大丸ラーメン

營業中

休息中

今日去大角咀試下個人氣拉麵，去到排隊要等第二輪先到我地，好彩天氣唔太熱，等到一半職員拎凍水出黎俾我地飲，好貼心服務唔錯入去叫左蝦丸拉面，同大阪風餃子食。個湯底非常濃郁鮮味，又冇味精。食完都成個鐘都唔口乾餃子就正常餃子冇咩特別 。

下晝2:15去到，我大約有10多人排隊等候，餐廳內侍應出來給我餐牌，叫我預先點餐，都係一般日本拉麵店正常程序，我當時我和其他食客都已經點了自己的拉麵，我大約排隊排到2:45 ，其實後邊已經截龍，突然間餐廳內的侍應出來跟我前幾個同樣排隊的食客講，今日嘅拉麵湯已經用晒，唔好意思，請你地離開，佢話如果有興趣嘅話，可以繼續排隊入內食餃子或者飲汽水，就咁講完離開。其實排我前面嘅幾位食客，俾我派咗咁耐嘅時間。完！

大角咀人氣拉麵店，每次過嚟食都要排隊，但絕對值得花時間過黎一品佳餚！當日過嚟係星期六夜晚7點半，條隊大概有12人左右，排左一個鐘先成功入座。舖頭拉麵款式選擇不多，但我每次黎都係食蝦豚骨拉麵，因為食完真係返唔到轉頭！拉麵有得選擇油既份量，建議未食過嘅人第一次食蝦豚骨拉麵係揀多油，包你有驚喜！蝦油滲落豬骨湯好夾好香口，食完一口又一口，根本停唔到！食晒成個拉麵後，強烈建議問職員拎自家製昆布醋，加少少落匙羹再加少少湯嚟飲，昆布醋中和左湯嘅油膩感，包保成碗拉麵湯飲晒！唔介意排隊嘅人一定要過嚟食！

由於要去奧海城 前一日心諗食咩好心血來潮 想食拉麵 一直知道大角咀有一間超多人排隊嘅拉麵店就拉埋老公去排隊拉麵店 1200點開門1145去到已經人山人海 大約有40人係前面幾經辛苦1個鐘頭30分鐘終於排到排排下仲要午試截單🫣就試試佢咩料子先一入去聽到店員都係講日文 止止啲日本癮先本身諗住叫期間限定貝丸 但已經售罄唯有試吓佢個白丸 老公就叫咗個蝦丸講下白丸先 湯底有啲平平無奇 同出面食嘅差唔多 勝在有塊檸檬同加蒜醬 調下味 先提升返個湯底 而蝦丸較高質有樱花🌸蝦嘅加持 同埋湯底夠濃郁 暫時係食過最好食嘅蝦湯底 不錯至於叉燒 不算入囗即溶嘅叉燒餃子🥟都係一般的貨色 不算太出色平心而論 如果再要排個半鐘 我唔會再排

有朋友介紹話大丸好食，所以星期六一朝早11:30am我就到左大丸門口排隊。點知….店外已經有大約14人排緊隊，好誇張。當日天氣比較熱，店員好貼心提供雨傘遮太陽。大約等到12:20pm第二輪入座，好彩都仲食到限量既貝丸拉麵😍。由於店內比較細，只有12個位，用餐時間比較趕急。我同朋友分別點左貝丸同白丸拉麵。貝丸拉麵選了蝦湯底，蝦味好濃，蜆肉十分鮮甜❤️，叉燒好食，配料有溏心蛋，木耳絲，香蔥，紫菜。白丸拉麵選了鹽味湯底，叉燒好食仲追加多一份，配料同貝丸一樣。不過多左片醃過既檸檬，🍋有驚喜，成片食無苦澀味又輕輕中和湯底既油膩。不過食完個麵之後感到口渴同有點油膩感。餃子配上木魚，紫菜碎既沙律醬餃子，無驚喜。

—每次去人龍拉麵店都會先check check店家ig睇下湯底會唔會買晒/突然有事唔開費事特登搭車去 之後撲場空😟平日1345去到 前面有4至5個人到排隊時已經落單 前後等咗半個鐘到🦐蝦丸(蝦豚骨拉麵) ($98)由北海道產蝦特製濃郁海鮮味噌醬汁已附有豚肉三片、半隻半熟蛋、海苔一片、木耳絲和蔥湯底濃郁 最後加咗昆布醋 飲晒個湯應該真係冇味精 之後冇咩話口渴溏心蛋橙黃得很 滷得入味—————————————————————大丸ラーメン 大角咀博文街22號地下B舖

