夏捌月 (已結業)

放假訓到黃朝百晏先起身 起身已經成點幾鐘 即刻碌下eatigo睇下有無咩半價優惠 咁岩見到夏捌月新加入 即刻book左2點半 拿拿臨換衫出門口 平時係到食lunch就食得多 單點main dish就未試過 趁有半價即刻叫左個想試好耐既菲力牛扒 叫左5成熟 黎到見到好靚既粉紅色 仲好厚好大件 配菜份量都充足 有薯菜同南瓜蓉 醬汁就有待改善 味道偏淡而且凍凍地 始終牛扒本身無調味 所以就好睇個醬 以半價黎講 呢餐已經係物超所值 如果個牛扒外層可以再煎香少少就更加好喇

自從有一次夜晚同朋友聚會黎食過之後，就經常想黎食多次。今日約左朋友食lunch，因為午餐既價錢會再平D~~平時呢個時間都好多人等位，不過唔知係咪落雨既關係，今日居然唔駛等位。不過繁忙時間要人齊先可以入座，所以等埋個fd先入得去。我同朋友推薦蟹肉蟹膏risotto加烤大菇，因為上次晚飯食過蟹肉蟹膏意粉覺得個味好濃，又足料，所以想encore，加上我又鍾意食大菇。結果我地兩個都嗌左呢個menu入面較貴的餐($78，平日午餐不用加一)。P.S. 其他餐唔駛咁貴，一般都係$48~$68呢個價位。仲送湯/沙律，同野飲。味道一樣係咁濃，而且好足料真係有好多蟹肉。不過我覺得搭配意粉好食D，因為risotto再加蟹膏有少少太"膩"，好快就會食到好"濟"。個菇好juicy，不過佢個口感食落去有D"林"，唔似平時食開個D大啡菇，可能係唔同種。下次黎到可以再試下其他野呀。

位於朗屏站天橋底的夏捌月，位置雖然比較偏，但亦能自成一角，吸引不少人食🤤我叫左牛魔，意思即係西冷牛扒拼鑊仔牛柳，一個價錢，$148食兩種牛，非常豐富，而且仲跟配餐湯、蒜香焗法包同飲品，一定要加$8轉樽裝朱古力，朱古力味濃，而且飲得出係用鮮奶沖出黎，特別香滑！！

一間性價比十分之高餐廳, 單以春雞的分量和質素, 我已沒有什麼可苛求.  另外這天還點了蟹膏意大利飯 ($78), 因太香太肚餓而忘了拍照, 食完那份滿足感不得不推介給朋友.  午餐有20款選擇, 配以餐湯和飲品. 整體上十分滿意.

前日放工約左朋友食飯，朋友話想試下呢間西野喔！因為知道係小店關係我地訂左6:30枱坐底就揀野食啦，見到佢有個2人set幾多野食同幾底，不過兩個都話減緊肥既女仔，都係散叫兩個餐算😂🤣唔好食咁多！我地叫左一個蟹肉蟹膏意粉同羊架！跟餐有得加$$轉酥皮濃湯，好耐無飲過啦，於是我地都轉左！餐廳食物都算來得好快， 飲完湯一陣蟹肉蟹膏意粉同羊架就到！全部都熱呼呼的！🤤蟹肉蟹膏意粉肉眼睇就唔太多蟹肉係面既，不過食落都到好多蟹肉絲掛左係麵上面，陣陣蟹汁，好鮮甜呀！意粉又煮得有的粘口，正！羊架呢就係四件連埋一齊既，可能咁樣煮可以鎖住更多肉汁，羊架煮得剛剛熟，唔會覺得有羶味！羊架下面有甜甜的蕃薯蓉！🍠🍠幾特別呢！食飽飲返杯熱檸水幫助消化！☺️

同女朋友到元朗食晚餐，當晚想食西餐，經朋友介紹下選擇咗夏捌月，名字好特別，由於餐廳內的座位唔多，建議可預先訂位，節省排隊等候嘅時間，店面裝修好特別，以簡單嘅灰色批盪為門面，店內裝修時尚，暗暗嘅燈光感覺舒適，牆上掛咗好多marvel嘅畫。我哋分別叫咗慢烤帶骨肉眼牛扒配牛骨髓汁、原隻烤焗德國豬手。每款主菜6點後都可以優惠價20蚊配是日餐湯 加酥皮焗加18蚊及熱飲。酥皮湯可選擇忌廉湯或羅宋湯，我哋都選擇咗忌廉湯，忌廉湯煮得好香滑，味道適中，酥皮亦好夠牛油香味。慢烤帶骨肉眼牛扒，牛扒好大塊，鮮嫩多汁 食落肉汁滲出，牛味香濃，值得推介。原隻烤焗德國豬手上枱時已經斬件，方便進食，外皮焗得好脆，味道唔會太鹹。食物質素一流，必定再次光顧。

