物特別難食，雞是隔夜雞味，跟平日都不同！我不推薦這間餐廳給任何人，本地人跟旅客都要小心避雷！

$60既午餐份量多，多餸菜，質素都唔差，呢個價錢唔包餐飲，熱飲同凍飲要另外加錢，我就點左碳燒豬扒飯，豬扒剪開一條條形狀，方便易咬開，好貼心。豬扒肉質唔會太乾，亦都唔會太硬，飯既份量唔會話好少，岩岩好。

今天7月3日大約中午12點20-30分左右進店看到裡面有位子進去要坐定時一位女服務生可能看我一位叫我坐最裡面一個人位子我說 我不能坐這邊嗎 （我要坐的是四人桌 就算坐著有客人也會併桌何況還有另外一桌四人桌空著）她還是叫我坐裡面一個人位子結果 我說那我不吃了她也回 隨便你（這句話是沒毛病 但我就是感覺很不受尊重）我只能說 本來只打算今天不吃這家未來有機會還是會在光顧現在被搞到在附近上班未來午餐跟晚餐都不會去吃了祝店家生意興隆才可填滿室內位子

中午亂走選午餐，看到這家店舖外招牌寫得蠻清楚，店內食客都多，就進來試下。看得出很繁忙，店員沒空招呼我，我得一個人，坐在四人桌同三個人搭台（，好擁擠叫咗A餐（60）+三色冰（10）無加一上菜蠻快，賣相不錯，但真的好鹹啊這個豬扒…我光吃了兩條豬扒就食完了飯，飯上的蔥也是鹹的，青菜也鹹，廚師是不是放多鹽了…不過都算好吃的，煎得香香脆脆，分量足。三色冰就普普通通，底下料撈不到，下次唔好叫。而且飲品不跟餐的，可以不點

朋友約係呢度食飯，一班朋友一齊竟然都可以坐得落我哋10個人。原本心理以為只係普通茶餐廳。點知原來咁好味。呢度嘅炭燒雞扒，炭燒豬扒真係好Juicy，一啖咬落去啖啖肉，唔肥膩，但係又唔乾唔柴。炭燒味道好濃郁。

食物質素正常，但落單女侍應服務態度極度惡劣，令人反感。第一，入座後多次要求下單，但未有適當回應，客人被無視。第二，點餐叫飲品時，客人問有冇心儀飲品類型時，被該名女侍應辱罵。（情況如下： 客人問：想問有冇阿華田或朱古力。女侍應大聲高叫：喂！你要尼d就去出面隔尼惠康買啦！邊到有尼d!） 想問尼d究竟係咩回應，其實餐廳冇供應都唔應該咁回應，客人都唔應該出錢食飯被人當出氣袋同得到咁既待遇。

中午4點左右到店，諗住食個下午茶。見阿姐係店入面企櫈痴緊揮春，我諗住你見到我，等你攪掂先。等左幾分鐘行入去我無諗到比人鬧，話我企係度你唔知我想點，難道我係欣賞你貼揮春既身手？真係唔阻你。係好小事，但我覺得一個人既耐心同禮貌唔應該被侮辱，唔會幫襯。

一個人去食午餐，坐張四人枱，有另外兩個人撘枱。食咗五分鐘，就周圍行著講：「出面好多人排隊呀，快啲飲埋呀吓。」另外兩個人食完就走左，我未食完，個呀嬸就叫四個人入嚟走低，另外個人就企喺我側邊。（我仲食緊）等位個人都話唔好意思，叫我慢慢食。明白午市唔好阻住做生意，但係好似唔係咁？

食物質素一般，叫走蔥無走蔥，冷氣機滴水我明，咁都要搵辦法解決架，唔開冷氣唔係解決辦法黎架喎，仲要開大後門，啲熱風吹哂入黎，三十幾度食麵無冷氣，叫人點食？之後烏蠅飛蚊飛黎飛去，店員都無反應，飛得入鋪面即係廚房都有機會啦，食物品質同衛生可想而知！成餐飯過程又熱又焗，然後碗麵既賣相又差，鋪面員工又唔會站係食客角度諗！鋪內食同係街邊食完全好似無分別，以第一次去依間食肆黎講，印象其差，令到我之後都唔會想再去佢其實分店消費同時亦對依間食肆品牌形象感覺差勁！

食過兩次，唔明點解兩次都係趕客敢款🤷🏻‍♂️第一次食果陣，同事豬扒未食曬，剩返一件，果件跟住條骨的。我地傾左陣計之後，佢想快啲做下一單生意所以就收枱，同枱其他人食完，但佢好明顯未食完……問都唔問一野就疊埋收走。但佢有sorry有補償返野食，但印象已經差左。第二次食，我明明叫G6咖喱牛腩，佢就落左G5，我無留意張單。跟住咪黎錯，食左一件發覺酸既就知唔對路，酸到幾乎食唔落，咪同佢地講落錯單，點知佢堅持我係講G5……就算我真係講錯，都無理由為左一碗牛腩同個客過唔去？😅或者有卦，可能間店都改錯名，應該叫「趕客至叻」。食餐飯啫…

下午六點, 有點餓, 見店內只有4枱人, 於是入去諗住食碗生牛河。 坐低等咗兩分鐘, 店員係只有4枱狀況下忙到出汁。我不停揮手, 店員忙到理唔到我, 等了十分鐘我便起身走人, 臨出門口店員啤咗我一眼, 我唔好意思咁話: 下次先喇。店員竟然兇狠地回我一句: 走啦！行為匪夷所思, 終身不會再去。

兩個侍應嘅態度都好差🥶下午2點幾同朋友入去食lunch,d侍應態度都勁唔耐煩，叫左個豬頸肉撈蒙，我話加杯凍檸茶（以為可以跟餐），但原來唔得，而落單個個又冇同我再確認係正價$11問我仲加唔加，就幫我落咗單🫠都算…..跟著食緊野個陣佢比返張單我地，咁我地對咗發現張單唔岩就舉手比返個侍應，好聲好氣同佢講話張單錯左，佢望一望就勁唔耐煩又燥咁我地講話張單唔係我地枱嘅，解釋一輪話我地係1號枱，張單係2號嘅（但其實就係佢比錯我地😃）咁你地店都冇寫明枱號，我地確認完唔岩同返你講，又嫌我地煩🥶其實間店係咪咁唔憂做🌚🌚🌚？樓面得兩個侍應但兩個人嘅服務態度都勁差，老實講食物就唔難食嘅，但貼錢買難受咁我就覺得無謂lo😃勸下嚟緊有想去尼間分店食嘅你地，做好心理準備比人🌚西下先好去食😀