壽司淳

營業中

休息中

今次慶功宴來到灣仔覓食，訂了這間位置不太顯眼，但似乎呼聲很高的Sushi Jun。我們一行13人包了壽司吧位置，壽司師傅頗風趣搞笑，所以當晚氣氛很不錯(當然酒精都很重要  sake好飲btw)。全晚大概吃了有16-18道菜，大家都差d食唔晒捧住肚走。冷盤有魚及貝類sashimi，壽司一般有toro、和牛等。不像其他omakase，當晚我們大概只有大約2-3件壽司，其他都是刺身，對不太吃碳水化合物的人來說性價比相當高。當中一定要提及的是那一塊Kama-toro，脂肪極為豐厚的部位帶有雲石般的花紋，而且每條魚只有一小部分Kama-toro，十分珍貴而且真正做到入口即化，是我當晚最愛的一道菜。另一道性價比很高的是海膽杯，海膽非常新鮮，師傳亦很大方所以份量很足。師傅特意解釋了他們用的紫菜比外面的餐廳貴很多，所以放很長時間都不會軟掉，口感很爽脆，用來包海膽食一流。整體來說，當晚所有菜式都很值得一試，令人想一食再食的Omakase!

多謝老闆請食好嘢🥰🥰🥰是晚主理的是知識高，技術高，刀功高又幽默的生師傅，過左愉快又滿足的一晚😋每一道端上的菜式，都讓每個細胞發出歡欣的吶喊聲😍生師傅沿途介紹不同的時令食材，做法和食法，有d食材都好刁鑽，其他地方很少有，每一道，包括前菜和湯，都由新鮮食材用心制作，我唔劇透太多，留待各位親身體驗師傅們的表演和講解😊今晚的時令食材有右口魚，無打錯字，係右口魚，蠔，綠色蝦籽的牡丹蝦 + 白蝦，有個冬日孖寶鱈魚白子+ 鮟康魚肝，11月可以吃到的香箱蟹，針魚，半熟的喜次魚kinki，新鮮的秋刀魚，深海池魚，寒鰤(冬天捉的10嵗以上的油甘魚)，當然還不少得招牌菜油而不膩的吞拿魚手卷👍👍👍P.S. 漬物和前菜都超讚的今晚師傅還比我哋試左用柚子皮和醋的自家制淺漬蘿蔔，非常醒胃消滯👍👍👍

期待咗好耐嘅一餐!! 因為自己之前唔爭氣咁病咗成個禮拜搞到要延期食😷 對同食嘅朋友非常抱歉🙇🏻‍♀️ 滿心歡喜咁嚟到, 因為預早book咗枱, 餐廳預留左一入門口第一張六人枱俾我地, 入面就係壽司吧枱, 可以睇住師傅一路整一路食 🍣 環境唔錯的, 我哋同隔離張枱嘅距離尚算寬倘😬我哋四個都叫咗lunch set (12件壽司), $480 先嚟沙律, 賣相同味道都唔錯, 幾開胃嘅, 其中有個東東外型有啲似無花果開始嚟第一round嘅壽司 第二輪嘅壽司出場, 海膽都出場喇第二輪嘅比較好食侍應有逐件壽司介紹嘅, 不過冇即時寫低, 唔記得喇😅 總括嚟講啲魚都係新鮮, 不過可能期望太高, 食過之後又覺得不外如是, 午市同晚市都難以比較嘅。有機會都想試吓佢嘅晚市Omakase, 可能師傅手藝會比午市出色😉

