夏茶 (鴻達樓)

營業中

休息中

期待已久嘅開心果椰梛 開心果味好濃 而且有開心果粒粒喺面 好有驚喜 椰青水，雖然唔知有冇糖喺裏 但感覺就好健康 加埋丸子喺面 又有得食又有得玩 超級滿足 係價錢方面貴咗少少 但味道搭救

💚作為開心果控, 一直都想試夏茶(///▽///)👉🏻👈🏻但開極分店都喺元朗🥹👻最近知道佢衝出地頭, 喺旺角都可以飲到啦🥳📍位置鄰近X姐小食, 廣華醫院對面🏥🔸芝士開心果鮮奶💚(凍) $48 7/10🔝人氣No. 1｜開心果控の選💚☑️選用🇯🇵日本開心果醬x明治牛乳🥛🧀咸香的芝士奶蓋, 飲落輕盈不膩😋😳私心想開心果味再濃啲🤪～🤲🏻大量開心果碎, 每啖都食到🤩口感層次豐富🆙🔸焦糖白玉鮮奶茶🥤(凍) $45 6.5/10🌟旺角店限定｜🆕新口味📸打卡able, 杯面放上一串白玉丸子🍡🤎香甜焦糖醬, 再灑上比利時焦糖餅碎🍪將丸子沾上🧀芝士奶蓋一齊食, 很邪惡但很好吃😈🤭⚪️丸子非常軟糯微Q彈😍,不是走煙韌彈牙風🫶🏻一試愛上, 很好吃❣️丸子比奶茶更出色🥰

最近上網碌到依間全港首創既開心果鮮奶？！仲有個串白玉會唔會太吸引😍阿婆要飲～一定要飲🤩🤩去到見到做緊兩杯優惠價，平均每杯可以平十蚊以上🌟除左開心果系列都有其他果茶/沙冰可以選擇👍🏻見到熱門頭三名有兩款都係開心果😂加上人頭湧湧既鋪面，感覺今鋪阿婆有福了🤩雖然芝士白玉才是熱門頭三位，但阿婆芝士和開心果全都要🤩這開心果白玉鮮奶茶的上層是日本開心果醬和厚厚的芝士奶蓋，奶蓋綿密，芝味濃厚，開心果醬非常香濃🌟白玉口感煙韌Q軟～蘸上面層的配料和開心果碎，滿口都是芝士和開心果的香氣，阿婆表示大愛♥️雖然配料味道濃厚，但不會完全蓋過鮮奶茶的味道🔥調配比例很好🌟強烈建議唔好加蓋唔好用飲管，就咁飲🔥上層是很厚的日本開心果醬奶蓋，口感又綿密又香滑，開心果味非常的濃🤩第一口就是滿滿的開心果味呀♥️下層是椰子水，清爽有椰香🌟兩者搭配一齊香濃又清新🔥口感好豐富，而且不膩口🔥

元朗國no.1 開心果鮮奶店夏茶宜家旺角都有la!!! 仲記得之前只要有機會入到元朗，一定要去買夏茶！宜家唔洗去到咁遠都可以飲到夏茶了！旺角店方便好多！仲有旺角分店限定既飲品～  1️⃣開心果椰椰（$42） 呢個配搭好特別，冇諗過奶蓋可以配椰青水，但係飲落係超出我預期既好飲！開心果奶蓋本身夠厚身而且開心果味好出！面頭仲有好多開心果碎🤩椰青水清甜，即使之後奶蓋同椰青水開始混合左，味道都仲好好味，估唔到椰青水係可以同奶蓋共存得咁好！  2️⃣開心果白玉鮮奶茶（$48） 呢個係旺角分店限定架，好打卡able😍鮮奶茶配上厚厚既芝士奶蓋，再加上一串白玉，淋上日本開心果醬同埋開心果碎。白玉軟糯，開心果醬香濃，食完飲完好滿足🤤

