壽司郎 (樂富廣場A區)

營業中

休息中

平時見到排隊超長龍，外賣20 分鐘唔洗點等就試吓啦！外賣只可以叫店限定嘅產品，自由度不大！而且一早set好咗ABC餐！即係生食，B係熟食，C 係刺身！今次叫咗AB各一set再加多2 個三文魚腩壽司！有日本食100 ￥壽司的感覺，飯是手握而且很細個我老公完全唔夠食😂食材都算新鮮！但有要求嘅人應該就唔啱了🤭

平時買外賣(夏天）拎到返屋企都20分鐘 但係都仲係好好食同埋新鮮。今年冬天第一次買外賣🥡但係唔知點解今次蟹set special 好似唔係咁新鮮. 全部野林啤啤. 同埋唔知係咪太忙啦開始. 啲壽司跌晒 個樣好肉酸。btw 佢出壽司真係出得好快 10至15分鐘已經ready 食過好多次不過今次水準下降了下次再試啦⋯⋯。

Walk in要排太耐隊，所以我提早做APP book咗位。入到去都幾快有得食，唔錯。我食咗十碟左右，等我重點介紹下：三文魚腩：好肥美，好多油脂，比係普通三文魚正好多！吞拿魚腩：一樣咁肥美，呢個價錢都做到入口即溶！甜品都好正：綠茶紅豆芭菲：好大碗，綠茶味好香唔會太甜，仲有蕨餅添。

壽司郎（樂富）••••••••••••••••••••••••••••••✄( •8• )✄( •8• )✄( •8• )✄( •8• )••••••••••••••••••••••••••••••♥️推介餐點：·大拖羅·中拖羅·所有吞拿魚😭😭😭••••••••••••••••••••••••••••••♥️食評：以下是非常非常主觀食評！兔兔超鐘意食吞拿魚，每次去壽司郎基本上所有吞拿魚款式嘅壽司都會叫一碟🥺食入口好似去咗日本咁，有條吞拿魚喺口入面游水！好幸福😢最鐘意充滿油脂感嘅大拖羅～～最近仲有喺九州產嘅吞拿魚，鐘意食吞拿魚嘅快啲去！其實除咗吞拿魚，都有幾款推介俾大家，包括炙燒鹽味三文魚、醬烤鰈魚鰭邊、極上鰻魚、松葉蟹軍艦、原味卡達拉娜（小心！呢舊嘢好肥！唔好一個人食晒成舊！）。唔推介嘅有：海膽（有一次係佐敦分店食好臭）、冷製茶碗蒸（覺得熱嘅好食好多）、抹茶蕨餅芭菲（得一舊蕨餅，其他甜品正啲）。••••••••••••••••••••••••••••••♥️特色：個人認為壽司款式算多，而且定期會推出限時新產品，有時錯過咗真係有種可惜嘅感覺😢加上每次食都可以扱印仔換禮物，搞到人間唔時想食！••

窮遊香港-初試人氣爆登壽司郎每間都勁多人排隊 早一日用app book都book唔到所以朝早11:00 去walkin 拎左3人飛 排30號最後排左半個鐘11:30先入到‼️如果中午人多排隊時間可能倍增 要注意啦.入座張台都幾大 係用火車運送嘢食 幾過癮枱面有燒汁 醬油 同平板比你自己落單上菜速度都算快 應該入面都有預備整定叫下叫下 都試左幾多款式（價錢唔一樣一樣講啦）.主要講重點 好評 負評既野啦.先講好評啦⭐️赤蝦壽司$12 隻蝦大隻鮮甜（如果叫蝦3味$17 有3舊蝦壽司 抵食）同埋拖羅類都 相比其他地方平 刺身厚身⭐️中拖羅$17 肉感 冇腥味 又唔會過肥🔥⭐️大拖羅$27 油花幾靚 爆油感 一入口成口油 肥肥⭐️炸蝦天婦羅$28 有4隻 原隻炸蝦 唔係放題貨色⭐️茶碗蒸 夠滑 入面多料 菇 帶子 有齊.負皮既位有🤮燒牛肉壽司 舊牛 基本上成塊都係肥 伏到喊😧中拖羅 同拖羅 平係平 但亦都係我食過最多根嘅（‼️可以睇睇最後一張圖）（‼️一舊壽司 條筋竟然長過我隻手 破左我紀錄）👎🏻三文魚壽司 特別薄.其他壽司相對普通 同其他店分別不大.總結 呢日人均$200位 性價比唔夠高如果下次再食 精

