壹匯中菜廳 (馬鞍山廣場)

營業中

休息中

經過馬鞍山廣場見到呢間酒樓做緊片皮鴨優惠， $78就有片皮鴨食啦！即刻入去食啦入到去見到幾乎每一台都有叫，我哋直接叫茶嘅時候已經講埋要片皮鴨，不過都等咗成三個字先至有得食，仲以為呢啲一定係整好晒嘅添$78有呢個質素係冇得頂啱晒我呢啲咁鍾意食片皮鴨嘅人得閒可以嚟頂吓癮而且我鍾意佢哋嘅皮係半塊！我哋見到龍蝦都有優惠，就叫多個上湯龍蝦伊麵啦（$228），+$50要埋芝士！上到嚟網絡都正正常常，點知一食，係酸到爆炸！好似啲芝士或者麵變壞咗嘅味道….我哋就叫咗職員嚟啦，就問佢係唔係壞咗，佢諗都唔諗望都冇望就答我哋，芝士本身就係會酸酸地，係正常㗎。但其實我之前食過唔係咁嘅味囉但係既然佢話正常咁我就食多兩啖啦佢嘅龍蝦，喺殼多過肉嘅！再食多兩啖都真係覺得係會食到肚痛囉，應該真係壞咗，再叫另一個經理嚟啦，跟住佢攞走咗碟嘢話煮過俾我哋。但係我心諗乜真係會煮過咩？我都有啲驚我咁樣講完佢哋會加料俾我過咗一陣個經理攞住碟嘢，行返返嚟，佢話師傅話呢個味道係正常嘅，再煮過都係咁嘅味就話不如幫我哋取消咗佢算啦。咁我話OK取消啦，不過我之前食過唔係咁嘅味。跟住佢就話係冇壞㗎，係你哋兩個嘅味覺有問題我地：？？？佢肯幫我哋

遞交了兩張點心紙給兩個不同職員，等候長達20分鐘才有食物到達，其一點心紙食物上菜後，其餘食物不翼而飛。樓面幾乎沒有職員，追問後原來另一張點心紙沒有入單，職員用惡劣態度叫我們再落單，最後我們要求買單離開時，職員路啤我還要一路吟沉怨言，完全沒有一點歉意。

今日母親節，同媽媽和女兒一早book定酒樓食晚飯，來到我們也只是被安排到房間坐，我哋五個人，但入到去見到張枱好大，個帶眼鏡嘅女侍應知我哋得五個人已經好不滿，話我哋五個人坐十幾人枱。咁佢又無話安排另一張枱俾我哋，只係執走其他多出的碗筷和杯，一路執一路出聲發怨言，之後仲叫我哋俾返啲凳佢😡，唔緊要你攞啦！我哋都係被安排，如果你覺得唔啱，咪俾過另一張枱我囉！我無所謂，我都明白，但唔係發我脾氣囉！之後叫嘢食，佢就話等陣先，點知攞走完啲嘢之後，又去招呼其他枱，又去裝水，我喺咁話唔該都唔應我，佢個人仲行咗出去。我直接出去話唔該我想叫嘢食，佢就好大聲咁話等陣啦！我得一個人咋，😡我話你攞走完啲嘢個人都走埋，佢話我得一個人等陣啦！仲要好惡。我嚟食飯慶祝，唔係嚟受氣囉！入去坐唔關我事架喎！你鬧我都無用😡真心覺得好嬲囉

平時好少到馬鞍山廣場， 今次因為要睇牙，所以經過附近， 一於食飽飽先見牙醫喇！到壹匯中菜廳飲茶，位於馬鞍山西沙路608號馬鞍山廣場3樓332C,333-334號舖。 店內裝修屬於傳統港式茶樓風格， 下午茶時段🥢 ～ 燒鵝瀨粉$32.8、 牛肉腸$30.8、 燒賣皇$34.8、 日式煎香芋莢$23.8、 鮮竹牛肉球$25.8、 五豆糕$18.8。 每款點心都發揮得好平均， 沒有特別好吃的， 但日式煎香芋莢就比較油膩，又濕唔夠乾身。 點心整體味道普通， 經過想飲茶都可以一試。 🏷️溫馨提示～ 整個用餐體驗均屬個人分享意見， 只作參考😊。    

