夜首爾

營業中

休息中

叫咗三個main dish，埋單$500，好夠食！要讚個牛肋骨真係好lum好好味呀前菜好多款式，幾好食海鮮煎餅一般，比較油，無咩餡個豚肉石鍋拌飯唔錯 配料足 好味好味服務又ok，無負評講到咁worse，又肯換梳發位俾我哋

朋友想食醬油蟹就係openRice揾到呢間🦀係openrice book位在指定時間有折,大家可以留意一下🫶🏻🔺韓式小菜一共有8碟小菜包括有泡菜,薯仔🥔菠菜,茄子,芽菜,翠玉瓜配菇,蒟蒻同海帶🤲🏻款式真係好多但質素正正常常~🔺醬油蟹 $460/2隻醬油蟹size唔算好大,所以肉和膏都唔係好多但勝在蟹肉鮮甜同實在🦀而膏同樣都係鮮甜的但就真的不多🤭記得要加白飯($15)附上埋紫菜碎撈埋一齊超夾❤️但整體偏重口味同好辣!!!個人就有點頂唔順🫢唔食得辣的話要留意下🤲🏻🤤好味度 : 6.5/10(對我黎講太辣了😵‍💫)🔙回頭率 : 5/10

話說開會開到冇時間出去食飯，就叫咗個外賣，感覺叫外賣好似畀喺餐廳食仲要平，大家都要左一個烤牛肉定食，無論係味道同埋份量，都比想像中好，非常有驚喜而且每份仲配咗兩個前菜，我哋三個人大家嘅前菜組合都唔一樣，分別有泡菜，豆芽，菠菜同埋茄子，佢仲係用分咗兩層嘅外賣盒，所以肉同埋飯唔會撈埋一齊牛肉質地好好，一啲都唔乾，亦都唔會鞋，味道就係正常韓式醃肉嘅味道，而且份量好多，好好餸飯，啲飯餸到過嚟都唔覺得乾，整體嚟講覺得非常滿意

有好多碟小菜🤩 分別有泡菜、涼拌菠菜、豆芽、魚仔、辣豆腐、辣翠玉瓜、炸茄子同甜薯仔，好開胃石鍋拌飯 雞肉 ($130)等咗40分鐘先上到，追咗幾次侍應都話呢碟餸要耐少少，但係只係石鍋拌飯 材料都唔使準備好耐😶嚟到熱辣辣份量幾大，雞肉都腍，有多種配菜喺面，正常發揮豆腐鍋 牛肉 ($120)呢碟就反而10分鐘就上到😶 夠辣 湯都幾濃，都足料，配上白飯幾好食—𝗐𝗈𝗎𝗅𝖽 𝗋𝖾𝗏𝗂𝗌𝗂𝗍: no💳 𝗉𝗋𝗂𝖼𝖾 $140 𝗉𝗉 🌟 𝗈𝗏𝖾𝗋𝖺𝗅𝗅 6/10📍 夜首爾尖沙咀寶勒巷13-15號寶力大廈地舖

我們一行15人到夜首爾飯聚，分了三張枱，點了合共十五道主菜，由坐落點餐時約6:30pm至埋單約7:50pm，時間不足90分鐘。可如此快地完結一場飯聚有賴此店的員工們以粗劣的態度趕走我們。先是有一位帶眼鏡的男侍應對其中一枱表示我們消費太低，並以嫌棄的態度說道「做咗三十幾年都未見過消費咁低嘅客」，其間並未能道出任何最低消費的指引。之後再有一名阿姨從廚房走出來以不友善的眼神望了我們幾次，並跟男侍應閒聊幾句，接著以包租婆般的語氣跟我們說「有客等，我哋得星期五六日有生意做，你哋好走啦」。當刻仍未到大部份餐廳所定的90分鐘入座時間，況且此店從未提及任何限時措施。我們離座後走到餐廳的下層，看到有好幾張不同大小的空枱，門外亦不見有人等候，十分離奇。店內並無顯示最低消費，我們當天的人均消費近每人$200，十五人點的十五道均是主菜，而價目表是餐廳定的。如店員們/店主心中有價，應為客人要達到某消費金額，可清晰列在餐牌上。如想客人點算更多菜式，可友善建議餐點。如想客人於指定時間內離座，可標示出來並在入座時提點，非也。以往我們久不久也會到此店午餐，經過今次差劣的晚餐體驗，絕無下次，亦絕不建議任何人光顧。今時今日

同一班同事食野，book左3台，之後想話要加啲小食配菜，侍應態度超級差，直接話我地消費低唔俾加同趕客，大佬依家俾唔起錢咩？好聲好氣，我地都嗌多啲餸喇， 態度咁差，無下次。！

