壹號餐廳

營業中

休息中

媽媽偷懶，今日唔煮晚飯。就一家人出去食飯，落去《壹號餐廳》叫小菜食，餐廳位於屯門青善街4號康景花園地下12-24號舖。餐廳入面乾淨企理，空間好大，光線充足，最重要座位好舒服。我哋叫左薑蔥桶蠔煲、椒鹽鮑魚、豉椒炒蜆和紅燒乳鴿。薑蔥桶蠔煲，原煲上的桶蠔，非常夠鑊氣，上菜仲聽到滋滋聲，有煙出的。煲料有大大隻蠔，雞髀菇，薑蔥，大廚將D料乾爆到好靚，好有色澤。蠔🦪非常生鮮，醬汁痴著啲蠔和雞脾菇非常惹味。椒鹽鮑魚，鮑魚連殻上碟，好生鮮，大廚在鮑魚面上介開一小格格，令佢更入味，用蔥油爆香再乾煎過的鮑魚好香，再係上面灑上乾蒜粒和辣椒，呢個鮑魚冇得頂呀！ 豉椒炒蜆，大大隻炒蜆，蜆肉吐沙吐得好乾淨，蜆肉非常鮮甜，用豉椒炒蜆好惹味😋紅燒乳鴿外皮燒到脆卜卜，撕開乳鴿果陣肉汁流出黎，見到嫩滑的乳鴿，未食已經流口水🤤啦！

餐廳泊車方便，鋪面裝修新穎，冷氣強勁座位舒適，同屋企人晚飯都會食呢間，我地一行三人嗌咗4樣小菜。菠蘿咕嚕肉：廚師手勢吾錯，咕嚕肉炸得剛剛好，粉漿吾會過多，佢仲留番個菠蘿頭做伴碟，第一次點呢個菜都會影相打卡。另外，叫左薑蔥霸王雞： 雞味濃郁肉質都幾滑，吾會太老或太韌，丫爸丫媽老人家都食到。豉汁蒸白鱔：都蒸得啱啱好，今次條魚好肥美，有種入口溶化感覺，不錯！椒鹽鮑魚：鮑魚好抵食大大隻，夠新鮮，灑上椒鹽勁惹味，佢調味落得啱啱好，吾會令到個餸太咸，鮑魚鮮味亦吾會被遮蓋，廚師拿捏得剛好，幾有水準㗎！

今日約佐啲舊同事入屯門聚舊，其中一位推介呢間壹號餐廳，我地就入去試下。肉方面我地叫佐菠蘿咕嚕肉🐷同埋薑蔥霸王雞🐥咕嚕肉炸到好香好脆，菠蘿又好甜，加上其他青椒紅椒果啲，滿滿酸甜汁，好開胃好正！霸王雞就好咸香，好多薑蔥好惹味，雞肉又好嫩滑，送飯定係就咁食都好正呀！呢度既海鮮都好吸引！我地叫佐椒鹽鮑魚🤩鮑魚大大隻，每隻都金黃香酥，面頭充滿炸蒜，咬落彈牙爽口，真係好出色好好味呀！另外豉汁蒸白鱔都好出色，白鱔份量唔少，用佐大量豉蒜去蒸，魚肉嫩滑，香濃唔腥，好鮮味！💙飲住啤酒食呢啲重口味既餸就岩晒啦！

琴日放假冇出街，同細佬落左樓下食呢間壹號餐廳食lunch，又幾好食喎😋👍蝦仁牛肉拼滑蛋飯 85分/100分牛肉好滑，滑蛋更係一流，個蛋勁滑，蝦仁都大大粒，好爽口，好食，個滑蛋配埋醬同飯係好夾，成個組合好正，全部野一齊係享受😋☺️👍咖喱雞扒飯  80分/100分咖哩味好濃郁，唔會太搶味，唔會太辣，啱啱好，又好多料，有薯仔、紅蘿蔔等等，啖啖都係料，雞排炸得超脆，唔會厚粉，咬落脆卜卜，配咖啡一流，送飯都好好食🤩😚

