壹火鍋

營業中

休息中

以前讀書時期好鍾意去旺角兆萬中心食,放題邊爐樣樣有，地下會有一堆姐姐不停派傳單，而家已經見唔到呢個景象。壹火鍋食過起碼都三四次🤣呢個價錢呢個質素真係抵。最吸引就係鮑魚海鮮船，海鮮真係勁新鮮，種類又多，鮮飽魚、生蠔、扇貝、虎蝦、海蜆、蟶子、珊瑚蚌、龍躉魚片。望住啲蝦生猛到郁嚟郁去。食落有鮮甜味。。加錢任食牛，封門柳。牛小排。牛板腱。牛肩胛。和牛肉眼。牛粒，多款選擇任你揀。可以因應個人喜愛選擇，不同的油花。。最正係呢度嘅雞煲，仲可以refill，微辣香濃，兩個女仔食咗兩轉，好想繼續食，但點都要試吓其他嘢。

旺角嘅壹火鍋係一間港式火鍋放題店，走實而不華嘅路線，用料對得住個價錢有突，仲要突好多，性價比真係Max！晚市火鍋放題 $209/位（繁忙時段）星期日至四晚繁忙時段 (6:30-9:00pm) 入座都只係二百蚊，真係抵到爛！早鳥/宵夜時段再平多$30！頂級和牛拼盤 Free只要喺Social media share俾朋友仔，就可以獲贈和牛拼盤，當中嘅安格斯牛小排同埋SRF和牛肉眼堅係正！雪花肥牛肉味香郁，軟嫩又有油香，冇諗過$200嘅放題都可以有咁靚嘅牛，唔洗額外加錢，必須瘋狂encore！鮑魚海鮮船 $50/位是日海鮮包括鮑魚、虎蝦、蟶子、生蠔、海蜆、珊瑚蚌等！虎蝦、鮑魚勁生猛，上菜時仲係好有活力！蟶子超大隻，基本上齋計隻蟶子已經回本，係必須要追加嘅item！刺身 $50/位 無限追加港式邊爐又點少得刺身？多款刺身選擇，當中嘅甜蝦、三文魚、榮螺、仲有魷魚，都係必須encore！自助區部份火鍋食材、醬料、飲品、甜品就係自助形式！飲品包埋啤酒，雪糕有多款品味，正！

好耐冇同老友出嚟食飯，星期一四人行去咗旺角周圍逛，朋友提議去食麻辣火鍋，我自己就麻麻哋，因為怕辣，但係老婆好鍾意食辣，所以都頂硬上。睇餐牌見到有BB辣，所以要求大家陪我一齊試吓微辣嘅火鍋。餐牌仲見到有田雞同埋雞嘅鴛鴦打孖一齊上，都幾得意，一於試試。首先上個魚生拼盤，種類都有好多，擺設吸引，而且魚生夠新鮮，價錢都唔貴。雞煲燒到熱辣辣上枱，首先食我最鍾意嘅雞肉，雞肉味帶麻辣，顏色濃郁，但係雞肉嫩滑好Juicy，而田雞肉就好彈牙口感特別，煲底有薑同埋蒜頭，一齊夾埋食好惹味，連同麻辣混埋一齊味道非常豐富。雞嘅份量都好多，但係俾我哋好快脆就清晒，一啲都冇得剩! 食完麻辣田雞雞煲店員放上湯落去做火鍋底，首先上枱係火鍋海鮮拼盤，真係好大盤，啲蝦同埋鮑魚仲郁嚟郁去，賣相非常吸引，跟住再嚟多一大碟免費嘅和牛拼盤，只要share比朋友就可以送一盤。成張枱都擺滿晒食物，未試過食咁多唔同種類嘅食物，今次真係好滿足。蝦肉彈牙味甜，而蟶子就充滿麻辣味，鮑魚肉脆同麻辣火鍋湯配合都食到鮑魚鮮味，帶子同埋生𧐢就灼得啱啱好，口感嫩滑鮮甜，真係夠晒豪氣。龍躉魚片魚皮厚切就膠質豐富好好味。封門柳好有肉味，有咬口脆脆哋好得意，