開心果控必試茶飲🧋夏茶係元朗名物，之前喺元朗店飲過佢哋嘅士多啤梨沙冰都覺得好好飲🤩依家佢哋喺旺角開咗分店，就試吓佢哋嘅開心果系列啦～焦糖白玉鮮奶茶($45)使用比利時焦糖餅，配上芝士同白玉丸子，鮮奶茶好香奶味，多種配料，加埋口感好豐富開心果椰椰($42)採用新鮮椰子水製作，面頭舖上大量開心果奶蓋，再加上開心果碎，開心果味好濃郁😍飲落去好清涼解渴，兩款加埋好平衡，唔會好膩～地址：夏茶 旺角登打士街55號鴻達樓地下3號舖。元朗鳳攸北街5-9號順豐大廈地下3號舖。元朗教育路1號元朗千色匯地下47號舖。元朗元朗炮仗坊36號地舖。

💚💚💚💚💚💚💚💚💚💚💚💚💚💚💚💚💚💚情迷開心果系列開心果控必試！❇️芝士開心果鮮奶CHEESE PISTACHIO MILK✨毎日限量供應✨芝士奶蓋芝士味香濃口感幼滑，配上日本開心果醬，開心果味Level up！大愛！甜度適中，適合香港人口味，一試難忘，難怪月售過千杯！❇️開心果奶蓋白玉鮮奶茶創新配搭！以開心果混入奶蓋之中，非常特別，再配上口感超級軟糯的白玉丸子，口感層次更豐富！夏茶原創開心果系列❇️開心果椰椰夏日消暑恩物！以新鮮椰水和開心果芝士奶蓋結合，原來可以咁清新！以消暑解渴嘅椰青水，清甜鮮味，特濃開心果奶蓋使用日本開心果醬及美國開心果仁製作，難怪開心果味相當濃郁！夏茶（旺角）📍旺角登打士街55號鴻達樓地下3號舖

呢間餐廳有好多唔同款式既飲品,佢地都係即叫即整既,門口位置唔係好大但係就人流不斷既,入面仲有好多唔同果味既產品,見佢有茶飲,奶蓋類或者係其他果汁都有,今次我地叫左一杯桃味香濃既沙冰,入面除左有奶蓋既CREAMY響面,仲有好多用桃肉磨成既桃肉沙冰而且唔係得冰味而係都飲到桃肉既香味,有D飲品呢度可以自選甜度,夏日炎炎咁就梗係叫多杯桃味既桃肉飲品,佢有好多果肉,飲落真係啖啖桃,呢個價錢抵飲，生果真係有濃濃果肉。

夏茶絕對係元朗名物 堪稱廢水界世一´･ᴗ･`最近連開幾間分店 聲勢浩大 人流果然不惹少衝住佢地嘅開心果系列去朝聖～到底係咪咁勁？！✿ 芝士開心果鮮奶 $④⑧成杯都裝滿開心果醬 十分慷慨(๑¯◡¯๑)入口好順滑 堅果味無想像中濃 反而奶香幾重開心果碎碎幾加分～芝士奶蓋厚滑但不搶戲全部飲品預設微甜少冰 飲落真係唔甜膩✿ 開心果椰椰 $④②呢杯相對更驚喜･ω･係開心果奶蓋+椰子水 好夏日！既有開心果香 亦有椰子嘅清甜( ˘▽˘)っ解渴清新 掃街飲岩哂

聽聞呢一間睇元朗好出名嘅茶飲店，終於喺旺角開咗佢哋嘅第三間分店啦！平時好少喺茶飲店見到開心果味嘅嘢飲，唔知夏茶算唔算係全港首創嘅開心果茶飲舖頭呢？見到現場都有唔少人排隊買，於是我哋都決定試吓！😋😋我哋就分別嗌咗開心果鮮奶🥛$48 同埋 開心果椰子水🧉$42，開心果鮮奶除咗有濃郁嘅開心果味之外，配合鮮奶令到整體嘅口感更加好好！ 🙌🏻🙌🏻開心果椰子水嘅感覺就有啲似開心果味嘅奶蓋配椰子水咁，開心果奶蓋嘅味道好正，而且奶蓋嘅份量都比較多，大約有四分一杯左右，一啲都唔孤寒～配埋椰子水夏天飲消暑解渴，絕對係今個夏天掃街嘅最佳飲品啊！💦💦

