多點心 (已結業)

呢間開係德寶嘅點心專門店係我地成日會幫襯既🤗因為真係好有水準又唔貴🥢牛肉腸粉：皮厚但滑，鐘意食白腸粉既人會鐘意，牛肉加左芫荽同馬蹄，唔係爆多，但好味✨記得問佢拎辣油（係好味既xo醬）🥢魚湯鮮竹卷：呢個真係多料，算係茶樓中既清淡之選（但唔係冇味）個魚湯好味🥢鳳爪：好入味，比出面一般食到既好味😍佢個底係有幾條烏冬👍🏻掛汁好正🥢奶黃煎堆👍🏻👍🏻大推，好流沙，外皮好脆食落又唔油，奶黃會食到一粒粒既鹹蛋黃，正最岩食完其他之後做甜品（怕會凍左可以之後先加單）🥢菜苗餃：又係一個點辣油勁好食嘅餃🤣正另外仲有佢最出名既流沙奶黃包 同 雪山叉燒包👍🏻之前食過同樣出色 但由於今次我地2個都真係好飽 所以就冇叫啦間店算大，坐得舒服，通常都唔洗點等位，而且亦都唔會有人催你埋單，亦冇加一，如果你係熟客，d店員仲會記得你飲開咩茶，係一間好有人情味嘅茶樓。

難得媽媽放假，陪媽媽黎飲茶🫖我最愛就係呢到嘅xo醬煎蘿蔔糕😍蘿蔔糕足料，唔會話粉多過蘿蔔，蘿蔔份量十足，唯一可惜係今次黎食蘿蔔糕煎之前蒸得有點淋，比較難夾，話雖如此，佢煎得兩面好靚，再加上臘味好香😋呢到金錢肚都好食，較味較得好好，無會話太鹹，而且金錢肚都算新鮮，唔係個種會咬到牙膠攰都咬唔爛嗰啲🤪個人覺得呢到樣樣蒸點都唔錯，好似馬拉糕呢啲好怕滴水濕左就唔好食，全部都無呢個問題，而且人手充足，樓面收嘢都幾快👍🏻

相約一個久未見面的舊同事，聚落一起飲茶吃點心。吃雪山叉燒包的時候仍是熱呼呼的，格外香噴噴，包面的雪山夠多，又脆又甜美，餡料亦足，不會只吃到叉燒醬，而是食到叉燒粒的，我們都覺得跟「X好運」的有得揮。山竹牛肉球較一般茶樓的結實，應該是肉比粉的比例為多，肉感十足，很好咬口。鳳爪蒸得夠腍，骨與肉的分離度很高，完全沒有痴住。好處是豉汁味重，但不會過鹹，調味適中。反而蝦膠饟茄子較為不討好，好像蝦膠還蝦膠、茄子還茄子的，不大配襯；醬汁也太杰，似乎下了太多生粉。綜合而言，食物質數不差，環境亦企理，是一個聚頭落腳的好地方。

德寶”多點心”點心專門店待客態度今天8.04打去預定點心，被告知需要半小時8.30到場，查詢看點心可以拿嗎？一男性店員問何時致電，我告知時間後，他說未夠半小時所以便請店員幫忙睇睇還要多久，打算之後再回去拿誰知店員突然說:”睇咩睇？我好得閒呀？”我回答:”咩一回事，只係請你睇睇，不和你說了，請你負責人來溝通吧店員回答他就是負責人，有什麼便和他說！無語了正拿出錢來付款，店員又補一句: 一黎到就炸我型！好吧，自問作為一個客人，語氣態度都不是西客，只不過是早到幾分鐘去查詢，語氣比客人還硬。好吧，我不要了，吃不下啖氣。。。飲食業是辛苦，但我沒有得罪你，也沒有強人所難，點心是不錯的，但只好放棄了#德寶 #多點心