🍪【#大角咀】大丸ラーメン Daimaru Ramen💥日本人經營 拉麵愛好者必去！💥.🍪朋友不約而同推介呢間高人氣拉麵，餐廳中午開門，星期六11:30就到門口排隊，咁啱做到排最尾嘅第一輪客人😆！12:30左右食完，出面嘅人龍已經長到轉彎😨，想食就要預時間排隊！叫咗黑丸(醬油豚骨拉麵)($88)同蝦丸(蝦豚骨拉麵)($98)。.黑丸醬油味甘香☺️，最重要唔會過鹹。.蝦丸嘅海鮮味噌醬汁濃而不膩😋，仲有好多櫻花蝦。湯底好用心炮製，好好味，結果成碗食得晒🥳！叉燒片雖然偏細塊，但肉質嫩滑富油香。走蔥可以轉木耳絲👍🏻，仲有蒜蓉調味👏🏻，超正！.另外試咗關西風味餃子($40)，配搭木魚片同沙律醬，味道同章魚小丸子相似，都唔錯。總結嚟講好鍾意呢間拉麵❤️，已經變成心目中頭幾位。希望遲啲人潮減退可以再食。~~~~~~~~~~~~~味道 Taste：🍪🍪🍪🍪🍪/5環境 Ambience：🍪🍪🍪/5💸消費 Spending：$113 /人 Person🔥推介度 Recommendation：5/5.📍 大丸ラーメン Daimaru Ramen

上網睇到報導啦見到個貝丸好似幾好食於是就同朋友去 JapJapJap 啦到達門口大約係1:15 人龍大概有10人等待流程大概30分鐘可以接受既！入店前店員會有表填下食邊一款拉麵溫馨提示我們 ： 係冇得加單嫁我認為冇得加單個安排其實幾好！因為假如客人 食完唔夠再加單邊相會延長左用餐時間即係 等待時間又長左！一入到店就坐兩分鐘內拉麵同餃子都上晒非常有效率！好可惜 係食唔到貝丸 店員表示 每日只有16-17 碗賣完即止！基本上1點前都會賣晒唯有下次再早少少黎試下！蝦丸 我比較喜歡麵條要有口感所以選擇 粗麵！慣常第一口一定要試下個湯底非常濃郁的蝦味！冇咩味精味食完碗麵再清晒D湯都唔口渴麵質彈牙亦都幾掛到湯櫻花牙 幾脆身有口感不過一浸左落湯就會淋左建議開頭快D食左先叉燒有驚喜非常之嫩同香唔會有個浸臭豬味整體出色！可以再戰！青蔥沙律醬餃子望落以為會好脆 但唔係既餃子皮都軟身但唔會煮到過晒龍入口一Pat 漿咁既青蔥新鮮好fresh !算係唔錯的餃子！

首先，呢間拉麵店要排隊已成標準，我哋排咗半個鐘左右。😇職員有喺排隊嘅時間派水，幾貼心！🥰因為貝丸太快賣曬，唯有試試蝦丸！湯底 - 味道唔會好鹹，亦標榜唔加味精，有微微嘅蝦味，食完唔會感覺好口渴。麵 - 我揀左幼麵(軟)，師傅真係有幫我煮耐少少，麵底幾好食，有咬口！叉燒 - 非常出色，係軟腍腍嘅，有豬肉嘅香味，我哋有突登追加3塊😻蔥餃子 - 餃子皮薄，夠熱，味道中規中矩。佢哋加上沙律醬同蔥，令餃子味道昇華咗！沙律醬基本上配好多食物都好食，而蔥可以減低油膩感。出色！🥹呢2款梳打都好好味☺️好日本！最後，座位設計都好貼心，高櫈配一條晾腳嘅木。令到坐高咗都好以有著地感覺，坐得比較舒適！🫡

