夢咖啡館

舖仔細細, 店內設計都算唔錯, 好多人, 舖門有櫈仔坐等位, 用餐限時90mins焗芝士煙肉薯皮不嬲都鍾意食薯皮, 呢個就麻麻, 因為好似炸過咁, 感覺好熱氣, 味就唔錯蟹肉忌廉意粉好惹味, 真係唔少蟹肉, 望落份量唔多, 食落冇望感覺咁少焦糖香蕉雪糕窩夫哇, 我係超級唔鍾意食甜品, 仲要蕉, nono... 點知, 佢係要讚好, 因為焦糖甜得剛好, 包實香蕉薄脆, 個窩夫亦都唔求其, 香蛋味又滑, 外脆內軟2個人食每人唔過$100, 但係好飽好飽, 食齊頭盤主食甜品, 你話抵嗎?…查看更多

在Open Rice 見食評都不差, 就同老公去一去, 但為安全, 都只叫了2款食物, 一蟹肉意粉, 完全不感入面有蟹肉, 意粉又有生生的感覺, 好一般, 重要等左20-30分鐘先有得食......本想取消令一樣, 因見都窄窄地, 後老公說可能窩夫會好一點, 點知都是奶野....有小小趣, 但一D香味都沒有, 連個green tea ice cream 都好難食, 感覺是浪費$的一餐, 哎.......…查看更多

魚子醬加盟我家之後，每個星期日的下午我們都會到訪不同地方TEA一TEA，今次去了屋企附近西九龍中心的CAFÉ DREAM。坐得都OK舒服，但有BB車就未必選這店，但怕生保的阿囡在這店沒有扭計，仲對人笑，相信是環境舒服，令她有安全感。老公點了杯杏仁鮮奶咖啡，我對COFFEE沒有研究，只覺得漂亮。我就飲烤榛子朱古力，一樣會有拉花，而且香滑，朱古力味真實。珍寶龍蝦仔牛角包，外型好討好，勁大份，而個牛角包外表脆，入面都鬆軟。個人就略嫌太多千島醬，但整體來說都幾好，我最愛伴碟的粗薯條，又脆又不油。最緊要是好有薯仔味，食得出是真薯仔，而且M記的假薯條。約克郡炸魚薯條，又是超勁大份，外皮炸得非常鬆脆，嫌薄皮。魚肉結實得來仲嫩滑，我亦給了阿囡品嚐了幾小口，她也食得津津有味。最後，我們叫了個香蕉窩夫，因為阿囡鍾意食香蕉，做了人阿媽就什麼都是阿囡前，以及阿女後…我覺得窩夫比之前的牛角包，魚和薯條更為出色，因為有好香的蛋味，做到出面脆，入面鬆軟，加上窩夫的熱力，讓雪糕有少少溶化，冷熱交融下，實在滋味。…查看更多

黎西九龍最鍾意黎叫間cafe坐係窗邊位 好舒服今日同朋友傾下計 食個tea見到有新menu 試下先先叫左兩杯野飲朋友既係雲呢拿香蕉沙冰 $42香蕉除左配朱古力正🍫原來配雲呢拿一樣正咼😱有驚喜我既係烤榛子朱古力$39第一次飲有kitty既拉花飲品😍真係巧靚😍榛子味濃 好似飲跟繽紛樂咁唔洗一定飲咖啡先有得拉花架😍拉花哥哥好好人滿足我d無理既要求😍食物方面叫左個蟹肉忌廉芝士意大利粉$82這個意粉好好吃😍蟹肉非常多 食到尾都有面頭重有mushroom🍄😍當然唔小得有我最愛的芝士💛芝士配上忌廉 意粉一d都唔傑又唔漏成個配搭非常吸引😍聽說呢到既卡邦尼意粉，黑松露意粉同樣有水準😎重有個珍寶龍蝦仔牛角包$98脆口既牛角包入面載住好多隻龍蝦仔👀👀餡料足料到完全可以送哂成個包 食到尾都重有龍蝦仔🍤🍤🍤龍蝦仔配上特製醬汁與黑椒 醬汁多味道濃 有點辣薯條還落了調味粉 味道更濃 完全可以唔點茄汁就咁食👀鍾意濃味惹味香口野既岩哂😛士多啤梨雪糕窩夫點小得甜品 但有d飽新推出左半份既窩夫啦😍岩哂d食完正餐又想食甜品既人 即係我😈半份岩岩好 2個心心❤️❤️窩夫外脆內軟 士多啤梨又唔酸咼🍓作為飯後甜品 Perfect😌😋…查看更多