蟹膏蟹肉意粉🦀💓一食落去係好香蟹膏既味 估唔到同意粉又幾夾 上面係炸左既蟹肉 將佢連埋意粉一齊食 鹹鹹地又幾得意 推介🤡煎帶子黑松露飯🤣帶子上面有用紅酒整出黎既汁 個人黎講就覺得麻麻 同埋個飯食食下會好濟 份量非常足 呢個飯比起其他餐廳就顯得有d遜色🙈不過味道其實都ok的烤羊架🐑上面鋪左勁多香草 羶味好勁 我就幾喜歡 唯一就覺得d肉可以再淋d就好🤤酥皮湯-忌廉湯我個人就好喜歡❤️個湯好好飲 個酥皮外脆內軟 不過我鍾意再脆d🙈 個湯真係幾香😂😂ps個蒜蓉包都係脆卜卜架！支裝奶茶🍼我好鍾意個樽😂同埋個奶茶絕對係港式既味道🤤🤤滑同香價錢方面都唔算貴 普通意粉都係100內/100頭 除非係扒類/特別材料既意粉就貴dd 但我覺得整體都算唔錯👍🏻👍🏻

放假到元朗揾好友聚下先，記得上次有間小店食品質素唔錯，又近西鐵站今日現到餐牌有漢堡包🍔食，就試下先先來個西蘭花忌廉酥皮湯，焗岀來幾香酥皮香味，忌廉湯裏面有西蘭花碎好大個「蟹膏芝士牛肉漢堡配薯角」， 番茄都幾厚，牛肉餅煎得剛好，肉邊有少少焦幾香，生菜很清脆少有地方有薯角食向度飲，識飲會揀樽裝飲品，有凍咖啡、凍奶粉、凍朱古力，因為夠凍同埋夠濃郁有二十幾款午餐俾大家選擇，真係會心大心細架悠悠閒閒食個午餐又一日

一個人平日休閒的午餐～不用湊bb就隨便食一下一早知道呢間餐廳，之前都去過一兩次覺得唔錯。今次試吓佢個午餐午餐有好多款揀有牛雞魚或者係焗飯焗意粉我揀咗鑊仔牛柳7成熟牛柳煮得好林好好味，配埋個汁真係正配菜可以揀薯角、飯或者意粉我揀咗薯角因為今日都唔算肚餓加埋杯樽裝凍咖啡真係一流平日午市免+1一點前唔算多人，一點後開始門口要排隊可能係附近返工嘅人放飯。好彩我係12點幾去唔使等位即刻入得 😆總括黎講，呢個價錢呢個食物呢個環境算係幾好㗎啦。

嚟到元朗又突然之間想食西餐，所以就去左一間朋友曾經介紹過嘅 - 夏捌月。朋友極度推介佢嘅蟹膏蟹肉意粉，而我自己亦都好鍾意食意粉，所以滿有期待。我哋當日唔好book枱，等左差唔多三四個字就有位。不過我哋八點幾先嚟到，而且係星期日，所以夜啲小人啲都正常。我哋嗰日唔算好肚餓，所以我哋冇叫到佢嘅餐。我哋叫咗野菌蟹肉湯、慢烤帶骨肉眼牛扒同埋我最期待嘅蟹膏蟹肉意粉。佢嘅野菌蟹肉湯十分足料，的確有唔少嘅蟹肉，而且一上枱就聞到好香嘅菇味！至於牛扒方面，我哋叫咗五成熟，牛扒煎得剛剛好。而餐廳跟碟野俾咗個牛骨髄汁我哋，點個汁食亦都十分之夾！至於我最期待嘅蟹膏蟹肉意粉，就有點失望。佢嘅意粉煮得有少少過淋，而且佢嘅蟹膏同蟹肉嘅配搭令到碗意粉有少少偏鹹。平時好鍾意食意粉，而呢一碟意粉冇令到我留下深刻嘅印象，未必會再試。

夏捌月似詩又似畫的店名，想不到在朗屏這小角有一間如此別緻的西餐館～男朋友很快就被門口的餐牌吸引，嚷著要食牛排！所以決定入去試一試～～夏捌月店內不算大，但晚餐時段幾乎坐滿座，看來挺受客人歡迎～～先黎酥皮周打蜆肉餐湯，湯底佐料夠豐富，絕不會將價就貨，內有啖啖的魚肉，蜆肉，磨菇....我們點了慢烤帶骨的肉眼牛扒配牛骨髓汁一上枱肉眼牛扒份量之大叫人驚喜，還有薯菜等配料，十分豐富！叫了五分熟的牛排，生熟度剛好，外皮煎得金黃香口，內裹仍保持嫩滑粉紅色，一入口油脂在嘴裏炸開，豐厚的肉汁多美味！秘製東方汁慢煮豬鞍扒配日本元貝豬鞍扒嫩滑，煎煮得剛好完全韌口，配埋秘製東方汁酸酸甜甜，配上豬鞍肉特別美味！不止豬鞍主角處理得恰當，配菜亦不會馬虎，果然小店極有心思～！當然要試試多人推薦的樽仔冰咖啡！夏捌月果然沒令人失望，食物質素有保證，而且價錢又合理，店員服務夠殷勤，一定會再次光顧！