好耐冇食韓國菜，今次又嚟呢間位於尖沙咀寶勒巷《夜首爾》，貪佢地點就腳十分方便易搵，而且正宗韓國人主理。餐廳地方超大，而且仲有兩層。簡約韓風裝飾，非常舒適。餐廳供應有韓式燒烤，韓牛更是韓國直送。此外，傳統韓式料理亦有供應。如果想食醬油蟹亦有，而且亦係韓國直送。另外亦有一人餐供應。「醬油蟹」（$250/隻），如果兩隻價錢更優惠。我地純綷想試下，所以兩個人share 一隻。入口蟹肉頗結實，有醬油香味道而又不會好咸。我地追加左「紫菜飯」（$15），將蟹膏撈埋紫菜飯一齊食，真係好夾好好味。飯粒有咬口，加咗麻油和紫菜，入口更加超香。「牛胸肉大醬湯」（$380），呢個大濃湯十分足料濃郁，配料有蘿蔔、翠肉瓜、薯仔、滑豆腐及牛胸肉。特別要一提，牛胸肉超好味，入口爽彈而且牛味極濃。而且牛肉份量超級多，非常抵食而又出色好味，推薦大家要試。餐廳提供韓國前菜好多款式，更有為客人提供玄米茶，可以免費添飲。當然亦有各款飲料及酒類供應。設有加一服務費。

今日嚟尖沙咀買嘢，順便嚟食飯，今日好想食韓國嘢🇰🇷朋友推介食呢間『夜首爾』，一於試吓😋叫完嘢食，職員攞咗8碟小食，樣樣都好好食和好開胃，特別係涼拌粉皮和菠菜我最鍾意😍食韓國嘢梗係要食韓牛啦，我哋叫咗特級雪花肥牛，啲牛油脂分布好靚🤤燒完嘅牛特別香，仲好Juice，牛味濃郁，配埋佢提供嘅醬料，更加好味😋我哋仲有叫咗個辣雜錦海鮮鍋，海鮮鍋有好多海鮮，包括有蟹🦀蝦🦐元貝，墨魚🐙青口，仲有啲娃娃菜，豆腐等👍🏻元貝好大隻，啖啖肉🥰墨魚新鮮彈牙😍蝦和青口都好好食😋職員會將食物剪細件👍🏻不過啲蟹肉唔係好實淨😞餐廳環境都好舒服，嚟呢度推介食牛👍🏻

有一間必食的韓國料理餐廳位於尖沙咀寶勒巷，韓式味道十足，而且裝修光猛明亮，非常適合三五知己，或者一家大細來撐枱腳。一講起韓菜，立即會諗起石鍋飯，在電視劇裏面成日見到啲阿豬媽食石鍋飯，牛肉石鍋拌飯，僅需$130。米飯經過石鍋的烹煮，散發出香氣四溢的香脆底部，搭配上濃郁多汁的牛肉塊，加上很多韓式配菜，健康有營養之餘亦非常好吃，配菜之間發揮着調味的效果，加上入味的牛肉，正！食韓國菜，都一定會食韓燒，既然有了石鍋飯，就點一些肉類來燒送飯。首先是帶子，$180六雙。新鮮的帶子肉質鮮嫩，入口即化，絕對是海鮮愛好者的最愛，大大粒帶子，鮮嫩多汁，肉好嫩滑。接著，特級雪花牛肉$280，這片片嫩滑的牛肉薄片質感絕佳，肉質鮮嫩多汁，最後搭配上韓式生菜配包飯醬$60，這醬料帶著微微的辣味，讓整個口感更加豐富。除了美食之外，這裡還提供多款手工啤酒供選擇。我試了一款桃味的手工啤酒，清新的桃子香氣與微微的苦味相融合，給了我一種愜意的享受感。#夜首爾 #尖沙咀美食 #牛肉石鍋拌飯 #帶子 #特級雪花牛肉 #手工啤酒 #韓國料理 #美食評論 #美食分享 #foodie #instafood #foodlover #韓國

🔸醬油蟹🦀 ($250)好多人介紹呢到嘅醬油蟹 所以我哋特登嚟食🦀 呢間餐廳特登用咗韓國延平島嘅藍花蟹🇰🇷 但我覺得普普通通 隻蟹偏細隻 好彩唔腥😀 橙黃色嘅蟹膏都幾多😃 醬油嘅味道正正常常 唔會係死鹹😀 但呢個醬油蟹冇跟飯嘅 所以我哋要另外再叫🍚評分: 🌟🌟🌟🔸調味牛肋骨🥩 ($360)呢個好有驚喜😍 廚房會預先將牛肉嘅外層燒香 內層就係粉紅色🥩 牛肋骨會連骨一齊上 牛肉就會切成一粒粒 所以好方便燒☺️ 牛肉嘅質地鮮嫩 充滿油香🥰 韓式調味甜甜嘅 唔會蓋過牛肉本身嘅味道 唔洗再另外點醬都好好食😍評分: 🌟🌟🌟🌟🌟

