大叔拉麵

營業中

休息中

大叔拉麵 推出期間限定💮 PC狗主題成間舖裏裏外外都充滿Pochacco 我哋叫咗幾款主題小食，PC狗個樣無處不在😂😂🐶日式南蠻炸雞包類似肉夾饃🥙用饅頭包，夾大大塊炸雞，沙律菜，車厘茄清新開胃，配洋蔥醬咬落去時，炸雞既肉汁溶咗落包度，食落有層次感🐶豆沙酥 配 日式茶飯後小甜點🫘 薄皮包裹住大量紅豆，配上白桃茶，清甜嘅感覺🐶雞肉蟹子沙律份量好多嘅前菜🥗雞肉蟹子緊緊咁扣埋一齊，加上少許芥茉醬汁唔會太攻鼻，但又能刺激胃口雖然主題拉麵賣晒，但佢哋嘅拉麵咁多人排隊，一定有佢過人之處👍🏻🍜慢煮博多雞胸肉雞白湯拉麵：湯底好滑好香，麵條軟硬度適中雞胸肉好滑，糖心蛋有水準，蛋白質豐富，少許香蔥同筍，健康人士之選。🍜特盛和牛骨湯拉麵：牛骨湯底濃而不膩，飲完一啖又一啖，有齊雞胸肉同叉燒兩款，一次過滿足晒兩個願望叉燒微微燒過，香口有口感，雞胸肉滑，仲有糖心蛋，材料豐富。

多謝大叔拉麵今年為pc狗慶祝35歲生日,今天帶同朋友慶祝生日去用餐.店內店外的裝飾非常可愛成為很多打卡點.除了食物美味之外,本人非常欣賞所有員工的態度,他們在百忙之中仍然帶著笑容同超級好的服務精神,很久沒有去過一間餐廳無論你有甚麼要求,他們都是滿面笑容非常樂意服務的態度.多謝這一班好員工加添了我們美好的回憶！至於食物方面,非常欣賞你們的芥末風味pochacco 雞肉蟹子沙律,還有美味的雞湯拉麵. 不夠的將來一定會再從西貢出來探你們,多謝曬!祝貴店業務蒸蒸日上！

PC狗誕生日期間限定店🎉第一次見到PC狗主題嘅店舖，好少有~除咗全間店嘅裝飾有PC狗食物,亦都有PC狗嘅造型之外,佢仲有一啲特別精品賣。店舖一邊係大卡位一邊係吧檯，台唔算好多，所以都要排隊等入座。Pochacco有四款特式嘅食物，四款都好有日式風味～Pochacco日式南蠻雞包$25包面印有PC狗圖樣，塗咗一陣薄薄嘅芥末醬，炸雞亦都係傳統日式南蠻味道，炸雞要賺佢炸得幾好，外面好脆，入面啲雞肉仲好嫩唔會柴。芥末風味Pochacco日式雞肉蟹子沙律$59上碟係用PC狗嘅剪影砌出來。原本以為細細地，鬆開先知份量咁多😅入面好足料，日式蟹子，雞肉，火腿，青瓜絲。肉份量仲多過菜。Pochacco北海道紅豆酥配熱茶$38最喜歡這一款。紅豆酥係PC狗黑白樣，佢上碟時酥餅係微熱，溫度令到整個酥層提升，入面紅豆蓉少甜亦甜而不膩。啲茶有多款茶可以揀，有我最愛嘅白桃茶。成件事好日本。Pochacco日式芝士布丁燒$68布丁燒好香雲呢拿&芝士味。布丁上面印有PC狗嘅圖案米紙，另外再配香蕉。布丁燒食得出係自家製正野，唔係平時來貨嗰啲普通貨。特盛濃厚雞白湯拉麵呢度拉麵用幼麵，湯底係濃厚雞白湯，雞白湯本身無豬骨咁油膩

Pochacco's birthday comes every 4 years on 29th February and this ramen shop will celebrate his birthday by featuring him in their shop till the end of March.The whole shop was decorated with Pochacco and you get complimentary gifts when you order their Pochacco menu.Despite they have lots of food featuring Pochacco, if you come alone, do not order them all as the ramen is very fulfilling and even I felt very full after the ramen (which was served before the chicken).The set is a bit marked up c

