夏宮

放假日老婆大人又同我去食好嘢！呢餐去咗米芝蓮中菜廳食佢哋嘅經典招牌菜正到痹啊。呢晚就係去港島香格里拉酒店嘅夏宮，佢哋推出咗冇耐嘅精選菜單套餐。啲裝修都幾經典用紅色金色相襯，加埋高樓底同埋水晶吊燈真係好有氣派。坐低侍應就送嚟一杯迎賓飲品玫瑰花茶！香香嘅玫瑰花味好清新老婆大人勁鍾意。我哋食呢個4位嘅精選套餐連埋加一 $4048仲有一支紅酒送！呢支紅酒入口好順滑而且好有果香，用嚟配比較濃味嘅中菜好啱key。首先上枱嘅係前菜拼盤，聽聞三款都係餐廳嘅受歡迎前菜。脆皮燒腩仔真係做到皮脆肉嫩，一層一層嘅肉質真係令人食得好滿足。跟住呢個係井岡山豆腐皮，原來呢個井岡山豆腐皮好出名，食落去好多汁水味道香辣真係好惹味。最後呢個係燒汁醬雜菌荔芋盒！呢個芋角真係炸得好鬼酥脆仲要一啲都唔油，入面嘅雜菌用燒汁醬煮到入晒味，加埋黑魚子就食得更加招積。香口嘢唔好俾佢停！繼續嚟呢個係松露醬鳳尾蝦多士，大大隻鮮蝦瞓喺香脆嘅多士上面，加埋黑松露醬嘅菌味食完真係齒頰留香。呢個骨香紫蘇薑米多寶球個賣相好鬼吸引！多寶魚起晒肉嚟炒球食落去超級方便嫩滑又好味，剩低嘅魚骨師傅仲將佢炸到又香又脆，真係好食到連骨都可以吞埋。呢個餐有一隻嘅北京片皮鴨！仲要係燒完出嚟喺客人面前即刻片夠晒新鮮熱辣。服務員足足片咗兩碟有皮有肉嘅片皮鴨，用軟熟嘅麼麼皮加埋靈魂配料醬汁一齊食夠晒和味。食咗咁多邪惡嘢送嚟呢碟松子上素鬆時間啱啱好！入面有好多次細粒粒嘅馬蹄、蘆筍、甘筍同埋菇粒，用勁脆嘅生菜載住嚟一齊食清甜多汁又健康。最後仲有雪菜火鴨絲竹昇麵保證一定食到飽飽！竹昇麵超級爽口彈牙而且冇鹼水味，加埋惹味嘅雪菜同埋嫩滑嘅火鴨絲真係好食到無敵。呢個餐仲有香芒楊枝甘露做甜品！材料十足有果味甜度啱啱好真係好好味喎。老婆大人嗰日喉嚨好唔舒服！朋友竟然話俾呢度有龜苓膏食，即刻叫一個俾老婆大人試吓，真係好甘香食到真材實料嘅味道，雖然要$160但係我覺得物有所值。…查看更多