本身同朋友行開旺角一帶，就諗起之前聽過好出名嘅夏茶🤓去到店鋪嘅時候，有兩個店員，但係無咩客人，所以整體出野飲嘅速度都係快。我地叫左開心果鮮奶（$48)，味道唔錯，有濃郁嘅開心果味。知道佢有 成本高嘅日本開心果醬同牛奶，但係比想像中細杯好多…個人認為佢質素唔錯，味道不過不失，但係定價比較高，性價比唔算高。問題出現係店員嘅服務態度。見到店員都係無接任何單，但係係我準備下單嘅時候已經用非常唔耐煩嘅語氣同眼神望住我，好似我下單比左工作量佢咁。下單之後有講麻煩想要封口帶走，佢直情零掩飾佢嘅厭惡，望左我同朋友一眼，再望返其他店員。知道手搖店都唔應該期望服務態度，但係試問一個顧客如果比錢買飲品，卻換來呢種被人厭惡嘅目光同態度，真係非常受氣同不值得。如果係繁忙時間我會體諒的，但係當時只有我地一個客人… 由下單前到比被飲品我地，佢又翻白眼又有厭惡客人嘅表情，真係大大影響整體體驗。見到都有其他人話有個別員工嘅服務態度差，希望店入面都有其他態度好啲嘅員工。如果唔係，我應該唔會再去第二次💪🏻

近期開心果甜品好hit，所以都開始對開心果原味道了解多左，食開心果整既甜品/飲品都會揀有質素既去試知道呢間喺元朗最早開店，今日路過旺角見呢度都開左間，所以都想試下佢啲開心果嘢飲得唔得我同朋友分別揀左：開心果白玉鮮奶茶（凍）原來呢杯得呢間分店有，所以一定要揀。賣相好得！杯上放住串新鮮白玉丸子，淋上綠色開心果醬，建議丸子即刻要食，仲要點埋杯面既芝士奶蓋一齊食！係非常軟糯既丸子，新鮮整而唔係入他牌既現成丸子。第一次外賣嘢飲有丸子食，好正！開心果醬係保存新鮮原味，唔係人工假味既開心果醬，食緊丸子時聽店員話個醬係日本既開心果醬，所以唔怪得咁高質，係真係食到開心果既香，杯嘢飲仲有啲開心果碎+芝士奶蓋，有3重口感同層次。雖然奶茶味俾開心果蓋過，但整體好好飲！芝士開心果鮮奶（凍）呢杯比想像中唔膩！因為個名又芝士又鮮奶咁，係見menu話佢係Top no. 1，所以先揀，果然有料到！奶味唔會濃過芝士奶蓋，而且有開心果醬同開心果粒既香、脆，所以係會吸引你不停啜，好快呢杯嘢就飲曬喇😂😂見舖面寫住全港首創，質素又真係唔同啲👍🏽👍🏽好在而家唔使入元朗咁遠飲😂😂😂今晚落雨，天氣唔係咁好，所以好彩唔算排好耐就買到🤭🤭

近年開心果產品好流行，一直想試下開心果飲品，之前得元朗有夏茶，而家新開咗喺旺角，方便好多，今日經過要試吓，都幾多人排隊，不過好快就有，夏茶有多款季節限定飲品。招牌No.1開心果芝士鮮奶杯身鋪滿大量開心果醬，加入新鮮牛奶，再加入綿滑厚身的芝士，甜中帶點芝士的鹹香味，以開心果碎作點綴，開心果味道濃郁，口味偏自然，唔係假味溝出嚟，真材實料，甜度適中，一個人飲一杯開心果芝士鮮奶都唔會膩，除了鮮奶仲可以選擇雪沙。開心果椰椰呢款係今期限定，飲呢杯真係可以消暑解渴，用左新鮮椰青水，上面係開心果芝士，估唔到兩樣咁夾。