話說點左個12人套餐，燒鵝唔新鮮，燒豬唔太熟，搵經理來諮詢，望一望，佢話個個食都無問題，然後就走左。然後再來龍蝦伊麵，龍蝦都生生地，都係同一句解釋….有個經理又係10問9唔應，我想問大家有無相同經驗噶？

今日中午去，二人，初時俾張枱搖搖欲墜，我哋要換枱。初時唔肯，我話走，才換。換完後，填點心紙，15分鐘後才話無呢樣果樣，根本就遲落單。樓面對熟客就笑笑口，野食都快過我哋。之後重來錯點心，我根本唔會食果樣，根本落錯單，仲要我等20分鐘重新蒸過！我唔等埋單，又圈多我點心，我行動不便，收銀要我自己找經理，服務態度根本不以客為本。疫情期間，服務態度仲好過宜家，以後都唔幫襯！😡😡😡

見到有個呀嬸識人，直入唔駛等位今時今日仲可以咁？入到黎所有餐具都超級污糟，等咗成半個鐘都未有嘢食。啲魷魚酥好難食，入邊係林，唔夠熱我諗如果唔係冇選擇都唔會揀呢一間寧願去隔離食燒鵝嗰間

剛今早約了媽媽吃早茶，想試吓另一間茶樓，結果….太差了…..先落錯了蓮容包（叫的是合桃包），然後職員態度惡劣…‘話你打開了中間’x3 ….難道我有透視眼…唔撕開點知錯？….😡之後等咗好耐的猳餃是凍的….正想話要換時….燒賣也到了..也是凍的….跟職員說時…這個看似是部長竟然話做唔切嗎⋯⋯仲要連續説多次…然後我話那取消吧我埋單⋯⋯另外一個職員話你自己去埋吧⋯⋯我說你跟我一起去因為只是2步之外，（仲要她們並未在單上寫上取消所以我才要求）…結果在埋單時繳費的又在反覆的問，態度也是很差的…..🤬從來沒有吃過這麼差….唔夠人手可以理解….但態度這麼差….好像我放低什麼你就要吃…然後再贈你2句又行開….食完一肚氣，不知所謂！😡🤬

當日2人晚飯，叫左個孖寶(蒸魚+燒鵝)，加多碟花甲王煮勝瓜，燒鵝同勝瓜都好快上菜，惟獨蒸魚無上，到有個侍應問我地d野食黎齊未，想幫我地執檯，我話蒸魚未黎幫我追追，佢就無反應行開左亦見到佢無去check單只係行行企企，惟有叫另一個侍應追條魚，佢有覆番等多一分鐘.....之後10分鐘都無影，剩係等條魚都等左45分鐘，再追先走過黎話條魚大要蒸30分鐘，條魚幾多斤重要蒸30分鐘呀!!?? 再問係咪漏單，又唔認係漏單...!!! 之後藍色恤衫經理推條魚過黎，唔好意思都無句，一味話條魚大要蒸30分鐘，前前後後追左4次講埋d廢話，真係嬲到爆粗，仲越叫越走，我地無食條魚，照出去埋單，之後問佢叫咩名要投訴佢態度惡劣，問佢拎公司電話又話比佢大佬電話我地，我地要你公司電話唔係唔知邊個既手機號碼呀...，跟住又話當退單唔收錢，我地埋左單啦唔係要你退錢，係要投訴你呀，成間酒樓真係不知所謂。

