夏捌月 (已結業)

估唔到第一次幫佢寫食評就係最後一次😢😢😢同同事一齊你食最後一次夏捌月喺家庭式經營港式西餐樽仔奶茶飲品當中最出名，佢嘅茶味濃郁，而且奶茶順滑，比例不俗，不過之後冇得買lu鐵板燒什扒黑椒汁淋落鐵板滋滋聲 豬扒同雞扒都應該有醃製過，但唔會柴身，依然Juicy，但薯條就有啲太軟身牛扒意粉牛扒有調味過，都厚身 ，五成熟口感好好，肉質粉嫩，入口易嚼，意粉就普通軟身酥皮湯酥皮就唔夠鬆脆，反而有啲硬身，白湯有啲淡唔知會唔會再開返…查看更多

元朗真係好多好嘢食，呢間西餐廳我食過好幾次，我最鍾意就係佢個咸豬手😆，咸豬手超大份!仲配個薯條🍟，豬手好脆，唔會硬掘掘! 又juice，味道剛剛好，唔會太咸。薯條用咗波浪形薯條，正！熱辣辣，好香脆，仲可以代切。❤️德國咸豬手配蜜糖芥末汁 $159 👍👍推薦指數：❤️❤️❤️❤️❤️店鋪資料 🏢夏捌玥地址:元朗教育路54-56號順發大樓地下D舖…查看更多

卡邦尼什腸片意粉唔同一般嘅卡邦尼意粉呢間餐廳嘅煮法比較港式蛋黃醬同芝士嘅味道唔係好出食落去一般般再加上不同嘅香腸做法非常之港式午餐仲會配埋蒜蓉包同埋餐湯個蒜蓉包出奇地好食 外脆內軟今次嘅餐湯就揀咗羅宋湯啲配料都好足了 夠晒味道不得不提嘅係佢哋嘅樽仔飲品系列有樽仔朱古力 樽仔奶茶 仲有樽仔咖啡今次我就試咗樽仔朱古力味道偏甜 最適合一啲鍾意甜味重一啲嘅朋友環境方便餐廳坐得到闊落牆上邊掛上不同畫作相信係呢間餐廳嘅特色之一 …查看更多

🔹️夏捌月🔹️已經幫襯過好多次，真係性價比好高既一間餐廳，價格相宜份量又大份。平時都係外賣返屋企食，今次特登同朋友到舖食，慢慢嘆下🔹️芝士焗特選厚切豬扒✔️忌廉湯配蒜蓉包▪️凍檸茶醬汁好多，覆蓋成個飯，係見到都開心既份量厚切豬扒煮得唔錯，肉質都嫩滑，唔會煮得好老好乾🔹️紐約客牛扒✔️薯菜✔️黑椒汁✔️忌廉湯配蒜蓉包▪️凍檸茶牛扒唔算太厚又唔算太薄，烹煮後仲有少量粉嫩既顏色，口感軟腍唔韌，我已經encore過幾次，平均水準都唔錯👍推薦…查看更多

又申請左Visa入嚟元朗國,小編今次想食下牛扒，咁就揀咗呢間餐廳啦！一件好食嘅牛扒,肉質故之言重要！烹調方法都好緊要！今次用餐，表現真係麻麻地！首先係嚟咗個餐湯！我係叫紅湯「即羅宋湯」！個湯雖然賣相真係普通，但係唔算話好鹹，亦都唔算淡！之後就來到主角！牛扒個黑椒汁表現都理想。唔算話好鹹！又唔係話好辣！而且都幾香！薯條都炸得有少少脆嘅，呢個又係一個加分位！但係牛扒表現真係令小編我勉強滿意，牛扒真係比較靭，特別係根位比較嚴重，但係有少部份位置表現都唔錯嘅！最起碼唔會靭先凍檸茶，茶底算清，都算大杯嘅！…查看更多

