壽喜燒 樹

#chuchu食在尖沙咀📍 壽喜燒 樹呢間壽喜燒係真·日籍主廚高橋佳介先生主理，佢全程都會用日文同簡單廣東話介紹！得10個位左右，黑色氛圍好classy的！慶乜都好啱！#chuchu推介💡 超full的！記住要book位！—————————————————————❣️ すき焼きセット“樹” $930❣️ すき焼きセット“佳” $780兩個set嘅分別就係多咗和牛海膽卷，但🐷真係小鳥胃冇叫到▫️和牛海膽卷 Wagyu Uni Roll見到🐷b食嗰個滿足樣就後悔自己冇食，用咗備長炭燒和牛，好香！再放咗海膽係上面，好吸引人！.•Seasonal Dish•▫️ 北海道薯仔沙律配三文魚籽用個脆筒比你，好有體驗感，薯蓉加埋新鮮三文魚籽，好fresh，好開胃！. ▫️雜菌茶碗蒸菇菌味超香！茶碗蒸好滑，蛋香好濃.•Sukiyaki•用日本糖烤方式，食得出焦香，甜味好出！配埋日本蘭王蛋同日本珍珠白飯，白飯仲可以任添（不過真係唔好食咁多飯）▫️熊本「和王」- 肉眼肉眼油花最多，大理石紋好靚！油脂豐富，入口即融！▫️熊本「和王」- 西冷牛味會濃啲！但都係好嫩的！▫️熊本「和王」- 牛肩肉味濃，油脂冇咁多所以最後食冇咁膩！▫️ 季節野菜盛合有春菊、冬菇、豆腐、日本麵筋、娃娃菜、日本洋蔥、蒟蒻麵！會係食蔬菜好新鮮，連埋壽喜燒汁，好入味！係食肉中間食下菜，調劑下.•egg rice•▫️ 和牛滑蛋飯個蛋好香超滑！牛都好滑！.•Dessert•▫️ 北海道牛乳奶凍及提子▫️Moshimochi 迷你榛果威士忌麻糬塔好多人都係嚟慶祝#chuchu慶生推薦 如果經佢哋book位就會送件蛋糕！仲可以寫字！蛋糕好好食😋.❣️ Apple Juice $38❣️ Yuzu Soda $48✨打卡仲會送飲品.💬 真係好正宗好好食！—————————————————————不專業評分👅好味指數: 9/10 💰性價比: 8.5/10👍🏻推薦: 9/10 —————————————————————🏡地址: 壽喜燒 樹 (尖沙咀)尖沙咀漆咸圍10-12號意酒店式公寓1樓🕑營業時間: 12:00-22:00（3-6落場）逢星期三休息🚫—————————————————————#chuchu食日本野 —————————————————————需要你的支持喔🥺🙆🏻‍♀🐷💬每一篇食評都好認真打架…查看更多