之前已經多之光顧 質素沒有退下來 所以開篇食評因為得寶商場未必好多人識去 所以係九龍灣黎講 人流唔算多 但偏偏呢個商場都有幾間出色既商鋪 呢一間係其一每一之晚市去 我都唔需要排隊就入得流沙包每次都無失手 都會有大量熱辣辣蛋黃流沙出黎叉燒腸皮薄餡多 最緊要係叫佢個點心拼盤 有五款每樣兩件 都係一啲平時大家會點既野 最啱情侶去食另外佢每一晚都會有一款自家製嘅靚湯 落足料去煲 但係有時可能會咸左少少最後推介一個叫做雪山叉燒包 外層鬆脆 入面滿滿嘅叉燒 每一次都要喺佢同流沙包之間選擇😂😂其實叫咗咁多嘢都唔算太貴 而且可以食到好飽如果大家得閒去九龍灣 不妨去呢一間點心鋪試下

上個月初吃過一次後念念不忘，一直想再來，閨蜜們週末約早茶，建議不再去大酒樓，一於帶她們來試試這街坊小店。藥膳雞腳，賣相一般，但原來非常入味，不會太Lum，反而是QQ有彈性。蝦餃皮Yin Un餡大，配上XO醬，一流。雞扎是閨蜜的選擇，大大兩舊，冬菇超厚超大的，比大酒樓的用料有過之而無不及，芋頭也很粉，誠意之作。陳村粉蒸排骨是我的推薦，閨蜜們都很喜歡，陳村粉沾上甜醬油滑溜入味，簡單美味。海皇千絲卷是我最念念不忘的點心，依然脆卜卜，餡料十足，閨蜜們也齊聲稱讚👍雪山叉燒包，依舊皮脆餡足底酥，但這次略嫌不夠熱辣辣。最後是紅棗糕，不會太甜，Yin Yin Un Un好味道。上次去是中午，滿座，人聲鼎沸十分熱鬧，這次10點左右，人不多，很清淨舒服。侍應姐姐們笑容滿面，招呼周到。每人茶位才5塊還可以選擇茶類，還不加一，點心不但選擇眾多還有水準。這次由誤了吉時遲到的黃小姐作東

今次叫左精選精點拼盤$68，有燒賣、鵪鶉蛋燒賣、蝦餃、菜苗餃同馬拉糕各兩件，而家好少地方食到鵪鶉蛋燒賣！另外仲叫左陳村粉蒸排骨$26、鮑片棉花雞$28、牛肉球$23、蝦膠釀茄子$28、同奶黃煎堆仔$24。價錢方面非常合理，而我個人最鍾意食就係陳村粉蒸排骨，陳村粉吸收晒排骨嘅肉汁再配上甜豉油，味道一流！而佢嘅奶黃煎堆仔一定要趁熱食，因為佢入邊嘅奶黃係流心，唔鍾意食煎堆嘅你都會愛上佢！佢嘅蝦膠釀茄子熱辣辣新鮮炸好再淋上醬汁，感覺唔會好熱氣！如果兩個人去食最啱就係點心拼盤，經濟又實惠，又可以試下其他唔同款式嘅嘢食！點心都唔算話好貴，價錢合理！

之前經過幾次都見到外面需排隊，今天突然很想吃點心，捨棄平時的大酒樓選擇，決定試試這小店。到達的時候已經一點多鐘，正值午餐時間，基本上上已經滿座，我們拿到最後一張兩人桌，不用等位，Lucky✌️首先上場的是海皇千絲卷，熱辣辣，一口咬下去是大啖的蝦肉還有流心芝士，還有外面脆脆的我估計是米粉絲，份量十足，我吃了3大個，大滿足😋再上來的依然是炸物，老媽喜歡鹹水角，而我第一次來什麼都想試，叫了炸三寶，春卷一條，皮脆到Kua Kua聲，餡料豐富，鹹水角一隻，老媽說一般，奶黃煎堆仔一個，皮酥但奶黃餡不多，不會太甜。雪山叉燒包是他們的招牌，皮脆香甜，叉燒餡足，吃到這裡我已經差不多飽了😬排骨和陳村粉都是我所愛，她們這次二合為一，當然不能放過。份量很大方，排骨滑溜，陳村粉沾上醬油甜甜好入口，唯一略嫌偏油。最後上場的是喝茶每次必點的金錢肚，這裡說的是澳洲金錢肚，相當入味，不是太Lum但是有嚼勁，墊底的竟然是烏冬，第一次吃到，吸取了滿滿的汁後很是入味。進店後發現地方比我想像中大，外面一直有人在等位，點心份量大方，出品服務俱佳，價格合理，茶位每人才5塊，還可以選擇茶類，也不需要加一。怪不得店內滿座，店外人龍，我們