難得今日放假，約朋友一齊食下晏。都有一段日子冇嚟食，所以特意嚟食午餐。天氣太熱，睇咗好耐餐牌都未揀到好彩除了意粉、飯，還有漢堡包。我最終叫咗個吉列魚柳漢堡配薯角，餐湯可$18轉酥皮湯。酥皮即叫即焗，酥板鬆脆，配上軟滑忌廉湯，香濃不膩。朋友叫紐約客牛扒配薯菜，牛扒肉汁惹味。我叫了吉列魚柳漢堡配薯角，魚柳炸得香脆，肉質柔滑。夏日炎炎，簡簡單單食個漢堡包，感覺胞肚又清新。配上一杯香滑的熱咖啡，慢活一個中午聽聞哩間在其他地區都開咗分店，有可多個小聚地坊。

生日飯局源源不絕，今天跟朋友到元朗夏捌月餐廳！我們二人點了兩個主菜，是日餐湯配上酥皮焗！慢煮菲力牛扒配牛骨髓汁(每日限量) HKD 178印尼沙嗲烤豬肋俳伴燒菠蘿 HKD 138是日餐湯加酥皮$18是日餐湯加酥皮$18這個餐湯配上酥皮，感覺真的很懷舊！以往很多餐廳都會有酥皮湯，但後來愈來愈少餐廳會做這件事，難得遇上了，我跟友人當然加錢吧！酥皮香脆又多分層，配上熱騰騰的餐湯，令口感濃滑又味道芬香，令人停不了把餐湯喝光！印尼沙嗲烤豬肋俳伴燒菠蘿 HKD 138不論主菜或薯菜，份量也是很大！薯菜有薯角和蔬菜，全部夠熱又香口，薯角更是沒有雪藏味的，而且調味得宜，令人一口接一口快快吃光薯角！印尼沙嗲醬非常惹味，完全帶有印尼風味，再配上豬肋俳，味道非常相襯。而且豬肋俳肉質夠軟綿，容易切開和咬開，注重儀態的女士們也輕易吃用。同場更有燒菠蘿，甜而多汁，非常推介呀！慢煮菲力牛扒配牛骨髓汁(每日限量) HKD 178這個選擇了五成熟，內裡以紅肉示人，使牛扒看起來更垂涎三尺！剛上枱，其香味已經衝突嗅覺，已經急不及待吃了！五成熟令牛扒容易切開和吃用，肉質有咬口，肉味濃郁，再配上牛骨髓汁，絕對令肉味昇華！這個牛

同爸爸行完元朗，爸爸話想食牛， 對唔係好食牛既我黎講 ，真係唔多想搵俾佢食 ，諗住耍佢番屋企先啦，點知行去西鐵站果陣，見到間好靚既小店。 個名都好特別，叫夏捌月 。我同爸係度笑係wor下個月就係八月😂😂😂。 見到勁大塊扒，爸爸按捺不住，拉我入去幫襯。 坐底見到裝潢係好多marvel ， 同我同爸爸岩晒channel. 睇到雖然店細細，但係好多選擇， 不過貪快既我同爸爸，就咁叫左個dinner set滿足下佢想食啖啖肉既念頭。餐湯周打魚湯勁足料， 好大塊魚同不用海鮮配料，好creamy ,湯好滑身 。 爸爸勁快chur完一碟 ， 如果再熱點 ，相信味道會更香。 叫左個芝士大虎蝦配酥皮紅酒煮牛肋條，估佢唔到，呢個菜式平時好難係出面食到，呢度識整，仲要有水準，酥皮焗到剛剛好，牛好淋身，好易入口，個汁配埋酥皮食，真係好正。 好足料一碗有成四五舊牛肋條，滿足晒爸爸既啖啖肉要求。 虎蝦好新鮮，以芝士去烤好香。牛三味包括牛扒牛柳牛肋肉，都一樣好滑好juicy， 爸爸食到係咁點點頭， 好滿足咁。 我唔係好食牛都被佢吸引到試左幾啖，的確煮得剛剛好 唔會over cook 太鞋相反味道剛剛好， 入口即溶，

Got here around 7pm, and we no need to wait for a table, so good. You can feel, the restaurant owner like marvel characters so much, Thor, ironman, Captain American, and Starwar characters are placed everywhere. Like this style, haaa, cause I'm one of the fans, lol.Grilled Crab Meat Spaghetti with Crab Cream Sauce comes first, the sauce is so nice and creamy, but the crab meats just way too few, I can't even recognize where the crab is. But still delicious one. Pork Knuckle with Honey Mustard Sa