影片
港鐵荔枝角站 D1 出口, 港鐵荔枝角站 D2 出口
繼續閱讀
電話號碼
57347800
開飯介紹
主打天婦羅及壽喜燒兩類食品；時令海鮮和蔬菜天婦羅以芝麻油及特調炸漿製作，壽喜燒則糅合關東、關西風味及fusion醬汁，口味獨特。
繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
呢間位於荔枝角D2 Place二期嘅夜明け，主打席前壽喜燒同天婦羅，餐廳環境簡約舒適，有師傅席前為烹調天婦羅同壽喜燒！💙前菜🦀北海道松葉蟹肉生湯葉賣相精緻，北海道松葉蟹肉好鮮甜，下面放上傳統的京都食品「生湯葉」，即係豆漿煮沸時形成嘅薄膜舀起製成的，類似腐皮咁，豆味濃厚, 口感獨特又柔滑！💛天婦羅🦐花竹蝦分開咗蝦頭同蝦身去炸，蝦頭讚得香脆，可以配上岩鹽去食，而花竹蝦身好彈牙，可配咖喱鹽去食，別有一番風味！💚北海道白蘆筍 口感鮮嫩，食落好清甜爽脆！🐟北海道公魚北海道公魚肉質細膩，好啱用嚟整天婦羅，炸得外脆內嫩，鮮甜又酥脆😍！🍆熊本縣赤茄子熊本縣赤茄子係日本第二多水的茄子，茄子炸到外皮酥脆，內裡綿密多汁☺️！🧡北海道馬糞海膽 紫菜天婦羅配淡雪鹽北海道馬糞海膽非常鮮甜，加上酥脆嘅紫菜天婦羅味道超夾！師傅喺海膽面頭再灑上以米與鹽結合而成嘅淡雪鹽，更提升了整體味道層次😆！🍄山形縣舞茸菇山形縣舞茸菇天婦羅外皮酥脆，內裏鮮嫩，獨特的舞茸菇香氣彌漫！🍠鹿兒島安納芋配威士忌同糖鹿兒島安納芋外酥內軟，安納芋甜味濃郁，可以先點少許威士忌 再點糖，糖用嚟中和威士忌嘅味道，增添了獨特的風味，香甜中帶點微微酒香，好有創意嘅組合👍🏻！🧡醋橘啫喱 食完天婦羅，來一件醋橘啫喱來refresh口腔，酸酸甜甜好開胃！💚鵝肝茶碗蒸茶碗蒸上面放上大大件香煎咗嘅鵝肝，鵝肝細膩滑順，同茶碗蒸嘅蛋香好配合！🐮和牛壽喜燒壽喜燒用上宮崎A4和牛嘅肉眼位同西冷位，頭兩片肉眼和牛肉先以關西風去烹調， 先以牛肪起鑊再落糖整至焦糖化，令和牛煎香後帶點焦糖嘅甜味，之後西冷和牛會則用上關東風去烹調，即加入壽喜燒湯汁後再加入和牛去煮，食嘅時候可以沾上夢王蛋黃，令和牛口感更提升，亦可以點上wasabi/ 柚子皮法式芥末，更增添風味！🥣麵豉湯麵豉湯湯底鮮香，淡淡的鹹香🍳日式炸蛋飯先將蛋黃炸成天婦羅，放上白飯上，再淋上秘製醬汁，看似簡單，但味道一流！蛋味超香濃的甜品🍈靜岡蜜瓜甜度高，多汁又爽口
繼續閱讀
今日去咗荔枝角D2 Place一間叫「夜明け」食席前壽喜燒做晚餐，餐廳嘅環境闊落清靜，私隱度幾高，師傅會喺席前為食客煮壽喜燒，一邊烹煮一邊介紹食材同煮法，非常有親切感。我哋嗌咗兩個「A4和牛壽喜燒一人前」套餐加炸天婦羅三品。🍊 前菜非常精緻嘅一道前菜，上面係味道鮮甜嘅北海道松葉蟹肉，口感細膩；下面係大豆味道濃郁嘅京都腐皮，入口即化，口感柔滑；配上味道清新嘅柚子醋，非常開胃🍊 茶碗蒸師傅用85度嘅熱水隔水蒸出嚟嘅茶碗蒸，蒸蛋口感非常嫩滑，入口即溶，上面採用兵庫縣達到刺身級別嘅武士蠔，輕輕煎香後嘅蠔充滿鮮味，配合濃郁嘅蛋汁、鰹魚湯汁同蟹柳絲，係一道好出色嘅茶碗蒸🍊 炸天婦羅三品炸天婦羅配有咖喱鹽、岩鹽、抹茶鹽同蘿蔔蓉天婦羅醬汁，為天婦羅帶來唔同嘅口味；炸花竹蝦嘅蝦身爽口彈牙，蝦腳拆咗出嚟再炸非常脆口；九州沙鮻魚嘅炸粉好薄，食落無魚骨而且魚肉唔鬆散：山口縣嘅野生舞茸炸完之後好香口🍊 宮崎A4和牛餐廳採用宮崎A4和牛，和牛係由師傅即場用機器切割，控制好每一片和牛嘅厚薄同大小。