壽司郎 (佐敦薈)

營業中

休息中

如果係平時要食壽司郎，肯定要排好耐隊（1個鐘以上甚至可能要兩個鐘！），而好好彩今次有人拎定飛等唔駛好耐就入到啦！筋子鮮甜好好味，原來筋子都係三文魚籽，但係分別係筋子多左一層卵巢薄膜。吞拿魚切得厚而且肥美，而且好飽滿絕對夠份量。油甘魚有好濃既魚油味，食落去好有魚腩既feel，而且好滑。日本真鯛肉質嫩滑，有少少黏口，味道鮮甜，幾特別。而三文魚係經典之最，中規中矩，口感比炙熱版本更加原汁原味，肉質細滑鎖住水分油脂。下次會再黎，但係建議大家真係要睇定時間，如果唔係排隊會好耐

It comes to hong kong for a while already but this is my first time finally trying sushiro, as first i expect the similar standard as genki sushi, but i’d say the quality is a bit higher here haa, and also a bit higher price Ordered a sushi combo having longfin tuna, young yellowtail, thick slice salmon, squid, broiled fatty salmon, surf clam, boiled shrimp, red shrimp, japanese rolled egg and grilled eel, and it didn’t disappoint us, salmon tastes not bad, sweet rolled egg is nice, and long lon

壽司郎分店越開越多，但成日經過都好多人排隊，一直無機會嘗試。今日同朋友睇完戲，大家都想食壽司，大概排左隊1小時，就可以入座。兩個人可以坐卡位，好舒服。店鋪采用自助形式，綠茶粉好香。想試茶碗蒸好耐，果然有驚喜，蛋好滑溜，味道剛剛好，仲有海鮮的鮮味，黎到仲好熱，小心燙親。原味卡達拉娜面果層有薄焦糖脆片 下層口感似慕絲 奶茶味好濃鬱天然藍鰭中吞拿魚腩 & 吞拿魚腩壽司兩者都肥美 有油脂香好鍾意食三文魚腩壽司、厚切三文魚壽司、炙燒芝士三文魚壽司，再encore左一次。

呢一次係新鋪新開張後第一次去試食，之前舊鋪嘅時候，都已經成日去食。所以依家重新開新鋪嘅時候，我就立即去試吓會唔會有分別。一開始都有啲驚訝，因為等待入去嘅時間竟然30分鐘之就可以入去食，可能係因為其他地區開多咗分店嘅原因，減少咗人流。不過都好嘅對於客人來講等候時間越小就會越留得住客人。一如以往我都叫咗壽司，松阪牛壽司，飛魚子壽司，厚切燒鯖魚壽司，鹽醋漬鯖魚，油甘魚。首先松阪牛壽司我覺得牛味比較重，就比較好食，不過就價錢上唔算太抵，因為得一嚿$27，個人認為唔算太值。飛魚子壽司基本上同出邊差唔多所以就呢度唔評論啦。厚切燒鯖魚壽司我認為比較好食肉質夠厚，有一種啖啖肉嘅感覺。所以我經常性會再叫多一碟。鹽醋鯖魚我覺得佢海水味比較重，有一種新鮮感覺。油甘魚口感上比較銀，可能令到我對於佢嘅評價一般般。此外我仲叫咗炸薯條，佢嘅薯條厚身外脆內面好林，而且即叫即炸新鮮。而且唔會落太多鹽份喺上面，所以個人認為好食推薦。舖頭清潔到上係比較乾淨清潔嘅感覺，因為可能係日本餐廳嘅原因，所以佢哋都好校注重清潔。

佐敦店重開後今日先第一次黎食🤣首先，唔知係唔係多咗分店，得位唔洗等咁耐，半個鍾左右就有位了。店員服務依舊唔錯，大家都好落力咁叫歡迎光臨😛食物方面，壽司郎的食物選擇很多，我在壽司郎必點既食物係油甘魚同埋炸薯條。油甘魚普遍keep到水準，炸薯條應該都是即炸出來，點Wasabi豉油都好夾😋如果係拖羅的話，我會先觀察當天回轉帶上的拖羅是否新鮮才選擇叫不叫😆而佐敦店雪糕機暫時壞壞哋，如果一心想去食雪糕嘅朋友仔可能暫時要考慮吓其他分店囉！