一家人嚟食點心 本身好中意呢度啲野食 一入到嚟坐底開完茶 個啊姐系我個仔嗰邊上茶 我老公叫住距 距都係繼續系我個仔度上野 一個四個月嘅bb 有咩事整到距你哋賠唔賠得起？話完個啊姐 距仲要系我面 上菜又將啲野推嚟推去 總之服務態度十分差 但點心係好食嘅

店內雖然環境一般 ， 炎炎夏日，入坐後感覺冷氣十分足夠， 温度舒適清涼。有卡位，也有圓抬。種類甚多， 有港式點心及傳統小吃。飲茶如果只是一或二人行，點得多又會吃不了。不過，點這一款，就可以試到不同種類的點心啦！！今次點了精選精點拼盤:蝦餃2件 鮮蝦燒賣2件鵪鶉燒賣2件鮮蝦菜苗餃2件蔗糖馬拉糕2件• 蝦餃、 鮮蝦菜苗餃的皮真的薄薄一層，卻好有彈性，可以吃到鮮脆的蝦。• 燒賣的內餡飽滿紮實，味道也很不錯。• 鵪鶉燒賣， 好多酒樓都無賣，屬於懷舊點心 。• 蔗糖馬拉糕，甜度適中👍藥膳鳳爪蒸到軟稔滑，吃起來完全不費力，但卻又保存有鳳爪膠質口感，鳳爪的藥味湯多且濃，使鳳爪均勻入味， 真的好吃，值得一試！白灼菜加碟菜， 吃d纖維百花釀魚肚，好食！中哥鹹水角脆脆的外皮，入口糯糯綿綿，鹹水角內裡餡料惹味！雪山叉燒包店內招牌的雪山叉燒包，見到好幾枱都有點， 外皮金黃鬆脆，內裡是甜鹹的叉燒， 餡料味道佳。沒有加一服務費只收茶位費$5元一位

這天是放假日子，我和家人落去淘大飲荼，經過朋友的介紹，我們決定來到這間中式茶樓一試一試，店內環境清潔衛生，餐牌上的選擇很多，我們需要等候一會輪候入座上湯小籠包可以說是皮薄饀靚，豬肉饀十分新鮮，用敖了很久的上湯鎖在小籠包裡面，十分入味，因為食物的温度十分高，要小心燙到嘴巴蝦餃外層晶瑩剔透，蝦清鮮甜美，賣相延吸引奶皇包吃包時會緩緩流出流心奶皇饀，軟綿綿的包，這樣的配撘恰到好處鳳爪排骨飯鳳爪很入味，排骨香稔軟嫩，價錢也只用二十多元，十分抵食整體來說，點心是即點即蒸，所以點心的温度非常高，點心的質素十分高，點心的選擇十分多，點心的份量延多，點心的用料非常新鮮，點心的賣相很吸引，點心的定價相對合理，而店員亦有積極的服務態度和有禮貌，最後我認為這間餐廳是可以再去惠顧的

復活節假期，11點幾，食早餐太遲，食lunch太早，諗起好耐冇去飲茶，就係得寶商場搵左間鋪頭仔食點心。鋪頭門口唔算大，亦冇特別靚裝修門口有張貼推薦點心，望落都係普通點心，勝在大大張，夠引人目光1張點心紙，款式唔算少，都算應有盡有雖然見其他客人好多都叫腸粉，目測都唔錯，但自己對腸粉一般，就試其他點心四寶雞扎，平時酒樓都會食到，食落足料，唔好太鹹，而且唔易散鳳爪排骨飯餸同飯分開上，份量都唔少，飯量就同平時酒樓分別唔大，絕對夠食，2個人share食都足夠，味道唔錯，好適合配飯是日靚湯，菜乾豬肺$10碗絕對抵飲！日日都唔同，靚料又多，而且味精少，健康！我唔鐘意飲湯都飲左半碗。是日糖水，椰奶紅棗雪耳炖桃膠 $20/碗想食糖水/甜品，但又唔想食D普通，見個是日糖水都幾吸引，就叫左碗試下，本身應該可以叫蒸熱，但中午整唔切，要晚市先供應熱好食！又椰奶、又紅棗，食落唔會好甜，天氣咁熱咁焗，食番碗潤喉一流！而家好足料，食到尾都仲有好多雪耳&桃膠，紅棗就少D，得1粒，不過都夠味，1碗share食其實唔夠仲有個雪山叉燒包，掛住食，唔記得影相，1碟3個，正！推薦！淨係每位收$5茶位，冇加一，總括係值得再幫襯

