壹柒零伍

營業中

休息中

呢間台色餐廳位於觀塘海濱走廊附近由牛頭角站行幾分鐘就到NEO大廈有得泊車平日來食早餐都幾多位 環境光猛舒適又有打卡位 Doot QR code 點餐後食物好快到秘製沙嗲安格斯牛肉公仔麵呢個同普通嘅沙嗲牛麵唔同 平時啲沙嗲牛係沙爹醬分開 佢嘅湯底已經有香濃嘅沙爹味別有滋味牛肉似打邊爐嘅牛肉片仲有幾條菜 感覺康健啲 (好似係) 香炒滑蛋 炒得very very滑 仲有少少蛋液流出嚟 奶油脆豬呢個脆豬真係 好！脆！ 奶油份量適中 絕對值得加四蚊轉脆豬 佢嘅牛油多士一樣好食非常香脆金牌奶茶:中規中矩

Accidentally drove by this shop before closing. Was looking for afternoon tea in the neighborhood where I could spend time by the seashore parkway. Attracted by the neon lights and how clean the shop was. People were super nice and took time to answer my questions. I picked the shop recommended items - oolong milk tea and omelette (minced pork and cheese)! Packaged well.Great tastes and texture.High quality ingredients.Do try. You won’t be disappointed.(Note this is my first ever OpenRice write

今日中午，去左觀塘牛頭角偉業街。見到好多人在門口等，位置也舒適，就入去試試。這是一間台式餐廳，有多款午餐提供給你選擇。價錢大約HK$56-$88。我們兩個人order了古早味滷肉台式香腸飯 及 豬軟骨飯，加個優惠小食椒鹽花枝丸。飲品order了凍檸茶 及 凍奶茶。 食物方面是中規中矩，沒什麼特別吸引的地方。賣相ok，味道ok，份量略少。未能有特別回味的台式感覺。😄花枝丸應該是台灣入口的質素，最好味！較為失望的就是兩柸飲品，完全沒有茶味，應該不是台式跟港式的不同。完全像飲水般的淡味！🤔希望可以改善一下！

行過都見多人買外賣，入嚟坐低試一試。一睇餐牌，有啲係台式拌飯、牛肉麵，有啲日式咖喱，有啲港式撈公仔麵 ... 所以同意樓下啲師兄講，呢間只係偽台式貴價茶餐廳。如果當佢係台灣料理，第一件事當然要試吓牛肉麵，見佢啱啱大字標題新登場椒麻半筋半肉麵，就叫嚟試試！碗麵一上枱，已經覺得唔對路，我要半筋半肉麵喎，點解有啲肥牛喺度？港式餐廳用肥牛呢樣嘢，通常都係要對沖成本，即係表面上好似俾啲牛你，其實好大量係脂肪嚟，即係你去打邊爐餐牌裏面最平嗰啲所謂精選美國牛肉，就係呢啲咁嘅肥牛。一見到啲肥牛，即刻睇返個餐牌嗰幅標明只供參考嘅圖片，係冇肥牛個㗎喎！雖然講明圖片只供參考，唔能夠話你違反商品說明條例，但就大大影響咗食客嘅心情囉！而且，牛筋嘅份量好少，大概等於佢幅相上面一條牛筋設切成三嚿，而今次碗麵總數只得四小嚿，點解要將啲牛筋換咗做肥牛？太過分！至於半筋半肉嘅部份，有兩條，尚算附合圖片。半筋半肉嘅肉質來講都算炆得夠腍，但又係唔會一咬即散，保留咗一啲咬勁，質感來講算唔錯。至於嗰啲肥牛，肥膏多過牛，不予置評！湯頭係好清澈嘅紅燒湯底，初初飲有少少覺得淡口，基本上唔辣，而麻嘅感覺要喺after taste先走出嚟