睇大島與龍威介紹～先知呢間由日本人主理嘅人氣拉麵店咁受歡迎🎎🏮排哂長龍㗎！！！朝聖過之後就返唔到轉頭🥹已經列入我哋嘅大愛拉麵list📝.嚟到等咗半個鐘左右就入得，聽人講已經算快～～一路排隊，一路落定order先🤙🏼話明係小店，入面只有吧枱嘅位置🪑但係都算坐得好闊落👍🏼👍🏼.▪️貝丸海鮮豚骨 $118 • 9/10*醬油味 / 太麵(粗麵) / 普通油量 / 追加豚肉(3片)*男朋友話粗麵係必叫嘅！！超彈牙又有嚼勁😋海鮮嘅味道好出，尤其係蜆嘅鮮味真係不得了😍湯底滿分💯.▪️黑丸醬油豚骨 $88 • 9/10*太麵(粗麵) / 普通油量*如果你鍾意食黑蒜油嗰陣味，叫呢個肯定冇錯！！最欣賞係慢煮叉燒，暫時冇食過比呢間更加好嘅🥹非常嫩滑之餘，仲要冇太多過肥嘅位👍🏼👍🏼 值得追加！湯底一樣都係滿分💯.▪️日本式餃子(5個) $35 • 7/10*山椒及餃子汁*同拉麵相比之下，餃子不過不失～～不過餃子嘅皮夠薄，都係一大賣點👍🏼🥢

經過大島與龍威嘅加持之後，位於大角嘴嘅呢一間拉麵店真係好鬼死多人呀！ 6:00pm食飯都排隊排左我半個鐘💦💦我今次試咗佢嘅貝丸，即係有clams，有叉燒同埋蝦湯底嘅一碗拉麵。佢嘅clams (sor，唔識寫佢嘅中文) 真係非常新鮮，食嘅時候都仲食到海水嘅鹹味，抵讚！另外叉燒都非常之好味，佢唔係好多肥膏嗰一種，而係薄薄嘅一片，完全冇燒過，但係覺得佢嘅油脂分佈做得好好，有少少似食緊唔鹹嘅Parma ham👍👍另外個蝦湯底我就比8分啦(10分滿分)，如果要比較的話，我覺得佢嘅蝦湯底做得唔夠元朗嘅彩咁好味，蝦味可以再濃少少！總括來講，我覺得如果去開附近就可以過嚟食下，一試無妨。但係無需要特登過嚟食，因為排隊都要排半個鐘。見到啲人寫食評話一日要食兩碗，我又覺得無好味到咁誇張喎😅🤔另外好值得一讚嘅就係佢啲服務！喺排隊嘅時候已經有店員攞水出嚟俾我哋飲。我仲靜靜雞聽到，排我後邊嗰個人話佢個袋好重，個店員仲幫佢拎咗入餐廳放住先！咁多人排隊都可以咁有耐性，店員抵讚😄

⭕️短評：大角咀又一間排長龍小店，但這次排隊不會讓你後悔，因為你會吃到九州的質素，其豚骨拉麵在香港是one of the best。慢煮叉燒出色，非常嫩滑，不肥，不帶豬羶，更勝同系的丸X。白丸湯頭最好，濃厚的鹽味豚骨，是長時間熬出來的味道，也像鳥x亭一樣加檸檬，令湯頭濃而不膩。黑丸的醬油豚骨也不錯，但鹹度略嫌喧賓奪主。重點是，不加味精，不會口渴。💵Budget: $90 pp📍 大丸ラーメン (大角咀)大角咀博文街22號地下B舖

相比大丸拉麵的招牌蝦丸 - 蝦味豬骨湯拉麵滿滿的蝦香，數量限定的貝丸拉麵在蝦丸的的基礎上加入更多大海精華。以海鮮豬骨湯作基調，放上大隻鮮蛤，濃淡得宜，層次感豐富，是匯聚海洋多種鮮美的一碗拉麵。The limited seashell pork broth ramen from Daimaru Ramen is the enhanced version of its classic shrimp pork broth ramen, making it a bowl of ramen that brings together the various umami from the sea and topped with large clams.

💚𝐑𝐚𝐭𝐢𝐧𝐠:𝟏𝟎/𝟏𝟎𝐓𝐇𝐄 𝐁𝐄𝐒𝐓 𝐑𝐀𝐌𝐄𝐍 𝐈𝐍 𝐓𝐎𝐖𝐍真係唔係誇張 堅好食！！🥰麵質好有韌性 蝦湯超濃郁好鮮叉燒肉片好嫩滑好香肉味🍜(◍•ڡ•◍)♥雖然已經早咗開門時間半個鐘到 但都要排一個鐘先入到去食 真係熱死🥵🔥•蝦丸拉麵•貝丸拉麵•關西風餃子

湯冇第一次食咁濃厚太麵有鹼水味塊叉燒太薄冇咩嘢食兩次食都係食蝦丸上次午市食要等30個人今次晚市食要等10個人整體呢間拉麵都係值得幫襯但要開始諗吓去保持顧客新鮮感