影片
開飯介紹
設有數間分店的上海菜館，定價相宜，招牌菜必試排骨擔擔麵、鮮肉小籠包、松鼠魚等，另外多款上海小菜也值得一試。
繼續閱讀
營業時間
今日營業
11:30 - 21:30
星期一至日
11:30 - 21:30
公眾假期
11:30 - 21:30
公眾假期前夕
11:30 - 21:30
以上資料只供參考, 請與餐廳確認詳情
-
網上訂座服務暫停
優惠
78折
精緻上海菜$100 現金券 (只限堂食)
$78
$100
招牌菜
相關文章
之前係旺角食過夏麵館既蟹粉宴後念念不忘, 估唔到餐廳係第一城都有分店, 經過見到就入去食喇!!!餐廳環境舒服, 裝修別致, 座位寬敞闊落係門口見到蟹粉系列做緊推廣優惠好吸引, 撈麵仲係限量添, 好彩點個時仲有姐餐廳仲有好多上海菜式選擇, 好多都好想食丫!!!生煎小籠包 $48一上枱就聞到陣陣芝麻香！包底煎到金黃脆口, 咬開即刻爆出滾燙湯汁~豬肉餡鬆軟可口, 沾少少醋食整個提鮮涼菜五小碟(9選5) $129蒜香四季豆蒜香味濃, 四季豆口感爽脆~~雞絲粉皮夏日必食！粉皮滑溜到筷子都夾唔住, 雞絲撕得幼細, 仲有青瓜絲增加口感~ 麻醬香濃但唔會太稠四喜烤麩正宗上海風味！烤麩吸飽咗香菇、金針、雲耳等嘅精華, 甜中帶鹹, 烤麩質感鬆化得嚟有咬口鎮江水晶肉水晶肉晶瑩剔透, 啖啖都係啫喱狀嘅膠質, 肉香味濃~~虎皮素鵝腐皮炸到虎紋咁靚, 脆得嚟唔油膩, 口感豐富~~韭黃炒鱔絲 $105考師傅功架嘅菜式！鱔絲去骨起得乾淨, 炒到剛熟嫩滑~~韭黃火候啱啱好, 保持翠綠爽脆!最正係個芡汁, 濃稠得嚟唔會漿口鮮蟹粉河蝦仁撈麵 $68蟹粉金黃油潤, 河蝦仁爽脆彈牙~麵條用咗幼身麵, 掛汁力超強~食之前撈勻, 每條麵都沾滿蟹粉, 鮮味爆登
繼續閱讀
Blingbling美食推介✨📍沙田 🫖 夏麵館 (置富第一城)✨超高性價比上海菜 💠💠💠💠💠💠💠💠 如果鍾意食上海野，又追求性價比，我推薦夏麵館！價錢合理而且質素高~ 選擇都好多，菜式正宗，老少皆宜😉 置富第一城座位舒適，不錯~💠 蟹籽蝦球賽螃蟹 $108蝦球超級彈牙，而且好鮮甜，分量亦都好多，好有驚喜！賽螃蟹 抄得好滑，一d都無油膩~ 岩曬一家大細食！😋💠 砂鍋雲吞雞（半隻） $118最近食左幾間餐廳既砂鍋雲吞雞，夏麵館價錢最高性價比！只係💲1⃣1⃣8⃣就食到半隻！湯濃郁鮮甜，雞肉嫩滑，雲吞皮薄餡多，仲有好多菜！雲吞同雞肉完全吸收湯既精華，飲完一碗又一碗啊😋💠 雞火炒飯 $68鑊氣十足‼飯炒得乾身，粒粒分明😍雞肉嫩滑，火腿鹹香，口感豐富又唔會太油膩👍每一啖都食到材料嘅鮮味同炒飯嘅香氣，簡單得嚟又好味😋餐廳環境：💎💎💎💎💎/5 服務質素：🌸🌸🌸🌸🌸/5 食物味道：😋😋😋😋😋/5 性價比：💰💰💰💰💰/5 夏麵館 (置富第一城)📍沙田銀城街1-2號置富第一城1樓117A號舖