前日同朋友兩個去咗樂富呢一間壽司郎分店因為新開張，所以想試吓同其他分店比較一下。我朋友1:45pm攞位, 3:05pm入座,我個人認為都算係正常等候嘅時間😎因為都等咗好耐，入到去超級肚餓忍唔住要開餐唔記得咗影相😂不過個海膽真係幾好味比起佐敦分店好食10倍最值得推薦佢個茶碗蒸👍🏻最唔好味同伏就係個紫菜麵豉湯，超級鹹勁唔好飲🤮總括嚟講我食得超級開心，一定會再幫襯香港有壽司郎就係香港人嘅福氣性價比極高的迴轉壽司店🍣

呢間位於聯合道197號，樂富廣場UG1樓L109號舖嘅是壽司郎，今日太幸運啦，不用五分鐘，就安排我地入坐，可能現在是早餐時間啦🤣，今日同媽咪去食，入坐後整下茶、整下筷子🥢、整下豉油、Wasabi，跟住拿拿聲開餐，因為進餐時間是一小時，一小時後就要交枱，今次第二次食，在香港第一次早餐時間食壽司haha 😆，唔諗甘多，今次坐迴旋位，想食什麼就在迴旋帶取，樣樣都好吸引、好新鮮、好好味，未食夠一小時，我地兩個已經食飽，好滿足，埋單都係HKD2xx，好抵呀。壽司郎可以滿足我而家去唔到日本食壽司嘅願望呀。😇

終於食到壽司，一於試吓最吸引嘅拖羅先。紅色肉嘅拖羅加埋米白色嘅魚脂，壽司郎用咗黑色碟，我覺得呢個簡直係最聰明嘅組合。雖然第一碟唔係咁靚，但係第二碟都令人幾滿意其次我最愛嘅魚，入口即溶，非常讚，如果有燒埋就更加好啦你看白玉佢都係我嘅至愛，識食嘅人一定會識食！呢個係睇落唔似油甘魚嘅油甘魚，食落幾新鮮。吞拿魚蓉壽司，都好多魚肉。三文魚腩就普普通通唔太推介呢款都幾搞笑，叫完之後我開始懷疑人生，懷疑自己叫錯咗

♥️ 壽司郎📝 卡達拉娜💓 芝士蛋糕同燉蛋嘅合體 每次必食📝 Cream Cheese 三文魚壽司🍣 cream cheese令到三文魚口感滑咗勁多 都幾夾 只係有小小搶咗三文魚味📝 甜蝦軍艦🦐 一隻軍艦目測最少4隻甜蝦 都係要一啖過 成口都係甜蝦 正～ 📝 芝士炙燒三文魚: 如果鍾意食三文魚一定要食!!! 我一個人食咗4件 但唔記得影😆📮 地址: 壽司郎 (樂富) 樂富聯合道198號樂富廣場UG1樓L109號舖🏚 分店: 佐敦 / 紅磡 / 長沙灣 / 黃大仙 / 樂富 / 藍田 (裝修緊)📜 註: 排隊時間~1個鐘

依間餐廳近排咁hit。仲越開越多。之前要預約食。walk-in遲啲都話無籌。搞到勁想試。今次早到下午3/4點去攞籌。終於食倒。咁難得食倒。這間又較為多款式。緊係盡量叫啲其他壽司店少有的款式。芝士火炙三文魚。夠肥美。都好有芝士味。不錯。壽喜燒牛肉。甜甜的燒汁。牛肉都好香口。都大大塊。又唔靭。正天婦羅虎蝦。仲脆卜卜。好大舊肉。略嫌唔係好夠味。可以。凡立貝兩味。醬油同鹽燒。火炙的味道。很香。都食到凡立貝嘅鮮味。不錯。蟹膏加肉。唔腥。鮮味。肉可以多啲。整體都不錯。甜蝦軍艦。配沙律醬。中伏。唔夾囉。好嘛？！就咁食甜蝦係正常的。茶碗蒸。都無得難食掛。蒸得都好滑。裏面都好足料。不錯。之前嗰啲都不錯。留返依碟壽司最後講。真係中晒伏。其實食海膽同買六合彩一樣。好睇運。淺嘗一口已經係坑渠腥臭味壓軸就講返啲好嘢啦。唔知乜乜芝士蛋糕。蛋糕本身已經好軟熟。好有芝士味。唔會好漏。加埋個類似淡忌廉嘅醬真係好正。好rich嘅口感。估唔到係壽司店入面最好食嘅一碟總結。壽司係多款式嘅。但味道質素屬正常偏佳水平。未去到話好好食。仲會有中伏之危機。所以一試無妨。再試就諗諗先。

平時見到呢間新開嘅壽司店門口都keep住有人排所以趁平日朝早冇咁多日嘅時候去食一入到去就有位 唔使等☺️入到去 啲staff都好好服務態度一入去會比口罩袋同濕紙巾 好貼心又會好有耐性咁同我地介紹杯碟豉油wasabi位置👍🏻