同啲朋友吹完水又到夜晚，大家都諗唔到食咩好，行過見到呢間壹號餐廳睇落環境企企理理又光猛，仲有啲小炒小菜添，費事諗就食呢間。 蜜椒薯仔牛柳粒嘅牛柳粒入口肉質細嫩又多汁，而且油花比例岩岩好，薯仔軟糯口感，加埋甜甜地嘅蜜椒，好好味🤤呢個椒鹽三蔬原來有三種唔同嘅蔬菜，分別係茄子、花生苗同洋蔥圈。三款味道都好好，加咗椒鹽，令到味道更加鹹香，紅燒乳鴿外皮鬆脆肉質鮮嫩，乳鴿嘅味道好香，非常有水準。最後埋單都唔係太貴，員工啲服務態度都幾好，估唔到都幾好食，下次可以再encore食呢間😆

一起身落樓同老公嘆一下我地御用嘅飯堂  我點咗牛角酥火腿炒蛋🍳同特濃沙嗲牛肉公仔麵🍜濃濃的沙爹湯底汁  配上爆炒過嘅洋蔥及大大片嘅鮮牛肉  作為沙嗲牛面嘅忠粉  我要比十個like 👍🏾牛角酥好新鮮好重牛油香  個蛋炒得好滑好香。老公點了蕃茄濃湯通心粉🍅講真我未見過有餐廳會甘重手落哂原個嘅大蕃茄落去  非常真材實料  所以都會清埋個湯底佢  so fresh and so real   之後我地再追加左份雞翼漢堡扒  雞翼煎得吾錯，金黃色好好味  同埋呢度嘅漢堡扒仲好大片tim   飲埋杯招牌熱奶茶  佢茶膽整得幾好好重茶香  朝早飲完真係幾醒神Such a refresh and good morning  我係幾enjoy 黎呢間悠悠閒享受早餐的🌞

今晚係男朋友屋企瞓，唔想去咁遠就求其係屋企附近食個晚飯，今次就去左呢間壹號餐廳。薑蔥霸王雞勁出色，入口雞肉好滑，一啲都唔會乾，加上薑蔥味都好出😋椒鹽三蔬入面有茄子、花生苗同洋蔥圈，炸完之後口感爽脆，即使係蔬菜但炸完之後仍然保持一定嘅乾爽度，唔會成口油！呢個好值得讚賞😋豉椒炒蜆都好鮮鮮甜甜，粒粒都係超大粒既，豉椒汁好香阿，送飯簡直係一流阿☺️😚西蘭花魚柳個賣相係靚仔吸引既，有幾款唔同既顏色，見到都已經好想食嫁啦，西蘭花🥦新鮮翠綠，魚柳不過不失！食到我地勁飽，本身仲諗住食個頹飯，點知呢啲平民餐廳啲水準都唔差🤤下次可以再嚟食😆唔洗成日諗食乜！

星期六同男朋友出街食飯拍拖，我地好鍾意食香港既茶餐廳🤣🤣茶記fans😂😂然後我地係openrice search到呢間茶餐廳，諗住入來試下😋👍🏻加上職員都好熱情服務，手腳好快，整體服務同食物質素都好好👍🏻👍🏻我地食咗椒鹽三蔬，有茄子，花生苗同埋洋蔥圈。配搭有趣😂通常食椒鹽都係配海鮮或者肉類，今次椒鹽配茄子，蔬菜係一個新口味🤤👍🏻有趣，而且好食👍🏻👍🏻真係不錯！茄子都炸得好脆花生苗🥜好香噴噴🤤🤤洋蔥圈🧅都好鮮甜！👍🏻👍🏻椒鹽味都好惹味❤️‍🔥❤️‍🔥真心推介👍🏻👍🏻而且價錢都好貼地💛💛加上薑蔥霸王雞都好正，雞味好夠，薑蔥味都好出，雞肉好滑🤤🤤西蘭花魚柳🥦都非常不錯😌本身好鍾意食西蘭花，除咗健康之餘西蘭花都好鮮甜，綠油油睇落好新鮮好fresh，好精神🤣😋魚柳好滑好香，魚柳汁都好食👍🏻👍🏻豉椒炒蜆更加惹味！❤️‍🔥❤️‍🔥❤️‍🔥😍😍😍豉椒爆炒已經好香好惹味，蜆肉都大大粒，又少油👍🏻👍🏻正到爆😍😍❤️‍🔥