一間不少常去高級壽司店的朋友都推介的店子。位於灣仔某商廈整層，空間寬敞，午市亦有超過10席以上的空位，Walk in客亦不少。這天打算試試各食評家推介的午市Omakase，奈何魚料不足，較新鮮食材要留給晚市，點了店家推薦的12件壽司套餐。今天壽司如下，星者佳：鮃金目鯛劍魚赤貝帆立貝縞鰺筋子鯖*白蝦炙赤鯥*海膽*炙拖羅*頭幾道壽司都用上相近調味手法，單試一兩件其實不俗，但連續數道相同的調味則十分考驗魚料品質。鮃及縞鰺魚是新鮮的，但作為白身魚味略淡。金目鯛沒魚皮亦沒炙，放在其他白身魚之中，但用上同樣調味方式，便變得單調。還好劍魚本身味較濃，總算起了點味覺上的變化。其實如果金目鯛或縞鰺質素更佳，則問題不大。但魚料品質不是最佳時，調味便可能要多花心思。赤貝還好，帆立不鮮，筋子不行，不詳述。鯖魚比相象中好，師傅放了薑但我拔掉也不會腥，難得。白蝦調味不行，本身亦不夠鮮甜，應是已處理了一段時間。炙赤鯥跟拖羅油香十足，魚味香濃，典型處理手法，很好。特別是赤鯥上那少許像芥辣的調味，恰到好處。海膽是軍艦，但上面放山葵。聽朋友說之前是放鹽的，不知怎的變了山葵，嚴重影響賣相跟味道。不過海膽品質是不錯的，份量亦

我其中一間喜愛既壽司店，雖然食評不多，但喜歡食Omakase既朋友都會去過呢間店lunch Omakase 係必食，但今次2點去，遲了少少walk in, 壽司師傅話做唔到Omakase 俾我地，因為有些貴價食材不太足夠，唔想敷衍我地俾其他不太貴價食材當做Omakase, 叫我地點lunch set, 師傅話唔想為賺錢埋沒良心lunch set $580，12件壽司，雖然是lunch set 但亦沒有降低食物質數， 每道壽司都很新鮮, 下次一定要早點來食Omakase

今次寫寫去年冬天的一次午餐，$480 十二件，找了勝師傅。真鯛鮃縞鯵帆立貝牡丹蝦加蝦膏中トロ鰤魚油坊主喉黒鯖魚炙り縁側北海道馬糞雲丹日本可食用的鯛魚極多，如果只寫一個"鯛"字既，通常就指真鯛。真鯛又叫赤鯛，因為經常食蝦類等獲得大量蝦紅素，皮膚中呈紅色。古代的日本人十分崇拜鯛，除了其代表喜慶之外，古代人味蕾吃得岀淡味的鯛中所獨有之甘甜，而現代人更喜愛鮪魚等重味的赤身魚，所以鯛魚早已經淡岀鮨界十大。左口魚不錯👍🏻師傅用的是赤醋飯，舍利溫度偏低，握飯亦時有飯粒掉下。雖然這片縞鯵是新鮮的，但師傅手勢亦非常重要。帶子加松露醬，鮮度免強合格，松露醬味略有點重。Aburabouzu(油坊主)是十分高級的深海魚，脂肪含量多達40%，被人叫高級石斑，入口即瀜，不錯吃。師傅用手將蝦頭拔岀，將蝦身浸在凍水一會令蝦肉更鮮甜同更有彈性的同時，把蝦頭的精華全數拎岀放入大碗，加上蔥、醬油等調味料之後搞匀。最後用火槍輕燒再淋上蝦身。今日的蝦肉合格，燒過的蝦膏亦香口濃郁，不錯吃！鰤魚又名岀世魚，成長不同階段有不同名，其中少年時叫油甘魚大家一定都識。而叫得鰤魚即是成年而且野生的。鰤魚夏天由日本南方向北游，冬天去到日本漁業

Thanks so much for our dearest pretty for this amazing dinner. It was our first timer! But have to say the whole night of performance is very very satisfying. Creative food and very nice atmosphere for the best group of people ! A few dishes of tonight is very impressive and I have never eaten in my life! One very awesome experience !