每次食壽司郎都要有啲心理準備，因為之前兩次去佐敦分店食嘅時候都起碼等咗兩至三個鐘，但係真係好好味所以今次再嚟試吓開咗冇幾耐嘅樂富分店！中午嚟嘅時候已經好多人，比較多係啱啱放學嘅學生同家長同埋大學生，已經有晒心理準備要等個幾鐘先入得，不過今次竟然等咗半個鐘多啲就有位，真係太令人感動！每次店員都會問有冇食過壽司郎，如果冇都會耐心咁教你點樣用點餐，不過我哋已經嚟過就唔洗再學嚕。一黎就嗌左啲自己鍾意食嘅野食，有茶碗蒸、厚切三文魚壽司、特選中吞拿魚腩壽司、同埋壽喜燒牛排壽司，特別推介特選中吞拿魚腩壽司，吞拿魚腩脂肪比例分布平均，感覺上唔會太肥膩，而且魚腩份量十足，唔會係太薄，再者價錢合理，所以我冇一次係壽司郎都會嗌呢一款壽司！其實基本上食壽司呢啲因個人喜好而定，不過壽司郎嘅壽司普遍質素高，呢個價錢食到咁嘅壽司，唔怪得個個都去排隊，最後個人特別推介係佢個芝士蛋糕，芝士蛋糕芝士味濃郁，特別加分係佢上年嘅cream，唔會好似出邊嗰啲咁甜，有一陣好重嘅奶味，配埋個芝士蛋糕食簡直就係Perfect，所以每一次都要預留個肚去食呢個蛋糕。初頭大家食一個鐘會好趕，但係你入座嘅時候已經排到好肚餓，一開始會係咁食，

終於食到壽司郎，格局真係跟足日本的100円壽司店呀，真令人懷念的感覺，好感動。拖羅好正呀!而且食物質素亦非常好，食物亦有好多選擇，各式各樣壽司、刺身、拉麵烏冬、炸物、甜品等等 甜品都非常好味~唔單只孖寶食得好開心，媽媽我都好滿足呀! 我比較幸運，沒有等了很久，拿了walkin飛仔返屋企抖大概1小時，到店鋪再等多30分鐘就有座位了。個人覺得每碟壽司份量比日本的小，所以不知不覺就食咗好多碟。不過我地真係食得好開心。

壽司郎喺香港插旗已經有一段時間，只知道每次都好難book，walk-in又要等好耐，經同事提醒，用app book定位⋯本身book咗14:45，我哋早咗25分鐘到，就入去報到先，店員提醒我哋未夠鐘，建議我哋一陣再返嚟。到咗14:45，我哋就準時返到去，結果都要等多5-10分鐘先可以入座。入到去，店員好貼心咁每人派一個膠袋用嚟裝口罩，仲介紹杯、筷子、豉油、綠茶粉等等嘅位置，抵讚！食物可以用前面部tablet落單，又或者直接從迴轉帶上拎，如果係用tablet落order的話，食物會從上層嘅輸送帶送到。呢度食物選擇有好多，包括壽司、熟食、甜品⋯而且價錢亦唔貴，壽司$12-$27。由於只有一個鐘用餐時間，事不宜遲，我哋立即落order。我哋都試咗好多款壽司，款款都好新鮮。最鍾意係中吞拿魚腩、特盛蔥花吞拿魚軍艦、赤貝、帆立貝壽司⋯最後以原味卡達拉娜同開心果Tiramisu結尾， 原味卡達拉娜好好食，食落好似雪糕咁，非常幼滑。但開心果Tiramisu非常一般，可以不試。總括嚟講，壽司郎性價比好高，值得encore！

壽司郎應該冇人唔識喇 分店都開咗好多間 今次黎到樂富壽司郎試試佢門市Walk-in 吧枱卡位都無所謂 等咗50分鐘就有得食喇 留意喇如果號碼叫過咗30分鐘就冇得食架喇等到有迴轉位 迴轉位相當闊落 每兩個位都有板隔開 有私隱之餘又唔怕對面岸口沫橫飛 侍應主動介紹坐位點餐架部 另附膠袋俾你放口罩壽司方面性價比相當高 可以稱得上價廉物美 4個價錢$12/$17/$22/$27 嘆各款壽司 海鮮新鮮 手握飯量都好足 但呢道係冇淨刺身或手捲嗌架炸物方面嗌咗和風鹽味炸雞翼($27) 2隻1開2既雞翼 都幾好食 夠脆又夠Juicy 係少咗啲甜品我好鐘意係巴斯克烤芝士蛋糕($27) 有cream係面 一齊食相當夾 芝士既香加上忌廉甜甜既配搭 一口接一口 停唔到呀 話咁快就清哂食完覆一覆單就可以咁制埋單 侍應會黎覆核碟既數量 之後只要拎住坐位張卡就可以去收銀處埋單 全程非常方便 電子化 食完仲有印花卡可以儲印花添