琴晚屋企人冇煮飯，就一齊黎左呢間壹號餐廳食晚餐，叫左幾個小菜食，都幾好食🤭🤩椒鹽鮮魷鮮魷炸得好脆，咬落脆卜卜，又唔會厚粉，魷魚好彈牙，好鮮，外脆內軟，椒鹽味都好夠重，食落好香口，越食越好食👍😁🤩蜜椒薯仔牛柳粒呢個勁係好好食，送飯一流，好香蜜汁味，薯仔炸得好香口，配埋牛肉既香味，好香口，每一啖都好濃郁，牛肉都好滑，好重牛肉味，正😋🤩🤩豉椒炒蜆炒蜆都好鮮，粒粒都好甜，又大粒，豉椒汁都好食，又唔會太咸，啱啱好，配飯更加好食☺️😚

今次黎到屯門呢間壹號餐廳，呢度門口已經寫佐有精美小菜，真係無寫錯呀，呢度既小菜好出色，完全無令人失望呀！豉椒炒蜆👀炒蜆好大隻好鮮味，完全無沙又無雪味，完全係新鮮架！豉椒好多，仲有青椒紅椒調味，成碟都好惹味，超級好味！紅燒乳鴿🐦乳鴿都唔細隻，原隻乳鴿燒到香脆，一咬落去啲皮卜卜脆，乳鴿好多肉汁，肉汁鎖晒係啲肉入面，啲肉又嫩，超級正！菠蘿咕嚕肉🐽豬肉炸到好鬆脆，但入面啲肉又好嫩喎，仲好有肉汁，菠蘿超甜，青椒紅椒洋蔥都好新鮮，每一樣食材都充滿酸甜汁，超級開胃好味！食佐咁多野緊係要飲番啲茶消滯，叫佐兩枝紅茶花伝黎飲，解渴好飲，正呀！

同朋友簡單食個lunch，就去左壹號餐廳食個快餐。餐廳環境闊落坐得舒適，店員態度有禮😄食物款式都算多👏🏻最後我地就叫左蝦仁牛肉拼滑蛋飯同吉列豬扒飯。蝦仁牛肉拼滑蛋飯🐮呢個蝦仁牛肉拼滑蛋飯絕對唔馬虎！雞蛋的軟滑程度岩岩好，滑蛋同牛肉的配搭十分完美。而且牛肉和蝦仁都非常嫩口，超好食🤪吉列豬扒飯🐷呢塊吉列豬扒肉質鬆軟而且較厚身，外皮炸至金黃色又香脆，米飯粒粒分明又煙韌，加埋特製醬汁，香口又惹味🤩呢間餐廳絕對會成為我嘅長期飯堂🤤👏🏻