之前已幫襯過午餐，咖哩豬扒飯外賣返公司食，打開圓形外賣碗，味道可以，但感覺唔良好，豬扒碎上加兜亂.................... 今次比多次機會，試早餐， 蕃茄湯雞扒通粉轉公仔麵，蕃茄湯淡到冇味，雞扒都係冇味仲要極重雪味，今次冇碎上不過冇剪，麵 煮到好林......... 咖啡正常茶餐廳水準..........唔會再試，太差， 唯一可以環境坐得ok........................ 42蚊

適逢公司叫我哋唔好太多人返工咁今日咁啱呢就得三位同事咁組長就話不如出去食飯有間台灣野介紹鍾意食汁嘅我，組長推介左我食呢個和風牛肉飯唔錯吖真係幾多汁啲牛肉都好美味，洋蔥都幾多，like👍🏻貓貓同事同組長就食呢個鹽酥雞我食咗一嚿佢哋嘅鹽酥雞都唔錯吖不過我就自己比較鍾意食呢個和風牛肉多啲另外可以嗌豆漿飲我覺得好好呀😆好搞笑地我哋本來想掹開中間塊膠板先發現原來我哋入嚟嘅時候唔使填安心出行原來二人二人咁隔住，咁樣就唔使用安心出行好彩嗰塊係透明膠板，如果唔係三人食飯感覺就怪怪地😅

睇到入面裝修加台式餐牌會抱有好大希望店內乾乾淨淨星期六朝早無乜人坐得幾舒服叫左個蕃茄雞扒蛋新竹米粉無乜蕃茄味有d失望 （少許新鮮蕃茄)雞扒唔太juicy 少許鞋 唔入味蛋煎得幾靚仔整體份量都幾多都夠飽奶油豬唔算好脆練奶既比例都ok正正常常但唔特別難食但價錢set得有d唔公道好少可豆漿要另外加錢熱豆漿+3凍豆漿+6唔算好濃豆味 總體黎講價錢略貴食物真係好一般如果附近返工間唔中食一次都可以既但唔岩假日專登去食。

如果你問我無得飛最唔開心係咩？一定係美食咯！見公司附近開左間台灣野， 梗係要試下啦。第一次13/1 黎食lunch, lunch set 幾平。$52-62🌟蔥油撈麵配香煎特厚豬扒 $60首先， 蔥油撈麵個麵底係公仔麵黎。呢個已變左港式野。 同食緊茶記無分別。然後個豬扒都係好普通。。🌟皇牌鹽酥雞扒滷肉飯 $62呢個朋友叫既。 我冇試所以pass.第二次 26/1 為左個蛋餅黎試佢早餐。🌟五香肉丁配忌廉雞湯米粉 $38佢個米粉好糊 好吸水。食正尾我都棄粉了。。 脹哂咁。。炒蛋同多士係無問題的。🌟芝士肉鬆蛋餅配新東陽肉鬆 $35呢個都係其中一個早餐set 跟飲品。佢有寫住係台灣直送蛋餅皮。我地最期待呢一味， 可惜。。。唔ok lor... 無蛋味 無煎香個外皮，醬油膏過咸。。。 搞到件事怪怪的！錯哂呀。如果呢度係港式茶記 我覺得都還好， 茶記快食快走。 咁同區大把選擇！已畀左兩次機會喇。。厚度d 講， 我原諒佢新開張有改善空間。 但你問我會唔會再試咩？sorry 不了！

