壽司郎 (荃灣廣場)

營業中

休息中

生薑片係咁可以打開嚟睇下 都係生薑片冇乜特別我自己好中意呢綠茶粉配雪糕食嘅 我覺得好特別蝦三味 有三款唔同嘅蝦咁兩只生蝦熟蝦 陣間都會試下好唔好食 咁我覺得都幾吸引三文魚牛油果卷 見到上面都好多沙律醬入面係有牛油果所以都幾解膩 就唔會話食到好漏咁樣另外牛油果配三文魚呢有幾好嘅配搭因為啲人都話牛油果蘸豉油 之後味道有啲似三文魚炙燒生薑醬叉燒 見到兩塊非常之肥美嘅叉燒比起上次我哋食嘅時候係算大塊嘅 而上面係有生蔥點綴兩塊叉燒呢都大到遮住咗個飯嘅 而另外生薑醬都非常之入味所以我哋今次呢就會決定去n call呢一碟喇 南瓜天婦羅將南瓜啦攞上粉然後呢炸咗佢 非常之吸引食南瓜天婦羅因為係抵個元氣嗰個野菜天婦羅野菜天婦羅起源喺元氣四舊都要廿幾蚊 但係南瓜天婦羅大概有四至五舊 非常之抵食雞軟骨今次數量有啲少 我都覺得有啲失望不過咁我男朋友都中意食嘅雞軟骨 三本三文魚軍艦我都見到非常之吸引 咁所以我哋就嗌咗嚟食啦咁 咁三文魚嘅刺身一般 通常都係攞嚟整呃壽司 比較少去整軍艦嘅 咁我哋一於試下炙燒芝士三文魚平時同三文魚嘅壽司唔同 上面有一層芝士而且上面係燒過嘅咁我哋覺得非常之特別 因為一般去燒過會有陣燒焦嘅

壽司郎相信都有唔少人食過，我就唔多詳細介紹啦😊以連鎖迴轉壽司店來講，我個人覺得係唔錯😋每一次想食壽司郎都要預返兩三個鐘頭等候時間，一係就打開壽司郎app都見到每間分店有百幾張飛就要放棄下次食。今次我醒啦啱啱睇完戲8:30pm到荃灣間壽司郎，見到只係仲有10幾20張飛，旁邊walk in隊只有4人在等候，於是就諗住等吓，結果用咗15分鐘時間就成功入座✌🏻其實今次最想食壽司郎係因為見到三周年慶典八月限定甜品推介!同卡樂B Crossover的甜品❤️👉🏻蜂蜜牛油卡達拉娜👈🏻好食😋真係好似食緊蜂蜜牛油薯片！推介推介！如果你本身鍾意食蜂蜜牛油薯片更加要試下依款😙下一次唔知要等到幾時先可以食到壽司郎希望壽司郎開多啲分店等大家等候時間唔使咁耐啦！

相信大家對呢間餐廳都唔會太陌生😌 你都一定會食過🤭 短短幾年已經分店林立 對上一次食已經係兩年前嘅事 🤭今次攞籌等咗一個鐘九個字 🙃好彩商場入面有野行 所以都未等到唔耐煩🙈 但60分鐘速食係滿足係值得既👍 麻辣赤蝦壽司 係本人至愛 食咗三碟😋大大隻赤蝦上面有炸洋蔥絲 配埋少少辣嘅沙律醬🤤 超級夾！勁好食！ 而且赤蝦又彈牙又新鮮 12蚊一件 性價比極高🔥另外想特別介紹嘅係螢光魷魚軍艦壽司 出去食omakase都係畀螢光魷魚你 但估唔到壽司郎都有螢光魷魚 雖然同omakase既高檔食材相比仲有一段距離 但係壽司郎既螢光魷魚質素完全高於壽司嘅價值！ 係驚喜同出色🤩另外 水蜜桃芭菲亦係必食之選😁 日本空運嘅水蜜桃清甜可口 再配牛奶雪糕 又香濃又滑 😋而且只係32蚊超值 👍雖然要等枱等好耐但係食完都會覺得好滿足同食物質素係值得既！ 其實間唔中食一次都幾好呀🧡

一個月起碼食一次嘅壽司郎絕對係性價比高三文魚絕對係冇得輸最鍾意都係火炙芝士三文魚蟹膏蟹肉花之戀最推薦都係 蝦三味 赤蝦真係超級好食茶碗蒸都非常推介仲有一定唔少得食埋個甜品先走白桃芭菲係我至愛❤️