今日兩個人出去行街，荔枝角D2 Place好方便，鄰近地鐵站，好多手作嘢，好多特色嘢，行到肚餓就可以食晚餐，商場入邊有好多餐廳，各有特色，最後我揀咗一間裝修好特別嘅日式拉麵店，每個拉麵可以追加一個小食，同埋追加一杯飲品，非常豐富。餐廳裝修好有日式風味，放左超多懷舊日本卡通figure及模型，打卡好正小食我揀咗「炸生蠔　」、「炸雞件」。炸到脆卜卜，熱辣辣，即叫即炸，入面肉質仍然好嫩滑。主食揀咗「豚肉白雞湯拉麵」同埋「雞肉牛骨湯拉麵」，兩款湯底都非常之香濃，真材實料，一啲都唔味精。配料豚肉同埋雞肉都好大件，唔似得其他日式拉麵，多數都係得細細片肉，仲有全隻糖心蛋，好好味。特別推介係100%椰子水，好香甜，好鮮味。

餐廳位於D2 Place二期，由於我六點幾過去，所以人不是太多，店員服務超好，如果第一次去，佢會好有耐性地講解佢哋主打嘅湯底，亦會同你介紹Menu入面嘅食物。佢哋主打牛骨湯底，但因為唔食牛，所以最後點咗個比較較冷門的「黑豚肉辣櫻花蝦湯拉麵」。配料好豐富，有黑豚肉，粟米芯，糖心蛋，昆布和紫菜，黑豚肉比較厚身但好腍，糖心蛋係用醬油醃過，甜甜地，超好味。湯底我覺得好似冇乜蝦的甜味，湯的辣味係好似有層辣油喺面咁，我就覺得麻麻哋好食。我見隔籬位客人點了雞白湯拉麵，佢全碗連湯都食晒，我下次一定會試雞白湯。特別想讚店員的服務真係好貼心，佢見我食食吓又再睇Menu，佢即刻主動過嚟問我係唔係想加食物，主動問我有冇嘢需要幫忙，睇得出佢好留意客人嘅要求。

又係WFH嘅日子，兩口子想黎個early dinner，便睇下D2 place有咩好野食～去左D2 Two金鳳嗰層，見倒有間食拉麵嘅就膽粗粗行左入去 (其實諗返起之前經過門口好多次)～佢地湯底有牛骨或雞骨湯底揀，今次就試左牛骨～望完餐牌，本住一係唔試，一試就試最貴嘅心態，就揀左鹿兒島和牛同廣島蠔拉麵食～個湯味道怪怪咁，同其他人講嘅一樣，有少少淡同酸嘅感覺。而和牛質素應該唔差，但太多脂肪，放喺拉麵度感覺太肥膩～而地獄拉麵個湯底嘅感覺近被下去，酸味蓋埋個辣味，啲蠔油太熟，冇晒咬口😖其實佢用料唔差，但係個味道好伏，真係唔會想再去。叫咗罐汽水，埋單盛惠$329～

今次黎到「大叔拉麵」，心情都即刻開朗咗，店內滿滿的大叔卡通公仔，超級搞笑😆！首先喺湯底上，「超特盛濃厚鷄的湯拉麵」當真係濃到出奇，雞湯嘅甘香滲入晒個鼻，真心一試難忘！同埋啲湯熱辣辣，暖笠笠嘅喺胃裏頭舒服到不得了。拉麵嘅彈牙程度又正啱啱好，唔會太硬或太腍，吃落去啲麵好食得津津樂道！佢嗰啲肉－炙燒西班牙黑豚肉同慢煮博多地雞，兩者都腍滑得黎又有嚼勁，特別係嗰黑豚肉香味四溢，令人一啖接一啖！點都唔少得吹咗水嘅「大阪燒餃子」，面皮煎得啱啱好，口感富有層次，加上木魚同紫菜碎，就算係食慣餃子嘅我，都覺得新鮮刺激味蕾。總括嚟講，「大叔拉麵」嘅食物同環境都令人心情愉快，真係值得再嚟幾次！如果想試下新鮮過癮嘅拉麵，呢度絕對係你嘅好選擇🍜🤤！

🍚大叔拉麵D2 place好多餐廳揀 平時好少食拉麵 今次就食呢間🍚特盛和牛骨湯拉麵湯底幾有牛味👍🏻黑豚肉叉燒肥瘦正常 好易咬拉麵👌🍚特盛濃厚雞白湯拉麵湯底少少咸+少少甜😋都有黑豚肉叉燒雞肉還好d京蔥配埋拉麵+呢款湯唔錯👍🏻🍚大叔拉麵荔枝角長順街15號D2 Place二期3樓314號舖#拉麵 #荔枝角 #大叔拉麵#openrice #foodie #foodphotography #食好西 #foodporn #food

dinner食拉麵可以話係香港食過第二難食嘅拉麵😂 嗌咗一個燒豬腩肉牛骨湯拉麵 個牛骨湯 試咗一啖之後真係無語 完全接受唔到 冇咩香味 仲要有啲酸 湯頭嚟講完全唔合格個麵又好普通 簡單嚟講就係 完全唔需要食食譚仔好過