行開西九龍去搵下午茶食，見到呢間有好多介紹就入去試下，鋪位細細位不多所以都要等兩枱人廿分鐘先入得。點餐點左推介的士多啤梨窩夫同埋煙肉牛角包。窩夫外型好特別，蛋香味重、窩夫都夠厚實，牛角包好香脆亦係唔錯選擇。整體黎講，係會回頭光顧的小店。👍…查看更多

食物質素OK,點了珍寶龍蝦仔牛角包, 蟹肉芝士忌廉意大利粉意粉。 牛角包有沙律跟薯條伴碟的, 喜歡沙律配黑醋醬, 酸酸甜甜的作頭盤恰恰好。太極窩夫外形特別,味道有得選擇,下次一定食番呢個.京都焙茶鮮奶飲品上的熊仔拉花好可愛,焦糖香蕉雪糕窩夫 好香焦糖香蕉味 同埋我覺得好靚, 香蕉上的焦糖好脆，有四片都唔錯 waffle出面夠香脆，但入面好鬆軟蛋味香 同雲尼拿雪糕同少少杏仁食好夾…查看更多

新分店推出的新menu～Cafe雖然地方不大，裝修卻很有心思，環境幾舒服。京都焙茶鮮奶 ($36 regular; $39 grande)經過烘焙的茶葉特別甘香，未飲已經聞到陣陣茶香，一飲 "哇，真係超濃郁！"溝揾鮮奶份外香滑，真是好好飲！不過記住襯熱飲喔，凍咗焙茶味會冇咁香~珍寶龍蝦仔牛角包 ($98)外型好吸引又大份，牛角包外層呈金黃色，口感尚算鬆軟，夾着滿滿的餡料及生菜。有點可惜的是餡料落得太多千島醬，蓋過了龍蝦仔的鮮味，加上龍蝦仔切得偏細粒，所以沒什麼嚼口。如果醬汁味道淡一點，龍蝦仔保留返大舊一點就好喇~伴碟的粗薯條又脆又不油，好有薯味，食得出是用真材實料薯仔製成，並非食緊麵粉; 灑上鹽及香料，真是超好食！Fish n Chips ($88)好有水準的炸魚薯條。外型雖然不是英國typical食開一大舊的那種，但味道口感絕對有得揮。外皮炸得非常鬆脆，一點都不油膩，魚肉好嫩滑結實，不會一咬就散，味道亦醃得適中，好好食。而粗薯條當然是冇得彈啦~澳式和牛漢堡 ($112)130g厚切juicy和牛，肉質厚實有嚼勁，配上煙肉蔬菜及流心太陽蛋，多料到一啖都咬唔哂。加埋半溶芝士及茄汁，好惹味！太極窩夫 ($88)窩夫是我喜歡的liege waffle質地，外層較Q，內裏鬆軟厚實，比較有嚼勁，跟外層脆口的brussel waffle不同。配料方面有香蕉士多啤梨粒、杏仁片、忌廉、士多啤梨朱古力醬及兩球雪糕 (+$10 多一球)，非常豐富。唯一美中不足的是whipping cream不是手打，而是即食的那種，所以會好易溶及缺乏了幼滑的口感。…查看更多