今日同朋友一齊入咗屯門行山，行完山之後想搵茶餐廳坐低食小炒同埋飲啤酒傾吓計，有朋友之前嚟過呢間1號餐廳食飯，覺得佢嘅環境都幾好而且食物好大份。所以我哋就決定入嚟坐吓食飯同埋吹水。紅燒乳鴿朋友推介決定要叫嘅就係紅燒乳鴿，佢成隻好雜錦相，可以自己食到每一啖都係肉非常滿足，而且佢嘅愛情非常香脆，佢嘅肉質亦都好有味。薑蔥霸王雞呢個雞都好有驚喜，雞肉的肉質好嫩滑，仲有有薑蔥味。佢係連個雞頭都會上埋，擺盤都100分，仲加上有佢個甜豉油就滿分！椒鹽三蔬(茄子，花生苗，洋蔥圈)我哋最後快清左嘅野食就係呢個椒鹽三蔬，佢分別有茄子，花生苗和洋蔥圈。佢哋整得每份都係外脆內juicy！蜜椒薯仔牛柳粒依個係餸飯一流嘅菜，佢嘅味道係甜甜辣辣的，好香好惹味！牛柳粒嘅份量都叫多，一半一半，牛柳粒的肉質都嫩滑，而且好有味。XO醬豬扒炒公仔麵另外我哋有朋友想食公仔麵，佢哋有個全日餐牌，我哋叫左個XO醬豬扒炒公仔麵，呢個麵都好吸引，佢的豬扒又夠大塊！

今日同家姐入來Tuen Mun 探完婆婆就喺附近搵食，見招牌最光嘅呢間餐廳《壹號餐廳》，門面企企理理入面環境乾淨，侍應睇落斯斯文於是進去一試吧。招牌鮮茄焗豬扒飯9/10估吾到焗豬扒飯咁有水準，蛋炒飯粒粒分明吾會濕哂一pat 野，豬扒大大塊又爽口，蕃茄醬汁吾會太酸，好好食我俾9/10👍🏾因為個焗豬令我下次會想再來的衝動！肚餓嘅時候叫嘅話，包你捧住肚岀門口，份量好大食完塊豬扒都已經佔左你胃好多位。原條鰻魚滑蛋飯8.5/10朋友叫左這個飯，上枱嗰刻好驚喜，好長好大條嘅鰻魚，汁吾會太過甜做到岩岩好，加埋芝麻喺面好香，一啖滑蛋一啖飯好好味好滿足。呢個我比8.5/10分👍🏾

我地食咗西蘭花魚柳🥦大大粒西蘭花炒得好新鮮，睇落賣相唔錯西蘭花味道好食好香，魚柳都好可口，易入口👍🏻椒鹽三蔬有茄子，花生苗and洋蔥圈，口感特別，椒鹽好惹味，茄子多汁肥美🍆🤤😋好食！紅燒乳鴿都好正咯！！乳鴿肉好嫩滑可口，多汁肥美🤤🤤🤤好香，色香味俱全👍🏻👍🏻配埋雜果賓治一齊飲就perfect match啦！😍😍酸酸甜甜咁，好開胃！火喉十足，明火炒煎蒸等等手勢都好好，好熟練，味道入味，有懷舊feel🤤👍🏻😋依家好少餐廳可以再食到了☺️☺️加上職員服務都好好，好有禮貌，態度親切，笑容滿面，執檯速度好快，又好貼心，會幫我地refill水同紙巾👍🏻👍🏻整體都覺得很好，食得非常滿意！下次有機會帶埋其他親朋戚友過來食下先！有好嘢要happy share 啦嘛！🤣🤣

今日同朋友去左屯門食晚餐，我哋去左壹號餐廳，呢間餐廳有好多小炒，朋友試過都覺得很不錯的。我哋叫左4個小炒，每個的份量都好多，而且色彩鮮艷，都好開胃😛我哋叫左紅燒乳鴿，椒鹽三蔬(茄子，花生苗，洋蔥圈)，依2樣都係我至愛。乳鴿食落去好多肉，仲好夠調味👍🏻椒鹽三蔬都好特別，仲有茄子，花生苗，比較小見有椒鹽。茄子入面都仲好juicy，唔會好乾👍🏻蜜椒薯仔牛柳粒，西蘭花魚柳，依兩樣都係飯小偷，不知不覺會食左好多飯。依兩個小炒都好夠味，食得好惹味！