早前扁桃腺發炎超痛苦到上星期二車爸爸放假才好了點點！即刻要去嘆頓正菜補補身所以造就這夏之美味的星級之夜。我們跟好友來到港島香格里拉酒店的米芝蓮中菜食府夏宮，品嚐夏宮精選菜單享受多道招牌的菜式。餐廳以紅色餐椅配搭中式屏風並飾以絲綢畫作及閃閃水晶吊燈，營造出氣派不凡的宮廷場景好華麗。迎賓飲品我們得到迷人的玫瑰花茶，芳香撲鼻呷一口舒心不已。套餐奉送Clarendelle Rouge by Haut Brion, Bordeaux, France 2017紅酒一枝！這款酒呈現如紅寶石的明亮色澤，單寧優雅入口絲滑酸度與誘人的果香完美融合不錯飲。打頭陣的前菜拼盤包括有燒汁醬雜菌荔芋盒、脆皮燒腩仔及井岡山豆腐皮。脆皮燒腩仔的脆皮咬下非常清脆味道鹹香，肉質鬆化調味恰到好處是高質之作。燒汁醬雜菌荔芋盒外層的蜂巢皮輕脆可口內裏則軟綿誘人，濃香的雜菌餡配搭黑魚子鹹鮮吸引，一件吃罷仍意猶未盡實在太美味了。井岡山豆腐皮形如卷葉薄如蟬翼且味道鮮美，索滿微辣湯汁後更為惹味真的好唰嘴。松露醬鳳尾蝦多士工整的賣相好治癒！多士吃下香脆不油膩大蝦則鮮爽帶甜，再以濃郁的黑松露醬來徒添矜貴香氣。骨香紫蘇薑米多寶球炒得香口嫩溜兼富彈性，最讚是那炸得香脆的魚骨絕對是佐酒恩物。此刻北京片皮鴨連同麼麼皮、醬汁及佐料已經華麗登場！北京片皮鴨由服務員即席堂片，下刀後熱騰騰的肉香隨之飄散極為誘惑。片皮鴨色澤紅潤皮脆肉嫩且肥而不膩，以麼麼皮裹著京蔥、青瓜、紫蘿蔔及鴨醬共嚐，那豐富的層次感加鴨皮油香和鴨肉甘甜盡在一口太精彩喇。松子上素鬆內裏包含了松子、馬蹄、蘆筍、甘筍及冬菇粒等素菜！此菜炒得素而不寡滿載香氣好有「味」力，放在清脆的生菜盞上品嚐可享絕美的口感和味道。雪菜火鴨絲竹昇麵！爽彈有勁的竹昇麵索盡火鴨絲的肉香，加上雪菜的點睛這個麵我愛定了。最後甜點是香芒楊枝甘露！酸甜度拿捏得恰好加上食材完美的比例可說是無可挑剔。好友得知我扁桃腺發炎特意介紹這秘製龜苓膏$160！大廚私房龜苓膏擁有爽滑的質感入口好舒暢，還加入了羅漢果添上甜香根本不用配糖漿已經好好味，吃罷回甘味長喉嚨頓感舒緩真的有料到。夏宮精選菜單$3,680/4位用(另加一服務費)，由即日起至7月31日供應請於一天前預訂喔。…查看更多