天氣開始凍 相信大家打邊爐條癮都出緊嚟!🤪而家先知原來兆萬嘅放題真系平啲🤣雖然佢曾經有 “劣食之塔” 嘅稱號 但聽好多人都話而家已經改頭換面今次嚟到呢間壹火鍋 $179起任食兩個半鐘!多咗半個鐘即刻好似冇咁趕🤣 10點後入座仲比足三個鐘添 夜鬼可以諗諗!😂🔸雞煲.海鮮火鍋放題(5:00-6:00pm入座) $189.👍🏿中日鴛鴦鍋湯底可以揀要雞煲/中式湯底又或者好似史努比咁要中日鴛鴦鍋~分別要咗鮮蕃茄湯同埋沖繩昆布湯昆布湯就相對淡啲 但食得出有少少甜味而蕃茄湯就超級濃郁😳淥菜同菇類索晒啲湯真心幾正!而且幾抵讚嘅系佢哋加湯而唔系加水所以就算打到最後都唔怕冇味😚味道: 8/10👍🏿和牛拼盤入座之後每人會送一份 分別有…封門柳 比較瘦嘅部位 有牛肉味 但爸爸👨🏻就嫌佢少韌SRF和牛肉眼好嫩口! 肥少少 但都唔會話好油唔鍾意太肥嘅應該會鍾意極上牛板腱😚肉嫩而又唔會太多牛脂至於嚴選牛肩胛同安格斯牛小排就同和牛肉眼有幾分相似有牛肉味同油香 肉質都比較嫩😚味道: 7.5/10👍🏿鮑魚海鮮船 +$50鮑魚大隻夠新鮮 見到佢仲郁緊🤣食落都爽彈 但就爭咁啲甜味蠔就好正啦! 肥美creamy又juicy兩塊

火鍋放題 $179旺角壹火鍋的湯底選擇多不勝數！當中蕃茄湯底鮮美可口，蕃茄的自然酸甜味道為湯底增添了清新的口感，適合喜愛輕盈口味的食客😚。*此外，日式昆布湯是旺角壹火鍋的另一個特色湯底，昆布湯底清淡，卻擁有豐富的鮮味，讓火鍋的各種食材都能充分展現其原味🥰。*這裡的食材選擇也相當豐富，從新鮮的海鮮到各式肉類，再到新鮮的蔬菜和豆腐，每一樣都能感受到店家對品質的堅持。特別推薦他們一次性的和牛拼盤，肉質鮮嫩，脂肪分佈均勻，煮熟後在湯中釋放出濃郁的肉香。*追加海鮮+$50鮮蝦肉質彈牙，經過煮煉後更顯鮮甜。鮑魚肉質鮮嫩，口感滑順。收湯底的味道，提升整體的鮮🤤味。新鮮的蠔肉質肥厚，吃起來鮮甜可口，不僅營養豐富，還含有多種微量元素，讓人倍感滿足🥰。蟶子味道清甜。龍躉魚片魚肉細膩，口感滑順。帶子子肉質鮮嫩，經過短時間的加熱，能釋放出濃郁的海味。花甲肉質滑嫩，口感鮮爽😋！*刺身拼盤 +$50三文魚腩肉質鮮嫩，油脂豐富，口感滑溜。鯛魚肉質細膩，味道清淡玉子口感柔軟滑順，甜甜的🥰希靈魚肉質細膩且富含油脂馬刀貝肉質鮮嫩，口感爽滑！甜蝦鮮嫩，保持自然的甜味，口感滑溜。八爪魚肉質富有嚼勁，肉質爽脆😋*牛舌片也是必吃

琴晚臨時即興，同朋友仔試下呢間8:40我一個人嚟到先，喺門口有位坐可以等朋友到齊先入座。雖然限時兩個半鐘，但係我哋食咗兩個鐘就走了門口位的哥哥仔😜😜😜好有禮貌好細心等到8:58終於齊人入座了食物好新鮮 ，加$50海鮮船，隻蝦仲郁緊仲送咗碟靚牛，好鮮味係唔知道有得加錢食刺身朋友仔話下次encore再嚟每張枱都有USB插頭可以叉電話朋友真係電話冇電，即刻可以叉電今次嗌咗鴛鴦湯底，麻辣夠味唔錯豬骨湯底都好好味師兄哥哥都好醒目，會留意我哋嘅需要去加湯或者收配料碟

