壹柒零伍

營業中

休息中

68蚊的紅酒牛肉飯午餐只有幾舊碎牛肉 除份量少 牛肉仲要勁硬 個汁好水 完全唔知自己食左啲乜落肚而68蚊都唔係平 收得呢個價會對個飯有多啲期望 但真係好差可能做獨市唔憂做 真心唔推薦

中午時間同同事一齊嚟呢度食台灣嘢。見到餐牌上面好多性價比高嘅台式食品，選擇好多心花怒放。正當決定唔到食咩嘅時候同事就話不如試吓呢個藥膳雞。因為期間限定，過咗就冇㗎啦！我揀咗養生藥膳雞湯，搭配加上寬面。雞湯入邊第一啖食落去就已經有濃郁嘅藥膳雞味道，十分之補。有蟲草花、紅棗，雞肉都比較鮮嫩。偷偷地食咗同事個碗一啖，佢叫咗個上品黑芝麻雞湯，黑芝麻味真係好重，好好飲。我哋跟餐叫埋佢飲品，啲飲品都可以微調口味，正常發揮！之後再加咗$15有花枝丸，同事就叫咗甜品小食。

今日lunch hour同同事去呢間餐廳食飯，其中一個同事食齋嘅，佢話可以食到外賣餐牌嘅黑松露意粉，入到餐廳坐，午餐餐單同埋煮餐牌都冇淨黑松露意粉，然後就問餐廳可唔可以用一個貴啲嘅價錢去食外賣餐單？初頭餐廳都話唔可以，但後尾佢俾我哋喺餐廳叫一個連鹽酥雞嘅黑松露意粉，佢會專登幫我哋分碟上，喺忙碌嘅午餐時段，都依然可以有呢個服務，實在令人滿意，食物嘅味道都唔錯，對得住佢嘅價錢，外賣餐牌唔使$50，下次要試吓。

我諗牛頭角真係冇乜餐廳選擇，所以咁嘅質素都可以收$90 飯一嚿嚿同埋唔熱 鰻魚好腥 啲肉係好韌😔 懷疑嗰個唔係鰻魚嚟嘅個奶茶OK 服務員好爽手。最好食係個炒蛋😔話雖如此，但係勁多人入嚟又外賣又堂食

叫左個猪扒飯，黎左碗飯後，望兩望好似差左樣野咁， 咁睇吓佢張菜單啦，係wor漏咗酸菜， 問吓啲服務員先！ 問左 答左我幾隻字(呢張圖黎啫 冇酸菜)？笑左 啫係我叫果樣野唔會係果樣野？ 好。。。咁我又再問吓其他服務員人又答我(圖片只供參考)

外賣叫左個台式蔥油雞肉飯，質素奇差首先，飯係半生熟嘅 一d硬一d軟 又濕所謂嘅蔥油雞肉係手撕雞上面有少許乾蔥，手撕雞又柴又乾，比家貓食嘅仲好過佢⋯終於明白點解lunch time 堂食咁唔爆 幾時都有位🙂

今日同事話想試新野，無問題啊，只要你諗到就得😂反正附近既餐廳都幾乎食過哂，試新野都唔錯啊，可能會發掘到好食既餐廳呢🤔.我哋十二點半到已經好多人，可能綠景呢邊真係無乜餐廳，最後等到一點先有位，外賣自取價錢平啲，如果唔想等位外賣自取都係一個好選擇。.皇牌鹽酥雞扒滷肉飯 $62整體份量都幾大份，雞扒炸得唔夠脆，滷肉煮得夠淋但就偏肥，味道就比較偏港式.古早味滷肉拼台式香腸飯 $56我叫左少飯，香腸得幾塊偏少，滷肉煮得夠淋但偏肥.蔥油豬頸肉煎蛋飯 $58蔥油夠香，豬頸肉燒得夠香夠脆加埋太陽蛋撈飯比起滷肉飯好食😂.餃子 $3x (我唔記得咗個實際價錢)餃子餡料係白菜豬肉，一咬落去好juicy再配上紅蔥油唔錯

公司附近都無乜好食，呢間台灣野一直都未試過今次就同同事一齊過黎試下餐廳用QR Code 落單，可能係午飯時間，落完單好快已經送到。今次叫左鹽酥雞扒滷肉飯，雞扒好大塊，食完已經有d飽滷肉比較港式感覺，我個人比較鐘意台式多d見到佢有外賣自取優惠，價錢平過堂食，下次叫外賣又可以再過黎試試

