影片
以上資料只供參考, 請與餐廳確認詳情
-
網上訂座服務暫停
同朋友們慶祝生日，去咗响山林道一間私房菜食生日飯。店舖應該唔細，但見佢將一半店圍封，可能生意唔係話太好，費事開全場掛。我哋點咗下面嘅菜式，好壞參半，大多問題係出於太咸，講真佢啲菜式係唔錯，但當日廚師似乎重手咗。1. 金銀菜燉豬肺湯，個湯好飲朋友們覺得佢味道太濃，但我特別喜歡，至少唔係只有咸味，菜乾好好味，豬肺都好乾淨；2. 冰鎮南非鮑魚望落去白雪雪咁，但估唔到好入味，而且唔韌，呢個可以係必點；3. 懷舊炸大腸以一個都幾鍾意食大腸嘅人，都覺得太肥，有部份係肥到完全入唔到口，望到都怕怕。唔肥果啲味道都OK，如果全部都唔係就好；4. 脆皮芝麻雞半隻作為一個雞蟲嘅我，竟然頂唔順佢隻雞實在太咸，咸嘅程度足以洗腎，明明隻雞好滑，真係嘥咗隻雞；5. 椒鹽鮮魷味道不過不失，外皮夠薄，但係份量就真係少咗啲，上菜時我都忍唔住講左佢「乜咁少嘅？」，成舊幾水我覺得唔太值；6. XO醬西蘭花炒雙蚌最正常嘅一個菜式，亦係少有唔係太咸嘅菜式，但份量同樣唔算太多，又係要成舊幾水我覺得都唔係太值；7. 金銀蛋浸時蔬估唔到佢個咸蛋黃仲咸過蛋白，完全浪費咗呢道菜，佢個咸蛋黃食完又係要洗腎；8. 豉椒炒蟶子煎米粉底佢個炒米粉底好脆，點上佢個汁係唔錯，蟶子洗得好乾淨，唔會食到一口沙，但價錢唔平；9. 小食魷魚 小小一碟，因為我遲嚟冇影到相，初時我仲以為係浸濕咗嘅紙巾，但反而佢呢個小食嘅味道係唔錯；10. 菠蘿咕嚕肉本來係叫冰震版本，最後搞錯咗嚟咗個普通版，經修正後原來只係將啲咕嚕肉到落啲冰度。味道係正常嘅，但比起牛奶冰室嘅咕嚕肉，都仲爭咁啲；11. 煎堆仔成晚最好食嘅反而係呢隻煎堆仔，夠脆又夠熱，亦唔太甜，呢個反而真係喜出望外。其實佢嘅菜式係好好，可能我哋唔好彩，撞啱師傅突然重手咗，佔一半嘅菜式都有過咸嘅問題，如果有下次，真係要事先講一聲唔好咁咸。
繼續閱讀
鱿鱼 $35傳統老港味道的魷魚 作為前菜 份量不少而且很入味 吃不夠小炒王 $118有很多的配菜 鮮魷魚 小魚乾 蝦乾 腰果韭菜 還有最重要帶出鮮香味辣的 菜鋪 超級下飯很出色嘅小炒王鬼馬蝦滑拼墨魚滑＄98菜單上是單點 作為吃貨 咩都想食但兩個人吃飯吃不了 唯有詢問老闆娘能否雙拼老闆娘好易話為 立刻去廚房溝通XO醬炒西蘭花雙蚌$148 味道很好豆沙煎堆仔 是作為飯後甜點送的新鮮炸起完全冇燶 金黃色香味俱全啱晒唔鍾意太甜嘅朋友 煙韌 口感香脆豆腐魚腩煲 色香味俱全
繼續閱讀