第一次來幫襯本來只想點一個生牛肉拌飯和一個豆腐海鮮鍋。豈知先來了8小碟的前菜，著實有驚喜，即時加點了醬油蟹，鮮甜膏多。今餐所有的餐點都好好食，已想好下次再來試試燒烤。

平日午膳經過見到呢間鋪門囗海鮮湯麵張相諗起好耐冇食韓式湯麵，諗都唔諗就入咗去，晏晝最繁忙時間只有兩台客，明白嘅，因為香港經濟差。點了香辣牛肉麵，店員先上前菜，一切仲算正常。碗麵嚟咗之後食到三份一，先記得自己原來叫嘅係牛肉湯麵，然後努力尋找被遺忘的牛肉。經過多番努力後，終於搵到一小件牛肉碎（如圖）。當我問店員究竟呢碗係牛肉湯+麵，定係有牛肉嘅湯麵，她指著相中件牛肉碎話「咪有牛囉！」。 再同佢講話嗰件牛肉碎係唯一嘅牛，佢堅持有牛，我只好接受現實。食多兩啖麵就走。埋單嘅時候忍唔住同個韓國老細反映碗麵冇牛件事，沒有道歉，還堅持有牛，只是煲得耐溶掉了。香港就係有呢啲食肆，D人點會唔個個上深圳消費？！？

餐牌超多野食！前菜有8款，加兩款醬汁😍水冷麵麵條彈牙有嚼勁，配上涼爽的醬汁，夏天吃真是消暑又開胃，上面的配料有醃蘿蔔、青瓜絲、雪梨條，增添了清爽的口感，味道更有層次！食咗一啖，整個人都感覺涼快舒爽，好岩而家呢個天氣食海鮮蠔餅好足料，外皮煎得酥脆金黃，一口咬下去，裡面淡淡都係蠔仔，鮮嫩多汁，鮮甜彈牙，加上特製嘅醬汁，更加惹味🤤🤤呢度仲可以燒肉！牛舌肉質細嫩，口感滑嫩有嚼勁。牛舌的味道鮮美，帶著淡淡的牛肉香氣，讓人回味無窮。簡單的燒烤保留了牛舌的原汁原味，沒有腥味。再沾上一點鹽巴，更能突顯牛舌的鮮甜特級雪花牛肉牛肉的紋路清晰美麗，令人讚嘆。入口後，牛肉的鮮甜味道迅速彌漫，讓人陶醉其中。咀嚼時，肉的纖維非常細膩，外層微焦帶著微微的炭烤香氣，內部保持了肉汁的豐潤，再蘸點特製醬汁，能中和肉的油膩感

夜首爾地址: 尖沙咀寶勒巷13-15號寶力大廈地舖電話: =====================呢10年都是韓流，由韓食，韓國kpop,韓劇,skin care 化妝品，都成了人氣主流。8款前菜，好壯觀女朋友勁喜歡睇韓劇，浸輪完睇曬16集，佢集慣在未迷上下一套劇前，要去食韓國菜韓國女仔皮膚好，除了泡菜就是因為豬手了$320 一大,點了原味，豬手好入味，同埋起骨切片，豬皮口感彈彈$220 蔘雞湯，相信大家都食過，雞中心釀了糥米，紅束棗，蔘條等，吃肉喝湯，很補的。

夜首爾 (尖沙咀)尖沙咀寶勒巷13-15號寶力大廈地舖蔘雞湯（Sam Gye Tang）：蔘雞湯是一道傳統的韓國料理，由滋補的蔘和嫩雞一起煮成。這道湯具有豐富的營養價值，被認為對健康有益。蔘雞湯的湯底清澈，濃郁的雞肉味道與蔘的香氣交織在一起。雞肉非常嫩滑，容易從骨頭上脫落。一些常見的配料包括糯米、棗子和蒜瓣，這些都增添了湯的風味。蔘雞湯通常在冬天食用，因為它被認為可以提供身體的熱量並增強免疫力。醬油蟹（Ganjang Gejang）：醬油蟹是一道用醬油醃製的蟹的韓國傳統料理。這道菜通常使用新鮮的螃蟹，並將其整個浸泡在醬油和其他調味料中數天，使其充分吸收醬汁的風味。醬油蟹具有豐富的鮮味和咸香味，蟹肉鮮嫩多汁。吃醬油蟹時，人們通常會將蟹肉和蟹黃與飯一起混合食用，這樣可以更好地品嚐到醬油的風味。煎蝦餅（Saeu Jeon）：煎蝦餅是一道以蝦和蛋為主要成分的韓國小吃。這道菜通常由新鮮的蝦和打散的雞蛋混合製成，然後在平底鍋中煎至金黃色。煎蝦餅的外層酥脆，內部濕潤軟嫩，蝦的鮮味與蛋的香氣融合在一起，味道非常美味。這道菜可以作為開胃菜或配菜，也可以與米飯一起食用。煎蝦餅在韓國的酒吧和餐館中非常受歡迎