經過見到呢間新餐廳， 門口有啲打卡牆，又有霓虹燈🤪隔離仲有天仁，就入去試下啦~餐廳新開無耐，假期唔使等位，人唔多、坐得都算舒服🥳坐低見到台面仲有啲食物碎屑留低，衛生有待改進😕Lunch menu有啲台灣野，又夾雜啲日式同茶記野食，令到餐廳定位有少少奇怪😖😯1.招牌紅蔥油拌麵拼貢丸湯 ($52跟熱飲) 🌟2/5分賣相有少少頹😵差啲以為係屋面煮個麵淥條菜…個麵份量唔多，拳頭大少少，麵質正常😕味道非常清淡😢幾乎無味…但又比較油，因為佢真係得啲紅蔥油比你撈，咸都唔咸下🙄又唔夠香…唯一要讚既係條菜，幾清甜🥱貢丸湯似係味精雞湯，個味有啲怪🤮好在貢丸都不過不失咁~2.肉鬆蛋餅 ($33) 🌟1/5分好薄既蛋餅夾住少少肉鬆同超薄蛋皮，呢個價錢得4小舊唔抵食😣肉鬆唔香，比較咸，蛋皮太薄無咩存在感🤯面頭既醬油膏又係好咸☹️所以成個組合都好咸，唔好食…👎🏻3.招牌台式豬扒吐司 ($38) 🌟3/5分呢個算係最正常，個包烘得非常香脆👍🏻只可惜其實佢唔算吐司，只係好薄既嘉x三文治方包，無咩口感…😖入面有隻蛋同一塊薄豬扒，豬扒煎得幾香，不過有筋，有少少韌😣值得一讚既係個醬唔係普通沙津醬，仲有少少蜜蜂芥末，算特別🤪不

終於有機會去呢間新店試！今日做野做到嬲嬲地  諗住坐得好d! 早少少膽粗粗落去試吓（聽第二條team同事講食過要等好耐）  死就死 叫左個 午餐h 清燉牛腩麵  唔洗10分鐘有得食 好快wo~~''''麵質好彈牙幾過引！  個湯底真係有清燉既味道  主角牛腩半肥偏瘦 夠淋夠入味  重點係 份量好多特別既係 。。。。佢除左牛腩  仲有d類似靚肥牛既肉   2種食感唔會悶 叫果陣覺得 $88好似貴左d   但計番 份量 質數  仲有環境（落地玻璃望住出面 有feel)  又岩數wo總結 ： 會返轉頭再食！完 

近來附近開咗唔少 #新餐廳，間唔中轉下環境都係好事，不過呢「白老鼠」真係唔易做... 呢日 #首領 帶 #小秘書 嚟到 NEO，見pizza店人影都無隻，但係反而隔離間新餐廳 #壹柒零伍 就 #群情洶湧，睇怕啲食物都應該唔錯掛😙#餐廳 嘅 #收銀處 正正就係正門嘅旁邊，當時門口企滿一大堆等緊外賣嘅 #人客，正當飯市，我哋別無他選，唯有被迫安排坐喺人群堆嘅角落，四人枱中間只係用塊膠版間住，社交距離原來就係咁兒戲😅 餐牌上只有7款選擇，大部份都係 #炸物、#豬 嘅副產品 為主。點餐嘅時候，#侍應生 似乎唔太熟悉餐廳嘅運作，不過見佢都幾有禮貌，坦白得可愛問我哋咩叫 #茶走... 係咪 #咖啡 嚟㗎？🤪 哈哈哈... 咁我唯有順佢意，改要 #凍咖啡 啦😉 #首領 點咗個 #鹽酥雞扒滷肉飯，我就要個 #日式咖喱豬扒飯 做 #午餐🍚 #餐飲 好快就嚟到，首領杯 #凍檸茶 完全唔係佢要求嘅少少甜，而我杯凍咖啡就浠到奶水咁、加埋燶燶地嘅味道... no good🤨 主菜上枱嘅時候梗係烏龍百出，首領要求 #走滷肉 照上，我件 #炸豬扒 就變咗 #炸魚柳，同阿姐要求換返啦，佢居然問返我轉頭「唔啱食咩？」😅

等咗好耐， 綠景地下嘅台式餐廳終於都開業！ 牛頭角區終於又多一間食得過嘅餐廳！😌店舖都幾多位，就算坐滿晒人都唔會太嘈，旁邊仲會有啲window seat，如果要自己一個食lunch就可以坐window seat, 望住街景食飯，應覺唔會太lonely又chill！😎食物質素算中上，$60 左右有個main 加港式飲品，係呢區嚟講算超值。🤑味道個人覺得好味過 ‘x元’好多，唔會太濃味🥰 蔥油豬頸肉煎蛋飯豬頸肉肥瘦適中，煮得好入味😋皇牌鹽酥雞扒滷肉飯 （外賣冇影相）雞扒炸得好鬆脆，鹽酥味岩岩好，唔會太咸加埋滷肉個人覺得太肥膩😌古早味滷肉台式香腸飯台式香腸好味滷肉太肥1705 呢間餐廳係連住天仁茗茶嘅，但係唔可以加錢轉天仁茗茶飲品有啲可惜😝🤪Ps 如果想堂食要早啲去拎位！