繼續閱讀
呢間上海菜都唔錯，住沙田咁耐都係第一次食，冇諗過啲嘢又幾好食，尤其個蟹粉獅子頭，好食到不得了，個蟹粉臨落個獅子頭度獅子頭嘅肉汁好嫩滑，真係成個可以一個人食得曬，蟹粉小籠包入面嘅湯汁飽滿加埋少少醋好香甜，花雕醉雞花雕酒味好濃，呢個食落去頭一啖係好濃嘅酒味之後淡淡嘅香味加埋啲雞太滑喇都係食唔停口，紅油抄手原來唔係太辣呢個係比較上偏甜少少不過我幾鍾意呢個味道我直頭想攞佢啲醬汁返屋企，鮮蟹粉河蝦仁撈麵呢個真係不得了撈咗以為佢好結身，但原來加少少醋一啲都唔會黐埋一舊舊畀我想像中更加好食
繼續閱讀
屋企樓下既上海小菜館，估唔到價錢又幾街坊，老公食到好滿足蟹粉小龍包四粒大大粒，入面真係有蟹粉，多汁皮薄多料，每人兩粒都好飽鮮蟹粉河蝦仁撈麵鮮拆蟹肉，蝦仁爽口，同蟹粉好夾，鮮蟹粉河蝦仁撈麵色澤誘人，味道鮮美，是一道適合海鮮愛好者的佳餚醉豬手酒味香濃，唔多骨，好多collagen，咬下咬下幾過癮鱔糊啲鱔好粗好大條，唔會太咸，幾好味，好鐘意呢間用好多筍絲，同鱔口感好夾最後叫左兩個甜品高力豆沙啲豆沙唔太甜酒釀丸子好香桂花味
繼續閱讀
今日抽空去咗沙田銀城街1-2號置富第一城1樓117A號舖嘅夏麵館，呢個地方初睇唔大，但一入門就感受到陣陣濃厚嘅地道風情同溫馨氣氛。入面裝潢簡約卻不失溫暖，員工笑容親切，好似朋友間嘅招呼，令人即刻放鬆下嚟品味每一道精心製作嘅美食。首先，點咗代表作之一嘅蟹粉河蝦仁撈麵。撈麵條口感滑溜有彈性，每一口都充滿咗海味與蟹粉嘅香濃，河蝦嘅鮮甜與彈牙完美融合，真係令人一試難忘。麵身輕輕包裹住醬汁，仲帶有啱啱好嘅微香，食落去就好似喺海邊享受咗一陣清新微風。隨後試嘅蟹粉炒粉皮亦係一大驚喜。粉皮炒得香滑透亮，充分吸收咗蟹粉嘅精華，每根粉皮都散發住濃郁嘅海鮮香氣，咬落去既柔韌又帶有層次感，令我不由自主多添咗。而椒鹽豬排骨就係另一道令人讚不絕口嘅佳餚。排骨表面炸至金黃酥脆，又灑上獨家調製嘅椒鹽，香氣四溢。豬肉部分保留咗鮮嫩入味嘅極致口感，油而不膩，完美平衡咗香脆同嫩滑嘅對比，令人每食一口都充滿驚喜。再嚟就係充滿清新風味嘅夏伯伯涼拌茄子。涼拌後嘅茄子入口即化，帶有淡淡嘅蒜香同微微酸甜，好似炎炎夏日中一陣涼風，瞬間撫平味蕾上嗰份燥熱，俾人一種返鄉嘅溫暖回憶。最後，花雕醉雞以其醉人嘅酒香同滑嫩嘅雞肉完美演繹出一種隨性卻又講究嘅美味藝術。醉雞肉質鮮美細緻，花雕酒嘅香氣融入每條雞絲中，食落口感層次分明，彷彿帶住一段講述歷史嘅經典故事。總括而言，夏麵館以独到嘅手藝同用心嘅調味，將傳統與創新融匯貫通，每一道菜都勾起咗我對往昔味道嘅美好回憶。無論係海鮮撈麵嘅濃郁香滑，定係排骨同醉雞嘅獨特層次，每款菜式都盡顯廚師精湛嘅廚藝同埋對食材嘅執著。對於鍾意探索地道美食，想搵返舊日風味同新意融合嘅朋友，夏麵館真係一個唔容錯過嘅美食小天地。
繼續閱讀