壽司郎 (綠楊坊)

營業中

休息中

壽司郎8月期間限定：天婦羅炸蝦野菜配烏冬每個月壽司郎推出嘅期間限定菜式，我基本上都會去試下！今次我就係8月中去咗荃灣綠楊坊分店品嚐咗新推出嘅天婦羅炸蝦野菜配烏冬😛每次食天婦羅嘢食，壽司郎都係即炸，天婦羅炸蝦野菜一送到真係熱辣辣！原來唔係蝦同野菜分開炸，而係野菜包圍住隻蝦，成塊咁炸起，所以係一大塊咁上菜！天婦羅外皮金黃酥脆，每咬一啖都脆脆聲，外圍嘅野菜食咗兩三啖，先會食到夾係中間嘅蝦！野菜好新鮮好脆，食到中間隻蝦口感就唔同咗，搭配幾得意！烏冬一向都係我至愛，配搭嘅烏冬麵條彈牙有勁，湯汁清清地，每一啖都充滿滿足感。呢道菜嘅份量都很足，食完都飽咗一半😆當然，我每次嚟壽司郎都會點不能錯過嘅炸薯條🍟🥰 壽司郎嘅薯條特別有薯條味，外脆內軟，就算無茄汁配搭都好好食！我係絕對嘅薯條控，每次都會食一至兩份薯條🥳

又黎啦今次我地一行6人食，同上次一樣去返荃灣綠楊新邨分店。都係嗰句壽司郎開咗咁多間分店依然都係咁多人排隊等位，厲害厲害今次好癲叫到成枱都係，大滿足呀，開心食到好飽

同朋友們即興想食壽司就用app網上睇自間分店等得最少就去個間。見到綠楊坊0個人排隊中就衝呀！點知去到都係要等左10幾張，然後我地再上app睇，等待中，app上依然顯示0，所以都幾不準確，哈哈！不過算啦都係等左20分鐘到就入得！薯條好熱辣辣好食👍🏻

壽司郎真係無論幾時都咁多人排隊，咁啱中五點幾行過嘅時候見到竟然冇咩人就即刻入去食一食。三文魚腩壽司中規中矩，正正常常嘅發揮，食得出新鮮同冇腥味的。鵝肝壽司，呢排想去食壽司郎好大程度就係為咗佢！ $17等於質素算係好好，食落就好似油脂一樣入口即溶，好好味！壽喜燒壽司，呢個都係每次去壽司郎必點😭 真係覺得個牛肉嘅調味好香，牛肉食落去又唔會好韌，而且仲要只係$12一碟，超級抵食！芝士三文魚壽司，加咗啲芝士食落去層次會豐富好多，作為芝士愛好者，呢個我都覺得好好食！軟雪糕，大家真係可以試吓加啲豉油落去食，食落去有種好似食緊焦糖雪糕嘅感覺，加抹茶粉就可以食到抹茶雪糕嘅feel！食壽司郎，如果唔使排隊都係幾幸福嘅事，但係如果為咗食壽司郎要排一兩個鐘隊就見人見智了

壽司郎總係好多人要等位。揀左個平日時間，下午茶時間去，提早兩日喺手機訂定位。下午茶好抵食，$40有個set，拉麵或烏冬，配壽司。揀左烏冬配三文魚壽司 ，烏冬有咬口彈牙，三文魚厚身。打個底，然後先再叫其他，加甜品。

壽司郎一直無機會食，每次都係即興經過分店見到，而每次都好多人，要等到天荒地老。都真係直至近日，可以平日放假，可以下午茶時間去，不過見家人依然係提早兩日喺手機訂定位。以前會唔明同元氣有咩分別，以為都係差唔多。第一次食完，有三大發現：1. 發現塊魚生係比較厚身啲2. 下午茶好抵食，$40有個set，拉麵或烏冬，配壽司。我就最喜歡揀烏冬配三文魚壽司 ，打個底，然後先再叫其他，加甜品😊😋 (覺得係最抵既食法)3. 滿$400匯豐卡埋單送20蚊cupon 所以我會揀放平日，下午時間再去食 😀

無論壽司郎開幾多間分店，每間依然都好多人排！不過荃灣黎講依間比起荃灣廣場個間算少人了。朋友手機預約到依間就即興去食。今次7月祭既限定款式無咩驚喜，所以都係叫返普通平時食間既款味道依舊落單後壽司送到既速度好似比其他分店快咁，哈哈！不過佢既鮑魚壽司片鮑魚實左薄得可憐

大大大大感謝祭1）大切黑鮪中吞拿魚腩配蔥花吞拿魚蓉 勁大塊吞拿魚腩配大大舊吞拿魚蓉，一口落去幸福嘅感覺出晒嚟，鮮甜可口充斥住成個口腔內，每一啖都係幸福☺️。5🌟2）特盛蔥花吞拿魚軍艦鮮甜大舊，爽！4🌟3）大切柚子胡椒長鰭吞拿魚幾清楚，幾特別。3🌟4）濃厚海膽拌面海膽係甜嘅，如果凍食係正嘅但係麵上面被整到暖暖哋，等自己就唔太鍾意啦⋯⋯個醬似芝士味勁濃郁勁香勁好食，差少少食晒留唔到比男朋友比人啤住😋。3.8🌟5）期間限定tiramisu好大陣酒味，都唔錯，不過濕啲會再好食啲。3🌟

