壽司郎 (大本型)

營業中

休息中

今日下午茶時間又去咗壽司郎食，平日真係好，等五張枱就可以入座，今日大概等咗5分鐘。 而且兩個人都能夠安排到卡位，帶住小朋友真係好方便，又唔使坐得咁迫我哋兩個人都叫咗好多嘢食，最鍾意食佢今期推介嘅烏冬，有溫泉蛋同埋牛肉，超級濃郁！而且仲嗌咗小朋友鍾意食嘅三文魚子壽司，仲有炙燒三文魚壽司🍣 呢啲都係小朋友至愛啊！ 食完正餐之後小朋友梗係要叫鍾意食嘅甜品，今次就嗌咗水怪芭菲，今日呢個真係超多啫喱，小朋友一見到已經心心眼

壽司郎食過好多次，但係油塘大本營分店係第一次幫襯，星期日晚6點左右唔算太多人排隊，等左10-15分鐘左右就入去喇～平時一個月都會食幾次壽司郎，每次都有幾個item係必叫既，當中最愛一定係醬烤鰈魚鰭邊，油脂感滿滿但夾埋紫蘇葉可平衡清新感❤️茶碗蒸亦大推，味道同材料都豐富👍🏻而呢間分店最特別既係服務特別，當日食到甜品時店員做走過來提醒用膳時間將至，問仲有冇order未到，當下我地以為可能missed平板提醒, 所以都打算食埋甜品就離座，點知轉頭平板提醒響了😅果下我地就諗可能出面好多人等緊位呢～點知埋單出到去得十數張枱等緊……店員都冇做錯，只係比人感覺比較趕客而已😓

油塘店地方不大，只有三條送餐路軌，所以比較適合2人至4人小家庭🏠來食，家庭比較多人的話，相對會難等位°當天我們兩口子星期六🕛lunch 時間以為要等好耐先有位，最後都只係等咗20至25分鐘就可以入座，算係我食過咁多間壽司郎等候時間最快😂😂真係想講壽司郎食極都唔會厭，可能佢嘅款式比較多，每次去食唔同款式都可以啦🤪吞拿魚係我嘅至愛，最鍾意佢由平到貴嘅拖羅佢都有得食👍🏻另外必食嘅係壽喜燒牛肉，甜甜地，好味，如果有啲老人家或者小朋友唔食生嘢，呢個都係不二之選。茶碗蒸同埋各款甜品🍮 都係我地必食之選