壽司郎佐敦店回歸啦🥳 新位置更加方便呀😝 店員仲好有禮貌添💛 壽司郎依舊大排長龍 所以我今次係趁佢開門嗰個時段嚟 感覺排隊排少咗鰻魚卷有三件細細舊嘅卷物😗 每件面頭都有片鰻魚 鍾意食鰻魚嘅朋友可能覺得唔夠喉🤣 所以我都有另外嗌碟鰻魚壽司牛油果炸蝦卷食咗咁多次壽司郎 我都係第一次嗌呢碟 入面有玉子 牛油果 同埋炸蝦 食落口都幾豐富 而且只係$12咋🍤牛奶味軟雪糕我每次食壽司郎都要叫牛奶味軟雪糕 重點係加綠茶粉😋 即刻變咗綠茶雪糕 唔知大家有冇試過呢🤨之前成日每個月都會食一次壽司郎 但係實在等太耐位啦 都係幾個月先食一次啦😚

對上一次食壽司郎已經係以年計，嗰陣嘅人龍未有咁多，自從愈嚟愈多人之後，唔喜歡排太耐隊嘅我都唔太敢再食，不過今次有人幫手拎定飛先，就有得再食了，開心❣️☺️其實壽司郎性價比有幾高應該唔洗我再多講🤣真係每款壽司都係咁高質，而家落完單之後勁快就上菜，每次去食日本嘢都儲鍾意試佢哋嘅茶碗蒸，壽司郎嘅茶碗蒸都係冇得輸❣️仲有吞拿魚腩又係必食之選😋唯一美中不足係今次唔記得留肚食壽司郎世一卡塔拉娜🤤，下次一定要食❣️

📸 #壽司郎5月新餐單有芫茜！芫茜黨員要出動啦咁啱去到無人排隊 即刻坐低試試🍴赤蝦加上XO醬(?)同一條芫茜😂Errr個人覺得無咩特別個醬有濃濃既瑤柱味🍴炸水牛芝士上枱仲熱 應該係即叫即炸雖然得三條 但食曬都幾膩夠熱可以拉芝🤪🤪🤪🤪🍴海膽壽司一上枱 嘩 咁黑既有種好唔新鮮嘅感覺食落仲恐怖 個陣腥味濃到要即刻飲茶沖淡 每次食壽司郎都覺得真係好睇分店你地又中意食邊間分店呢？留言話我知🥰#wwh食勻尖沙咀✨

壽司郎經常要大排長龍就不在話下啦😂 今次難得嚟到食頭輪 唔使排隊就有啲雅興食吓甜品🍮 今次食咗兩款芭菲 朱古力香莓芭菲🍫 抹茶蕨餅芭菲🍵 朱古力香莓芭菲整體味道幾好 冰凍咗嘅莓初時食落口都幾好 可惜啲莓好酸😣 另外可能係因為做特價嘅關係 一上碟嘅時候賣相已經溶溶地😕 令人有啲失望🙍🏻‍♂️抹茶蕨餅芭菲呢個係第一次食 好有驚喜 因為雪糕入面仲有抹茶朱古力 喺雪糕入面變咗脆皮🤪 另外抹茶味道整體較易入口 🍵 面頭仲有缺餅同埋紅豆蓉 令味道多啲層次

Sushiro HK 香港壽司郎Walk-in排隊平均1-2小時比較耐自助式點餐，到餐，位置亦十分舒服寬敞牛肉烏冬份量適中蝦壽司鮮味十足鰻魚壽司每次必點侍應服務亦十分良好！價錢親民，性價比高