和牛壽喜燒一人前嘅份量有兩片西冷和牛同四片肉眼和牛，肉眼和牛會採用關西壽喜燒嘅做法，先用和牛嘅脂肪起鑊，再加砂糖喺鍋入面造成焦糖化，令和牛煎香後帶有焦糖嘅甜味同脆口；西冷和牛會採用關東壽喜燒嘅做法，加入壽喜燒湯汁將和牛煮到五成熟，再沾上夢王蛋黃，令和牛味道更加濃郁，而且口感溫和，唔要蛋白可以令蛋黃更容易掛汁🍊 日本野菜七品師傅會將每片宮崎和牛都配上新鮮嘅日本野菜，例如大蔥、溫室大啡菇、娃娃菜、秋葵、芋絲等，全部都吸收晒鮮甜嘅壽喜燒醬汁，其中最特別嘅係京都半熟豆腐，擁有布甸嘅質感，非常軟🍊 炒飯/烏冬加入滑蛋、洋蔥、金針菇等材料炒飯同烏冬，中和咗口腔中和牛記油脂感，食完有飽肚感🍊 生果/甜品套餐可以選擇日本生果或甜品，日本靜岡蜜瓜清甜爽口，柚子雪葩味道清新解膩📍荔枝角長順街15號D2 Place TWO 3樓311號舖位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊
繼續閱讀
食過返尋味的一餐😋第一次係香港食壽喜燒師傅用心製作每道菜都有解說好有耐性 用餐氣氛溫馨非常適合特別日子或慶祝餐廳裝修和氣氛一流 非常舒服座位位置啱啱好唔會太多人宮崎牛同食材都係即時準備乾淨衛生整潔新鮮師傅仲問我地夠唔夠飽仲醒多左一塊比我地🤪份量剛剛好營養豐富每一道肉都配搭一款蔬菜🥬好欣賞呢度對食材的要求同細心炮製壽喜燒汁唔會太濃太咸最鍾意佢地個香濃蛋汁同埋茶碗蒸！平日唔鍾意飲麵豉湯嘅我覺得佢地個湯好出色仲有個新鮮原製嘅日本粟米湯🌽十個like👍🏻我同男朋友過了一個非常滿足的週年晚餐進食氣氛輕鬆 唔會限時上菜速度適中 不快不慢真心素質好過啲港島區得個貴字而且不斷hard sell嘅餐廳
繼續閱讀
朋友介紹 帶我去呢個餐廳 點知超有驚喜 天婦羅 完全唔覺得食緊炸野 外面脆漿非常薄 完全做到外脆內嫩多汁 特別個星鰻 完全唔會有腥味 甚至有甜味 而且師傅同 d staff 個個都好 nice, 絕對會再黎食過
繼續閱讀
📍夜明け 隱藏喺荔枝角工業區入面嘅天婦羅同壽喜燒omakase，真係一個驚喜！😍 佢哋用嘅食材全部都係日本直送，質素超高，仲有靚和牛，即叫即刨，真係睇到都流口水🤤 ✨ 前菜- 北海道松葉蟹肉yuba：蟹肉鮮甜，yuba（腐皮）滑溜，開胃一流！ - 兵庫縣牡蠣茶碗蒸：蒸蛋滑到不得了，牡蠣鮮味爆棚，正！ 🍤 天婦羅- 花竹蝦：外脆內嫩，蝦肉彈牙，完全唔油膩！ - 九州沙追魚：魚肉鮮甜，炸得剛剛好，脆皮超薄！ - 山形縣野生舞茸：香氣十足，咬落去仲有juicy感覺，好特別！ 🥩 壽喜燒- 關西風壽喜燒肉眼：關西風味偏甜，肉眼油脂分布均勻，入口即化！ - 關東風壽喜燒西冷：關東風味較濃郁，西冷肉質軟嫩，配埋日本直送蔬菜，完美！ 🍨 甜品- 日本紅豆雪糕：紅豆香甜，雪糕滑順，完美收尾！ - 日本蜜瓜：超甜多汁，食完覺得成個人fresh晒！ 總括嚟講，呢間隱世omakase真係值得一試，食材高質，師傅手勢一流，環境仲好有feel，絕對係荔枝角嘅隱藏寶藏！💯 📌 夜明け 地址：荔枝角長順街15號D2 Place TWO 3樓311號舖 推薦指數：⭐️⭐️⭐️⭐️⭐️ #荔枝角美食 #omakase #壽喜燒 #天婦羅 #和牛 #日本直送 #隱世餐廳 #食評 #夜明け
繼續閱讀
您可能會有興趣的...