《壽喜燒 樹 - 尖沙咀》真係會有人唔鍾意食壽喜燒咩？如果慶祝紀念日或者生日唔知食咩好，食壽喜燒一定無得輸架💪🏻呢一間壽喜燒有好多人介紹，今次終於到我去食啦😍由於餐廳嘅座位唔多，記住要book定位先好去啊😌呢間壽喜燒係以關西糖烤嘅做法製作，師傅會即場喺客人面前烹煮，一路睇一路食別有一番風味🥰今次我就揀咗《樹》呢個呢一個套餐$930，入面有齊前菜、蔬菜拼盤，四片肉食、和牛滑蛋飯、味噌湯同埋甜品💪🏻男士食都絕對夠食💁🏻‍♀️Welcome Drink - 菠蘿荔枝特飲坐低冇耐，店員就招待我哋飲佢哋當日特製嘅菠蘿荔枝特飲，上面放咗一片甜餅同埋噴上咗薄荷香水，為呢一餐清一清個味蕾💁🏻‍♀️前菜 - 蓴菜蒸蛋接住落嚟就食咗一件用左蒪菜製作高湯既凍蒸蛋，味道帶有清雞湯既香氣同埋貝類既味道，凍凍地十分開胃🤤蒪菜本身就有少少潺，有種黏黏的感覺幾特別💁🏻‍♀️前菜 - 和牛海膽壽司超級邪惡嘅前菜壽司，和牛經被長嘆燒過，帶有炭香味，上面再放咗一大Pat海膽，一啖食落十分滿足💁🏻‍♀️季節一品 - 粟米炸饅頭💁🏻‍♀️之後嘅熱食就有鮮粟米配上用粟米打成蓉製作嘅可樂餅，食落超辣口，記住攤凍少少先食啊，不過可樂餅外脆內軟嘅口感令人忍唔住會想一啖食落口，有啲似食緊固體粟米湯嘅感覺💁🏻‍♀️京都姫牛肉眼第一片京都姫牛肉眼食落都幾肥美，雖然睇住師傅用砂糖同埋特製醬油條配醬汁，但係食落唔會太過甜膩而蓋過咗牛肉嘅香氣，油香味都仲係好濃郁👍🏻💁🏻‍♀️西冷配春谷菜第二片係較為有肉味嘅西冷配埋春谷菜，其實就即係好似我哋平時食嘅皇帝菜咁，加咗菜食呢一片肉幫助解膩，西冷嘅感覺又有肉味又肥美，有入口即溶嘅感覺💁🏻‍♀️熊本和王牛肩、淡路島洋蔥第三同第四片都係平時喺香港較為少食到嘅熊本和王牛肩，有口感有質地仲有肉香，牛肩肉仲帶有少少甜味，超級惹味就😋食完牛肉再食返一片淡路島甜洋蔥中和一下口腔嘅油脂，不過值得一提係個洋蔥真係好甜好爽脆，冇平時食到嘅咁辛辣👍🏻好食💁🏻‍♀️京都燒豆腐、麵根、蒟蒻麵及冬菇首先上既係燒豆腐、麵筋同冬菇，豆腐係用咗硬豆腐，所以比較上企身冇咁容易散，吸咗甜甜地嘅壽喜燒汁之後都仲食到好香豆味，另外麵筋個口感幾得意，有啲似帶有煙靭感嘅玉子豆腐，嗦晒汁好好味😋冬菇煮到軟腍腍又入味，食落超級多汁😆接住落嚟師傅就煮埋個蒟蒻麵俾我哋食，同樣係嗦曬壽喜燒汁，用嚟點蛋漿一流💁🏻‍♀️和牛滑蛋飯食到呢度已經好飽啦，原來最後仲有一個和牛滑蛋飯，先用和牛粒煎香在淋上蛋漿同埋壽喜燒汁，煮成滑蛋嘅狀態下之後再放上日本飯上面，味道濃郁，超好送飯💁🏻‍♀️北海道牛乳奶凍及蕨餅以為甜品收尾就比較普通啦，點知個牛乳奶凍同蕨餅竟然成為神來之筆，奶凍嘅牛乳味出奇地濃郁，食完口腔入面有陣陣嘅奶油味，久久都未能散去😋已蕨餅微甜得來又煙煙韌韌，作為今餐嘅甜品就最適合不過😌滿足…查看更多

朋友生日諗唔到食咩？😌又想有啲儀式感🌸 食壽喜燒♨️一定係唔錯嘅選擇！依間餐廳係日本人做主理🎎一定有保證🤩壽喜燒係用關西嘅糖烤方式製作，廚師會喺你面前即興烹調，邊睇邊食，真係好特別！😎.✨《樹》 $930前菜、和牛、蔬菜拼盤，和牛滑蛋飯、味噌湯同埋甜品。.🍣和牛海膽卷用咗備長炭燒嘅和牛🐮香氣四溢！上面仲有海膽，真係好吸引💯.✨北海道薯仔沙律配三文魚籽用脆筒盛住，好有新鮮感😍薯蓉加埋三文魚籽，三文魚籽好新鮮🥳入口爆晒醬汁出黎，超幸福🌸.🐮Sukiyaki1️⃣熊本「和王」- 肉眼 肉眼嘅油花最豐盈，大理石紋理非常靚🔝油脂充足，入口即化🈵🈵.2️⃣熊本「和王」- 西冷 牛肉味較為濃郁，但質地依然非常嫩滑㊙️.3️⃣熊本「和王」- 牛肩 肉味十足，油脂較少，因此食完之後唔會覺得膩😎.用日本嘅糖烤工藝，焦香味十足‼️配上日本蘭王蛋同埋珍珠白飯，仲可以隨意加飯🤩.🥬季節野菜盛合有春菊、冬菇、豆腐、日本麵筋、娃娃菜、日本洋蔥同埋蒟蒻麵！啲蔬菜吸滿晒壽喜燒汁，好入味🤩.🍚和牛滑蛋飯蛋超滑帶有牛油既香味🥳.甜品北海道牛乳奶凍及提子Moshimochi迷你柚子麻糬塔…查看更多