午餐時間都比較多人，分了兩邊壽司吧枱，吧枱坐位不是太少共有約二十個左右，選擇了12件壽司做午餐，師傳很熱心介紹每件壽司食材，而且食材都幾新鮮，當天有幾款我平時不太常吃到的食材（例如右口魚及八角魚）。壽司每件份量剛好，是性價比高的午餐。餐廳員工會不停加茶，服務亦有禮。

午餐選擇480十二件壽司，林師父精心挑選食材，細心預備每一件壽司，配搭出色，火炙的吞拿魚腩、海鰻、銀雪魚特別香口，餐廳好快客滿，十二點到仲可以欣賞林師父細心製作，不過旁邊遲來的熟客更幸運，他們的魚生更大片😂

剝皮魚🐟一直想釣到的魚種。這裡有剝皮魚刺身，火炙剝皮魚邊以及剝皮魚肝。刺身夾魚肝再點自家製酸麵鼓，整個配搭很不錯。魚肝除了有點綴作用，酸麵鼓更豐富了整個味道。而火炙魚邊亦是高質享受，有厚度之餘，魚油在口腔遊走。非常滋味。官城縣的蠔🇯🇵師傅見我看著另一邊的生蠔，便我問是否喜歡吃生蠔。我馬上就心心眼說非常喜歡。師傅就馬上為我送來這隻蠔。很少吃到這麼大的日本蠔，這隻大隻得來有淡淡的鮮甜，還保留海水的味道。現在想起都彷彿嗅到鮮蠔味。縞蝦與白蝦的配搭🦐縞蝦甜且充滿蝦鮮味，白蝦亦不過不失，味道稍淡。但都是前菜之選。🤪吃完刺身，師傅幫我們把蝦頭拿去炸。極之香口，非常滿足的蝦滋味。香箱蟹🦀剛坐下就見到師傅有準備香箱蟹，本打算要再次吃大閘蟹的我，立刻打消了念頭。首先吃這個蟹肉配蟹膏蟹籽，每口蟹肉都吃到蟹膏蟹籽，蟹肉香甜，蟹膏濃味。完全滿足了吃蟹的慾望。然後再吃蟹膏豆腐加三文魚子。豆腐的蟹膏味調較得剛好，不會過濃，加上鮮甜的三文魚子。兩者襯托得非常好，做到甜品的作用。記得吃完前菜後，師傳就準備了這個炙燒的鰤魚下腩給我們。鰤魚的下腩是充滿脂肪的，所以非常適合做炙燒。師傅一邊燒一邊跟我們說這是幫魚兒消脂，然後

朋友仔約左我地嚟食飯打呢篇食評諗返起已經好回味當日食嘅嘢！生蠔大大隻，好肥美！🤤🤤🤤半殼海膽😭😭😭呢個海膽真係超超超超超超鮮甜！係好甜！好好味！😭😭😭大愛！❤️灸燒安康魚肝，師傅係我地面前燒，啲魚油香到不得了！！！入口即溶，成個口都係油香味！👍🏼👍🏼👍🏼師傅話呢個香箱蟹，係冬天先有得食☺️☺️☺️一蟹三食，蟹籽、蟹膏、蟹肉，樣樣都好出色好鮮甜😭蟹膏真係不得了！重點係有人拆埋肉俾你食，嘻嘻😝呢個蝦又係！超甜！同埋仲要連住啲蝦籽！粒粒都大大粒卜卜脆😍今晚嘅第二份海膽！🤤🤤🤤🤤🤤yum yum!但個人都係覺得第一份鮮甜啲🥰最後呢個吞拿魚油手卷！！！！！呀！超超超超超超超超超香！師傅吉住塊吞拿魚皮，燒晒啲油落啲飯度，啲飯再加埋吞拿魚蓉，真係好好味！！！！！推介呀👍🏼👍🏼👍🏼👍🏼👍🏼

我食過5，6間唔同既omakase, 呢間都算最差。第一師父淨係掛住同熟客傾計，連介紹食物既基本資料都欠缺。第二對比同級既餐廳，食物既處理同味道明顯地差，而且數量來說比較小。第三海膽味道真的不太好味，我本人黎講唔鐘意佢地入既海膽。所以我覺得元朗既壽司源會更加抵食，夜晚係1200蚊一個人，味道同數量都更加多同好味，如果唔介意再貴d,其實食鮨文會更加好味，鮨文既白海膽係木完全無得輸！鮮味完勝而且海膽既味道會逗留係口腔好耐！絕對值得去！