經過西九, 有點餓便與R找吃的。於樓上見到拉麵店排長龍, 便到前面的小cafe坐下。餐廳半藏在時裝架旁, 有開放式的感覺, 但到窗旁的位置坐下,看着舊區的街景也頗特別。我們都很餓於是點了珍寶龍蝦仔牛角包, 炸魚薯條, 蟹肉芝士忌廉意粉, R點了杏仁咖啡。牛角包先到, 原來還有沙律跟薯條伴碟的, 正合我餓得在抱怨的肚子。喜歡沙律配黑醋醬, 酸酸甜甜的作頭盤恰恰好。牛角包一切下去, 發現整個都是脆的, 最愛吃酥皮的我更加胃口大開。加上裏面充滿千島醬的龍蝦仔, 蕃茄及沙律菜, 不會單調。但覺千島醬料味道太重, 不過R說可以接受。伴碟的薯條是原薯自製的那種, 粗度剛好外脆內軟, 沒有過多調味, 值得一讚。接著R的意粉到了, 意粉屬比正常偏幼一點點的, 煮得軟硬適中, 很香的忌廉芝士醬汁(幸好沒有芝士在面否則太飽了), 吃到有一絲絲的蟹肉(應該很花工夫拆出來吧…?)及蘑菇。R說很對他的口味清清的醬汁也很香, 我還是堅持我的脆脆牛角包較吸引。最後在飢餓時一併叫的炸魚薯條到了(由於起初不知道牛角包也有薯條的, 而且每碟份量不少, 所以突然驚覺食物多了一點…)。炸魚薯條也伴有少量沙律與黑醋醬, 並貼心的有分別有兩小碟沙律醬與茄汁供點着吃。炸魚有三條(蠻大份的)炸得金黃香脆, 一咬裏面熱烘烘的完全吃得出是新鮮炸起不是翻炸的, 而且是薄薄的脆面不會覺得粉太厚。魚也沒有雪味, 是很軟很滑的一種, 跟外脆面很大對比。雖然己被前面的東西填飽了肚, 但這種暖暖脆脆滑滑的口感太吸引了, 這炸魚要是放涼了或吃剩了實在太可惜, 於是還是跟R吃完了魚, 放棄了剩下的薯條。R的咖啡他說不太甜真好, 上面的泡沫是奶香的混着喝挺愜意的, 我不好咖啡又太飽了所以坐着看看風景消化一下, 一邊回味那香脆的炸魚… …查看更多

區內旱有ＣＡＦＥ星期日的西九龍人頭湧湧，原先打算到ＦＯＯＤ　ＣＯＵＲＴ醫肚，但人實在太多，也太混亂，不知不覺走到夢咖啡館 Cafe Dream就位於樓蘋果商場7樓，在格仔舖的附近，其實是時裝店的一個角落食物都是幾十元有交易，經店員推介下點了幾款食物杏仁鮮奶咖啡$42看起來好漂亮，咖啡味濃，而且啖啖滲透著杏仁香味，不錯藍莓乳酪沙冰$42很大杯，看起來也漂亮，那沙冰充滿新鮮藍莓的味道，而且甜甜酸酸好開胃約克郡炸魚薯條$88份量頗大的，即點即炸，上面加了點香草，炸魚沒有腥味，而且炸得外脆內軟，不禁一口接一口享用件有特製醬汁，令炸魚口感更有層次，不會太乾身蟹肉芝士忌廉意大利粉($82) 看起來不太好看，白雪雪的，但食起來好驚喜，看起來淡淡的，但食落啖啖蟹肉，而且芝士味好濃香，至於意大利粉本身也是用上上貨，不似快餐店的便宜貨式，夠彈牙有口感太極窩夫＄８８看起來好有美感但和圖片有點出入，窩夫應該是圓形的，但味道方面是沒得彈窩夫充滿蛋香，但雪糕似乎有點少，不夠伴窩夫來食，如果可以加上忌廉，就更完美了…查看更多