今日慶祝男朋友生日，去咗尖沙咀一間叫「壽喜燒 樹」嘅日式餐廳食席前壽喜燒套餐，餐廳由日本主廚打理，師傅會為每一枱客人親自烹調關西風壽喜燒，每一道菜都會細心解釋菜式嘅名稱同食法，成個用餐體驗都好好！晚市套餐有分兩個，Yoshi同Itsuki嘅分別在於前菜、牛肩數量同甜品，大家可以視乎喜好去選擇🍊 和牛雲丹一口呢道前菜係Itsuki先有，壽司飯上有生和牛同鮮甜嘅海膽，一啖放入口嘅鮮味爆棚，口感軟熟，入口即融🍊 松茸菇菜碗蒸茶碗蒸嘅蒸蛋蛋味濃郁，松茸菇散發住濃烈嘅菇菌香味，而且松茸菇煮熟嘅程度啱啱好，唔會蒸到太腍身🍊 黑毛和牛雲吞用日本嘅食材配搭港式嘅飲食文化，將和牛造成雲吞餡料，牛肉嘅味道非常濃郁，雲吞皮好薄，配上用牛骨熬製而成嘅牛骨湯，好有特色🍊 熊本縣A4黑毛和牛套餐使用手切嘅熊本縣A4黑毛和牛，人工手切可以保持纖維嘅完整性，減少和牛嘅肉汁流失，令到黃牛嘅口感順滑柔嫩；套餐嘅部位有肉眼、西冷同牛肩，肉眼嘅雪花分布較平均，油脂感較重，入口即溶，西冷嘅肉味香濃而帶有少許嘅油脂，牛肩嘅肉味最為濃郁，而且口感較前者結實；和牛可以沾上生日本蘭王蛋漿，去減低和牛嘅油膩感，而珍珠米白飯可任加🍊 日本蔬菜盤壽喜燒會將唔同部位嘅和牛之間用蔬菜相隔，去減低和牛嘅油膩感，令食客可以感受唔同部位之間嘅變化；日本冬菇、京都燒豆腐、麵筋、白菜、淡路島洋蔥、皇帝菜等嘅蔬菜，用料非常新鮮，除咗吸收晒壽喜燒汁嘅醬汁味，食材本身都帶鮮甜味；日本蒟蒻麵口感乾爽，可以配五香粉去加強調味🍊 和牛滑蛋炒飯炒香嘅黑毛和牛粒粒加入日本蘭王蛋，炒滑蛋嘅質地鮮嫩，蛋味濃郁，炒飯嘅珍珠米口感煙靭，飯粒分明，而且混合和牛嘅油脂香味，非常惹味🍊 甜品呢間餐廳好適合慶祝生日，席前和牛壽喜燒嘅氛圍好好，可以預先同餐廳溝通去畫碟，日式焦糖燉蛋同芝士蛋糕都好好味，味道唔算太甜📍 尖沙咀漆咸圍10-12號意酒店式公寓1樓位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊…查看更多

晚市套餐有Sukiyaki Set "Yoshi 佳" $780 或 Sukiyaki Set "Itsuki 樹" $930 ，甚至乎最豐富啲嘅Omakase set $1380起。餐廳環境行暗黑風格，一張L型枱可以睇住師傅喺你面前整壽喜燒👨🏻‍🍳當晚我就揀咗 Sukiyaki Set "Itsuki"すき焼きセット”樹’’啱啱坐低嘅時候，店員好貼心奉上菠蘿汁配奇異果乾，🍍好清新，先開開胃。呢個套餐會多咗和牛海膽壽司，師傅先用備長炭燒一燒和牛的表面，逼一逼牛的油份，之後再放上海膽，同時間就食到和牛嘅油香以及海膽嘅鮮甜。時令前菜有北海道薯仔沙律🥗賣相精緻，用上迷你脆筒，馬鈴薯香甜又鬆軟，面頭仲有三文魚籽，味道更豐富。舞茸菇蒸蛋十分嫩滑，帶有松茸菇嘅香味。接着就開始壽喜燒的部份，呢個餐壽喜燒嘅和牛份量會多啲。選用熊本A4 和牛🥩由肥到瘦，由淡到濃咁食。先食肉眼，師傅建議一塊食完原味，另一塊先點日本蘭王蛋食，我就鍾意點蛋食多啲，更滑更香！接住會食時令日本野菜，有京都燒豆腐、麵筋、冬菇、娃娃菜，吸收晒壽喜燒汁的精華，好好食🤤可以送一碗飯🤣第二塊和牛係西冷部分，日藉師傅手勢都好正宗，先落砂糖再落醬汁，令肉質有焦香感，西冷牛味比較濃郁😋配搭茼蒿菜🌿之後有淡路島洋葱🧅出名味道比較鮮甜，少啲辛辣味。最後一塊係牛肩，肉味更濃更有口感。有蒟蒻麵煮得乾身又入味！已經食到好飽😌仲有和牛滑蛋飯🥹🥹味道好好，有蛋香又有和牛牛脂香！飲埋赤味噌湯再食甜品🤣有北海道牛乳奶凍配黑糖加香印提子、威士忌朱古力麻糬撻，擺盤好靚好精緻！味道都無令人失望😌 好滿足🥰🥰記得Book位！呢晚平日都坐滿人，見到有兩枱都係慶祝生日🥳…查看更多