壽司郎都食過好多次但呢間開左咁耐第一次早兩日收工已經想食🥹6:30去到竟然停左拎飛（可能係星期六日關係）死死地氣返屋企 過兩日再黎今次揀左平日下午黎食 朋友幫手拎定位等左一陣就入得 位置係荃灣廣場近西鐵站 係商場入面 排隊都唔洗熱 食過咁多間 荃灣算幾好坐👍🏻不過味道好似屯門好食啲？ 飯始終有少少散同熱🍣帶子幾新鮮 食完都仲想再食吞拿魚呢間就一般 唔太有味不過今日個海膽唔錯 甜既 紫菜唔會好梅 最後朋友唔飽再食多個烏冬🍲

壽司朗熱潮依2年都keep住個勢，一定要等一位，雖然已經開多咗好多分店，但繁忙時間到依然要等位。食物方面，推介中拖羅同貝類，每次都ok，反而大拖羅好多時有根。而今日最驚喜嘅係期間限定嘅白桃芭菲，雪糕軟滑有奶香，不錯不錯👍🏻

平日既早上係荃灣西同寵物打完針，去到荃灣廣場見到呢間壽司郎唔洗排隊，立刻衝入去食，超正，唔洗排隊。炸軟殼蟹壽司呢度壽司出名料多飯少，真係好好味，炸軟殼蟹傳送黎仲係熱，好脆，上面仲有蟹籽個沙律！必食。炸蝦天婦羅壽司又係好好味，粉醬好薄，蝦新鮮。又係推介！三文魚壽司大塊到睇唔到飯，比例魚多過飯，咁食壽司真係好正。三文魚質素中上。壽喜燒牛排壽司呢個有甜味，同鹽味牛排壽司唔同味，欣賞他整到7成熟，保持牛的嫩滑度同肉汁。推！雪糕好味，係日本牛奶味雪糕，好軟滑清新，我地加左桌上的抹茶粉食，聽聞係隱藏食法就試下，超好味！同出埋食40-50蚊果d雪糕差唔多好味！日本蜜瓜幾甜，味道好似日本果個蜜瓜糖味，$27一個切，唔太抵食。炸有明產海苔芝海老呢個真係難食！D粉醬好厚，有海苔但冇乜味，海老係連蝦頭蝦尾蝦殼炸，好吉口，又冇肉。雖然好多條好似好抵食，但唔好食，食唔晒！茶碗蒸超鮮甜，有菇，元貝，枝豆，雞肉，非常多料，令同個蛋好鮮味，蛋蒸的滑，非常之推薦食！

總共等左差唔多一個鐘，好多人補飛， 攝下攝下，又等耐啲。整體都好食，係個卷物差啲，炸蝦卷隻蝦細到見唔到；赤蝦，吞拿魚，好食。品質非常不一，有好有唔好，睇你好唔好彩。

閒日5點半拎飛都要7點先入到 今次為桃雪糕而黎 呢到野食快出又靚正 呢期又有限定野食 但松阪牛唔太掂 唔太建議叫 無牛味 但必叫item 莫過於天婦羅set 熱辣辣 香脆 同埋軟殼蟹壽司 好味 至於重點 桃雪糕 牛奶味濃 桃又香 仲有個食法 就係倒d抹茶粉落去 變相蟹種食法😋

好高興又食到壽司郎，由於時間尚早，所以又可以直入！今次都叫咗唔少野食！其中包括比較少見嘅油甘魚天刺，都OK嘅新鮮嘅，都有魚味嘅，都幾鮮甜嘅，舊飯都OK嘅，唔會一夾即散！另外叫咗兩款帆立貝，有一款特大帆立貝，佢嘅味道都好接近！其實視乎你口感啦！大件個鮮甜味就會比較突出啲！不過細件嘅話都唔係差，都好鮮甜嘅！只不過大件嘅滿足感會大啲！至於呢個蟹肉蟹膏壽司都唔錯！蟹膏都唔苦！蟹肉都有返個蟹味！紫菜雖然普通啲！但仍然可以接受中吞拿魚腩就更加一定要叫嘅壽司啦！因為佢係特別鮮甜㗎！而且又唔腥，又夠肥。食落去真係有幸福嘅感覺！仲有好似叫魚蓉吞拿魚，即係吞拿魚碎整嘅軍艦，個表現都唔差嘅、不過如果鍾意食吞拿魚嘅你，相信你未必喜歡啦！個口感真係比較碎，口感就一般啦、即刻過北海道魚子，好似冇以前咁大粒，但係味道都係好食嘅！咬落去個口感都係甜甜地、鹹鹹地！餐廳整體服務都好好，店員都好有禮貌！壽司賣相仲有改善空間！