大叔拉麵試過第一次之後就心思思成日都想食 終於有機會再黎食必點要叫雞白湯今次叫左特濃雞白湯拉麵再加左小食唐揚魷魚先講個拉麵個雞白湯口感濃厚 湯既味道濃而不咸每次都會飲哂佢個湯加埋佢有叉燒，正常既肥豚肉同重中之中 慢煮雞胸 簡直顛覆對雞胸既味覺一塊薄薄既雞胸 煮到淋得黎又夠juicy雞胸入面既雞味又唔會俾個湯遮蓋 食過令人念念不忘😍😍必定要食🤤🤤😋 至於佢個魷魚🦑 就可以唔洗試 冇咩特別之餘 佢個炸粉同魷魚係分離魷魚都唔香 所以試過就夠 唔會再叫下次都係食番拉麵就好滿足😊

之前經過覺得好似幾吸引、今日經過終於可以一試。食完只可以話失望，唔會再有下一次特盛和牛骨湯拉麵 ： 淡而無味，貴而不值，除左叉燒好食，其他野全部勁淡，湯底冇牛味，麵質都係麻麻地日式唐揚魷魚：唔脆，林嘅，似翻炸唔知啲好評到底係點黎？

今次去左試尼間大叔拉麵。一入到去個環境已經幾令我眼前一亮！好少見到有拉麵鋪嘅裝修咁有日本風格。全店嘅裝修佈置都好有昭和年代嘅感覺。店鋪衞生都做得唔錯，整潔乾淨。今次試左佢地鋪頭推薦嘅和牛骨湯，點左一碗炙燒西班牙黑豚肉和牛骨湯拉麵($98)，湯底偏清淡但好重牛骨香味，而拉麵都彈牙，口感唔錯，同埋都掛湯，適合配合清淡湯底。塊黑豚肉經過炙燒之後，油香十足，又唔會做到好乾。配菜嘅木耳，蔥同糖心蛋都做得不俗，蛋嘅熟度適中。今次我仲加錢跟餐，有一份大阪燒餃子同一壺茶。跟餐餃子有3隻，皮底香脆，入口充滿肉汁，餃子外嘅大阪燒汁同木魚花都好夾。總結，係一間幾有特色嘅拉麵店，我認為可以值得一試！

位於荔枝角D2 Place Two 3樓的大叔拉麵，店內外裝修充滿日本風，有啲昭和年代風格，價錢同平時出面食開的一般拉麵嘅價錢差不多，和牛骨湯同雞白湯味道也不錯，餃子煎到金黃色，幾靚仔，整體來講ok.

這家餐廳散發出蘑菇般的異味，而且非常骯髒。當我踏進這家餐廳時，我立刻被一陣陣不愉快的氣味所包圍。這種異味彷彿是從餐廳的牆壁和地板滲出來的，讓人感到極度不舒服。更糟糕的是，餐桌和椅子上都有明顯的污漬和污垢，這讓我對餐廳的衛生狀況感到擔憂。除了環境的問題，我也非常失望於餐廳工作人員的態度。他們對待客人的方式極其粗魯，毫不友善。我記得有一次，我試圖問一個關於菜單的問題，但工作人員只是冷冷地回答了我一句，完全沒有提供任何幫助或解釋。這種粗暴和不尊重的態度讓我感到非常不愉快，我認為這是完全不應該存在於一家餐廳的。除了服務態度的問題，餐廳的食物質量也讓我大失所望。我點了一碗拉麵，但它的味道遠遠不如我期望的那樣。湯底味道平淡無味，麵條也沒有彈性，配料的新鮮度也值得懷疑。我感到非常失望，因為這碗拉麵的質量遠遠不符合它的價格。更讓我感到不滿的是，餐廳拒絕讓用餐者坐在一起。這很不方便，尤其是對於有家人或朋友一起用餐的人來說。我記得有一次，我和我的朋友一起來到這家餐廳，但工作人員告訴我們必須分開坐，因為他們不能容忍用餐者坐在一起。這種不合理的規定讓我感到非常不滿，它完全沒有考慮到客人的需求和舒適度。另外，這