大隻仔今次覓食嘅店舖就係💥 夏茶 💥大隻仔今次介紹一間以開心果係元朗爆紅嘅人氣茶飲店「夏茶」，最近喺旺角開第一間元朗以外分店，必飲人氣No.1 「芝士開心果鮮奶」，人氣大熱「焦糖白玉鮮奶茶」同埋期間限定「開心果椰椰」。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 芝士開心果鮮奶 $48面層鋪滿厚厚芝士奶蓋同美國開心果碎，杯邊唧滿日本開心果醬，先用口飲一啖，芝士味道非常濃郁，充滿芝士咸香味道，再攪勻用飲管飲，開心果醬味道非常突出，鮮奶夠滑，奶味香濃，味道甜甜地好好飲，難怪係店舖嘅人氣No.1飲品。🔥 焦糖白玉鮮奶茶 $45打卡一流，好靚，而且用料好講究，面層有一串白玉丸子，芝士奶蓋上鋪滿Lotus 焦糖餅碎，再唧上濃郁Monin 焦糖醬。白玉丸子好好食，軟腍又煙靭，芝士奶蓋味道鹹香，茶味香濃，同焦糖餅碎一齊飲，味道非常夾，甜甜地，越飲會越愛上。🔥 開心果椰椰 $42面層鋪滿厚厚開心果芝士奶蓋同美國開心果碎，先用口飲一啖，充滿濃郁開心果味，芝士味咸香，再攪勻用飲管飲

店名: 夏茶地址: 旺角登打士街55號鴻達樓地下3號舖油麻地站A2出口，行5分鐘環境: 外賣價錢: 4/5味道: 4.5/5全元朗最好飲夏茶終於都開到去旺角了🫶🏻開心果控嘅大家，唔使入元朗都飲到，佢哋採用日本開心果醬，開心果味十分濃郁，佢哋嘅開心果鮮奶茶世一，加上白玉口感更有層次😍今次試左2款旺角店限定嘅飲品😆開心果白玉鮮奶茶❤️❤️❤️❤️❤️$48面頭白玉超煙韌軟糯，店員介紹先將白玉浸入奶蓋食用，之後再飲奶茶😆鮮奶茶飲落奶香同茶香完美融合，唔會過甜，再加上開心果醬同埋開果仁碎，開心果控必試😍開心果椰椰❤️❤️❤️❤️❤️$42天然清甜嘅椰青水，加上口感濃郁綿密嘅開心果奶蓋

《夏茶 - 旺角》作為開心果控，又點會唔知呢一間人氣嘅茶飲呢？😎有時好想飲嘅時候，我仲會特登揸車去元朗嗰邊買佢嘅開心果雪沙同埋甜品😝可想言之佢哋嘅開心果產品幾受我嘅喜愛呢😋知道近期佢又開咗分店，而家連旺角區都有得飲啦🤓仲要係喺勁方便嘅登打士街添😉我同朋友今次都同樣地揀咗開心果嘅產品😝雖然我不停喺度讚佢嘅開心果雪沙好飲🤫但其實佢其他嘅雪沙同水果茶都係絕對要試嘅產品🤗今次去到佢哋仲有新嘅開心果椰椰添😬點可以放過呢？💁🏻‍♀️開心果椰椰呢一款其實就即係椰子水上面放咗濃郁嘅開心果奶蓋，仲落咗不少開心果仁碎喺上面😍椰子水自帶清甜，飲落清新而且順喉，而開心果奶蓋就一如既往嘅絲滑濃郁🥹我個人覺得可以先試咗佢嘅奶蓋再溝勻嚟飲🥰十分解渴💁🏻‍♀️開心果白玉鮮奶茶朋友呢一款開心果白玉鮮奶茶都係前排先推出嘅產品😎不過我一早試咗啦，鮮奶茶飲落唔會太甜，上面放咗煙靭嘅糯米糍，再淋上開心果醬同埋果仁碎，鍾意奶滑感覺嘅話呢一杯奶茶絕對係你嘅心頭好🫶🏻不過飲完都幾飽㗎🤓因為糯米糍有三粒，有得食又有得飲