壽司郎五月，新品一覽‼️揀咗最抵食嗰幾款嚟試吓🤤駿河灣軍艦雙味： 比較普通，可以唔使試。吞拿魚萩餅： 咁多吞拿魚蓉好似好怪，食落有啲膩，縱使加咗蘿蔔，所以想食嘅話都係食返小卷好啲。生松葉蟹腳一貫兩本：呢個幾抵食，而且啲蟹幾甜。🤤松葉蟹天婦羅：呢個價錢淨係得一嚿，我覺得都係食返上邊嗰個好啲👆🏿青森縣產生海鱒包：呢個同普通三文魚食落分別唔大，只係冇咁油。九州產芝麻漬鯖魚：呢個味道幾特別下，但係都係同普通鯖魚一樣要小心細骨👌🏿青森縣産際漬比日魚: 呢個食覺口感好彈牙，而且味道都豐富，值得一試🤤🤤

日本菜不嬲都係香港人最愛嘅菜式而壽司郎嘅價錢環境食物都可以合乎香港人嘅標準個人比較鍾意佢嘅限時推出嘅嘢食性價比好高只係等候時間比較較長基本上你排隊嘅時間會長過你食嘢嘅時間

呢間壽司郎的確比起荃灣廣場嗰間少人，你見到荃灣廣場等60幾張，這間綠楊坊的只需10多20張。在綠揚坊這間壽司郎亦都位處於比較高嘅層數，因此即使門口有大量人在等位，其實也不算太過影響其他食店 運作。😂不過呢排戒緊口，其實都冇乜食到啲咩特別嘢，三文魚其實也相當普通，和外賣店的其實都差不多。我覺得壽司郎的軍艦就特別出色，因為它遊人如鰂，任何時間都在等位，貨如輪轉，因此紫菜次次咬落都嚓嚓聲，☺️裏面的配料夠新鮮，然後芥末八爪魚夠新鮮味美，帶微微的芥末辣味，加少許醬油，就已經顯得相當美味。想不到原來小孩子也能吃到那麼多，見到佢食完蒸蛋，然後又食咗一舊又一舊的壽司飯，然之後再吃那些炸雞，之後還可以一日吃完整個士多啤梨芝士餅，簡直教人大開眼界。妻子又叫我叫芭菲杯杯，不過其實嬰兒吃太多甜及凍的東西都不好，其餘吃剩的雪糕或是冰粒其實我都不算特別喜愛，因此這次我點了綠茶蒴餅，想不到，蒴餅味道相當好，帶點輕微的茶香，淡淡的茶味，不算太過甜，再加少許綠茶粉，相當可口。

九洲拉麵似乎沒有過冷河, 煮開的麵條的澱粉溶曬落湯度, 望落去杰撻撻, d 湯好似花生醬, 食落去有第二種口感 , 不過唔係咁好食 , 慶幸都仲熱辣辣 , 勉強食左佢算數 , 下次唔敢再叫.

之前太多人吹捧較較質素下降有一段時間無光顧今次有少少驚喜啦加分位係甜品朱古力cake表現出色👍🏻👍🏻👍🏻壽司嘅刺身都算新鮮揀得嘅款式都大大件味道就不過不失啦

近期發現壽司朗訂位容易咗所以今晚book左位食晚飯可惜既係，今晚質素同上年剛開業個陣有啲距離限定款一圖一物都冇太大偏差，帶子都好鮮甜冇腥味上次唔覺有一碟兩款既選擇，今次見到覺得好好，有時限死左一碟兩件同款既都食唔到太多碟灸燒三文魚都ok夠大件厚身可惜既係個灸燒比目魚鰭邊燒得唔夠食唔到灸燒後既焦香同魚油香味連灸燒比目魚入口即溶既特點都冇埋我都知壽司店既拉麵唔會好食得去邊其實我見隔離嗰個叫左個牛肉烏冬都幾靚仔，但估唔到拉麵會差到咁，個湯底好似糊仔咁傑到口感好唔舒服。。。佢唔係拉麵店個啲骨膠原既傑，佢係似中菜埋芡個種感覺叉燒都乾到似放耐左咁。下次都係乖乖地食返壽司甜品一樣好食，壽司郎不嬲都係比日本野耽誤咗嘅甜品店暫時都未食過有伏既甜品

噚日(3-2-2024 Sat)晏咗起身,同老公落荃灣做啲嘢前食嘢,由於啱啱步lunch time,去邊喥食好呢?經過呢喥,咁不如食壽司啦,我哋嚟到時冇人等位,之後店員帶我哋去相信係最後一張嘅二人卡位,用餐時間係60分鐘.我哋就點咗:4. $17.00嘅創作鰹魚而上嘅碎粒鹹鹹地咁, 鰹魚好嫩冇渣.5分6. $17.00 1個嘅鱈場帝王蟹肉海苔包要2個呢個平平無奇.3分5. $17.00嘅鱈魚白子軍艦鱈魚白子好滑又唔鯹,口感又得意.5分3. 原價$12.00,特價$10.00嘅黃豆粉抹茶蕨餅好軟熟,味道亦正常,唔錯.5分2. $34.00嘅魷魚鬚天婦羅雞白湯拉麵(魷魚鬚另上)呢個份量少,魷魚鬚天婦羅顏色深,驟眼睇唔似天婦羅,似中式嘅椒鹽魷魚鬚,只係冇椒鹽.而呢個係外脆嘅,拉麵口感啱啱好,而雞白湯味道好濃.2.67分7. $19.00嘅茶碗蒸由於我冇興趣,所以老公一人食晒.9. $12.00嘅炙燒牛舌冇留意原來係一件,老公就唔食,牛舌好薄亦好腍,味道係濃嘅,而黑椒都唔係落好多,所以唔辣.4分1. $22.00嘅士多啤梨雙層芝士蛋糕呢個好鬆軟,味道亦唔錯,好味.5分8. $17.00嘅水煮松