出完一日街，唔想煮飯又唔想堂食，就叫左呢間夏捌月外賣返去食。返到屋企等左一陣先開飯，D食物仲Keep到熱，原來D食物有錫紙包住保溫，好貼心。叫左個三人餐其中加拿大厚切豬扒，豬扒都好厚而且一點也不柴不硬。而忌廉汁雞肉野菌意粉的汁較為少左D。另外仲加左黑松露什菌大磨菇香萃燉飯同鮮茄蓉什錦海鮮虎蝦球飯，兩個飯都好入味， 由其個黑松露飯好夠香。…查看更多

Lunch set 跟湯、餐包同熱飲，都幾抵食；唔少中學生嚟食；份量適中；星期六1330左右到，唔使排隊；味道正常。🍝『芝士焗得滯厚切豬扒•茄蓉汁•意粉』$68～茄蓉鮮甜，小編覺得汁嘅份量同味道都啱啱好，唔會太鹹；但如果你係「多汁獸」，應該會嫌唔夠；⋯⋯🥩『鐵板鴛鴦扒•配薯菜』$65～自己落汁，吱吱聲，好玩；「薯菜嘅薯」薯條係懷舊波浪薯條，熱辣辣，相當脆口；「薯菜嘅菜」就比較孤寒，少少幾粒放扒下面；⋯⋯『羅宋湯•餐包•檸檬茶』…查看更多

今晚放工返家途中，家人提出晚餐想食西餐，於外賣平台揾到夏捌月做緊折扣優惠，好耐都無食過就決定食呢間。叫咗個2 - 3人餐，另外要叫個菜：- 羅宋湯, 湯夠濃，材料亦夠，唔錯。- 脆皮燒德國咸豬手伴自家蜜糖芥末汁, 呢個要加錢，不過係值得, 啲皮大部分都好脆，而肉質整體適中，呢個我同家人都推介。- 板燒鑊仔牛柳, 肉質夠嫩，份量以牛柳來講都算係咁，薯條就一般啦，始終係外賣。- 卡邦尼腸片意粉, 味道及質量都幾好，絕對係合格的卡邦尼意粉。- 後加的白汁芝士黑松露焗時蔬, 配上西蘭花，焗得都算合格，黑松露的香味雖然係好，不過我就反而鐘意芝士味多啲…查看更多

好似係平價西餐？呢個白湯真係飲到想嘔😅粟米有幾粒，我既感覺係飲緊bb食既糊仔😅佢既紅湯係辣辣地既。呢個百幾蚊既牛柳似係去bbq買果種醃好咗既牛柳，跟住拎黎煎，食落去既感覺係唔差，因為醃好左😂但真係食落去有種街市買黎燒烤既牛柳感覺，個人就唔太喜歡。薯條又淋曬，舊茄子又勁多油，薯蓉食落去又有陣味😅呢個牛扒好少少，都厚身既，但就冇乜牛味，似係茶餐廳食牛扒既感覺。結論係中午食抵好多，食完唔心痛。但夜晚食呢餐飯，我覺得唔好食之餘，個心都赤赤痛，試過就好囉。…查看更多

今日嚟到夏捌月食lunch😃😃小食就嗌咗個黑松露沙律醬配薯條（$48）🍟黑松露好香，薯條份量比較少，但係個沙律醬食得多會比較流🤔🤔🤔之後就帶咗個脆皮煎雞扒配飯（黑椒汁）佩忌廉湯配蒜蓉包（$51）🐥🐥🍞🧄忌廉湯唔夠熱，味道還可以，質地有啲似罐頭湯蒜蓉包嘅脆口程度一般，配埋湯一齊飲就可以接受啦。雞扒煎得好香，有少少脆口，值得一讚嘅就係佢嘅黑椒汁，唔會太杰仲有好濃嘅黑椒味同黑椒粒，真係好正，飯嘅軟硬程度都啱啱好！🤤🤤…查看更多

正在低碳飲食，西式係一個好選擇，不過餐餐据扒都好大獲所以港式西餐算是恩物知道呢間有好多食物選擇，咁我就focus係肉肉到夏捌月雜扒(豬扒/雞扒/薄牛扒/煙肉)黑椒汁  配全菜/ $62 / 包餐湯餐包及飲品重點係跟餐既薯菜可以做全菜唔係拎走左D薯條就算，而係比返全份配菜既量，差不多有一碗西蘭花既份量，幾驚喜，而且睇得出餐廳有彈性，欣賞！肉就正常發揮，份量亦足夠呢個值錢包咁多野，完全冇得挑剔啦～…查看更多