之前在西九龍商場經過看到漂亮的窩夫被吸引今日終於找到機會和朋友去吃頓悠閑的午餐京都焙茶鮮奶 (regular $36)一樣係有好靚好精緻的拉花鋪面 今次是可愛的熊熊選skimmed milk就沒那麼漂亮而且拉花比較快散呷下一口焙茶味在口中散發 甘甘的香氣又不會太苦濃厚的牛奶濃郁很搭那茶香 不過飲到底就有好多粉 粉粒略為粗糙 搞勻質感會好一點忌廉杏仁咖啡奶滑順口 幽幽的滑溜感 不算很漏呢澳洲和牛漢堡 ($112)薯條香脆 炸皮不厚 趁熱吃會沒那麼油膩這次嚐試了多上了流心蛋和香煎煙肉 口感層次更加豐富上桌時頂層的包放側了一邊 然而那流心蛋表露無遺切開漢堡時小心不切破蛋黃 唔會有太硬的食材搞到切口不整齊漢堡排肉汁不少但可以少煎一會五六成熟就更嫩滑整體惹味 濕潤度適中不乾 份量又很多 可惜只有單點味道惹味 其實叫手打和牛漢堡都夠豐富啦蟹肉芝士忌廉意大利粉 ($84)新推出的意粉 呈桌上時看到不少蟹肉融入其中而份量毫不吝嗇質感絲狀有點像吞拿魚碎 不過海鮮味就重一點醬汁味道非常濃郁芝士像芝士粉的鹹香 忌廉濃滑芝士忌廉的醬汁比較黏糊 漿著意粉屋掛上而沒滴落味道香濃但一定要盡快食不然黏成一舊舊油量頗多看到底部閃著亮亮的油光 膩了一點份量適中 不過芝士和忌廉會漏所以食完已經飽九成焦糖香蕉窩夫 ($66)特別為我倆製作的半份窩夫 怕浪費的也不妨少要半份窩夫是兩個心心組成的形狀 金黃的淺褐色焦得誘人切開聽見脆裂的聲音 感覺到那外脆內軟的美味窩夫甜度剛好 雪糕有少許果肉 如果多一球就好了焦糖香蕉的焦糖脆皮很厚 能輕鬆分顏蕉的表面香蕉的軟熟和焦糖的脆感與窩夫非常合襯 不過焦糖多吃就會漏這天的午餐感覺滿足 味道以外的不錯呢！…查看更多

之前黎過呢間餐廳，好中意，最近有新野喎，梗係去試下啦蟹肉芝士忌廉意大利粉($82)唔係講笑，好中意呢個意粉，首先個意粉煮得岩岩好，然後就係個芝士味好夠，好Rich好Creamy，每條麵都食到個醬，仲會食到蟹肉，不過蟹肉相對黎講個味就無咁出啦，整體好味。好味指數：8/10珍寶龍蝦仔牛角包($98)牛角包係勁香脆，咬開都聽到脆口聲，好多隻龍蝦仔，呢個龍蝦個醬汁可以少番dd，偏甜。旁邊既薯條有調味，就咁食都好味好味指數：7/10京都焙茶鮮奶(Regular$36)每次都覺得呢間既拉花真係好靚，相當考心思，見到人都開心埋，仲要係至愛既焙茶，飲落去味道相當濃，帶少少回甘，種後勁好正，慢慢一啖一啖品嚐焙茶濃好味指數：8.5/10烤榛子朱古力(Regular$36)呢杯因為有焙茶既關係相對就失色左啦，如果無焙茶在前，應該會相當中意呢杯朱古力，淡淡榛子味但唔會話好甜，好香。好味指數：7/10最後點少得甜品焦糖香蕉雪糕窩夫($66)，1號其實唔係太中意食香蕉，但呢個有焦糖面，燒到脆一脆，令到個香蕉都好味左，脆卜卜好正。另外仲有士多啤梨雪糕窩夫($66)，一樣咁靚咁正，士多啤梨仲好甜添窮遊指數：6/10…查看更多