真實食評：$52買個「蔥油雞肉飯」，結果係油淋淋既白飯、加薄薄一層炸菜，同貓糧咁樣既雞胸肉。真心覺得餵狗都唔食。十年無用openrice，嬲到上黎特別打負評完全唔值，有圖有真相自己睇路。

其實我覺得呢度應該係港式！蔥油豬頸肉煎蛋飯，其實都算幾好味！ 豬頸肉幾入味，半山熟蛋啱啱好！不過正如其他食評所講，呢度似港式多啲！$61 包凍飲，算係不過不失，同埋呢度都坐得舒服！其實點解會嚟咗呢度，因為原本想食嗰間執咗笠，跟住喺X記茶餐廳坐低咗，覺得好迫同埋好焗，空氣不流通，頂唔順走咗，所以行咗過嚟呢間！

$88 清燉牛肉麵 連普通飲品，外賣+$2一打開 菜都無1條，得幾細條牛肉 和一堆最cheap 肥膏多過肉的肥牛！我以為自己食緊平價車仔麵睇見都唔開胃，$90 比d咁既野出來，無下次囉！

去呢度食lunch最大原因為夠近公司,雖然食物款式係台灣料理,不過味道係偏向港式！餐廳空間算大,座位都算多,所以即使要等位都好快可以安排到！🌿皇牌鹽酥雞扒滷肉飯 $62份量黎講就真係超大份,鹽酥雞扒外層鬆脆,滷肉屬於半肥瘦,飯量超級多,但整體味道感覺都係比較港式！🌿鴦走飲落去都算幾香滑,甜度剛剛好！雖然價錢唔算話好貴,但對比起同區嘅台式料理來講,佢價錢的確係貴過其他少少！如果真係想食台式料理嘅話,我諗我會考慮其他餐廳！如果下次再黎嘅話我諗會想試下佢地嘅港式款式！

今日同朋友去食台灣野, 返工Lunch Time時間去到都唔洗等位. 我地叫左3個飯餐, 上餐速度都好快, 份量都幾大份, 觀塘上班族去食時間都好充裕. 蔥油豬頸肉煎蛋飯 (連熱飲$68)豬頸肉有5塊, 豬頸肉邊位略脆, 內里多汁, 仲有一隻流心旦配飯食.台式鹽酥雞扒滷肉飯 (連熱飲$68)鹽酥雞都幾大塊, 鹽酥雞表面炸得唔夠脆. 滷肉就肥瘦均勻同煮得好淋, 用來撈飯一流. 豬軟骨飯(連熱飲$68)朋友叫左少飯. 豬軟骨都幾夠淋又好入味熱飲柚子茶

平時經過呢間店鋪，淨係覺得個霓虹燈幾靚🤣今日返工食晏時間落雨，終於試咗呢間嘅外賣。入到去仲播緊台灣歌，同喺門口望入去感覺好唔同，店內座位都算多，又唔會密密麻麻。當我仲研究緊佢個menu，聽咗半首歌時間，就已經可以拎到個外賣，快到都唔知係叫緊我張單👏🏻✨✍🏻 / 台 式 家 常 滷 肉 飯✨冇錯，一食台灣菜，我又嗌咗滷肉飯喇❣️一打開盒飯，滷肉都佔咗4份1，仲有隻滷水蛋、酸菜同椰菜。雖然佢啲滷肉唔係話一條條肥瘦分明，但味道唔錯，仲煮得夠曬腍。最估唔到係佢啲酸菜都好好味，驚喜到食曬🤤✨最後食剩嘅只有白飯⋯因為個飯真係煮得太濕了，可惜🍚💦💵埋單價錢：HK$48（配熱檸水）🔘整體美味指數：❤️❤️❤❤🤍

晏晝食lunch嘅時候經過幾次呢間餐廳，次次都見到好多人喺門口排隊，今日決定去試吓睇吓佢有幾好味。兩個人等咗一陣就有位， 好似選擇唔係好多，主打台式嘢食，我就叫咗台式鹽酥雞扒滷肉飯，同事就古早滷肉拼台式香腸飯。 個雞扒唔香脆，個皮淋淋哋， 啲飯有少少室。同事個古早滷肉飯目測差唔夠飽， 而台式香腸就只係得幾塊。 觀塘區地道台式餐廳唔算有好多， 附近有間好出名嘅叫阿xx了， 午市套餐嘅質素比呢度好，當然價錢會貴少少。呢間餐廳整體感覺坐得舒適，但係個午市套餐就差少少， 偶爾幫襯也可！