晚餐都可以隨時食點心餐廳寬落，乾淨，整潔，坐得舒服。茶位每位$5。全單免加一。2個人食，叫左《精選蒸點拼盤》，以下各2件，1大籠共10件$68蝦餃，燒賣，鵪鶉蛋燒賣，鮮蝦菜苗餃，蔗糖馬拉粒每樣都有得試，正藥膳雞腳$26無味精，唔同出邊的多油又味濃瑤柱灌湯餃$25有粒粒瑤，加埋醋食，好味道另外叫左碗鹹骨菜干粥$23大大碗煲到好綿綿的粥，去下火，幾好呢到食的，味不會太濃，不會太咸，點心即叫即蒸好食又健康起碼唔會一路一路要勁飲茶反而係呢間店做得好的地方

原來淘大商場行過幾條街有呢個商場，唔同小朋友去Play house玩都唔知。喺商場行咗一陣，覺得點心同蒸飯比較適合小朋友，所以揀咗呢間點心店。餐廳裝修唔算新，不過都幾闊落，卡位都幾多，感覺舒適。點心款式幾多，有幾款味道出色，職員有笑容有禮貌，感覺唔錯。黑金流沙包，流沙程度滿意，鹹蛋黃味比較少。鮮蝦燒賣皇，正常嘅燒賣，無特別。鮮竹牛肉球，無醃到太軟淋，比一般牛肉球結實，有返啲肉嘅口感，唔錯。金山蒸排骨，份量算多，肉質新鮮。香茜牛肉腸，師傅切好排放整齊，腸粉皮又薄又滑。鮮蝦菜苗餃，皮唔會太薄或黏住，唔會一夾就穿，餡嘅菜同蝦唔會太碎，有咬口。多點蝦餃皇，有啲細隻，皮算薄，唔會一夾就爛，皮同餡唔會分離太多，餡嘅蝦都唔錯。海皇千絲卷，外脆內熱，外面嘅絲比一片過皮炸出嚟更脆更好味，裏面嘅餡同鮮餃一樣，好味有層次。皮蛋瘦肉粥，粥底綿滑，肉碎唔會好似湯渣咁皮蛋有碎太少，只搵到一細粒見得到嘅皮蛋。咸魚肉餅飯，肉餅咬落完全無渣，好滑嘅肉餅，好啱老人家，小朋友同我食。煎蛋牛肉飯，肉餅同牛肉球唔同，同外面嘅牛肉餅差唔多，比較鬆軟，煎蛋係全熟蛋。

喺淘大商場隔離嘅牛頭角樓下商場有一間多點心，呢間嘅點心都做得唔錯。佢同普通嘅茶樓嘅形式有啲唔同，呢度唔使收加一服務費，二茶位就$5一位。係呢個情況之下，係公眾假期你多點心飲茶，就平得多啦！今日就同屋企人試咗四樣點心：首先蝦餃皮薄餡靚，個味道非常之唔錯！值得一試！而燒賣都好正！呢度仲有可以要兩粒燒賣兩粒蝦餃嘅配搭，如果人少少，又想試多啲唔同嘅點心就啱晒啦！不過雪山叉燒包就麻麻哋啦，雖然佢係呢間餐廳嘅主打，但係味道就有少少遜色，個包唔夠熱所以佢嘅酥皮亦都唔夠脆。我哋仲帶咗個鳳爪排骨飯，呢度嘅鳳爪排骨同個飯係分開上嘅，所以排骨同鳳爪嘅肉汁就冇辦法融入到啲飯當中啦，所以個飯嘅味道就唔太好！總括而言，如果係假期你多點心就好抵食啦！