今日約左幾個朋友，又難得早收工，就去左好方便嘅西九龍中心到覓食。聽到咁岩有朋友未黎過呢度，更為呢一次飯局堵添左唔少趣事。Café Dream嘅位置都算好搵，一上去7樓直入蘋果商場就會見到。一到埗，就會望到一塊大大嘅黑板寫著老闆精心預備嘅美食。因為朋友細食，野食叫得唔多，但係有一上檯發覺份量都幾足，對得住價錢。大家主要都係想聚下，所以只係叫左幾款野食。每款都唔錯，第一樣送黎嘅係奄列早餐，有一份大奄列、薯餅、牛角包同同埋比較健康嘅蘑姑、茄汁豆同沙律菜。食落就中規中舉，不過最令我驚喜嘅係份奄列，食得出有兩種口感，外層就比較挺身，但係入面食落十分綿滑，入口即溶，好似食緊CREAM咁，好特別。另一份上場嘅係呢度其中一樣特色小食，BBQ雞翼，一定要配個醬黎食，可惜今次雞翼有少少唔夠入味，期待下一次光臨可以食到改進版!!因為都有男仔朋友，我地都有叫左個意粉，係黑板上面嘅蟹肉芝士忌廉意粉，賣相唔錯，自己又係一個意粉怪，所以都食左唔少，蟹肉都幾足，可以一啖意粉一啖肉。有女士，點會少得甜品呢，成個窩夫抬上黎嗰陣，即刻覺得好邪惡。朱古力醬呀、CREAM呀、雪糕呀，未食就先飽眼福。窩夫身少少偏軟令到食落去嘅口感係幸福指數滿滿呀。最後，自己就叫多一杯京都焙茶鮮奶，主要自己係都幾中意飲茶，覺得幾得意。忍唔到手就試一試。整體茶奶比例都唔錯，茶味就比較濃，中曬我口味。後記:Café 位處商場入面，環境比較小巧，但有老闆主動嘅招待加上一路LOOP住唔少辟熟能詳嘅英文歌，令我想再去會一會其他野食。…查看更多

週末假期，和男友去深水埗逛一下。晚飯時間，兩口子在西九龍中心的>>> 夢咖啡館 <<<用膳。餐廳位於蘋果商場的轉角位，其實不太起眼，因為入邊以格仔舖和衣飾店為主，能夠在當中找到食肆，還要是cafe，有點意料之外呢。畢竟受制於土地問題，餐廳座位密度比較高，人多的話會容易覺得吵鬧，這有點看彩數了。餐廳裝修走自然休閒風，天花吊有植物裝飾。牆上掛有西九龍特色照片，窗外可看到繁忙的西九龍街景。最有趣的是窗旁掛有兩塊化妝鏡，自拍用的嗎？餐廳設有免費 wifi ，密碼是餐廳電話號碼，速度夠高。稍等一會，先被送上的是飲品。杏仁鮮奶咖啡 (HKD39) 是男友之選，味道相當獨特，略為偏酸，杏仁味不夠突出，但咖啡泡沫打得相當細密幼滑，挽回不少分數。京都焙茶鮮奶 (HKD36) 內裡添了很多綠茶粉，有點蓋過了鮮奶香氣，亦令口感不夠幼滑，要努力攪勻再飲用。約克郡炸魚薯條 (HKD88) 的賣相不太吸引，都是啡啡黃黃的堆在一起，幸好沙律菜豐富了這碟菜的色彩。炸魚的炸漿混合了芥末，令味道更見精彩，魚肉亦算鮮甜，只是炸漿略嫌厚身，平添了熱氣感。可別忘了薯條啊。沾上茄汁的話，薯條味道更加豐富。冰覺得這道菜比較適合一同分享，獨個兒享用的話實在熱氣。唯有全數吃掉已用黑醋調味的沙律菜，平衡一下吧。珍寶龍蝦仔牛角包 (HKD98) 佐以薯條，數量相當充裕，且炸得恰到好處， 不會太乾也不會太油；上邊灑有香味粉，味道加倍突出，相當可口。牛角包非常鬆脆，牛油味很香。龍蝦仔數量夠多，啖啖肉食得過癮，混有蜜糖醬，甜味十足，惟龍蝦仔肉質略嫌太韌。雖說深水埗區不易找到cafe，物以罕為貴，可是上述價錢以地區而言，甚有離地感；但冰和男友在周末傍晚所見，餐廳仍是座無虛席，大抵還是有其捧場客喲。…查看更多