經過同事介紹，去到灣仔食呢間日本嘢，本人一年都去好多次日本，並不只是去東京 shopping，而是去不同縣深度遊，差不多有一半嘅地域都踏足過，所以我是沒有任何期望去的，不過一去到坐低，師傅介紹食材，都是當天搭飛機離開日本，傍晚前到香港，新鮮到非常，確是令我喜出望外，北海道的栗米，極之甜美，兵庫縣的飯，香噴噴，仲有生蠔，海膽，壽司又好食到震，極好飲的saki ，再同老闆傾下日本經，一邊食，一邊飲，傾到唔捨得走，真係好似去咗日本D壽司舖，價格唔算便宜，但是值回票價，另外，我見到lunch menu，唔貴，可以一試。

轉到新公司工作快一個月，發現公司附近有一間鮨店一直想試試，發薪日又恰逢美女朋友約小弟吃午餐，就立馬訂位試試看有多"淳"第一次光顧就不用吃最好的，來個$268 八件壽司+卷物的午餐就好首先見到的是茶碗蒸和沙律，茶碗蒸味道不濃但滑溜，沙律加入了新鮮的無花果，健康醒胃師傅再送上四款不同的漬物：酸薑，山藥，炸菜，牛蒡四款都很可口，開胃，以炸菜為最左口魚新鮮，有淡淡的鮮甜味伊佐木上面放了點甜甜的黑木耳，令魚料的鮮味和魚油的香味更突出，又帶來了多一層的口感竹籤魚被師傅用刀功切得挺好看，再經火炙，被切開後的魚料斷面增加，這樣火炙使油脂的香味更為明顯鮮帆立貝加上酸橘汁，不是新鮮的配搭，但整體還是可以的深海池魚加上柚子皮，令其帶點清香，令濃重的魚料帶來一點清爽的感覺這真的忘了是甚麼，但是不錯吃的左口魚群邊，一貫的油脂豐富，配上柚子胡椒帶來一點辛辣味，挺有趣的吞拿魚，這是大拖羅近中拖羅的位置，帶有豐富的油脂，又有魚肉深邃而豐富的味道，配上一點蒜末，好吃!最驚喜的是最後的卷物，原本是有三件的，吃完一件才記得拍照，卷物裡面的是漬冬菇，咸咸甜甜的，但甜味比較突出，而口感爽滑，好吃得很，而蛋卷則不過不失

早在之前已經在這𥚃吃過一次中午的廚師發辦，食材質素未算是頂級但師傅和客人的互動，令大家在歡愉的氣氛下品嚐和欣賞食物，所以我們也隨即落實不如就定於這裡開年吧晚上的Omakase食物款式很多，不能盡錄與左右口魚邊同在一般左口魚邊已經令我回味，右口魚邊比較矜貴而且油份更香郁，今次左右口魚各自的邊同時間入口比較，口福真的不淺了把針魚切成麵線條狀，以吃冷麵的方式沾上冷麵汁，加上薑蓉，蔥𢇁，金箔，令淡口的每一條魚肉也能沾上，非常有心思的菜式未經醃漬的螢光魷魚，鮮味不用說，整體內臓的甘香沒有被掩蓋，難得成為當晚其中一道菜式鰹魚厚切，擺碟很有美感，看了很久才入口這是我的至愛，白子如何處理我都喜愛，而天婦羅製法就可以令一些不太接受白子點點腥的人更容易入口看似兩件素菜卷但一入口為什麼濃濃牛味撲出，原來內𥚃師傅全完是在玩食材花式鮑魚刺身其實就沒有甚麼驚喜，但配上了由內臟打混成的醬汁就提升了味覺的享受一般比較優質都可以説是北海道的馬糞海膽，味帶餘甘，今天的雖然不是，但原味鮮甜，由自己喜好決定是否配上紫菜還是青瓜