呢晚同老婆去旺角買嘢，之後去壹火鍋打邊爐。好抵食，埋單每人唔使三百蚊就食到鮑魚海鮮船同火鍋，食物種類多，唔使北上，本地一樣可以食到性價比高嘅餐飲😆。每人加$50已經可以任食刺身！海鮮船有鮮蝦、花甲、鮑魚、生蠔、龍躉魚片、大蜆、帆立貝。鮮蝦同九孔鮑魚仲係識郁嘅🫣，味道特別鮮美😋。極上牛拼盤有SRF和牛、極上牛板腱、手切封門柳、嚴選牛肩胛同埋安格斯牛小排。手切封門柳肉味濃，夠軟熟😋。牛展都好正。其他火鍋配料放咗喺自取區，蔬菜🥬亦好新鮮。各種台式同韓式飲品可以揀👍🏻

今日去左兆萬廣場搵食，見到16樓有間集雞煲，刺身，火鍋於一身既餐廳，忍唔住上去試吓！價錢10分相宜，$209一位，刺身就額外加$50。刺身拼盤種類繁多，可以邊食邊等雞煲煮熟，雞煲有八個口味，我哋揀咗麻辣海蝦雞煲，啲蝦有新鮮又大隻雞好嫩滑。另外我哋仲追加咗海鮮拼盤，蝦同鮑魚好生猛，上枱仲郁緊！另外有一份特選牛肉拼盤，有手切封門柳，和牛等等，另外仲可以用手機 order 食材同埋出去拎食材，超多種類選擇，食極都食唔晒！飲品同埋醬料都係出面無限量供應，10分抵食！最後仲有任食雪糕！為晚餐作完美終結

放工去咗食火鍋任食。我哋平日6:00入座，先$209一位。無限追加時段刺身$50/位，無限追加和牛$50/位。追加鮑魚海鮮船都只係$50/位。我哋叫咗椰子雞湯底。雞肉係另上嘅，個湯越煮越甜。估唔到刺身質素唔錯，三文魚腩好肥美。同埋好值得加$50無限追加和牛。安格斯牛小排同SRF和牛肉眼都好正。但我最推薦嘅都係海鮮船。真係活海鮮嚟，估唔到咁平都食到。同埋種類好豐富包括海蝦、鮑魚，連珊瑚蚌都有。自助區有唔少任食嘅火鍋配料同飲品，當然唔少得雪糕。仲可以用QR code落單嗌火鍋料。金錢牛展肉味濃郁，好值得試！

光顧晚膳時段，性價比非常高，佢哋嘅雞煲真係好好味，打邊爐嘅放題唔使加錢都有新鮮蝦及部份海鮮，之前嚟過都有特別價錢要一個海鮮拼盤，佢哋嘅鮑魚都係新鮮仲郁緊，好難想像只係加百零蚊，幾個朋友一齊share，但今次冇試到😅佢哋嘅第一轉嚟嘅牛肉都非常新鮮，有不同部位。落完單之後嘅上菜速度好快，仲經常幫我哋加湯，佢哋嘅服務態度每位職員都非常好，完全感覺到佢哋員工嘅服務質素充滿正面嘅態度👍🏻唯一嘅缺點，就係佢哋嘅梳化位由我第一次幫襯到而家都感覺到非常污糟，之前幾次嚟到都發覺啲梳化邊有小東西出來，所以都會叫一啲新朋友走嘅時候要留意清楚自己個袋有冇走咗入去😂，如果坐梳化以外嘅枱就冇呢個問題😎希望他們能夠多啲重視同埋改善。希望佢哋一直能夠繼續堅持經營，提供這些性價比高的火鍋放題☺️

今日放工同朋友仔打邊爐本身想食雞煲但又想食刺食+海鮮船太多野想食，唯有取捨一下 所以黎個椰子雞湯底先湯底椰子味濃郁，雞肉也滿多職員會定時加湯刺食拼盤好新鮮，三文魚肥美其他刺食都很出色，咬下去有fresh口感海鮮船重點來了‼️ 唔係間間放題都有這樣的海鮮船，而且新鮮到…蝦是識郁架😂誇張不過好鍾意🥰加少少錢有呢隻船真係好值得打邊爐的配料真係超多，在qr code度隨時加單，飲品也有多款選擇。醬料bar亦有多款丸/菜類取