.大叢海鮮火鍋呢間餐廳環境好嘈😭😭😭😭😭😭但係如果你係想同一班朋友去鬆鬆下 咁其實都幾適合？！因為大家都可以大大聲講野…😅不過食物嘅質素真係有待改進 唔可以話超級難食 但係俾得呢個價錢我對佢期望更加高😭.🐷鹹蛋黃鮮魷佢哋個鹹蛋黃鮮魷粒粒肥美 但係煮得太過😂 完全無彈牙感覺 整體口感軟得滯啦 同埋好似過於鹹 😿.🐷豉油王炒麵呢個豉油王炒麵麵條 軟爛 完全無咬口 加上佢哋用咗太多豉油😂 整個味道鹹到爆表.🐷瑤柱蛋白炒飯呢個炒飯正正常常都叫咗粒粒分明嘅 .大叢海鮮火鍋📍尖沙咀山林道4-4A號恆貿商業中心1樓
繼續閱讀
由於地點靠近佐敦地鐵站,交通方便, 今晚應該是第四次與朋友來晚餐。這裡上菜時間合適, 不會有趕時間的感覺,而食物仍保持一貫水準,每次必食胡椒豬肚包雞湯, 一大窩濃白雞湯,足夠每人兩碗。蒜蓉蝦腸粉,芝蔴雞,酸菜魚,冰梅骨....之前亦試過蝦多士拼咕嚕肉, 椒鹽鮑魚。食物好美味,材料足,廚師用心製作, 侍應姐姐亦服務好。美酒美食,暢談往事,近況, 與朋友共渡開心晚上。看看餐牌仍有許多特色菜式,下次必會再與朋友試試其他菜式啊！
繼續閱讀
初七開年同事帶食好嘢，尖沙咀食街中其中一間樓上小餐廳先黎頭盤係湯: 杏汁花膠豬肺湯杏汁、花膠和豬肺為主要材料，加埋大白菜，初頭睇見到大大塊米色以為係白菜，原來係大大塊魚肚/（花膠？唔識分）總之大大盤好足料，湯渣都嚇一跳，啲端士山區肺同魚肚大塊到嚇親，啲湯啖啖都飲到杏仁碎，豐富營養價值。不過我本人唔中意滑潺潺嘅嘢..所以靜係飲左三碗湯😂味道：👅👅👅👅🫥一開始就黎料唔記影相。第二道黎嘅係蒜蓉蒸開邊蝦腸粉底以蒜蓉蒸蝦蒸腸粉作為底部。就好似蟹粥咁，啲腸粉吸晒啲蝦蒜嘅味，不二之選。呢道餸要提早訂，我估係要訂定啲腸粉，精華👍味道：👅👅👅👅👅第三樣虾多士拼咕嚕肉重點就係啲虾多，一啖一塊嘅size，多士中間釀一啖蝦滑，一啖脆卜卜多士一啖蝦滑，靜係掛住食多士冇食咕嚕肉味道：👅👅👅👅👅（俾蝦多士）再黎係酸菜魚班腩，酸辣口味一流，湯汁好辣，有啲似潭仔五小辣，班腩魚啖啖肉..非常厚肉地，起晒骨完全唔怕，酸菜好好味，唔覺係酸菜似甜菜，中和返啲辣，酸菜有驚喜。敗筆係自己冇叫白飯味道：👅👅👅👅🫥第五係東江豆腐煲豆腐配返酸菜魚啲湯味道升華左😂已經好飽同埋冇食鯪魚球，靜係食豆腐，豆腐夠晒滑，夾落去又唔會爛晒味道：👅👅👅🫥🫥第六樣係咸蛋黃鮮魷咸蛋黃嘅香味包住鮮魷嘅口感但唔韌好好咬，衰在又係冇叫白飯，少少咸。味道：👅👅👅👅🫥啫啫芥蘭煲，金銀蛋浸時蔬 上枱嗰時因為已經飽左同埋到左吹水時間，變左只有相機食，自己食唔落豉油王炒麵 可能係麵種嘅關係..炒上碟見佢係黃唔係閃令令或者係少油炒掛瑤柱蛋白炒飯 粒粒米均衡就基本嘢同樣唔係油淋淋最後煎堆仔做甜品 外脆內軟得黎唔甜，所以食飽左我都食到兩粒🖖🏻環境細啲，眼見三間間房大廳再黎六七張枱左右，聽講開瓶費唔理你帶幾多酒，係咁e收五十蚊，帶其他飲品佢都係當睇唔到，當日可能人多又或者佢想俾時間你傾計，上餸稍為慢抵食指數一百分..因為老細請唔洗自己俾都唔知幾多錢🤣
繼續閱讀