之前見好多人介紹終於有機會試平日午餐餐廳唔算多人點左扒餐再加錢飲奶茶奶茶好正！推薦酥皮湯塊酥皮無蓋實個湯，純放上去就焗😂扒餐非常大份！男士絕對夠食！扒就食得出係有少少拿過薯條超正用價錢衡量係物有所值…查看更多

午餐去咗夏捌月買外賣，午餐都好多選擇，唔我就揀咗呢款馬來椰香咖喱牛肉。成個午餐係成set 咁，有個白湯。湯入面都多料，好多粟米同啲肉粒，同埋白湯真係好「傑」好忌廉，感覺少少heavy，不過起碼唔係味精味，味道唔錯。隨餐有塊包，都脆嘅，蒜蓉味唔算好出，同湯一齊食都唔錯。主角就係呢個馬來椰香咖喱牛肉，飯量唔算多，但個餸就多到爆，有一半以上都係肉，超級足料。咖哩嘅椰香好突出，香料味都重，佢嚿薯仔吸滿咖哩汁，正。成set先50蚊有找，抵食！…查看更多

夏捌月💛大阪燒風吉列蠔雜錦海鮮炒意粉🦪($78 連餐湯及飲品) 6.5/10吉列蠔其實唔錯，未去到脆卜卜，但熱辣辣，味道正常。所謂雜錦海鮮，真係街市一大包冰鮮雜錦海鮮，姐係蚊型蝦、墨魚粒，如果俾到一隻蝦仔都會有誠意好多🦐意粉爽口彈牙，可惜本身已經鹹，加埋大阪燒醬就鹹上加鹹。紐約客蒜泥牛扒🥩($83 連餐湯及飲品）6/10叫五成、七成、全熟，出到黎三碟基本上係同一個熟到，牛扒都係有啲偏硬同老，咀嚼一輪先搞得掂🦷薯條🍟唔夠脆，有趣嘅係反而個薯蓉🥔唔錯，食落幾creamy 加有薯蓉粒，幾香濃。凍樽仔港式奶茶 ☕️(+ $3) 6/10用個膠樽仔裝住幾Cutie，飲落順喉，但偏甜，同埋有少少茶澀味，比想像中一般。忌廉湯🥣(套餐已包) 4/10好杰身嘅忌廉湯，等同於用粉開又無咩料嘅忌廉湯，難以理解點解會煮到咁杰身，仲杰過果jam，味道又唔算濃郁😕Extra comment 🖍•初三中午去食，附近餐廳都冇開，所以人流比較多，門面做到踢哂腳•環境比較狹窄，但老闆都放咗啲Marvel模型同牆畫，令成間餐飯望落去精緻啲…查看更多

夏捌月兩間分店都選址元朗，一間近朗屏西鐵站，一間近千色大馬路。我通常都去大馬路嗰間，因為無落場時間，放假瞓到晏一晏再去食個lunch就啱啱好。睇相就知呢間西式小店唔係走打卡路線，有啲平民茶餐廳感覺，不過作為日常飯堂最緊要都係好味同性價比高💛-🥩板燒鑊仔牛柳 $68鑊仔牛柳係我最愛，口感軟腍唔韌無筋啖啖肉😋自從第一次幫襯試左呢個同risotto之後次次都因為想食鑊仔牛柳而encore💖另外值得一提餐湯無論係紅白都足料又好飲❣️飲品方面幾推介佢個樽仔系列，朱古力味道濃郁口感順滑💕-總結：餐廳定位感覺比較偏向做街坊生意，食物無華麗賣相靠味道質素口耳相傳。午市性價比高選擇多，除咗西餐必備意粉仲有得据平扒，質素對得住價錢。建議去開元朗可以一試，專程到訪就未必需要。…查看更多