回想未當廢老之前，任職秘書的我，那些年經常要替老闆安排用餐選址。不管是午餐、還是晚餐，「夏宮」都是一間老闆們用餐的熱門中菜廳，換句話不提早預訂便要另找替代！時光不留人？美食也一樣！遇上「夏宮」破天荒與 Openrice 專享的「夏宮招牌套餐」，於6月1日至7月31日的短短兩個月期間供應。套餐包含「夏宮」人氣菜式，如大家也喜愛的北京片皮鴨，4位享用只是 HK$4,048，除已連服務費外，還贈予紅酒一支。雖然我只是廢老，但同時是一名死酒鬼的廢老，加上生日月的借口，於是約齊酒腳立即行動！雖掛名是送贈的紅酒，經過一陣 Wine Breathe 後，口感順滑、帶有果香，跟菜式配搭起來也相當不錯！大抵套餐裡都是人氣菜式，每款菜式也突顯出「香宮」微妙之處。以前老闆晚餐單據，閒閒地七、八千落樓，多則五位數字，如今人均一千多點便可以享受得到，可謂超級超值！唯一美中不足是，在華麗水晶吊燈下，相片未能拍攝得盡善盡美！前菜拼盤是燒汁醬雜菌荔芋盒 、脆皮燒腩仔、井崗山豆腐皮。小小的三款打開了美味之門！先來品嚐既軟又彈的井崗山豆腐皮。層層疊疊的腐皮，口感十分稱心，而且腐皮被魚湯與醬汁灌滿，再加上微辣作吊味，不得不承認是一款叫人著迷的腐皮。脆皮燒腩仔不光皮脆鬆化，也許腩仔的肥瘦特別勻均，入口只有肉香爽軟、而沒有多餘肥膩感。一口一件，令人愜意的脆皮燒腩仔！我也喜歡燒汁醬雜菌荔芋盒。首先用手感應到荔芋盒細密酥鬆和零油膩的蜂巢，繼而是幼滑、滿滿芋香的芋蓉。芋蓉厚度來得點到即止，當舌尖在回味之際，雜菌的清爽與滋潤又引領你到另一個滋味層次。前菜拼盤足以令你杯不離手，這道松露鳳尾蝦多士更甚！對不起，我又用手吃了！無論手感、又或是口感，松露鳳尾蝦多士同樣不油，除表面乾爽，入口就是香脆而不焦，散發出足夠的新鮮鳳尾蝦香，平日不太愛松露醬的我，這樣子又感覺很搭啊！接著是骨香紫蘇薑米多寶球。先要讚多寶球炒得嫩滑之餘，肉質更是彈牙，原來多寶魚魚肉可以如此美味，以淡淡的紫蘇薑米襯托魚鮮，十分之讚！除啖啖魚肉外，不要錯過炸得金黃酥香脆口的魚骨，以紅酒絕送絕對是一絕，Cheers~大家也在期待的北京片皮鴨，牠出場的 Yoga Pose 的確很美！抱歉！縱使再美也得要犧牲，由經理操刀片出鴨皮和鴨肉。以鴨皮、鴨肉，青瓜、京蔥、紅椒、紫蘿蔔和填鴨醬汁捲成填鴨薄餅，是感受層次豐富、味道多元的享受；㧕或單獨品嚐具有如燈影牛肉般透明感的鴨皮，「咔嚓」一聲弄得滿口脆香，兩者均各有吸引力！作為蔬菜控，最初有為套餐沒有一道名正言順菜蔬而擔心，可是當我吃過松子上素鬆後，喜悅便打從心裡發出。首先生菜翠綠爽嫩，如小兜的精緻形狀，彷彿是經過精心挑選與剪裁。至於上素的味道，柔和的調味，將原有蔬菜味道和質感保留。然而關鍵的乾濕度拿捏恰到好處，總之好吃又富有新鮮感！主食是雪菜火鴨絲竹昇麵，淡淡雪菜鹹香，拌著鴨香與本地製作的爽彈竹昇麵，的確令人回味。甜品的香芒楊枝甘露果然是名物，芒果底非常濃郁，且佈滿新鮮芒果肉和柚子，啖啖也是滿足！這個 Summer of Love，真的要火火火.......火速 Openrice 訂位。…查看更多

我同隔離老友相聚，今次相約嚟 夏宮飲茶，環境乾淨簡潔，唔似某啲老茶樓咁亂但同樣唔失風味。我哋叫咗蝦餃、燒賣、鳳爪，同以橄欖菜炒蘿蔔糕作主菜，夾啱口味。蝦餃晶瑩，蝦肉跳彈；燒賣味道鮮冧；最鍾意係佢地嘅龍鬚餃，皮薄入味。而橄欖菜炒蘿蔔糕香口又有古早味，90後、00後可能唔識，但我哋想飲下茶傾下計就好享受。飲品咖啡／茶自由配，邊飲邊吹水講舊時成長趣事。人均$80左右，合理又親民。店員態度親切，上菜速度穩定。呢種喺下午周末慢慢飲茶傾天日子，先係本港假日生活嘅甜滋味。…查看更多

这家餐厅位于金钟香格里拉酒店内，开了很久而且出名的好吃。餐厅装修设计风格是抄袭了北京故宫，大红色餐椅配搭了中式屏风，配上灯具，营造出宫廷气氛，故名之夏宫。平日午餐从11点半开始，有早茶点心吃，点心和炒饭都做得精致好吃。自奉宴客皆宜。…查看更多