想去「壽司郎」吃壽司已有一段時間，但礙於經常要排長龍，一直沒有試過。難得今天（平日）跟先生出開佐敦，巧遇「壽司郎」，又不多人排隊，總算一嘗心願：終於可以吃到了。「壽司郎」的食物款式多樣化，可點的素食食物也不少，感覺真以為自己去了日本一樣。兩個人，點了二十款東西以上，埋單也只不過$360左右。抵食又好味！讚！

搬到去呢個舖位，第一次幫襯外賣。外賣的味道屬一般，壽司飯做得太軟，或者食壽司都係堂食好味啲。外賣收銀員和服務的同事都好nice, 買外賣時，tick 係一張過底紙上，好小見，佢地既外賣包得都唔錯

呢個疫情好耐都冇出去食野🤓壽司郎是我首選之一👍🏻因為太耐冇食啦，唔知你地中唔中意食呢🍴等我分享下今次食壽司的體驗，唔知有冇你中意食既野呢🍣🍤🪄食物方面：有幾種不同的壽司🍣 本人覺得食物都唔錯既，壽司飯很黏 不會一夾就散和食材也很新鮮（可以參考圖片）還記得有人推介旗艦壽司（有少許辣和綠色既葉）✨最想推介甜品：千層蛋糕🍰雖然係原味，一開始我都驚唔好食，佢今次個蛋糕🍰唔會太甜 d cream都好適中 都會有好多層 而層次分明✨另一個係蜜瓜味雪糕，薄荷綠色真係好靚😍味道真係好好味😋濃厚既蜜瓜香味 好軟錦綿既雪糕👍🏻👍🏻 你地會唔會覺得整個都可以食呢？（悄悄地講 個個係一個裝飾物唔食得架，但係可以拎黎照相既）🪄環境方面：感覺通爽和乾淨而且服務生都很友善，而且環境都唔錯，是卡位的間隔，都算有少少私人空間🪄等候時間：我覺得時間有點長 本人等左1.5小時 （今次我蠢左，各位可以搵人預先拎位，避免等太長）p.s. 希望你地睇得明我寫咩和照相功夫有點差（已經盡左力）請見諒#hkig#foodiehk#foodiegram#hkfoodblogger#foodiegraphy

呢間分店開咗無耐，所以人龍唔算太誇張，個日我地等咗一個鐘左右就有位，仲要好好彩係卡位💺.壽司🍣刺身新鮮而且有返咁上下厚度，幾鍾意佢嘅壽司飯，有黏性唔易散。我地白子、鮟鱇魚、長鰭吞拿魚、生拌吞拿魚、松葉蟹軍艦… 咩都嗌咗啲，食放題咁🤤.炸物🍤炸物非常出色，炸漿薄身又香脆，熱辣辣上碟。激推珍寶魷魚天婦羅🦑，我地encore咗次，魷魚厚肉又唔會靭，表皮好脆，超正😍仲有雞軟骨都好食，唔會太硬。.小食日式焦糖蕃薯🍠上到黎凍凍地，表層甜甜地，食落幾得意，如果係熱食就仲正.抹茶蕨餅芭菲🍵🍨無論幾飽都好，一定都會嗌個雪糕芭菲食下，雪糕creamy，而紅豆又唔會太甜，加埋脆脆食，口感豐富

喺唔同分店都食過，之前佐敦食過幾好食，搬咗後依加新店係佐敦薈。12:00拎飛都要等到2個半鐘頭，下次唔星期日食喇🤣原來限時食得一小時！依加冇夜晚堂食，2:00幾已經見截walk in 客，所以要留意唔好白行一趟啊！😉哩間分店刺身都算厚身，我覺最正係油甘魚、醬燒特選大吞拿魚腩、 醬燒日本產帆立貝、極上海膽海苔包、茶碗蒸！不過今次炸物我覺得唔係太脆同唔夠熱，普普通通啦！我地總共食咗27碟🤣都已經好飽🤪