平日時間星期二都要等位，大約三點鐘左右，我拎到357號 ，當時叫到260幾號，大約等咗一個鐘，叫到100個號碼最緊要download佢嘅壽司郎apps咁就唔使企定定喺度等，可以喺電話睇到叫枱情況差唔多到時候先返去注意⚠️ 叫到你而冇人應飛30分鐘內一定要返到去補飛，只限補一次，如果唔係就冇得食架啦補飛隊伍係會叫兩至三個順序號碼，先會叫一張補飛香港人真係好鐘意壽司郎，開得越嚟越多分店，平時都排好耐隊，等咗兩年終於食到荃灣廣場三樓，咁啱平日放假終於約朋友去試下，環境好靚，地方座位坐得好舒服，座位又清潔衛生，一個鐘頭用餐時間足夠有餘，最緊要係員工服務又好好👍👍👍👍終於可以入去食，員工安排座位，有專人帶到我去座位上面，好精神既士氣，叫日文歡迎光臨我真係好似去咗日本🇯🇵員工：問我有冇嚟過壽司郎？我：第一次黎員工：為我介紹返壽司鏈上邊有迴轉壽司芥末等仲為我介紹平板上面既壽司今日推介有任何需要可以搵返佢，呢種服務態度香港真係少有。種類繁多，$12紅碟 、$17銀碟、$22金碟、$27黑碟，仲有甜品烏冬茶碗蒸等最後兩個人食咗$250 ，好平又好味😋又多選擇，走之前仲見到有外賣下次一定要再食，終於知道點解

可以先下載App SUSHIRO, 以便查看各區叫號狀況, 可能今天下大雨的關係, 等候時間大約20分鐘左右就能入座店舖格局與日本很相似, 有點置身於日本壽司店的感覺, 大部分都是卡座, 而且私隱度高, 除了用機自行落單之外, 還有迴轉壽司供應一入座店員先給兩個白色膠袋及濕紙巾, 膠袋是放小垃圾的, 例如芥末醬、蝦尾等等, 杯子是放左迴轉壽司上面, 中間個層是用機自行落單的食物傳送帶, 每個枱上已經有薑片、醬油、抹茶粉, 枱上有自助熱水, 方便自行加水加茶🍵我們點了赤蝦、甜蝦、蟹柳沙律醬、鮮蝦天婦羅🍤、玉子燒、三文魚🍣、三文魚腩配三文魚子、生拌三文魚軍艦、粟米沙律軍艦、三文魚子軍艦、日本產帆立貝、北海道產海膽海苔包、日本焦糖蕃薯、甜品是期間限定的蜜瓜味雪葩整體CP值高, 只是略嫌飯有點散, 赤蝦啖啖肉夠彈牙、生拌三文魚軍艦口感很好、帆立貝及海膽新鮮質素不錯, 日本焦糖蕃薯必點推介, 很香脆可口, 甜品蜜瓜味雪葩甜度適中, 可解油膩, 完美的點綴提提大家, 如果在迴轉壽司拿的壽司, 透明蓋是放在迴轉壽司的專用紅色碟的位置, 記僅不要亂放, 另外, 用餐時間只有60分鐘服務態度親切有禮,

5月7號係第一日開幕，終於開到黎荃灣啦！朝早9點幾就黎左攞籌，前面已經有幾十人排緊隊，等到11:15到我地啦🤣今日開幕有特價吞拿魚$12，好滑身好香，一如暨往咁高質！三文魚、帶子、油甘魚等，全部都好新鮮！上菜速度勁怪，一路掛住食都好少影相😂我地叫左軟雪糕，再加啲抹茶粉🍵上去，即刻變成抹茶雪糕🤩佢既抹茶味幾濃，加埋雪糕真係絕配，建議可以加一部分同雪糕攪勻，另一部分就就灑啲抹上粉係表面，覺得咁係幾好食😋