1705港台味 - 餐廳位於牛頭角港鐵站向海旁方向步行5分鐘嘅食堂， 睇餐廳餐牌同裝修算係一間港台式食店，相連舖有埋天仁茗茶，同一個靚靚草，返工經過終於可以試了～ - 早餐點咗個芝士火腿蛋餅，蛋味夠濃，皮都夠晒煙韌，個豬油汁都好香，早餐輕食嚟講份量剛剛好。如果想飽就叫粉餐好D。我坐喺BAR枱望著街外人來人往，完美一天就由呢度1705開始！ 唔錯！ - 順手睇埋午餐有咩食，有滷肉鹽酥雞飯、蔥油蛋飯系列（隻蛋煎得好靚咁）同都幾豐富既全日早餐，見到個常餐沙爹牛D牛肉好似幾高質咁，下次一定會試下。- 價錢︰ E5 芝士火腿蛋餅：$35

今日經過嘅時候見到有間新開嘅店但見到中午好多人食就揀咗下午茶過黎試下食咗個常餐C味道真心幾唔錯個濃雞湯火腿公仔麵好正雞湯味好濃就係鹽咗少少仲有個奶油脆豬烤得好脆好好食而且佢個麵仲可以轉米粉，螺絲粉呢點幾好最重點係個份量仲好大奶油脆豬有兩塊餐肉都有兩片最後就係個蛋我轉咗煎蛋但我見人地隻炒蛋整得好正下次絕對會再黎試下大家可以黎試下最後就係想講下個環境服務岀餐都幾快手等唔夠10分鐘就有得食而設計較為簡潔但有兩個打卡點食完飯仲可以影下相真心唔錯👍🏻

返工嗰陣發現裝修左好耐嘅天仁終於開係附近返工嘅都知嗰頭其實唔係好多餐廳食黎食去都係嗰幾間有新嘢嘅我梗係要試試🥳今次新店係天仁新開嘅餐廳壹柒零伍餐廳專食台式野 隔離仲有喫茶趣可以買返杯奶紅或者珍奶飲-🌟A餐 皇牌鹽酥雞扒滷肉飯（$62）雞扒份量十足🤩而且嗰炸皮夠晒酥 真正皮脆肉嫩滷肉真係用有皮豬腩整 滷得好入味餸飯一流而且食落去完全冇肥豬肉嘅油膩感😋配菜亦落足心思 有用蒜茸一齊炒過唯一美中不足嘅係滷肉太少同埋可能我重口味 啲雞夠晒酥但唔係好夠蒜鹽-🌟D餐 蔥油豬頸肉煎蛋飯（$58）比起滷肉飯 依個份量比較細我比較細食所以份量啱啱好不過勝在嗰蔥油真係超！級！香！嗰飯一上枱已經聞到好香蔥味豬頸肉燒得好香 仲有少少燶邊夠晒香口加埋太陽蛋嘅蛋漿撈飯真係好滿足-套餐除咗有普通咖啡或茶之外仲可以+$12配特飲依家新開冇幾耐仲未有得配不過店員話遲啲會有芋圓之類可以揀期待佢遲啲有埋特飲可以食嗰台式全餐😋-新開張所以店員都未係好習慣不過水吧真係幾熟手好快有野飲食lunch嗰日12點3左右落單12點半就有得食見到當日外賣多到收錢條隊愈來愈長連埋單都收唔切錢好在店員都幾醒目開多條隊專收錢就快好多期待之後會做得