想食雞煲又想打邊爐😌放工同同事去咗兆萬「壹火鍋」，人均只係二百零蚊，包雞煲、牛肉拼盤、火鍋同汽水啤酒任飲🍺我地先食咗個芝士雞煲，芝士加熱後可以拉絲添😋半溶嘅芝士配上香辣嘅雞煲，裏面嘅雞件先炸過後再爆炒，皮香肉嫩非常入味，入口啖啖肉絕不馬虎👍🏻食完雞煲就可以加湯打邊爐，店員會先送上牛肉拼盤，有SRF和牛肉眼、極上牛頸脊、手切封門柳、安格斯牛小排、嚴選牛肩胛，五款牛肉一樣咁高質，個人最喜歡和牛肉眼，肉質軟腍肉味濃郁，牛頸脊牛味就最濃，封門柳有咬口充滿肉汁😋呢個價錢任食火鍋仲包埋海鮮，有鮮蝦、大蜆、魷魚鬚、花膠仔、白鱔片、脆鯇片等，鮮蝦爽口彈牙，魷魚鬚脆卜卜，白鱔片爽脆鮮味，可以任食真係超正👍🏻自助區有多款火鍋配料，推介小籠包同海鴨蛋蝦丸🤩第一次用小籠包打邊爐，皮薄餡多，海鴨蛋蝦丸入面係流心鹹蛋黃黎架👍🏻另外仲有午餐肉、各種丸類、蔬菜、主食等，食飽飽食埋甜品就超滿足😆有雪糕同雪條，我一次過食咗四種味道，芒果、朱古力、海鹽、豆腐🍦📍壹火鍋 (旺角)旺角西洋菜南街1N號兆萬中心16樓人均消費：$230食物：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️回頭率：⭐️⭐️⭐️⭐️⭐️

行完街朋友上網見評價唔錯，就過黎試下餐廳環境企理乾淨，座位闊落$209 食足兩小時首先揀湯底，可以揀雞煲，雙拼中日式，鴛鴦鍋，或者特色火鍋今次要左冬瑤卜卜蜆湯底，每粒蜆都好鮮甜食完再加湯打邊爐以App 落單，外面有自取區，丸類蔬菜麵等等～仲有唔同嘅醬料，飲品，雪糕雪條鮑魚海鮮船 +＄50/位海鮮船亦都非常之抵有齊鮑魚、生蠔、帶子、貝類、鮮蝦d海鮮夠新鮮生猛刺身料理 +$50/位可無限追加八爪魚，鮑魚片 ，馬刀貝，榮螺片等等三文魚，甜蝦，非常鮮味牛肉拼盤，有和牛肉眼，安格斯牛小排，封門柳，牛肩胛，牛板腱等等任食黎講牛肉質素都唔錯，個人最愛牛小排肉味香，質感柔軟其他火鍋料都幾正路估唔到都幾有驚喜

今日真係食牛肉放題啲牛肉種類勁多 而且有牌寫住 唔驚食緊乜都唔知 首先係有極尚牛、封門牛柳呢兩配配合沙嗲湯 真係好似食緊沙嗲牛肉麵咁😂如果係想簿身啲既 就可以食和牛、安格斯牛呢兩隻我都好鍾意食追加牛肉 牛肉更加大碟真係變咗牛肉放題😂😂😂🤪 係食肉獸既天堂另外呢度嘅重點就係海鮮啲象拔蚌同埋蟶子都好新鮮仲有鮑魚 生蠔 魚塊冇諗過呢個價錢都可以有呢個質素嘅海鮮好新鮮跟住仲有刺身大路野全部都有晒 即叫即切出邊仲有其他配菜 但其實都已經飽到食唔到㗎啦所以淨係嗌咗魚皮 花膠 蝦膠淨係飲啤酒已經飲咗好多罐仲有其他嘅無酒精類飲品再加埋雪糕超級滿足呀

市區中心嘅火鍋店 海鮮同埋牛肉都應有盡有比我想像中更加豐富同埋抵食先食咗任食刺身 三文魚好肥美仲有鯛魚、甜蝦等等用冰上嘅 都幾新鮮主打招牌菜就海鮮二人份量有兩大隻生蠔 帶子 蟶子 蜆 四隻跳蹦蹦嘅蝦 鮑魚 象拔蚌食得出新鮮爽口呢個價錢真係冇得彈任食和牛極尚牛板腱 和牛 安格斯牛小排 係我最鍾意食兩個人都叫咗成大碟我哋嘅湯底叫咗沙嗲湯底同埋豬骨湯底嘅鴛鴦鍋將啲牛肉擺落去沙嗲鍋就好似變咗沙嗲牛肉咁樣出面仲可以有沙嗲醬double happy另外有大量嘢飲同埋雪糕個朱古力雲呢拿雪糕幾好味 見到人食咗勁多