在西九龍中心逛街,偶爾發現了蘋果商場內的一小角有一間cafe於是進去試試京都焙茶鮮奶飲品上的熊仔拉花好可愛呀!單是賣相已經攞滿分焙茶味很香濃,與鮮奶的比例做得不錯杏仁鮮奶咖啡這杯咖啡同樣有靚靚拉花,咖啡上有幾片杏仁片飲落亦有淡淡的杏仁味,杏仁味道天然不人工,還不錯呀珍寶龍蝦仔牛角包主菜吃了這個牛角包,牛角包香脆鬆軟裡面夾了龍蝦仔,份量亦不少,沙律醬帶微酸和微辣,幾開胃旁邊還有沙律和薯條做配菜蟹肉芝士忌廉意大利粉意粉的份量相對地較少,份量只夠一個胃口不大的女生吃不過意粉內有大量蟹肉,每一啖都可吃到一絲絲的蟹肉幾足料的…查看更多

這晚約了幾位好友晚飯, 大家不知道去哪裡吃, 有人提議了去CAFE吃。不想去樓上的CAFE吃, 於是搜尋下九龍區的CAFE, 找到了這間夢咖啡館, 於是決定來吃。最喜歡幾位朋友一起吃飯, 因為可以一次過試不同的款式。餐牌製作精美, 然而有好幾道款式都貼住停售。心想選擇還不是很多之際, 店員細心提醒, 黑板上有推介的新款式可以試, 也是一個補救吧。飢腸轆轆的我們,  一口氣點了幾個主食。先來了我的藍莓乳酪沙冰, 賣相很吸引, 幼滑的沙冰有少許細顆的冰塊, 濃郁的藍莓味, 又會太甜。個人很喜歡乳酪製品, 感覺上沒那麼甜膩。沙冰上的CREAM不單好看, 又好味, 怕肥的我也要吃掉它。朋友點了的是杏仁鮮奶咖啡, 咖啡是加了甜味去製作, 愛喝齋啡的人就點EXPRESSO吧。嗅上一陣杏仁香味, 喝一口是香滑的鮮奶味, 很適合怕苦又想吃咖啡的食客。以前在英國吃過炸魚薯條很是懷念, 這晚就點了個約克群炸魚薯條。四大塊炸魚還有很多很多的薯條, 感覺很抵食呢! 炸魚的肉很鮮味, 雖然知道不會是新鮮魚肉, 但不會像一般快餐店吃到的炸魚柳般肉又梅又腥。點它的沙律汁, 酸酸的吃開胃。每次去CAFE都會點一客意粉, 今次點了新出的蟹肉芝士忌廉意大利粉, 很濃郁的芝士忌廉汁, 意粉不會煮得乾身, 而且加了很多野菌, 感覺也不會膩。晚上心血來潮地點了個奄列早餐吃, 這個豐富「早餐」有芝士奄列、茄豆、沙拉、牛角包、炒菌和薯餅。主角芝士奄列炒得非常香滑, 芝士份量恰到好處, 不用額外加調味料。愛吃野菌的我也要推介它的炒菌, 不會用過多的牛油去炒, 而且沒有野菌的草青味, 一下子就吃完了。唯獨是薯餅感覺很油膩, 比較之下好像喜歡吃薯條多一點。整體而言也是不錯了。最後, 大家也點了個窩夫, 滿足女人的第二個胃。這個太極窩夫的份量大得很, 有兩球雪糕, 中間還有香蕉和士多啤梨, 真的要大伙兒一起分享才吃得完。外脆內軟的窩夫, 配上香甜的雪糕和忌廉吃, 很美味。不過心裡卻盤算著明天早上要跑幾多公里才能消耗這晚的卡路里。…查看更多