早左兩星期落定訂兩圍食生日飯，昨晚上到酒樓諗住攞枱食飯點知佢話我地冇訂，原來話電話搵我地搵唔倒，終於等左10分鐘先比返兩張枱我地，跟住上菜，啲餸頭2碟未食完就上第3碟，好趕時間，啲餸菜又唔跟次序，亂晒籠！，到等條魚，等左半個鐘都未到，然後追侍應，又等半個鐘先至到左兩條魚，但其中一條係唔熟嘅，要反蒸！最後等糕點,點知部長攞啲糕點出嚟，話我地自己返屋企蒸，當時都係晚上9時45分，於是叫經理出來質詢，但個經理聽完我地講之後，話我地發爛渣跟住就轉身走左唔理我地，所以我地唔會再幫襯

未試過有間酒樓生日酒席飯，糕點要自己攞番屋企蒸😡😡😡侍應經理態度惡劣，我地同經理投訴期間，經理竟然一屑不顧咁走左😨😨絕對冇下次！！！大家唔去再去幫襯佢

話說升左職同屋企人去慶祝，點之換黎一肚氣，叫左5個菜，唯獨是個咕嚕豚肉等極都唔黎，屋企人問左第一次，部長勁晦氣話等下，已經知佢冇催，搵第二個職員再催，直頭連反應都冇埋，咁有冇落單都講聲都得掛，直到話唔再等cut左個餸，先叫態度好少少話唔好意思，對我黎講都係差到爆，今晚唔單止我地，基本上好多枱都有咁既情況，突然間人流多左做唔切係正常，但態度都唔駛晦晦氣氣，遲早趕走曬D客，冇咩必要都唔會再去。

點心好一般， 食過佢d 點心， 燒賣，鳳爪都ok, 但其他就一般，特別係個腸粉，厚皮都不得了。。。價錢黎講，喺馬鞍山都已經唔太吸引，6個點心呢到大概$180, 而附近另一間叫駟X嘅茶樓，6個差唔多嘅點心早市都係$200,但係人地d 職員同服務就比呢到好太多啦！！講下服務先朝早2人黎飲茶，喺門口拎完飛之後個職員話唔駛拎飛，入去自己搵位坐。入到去行到尾只見到一張6人圓枱，跟住有兩個阿姐（其中一個係林阿珍髮型嘅短髮經理）同時問我地幾多位，我地話兩個， 其中一個阿姐見我地有張fly,睇完之後話唔係呢張枱 (明明張飛都冇寫枱號），之後兩口鬧唔停話我地兩個人攞咁大張枱，之後指住柱後有張摺枱仔，大聲鬧完一輪後就呼喝我地坐嗰張， 我解釋話係門口職員叫我地自己搵位，同埋我地入去時見唔到柱後嘅枱仔，但兩個阿姐繼續鬧。。我老公話我地黎入茶，唔駛咁勞氣，阿姐話佢係咁講野ga 啦，之後兩個繼續鬧一輪。。。是但啦，你話嗰張就嗰張啦，坐低之後個經理仲keep 住啤住我地。。。。真係好後悔黎左呢個鬼地方，第三次黎呢間酒樓，次次都係一肚氣， 唔會再去第四次，NEVER!

食物質素、價錢、整潔程度都可以，但當中有服務員容許部份顧客打尖、毋須攞飛、即入即有位，情況嚴重，對要攞飛等位嘅顧客好唔公平，希望管理層可以留意此問題，加以整治。

住在大水坑，所以成日過來新港城或者馬鞍山廣場飲茶，以往去一間連鎖店多次非常污糟杯杯碟碟都係油漬，所以近呢一年都已經轉了在呢度食，整體食物新鮮無論晚飯和飲茶，每次嚟飲茶都必定叫滷水鵝掌翼、椒鹽豆腐七味粉（不過越來越細碟）布拉腸粉、燒腩仔，晚飯食過鮑魚，元貝，海鮮類，片皮鴨（一般，唔夠脹卜卜），鍾意佢比較乾淨，坐得舒服每張枱的距離OK，不過等位太耐，一至二人坐嘅枱同三至四人一樣，但很多時反而你攞位2人枱仲會快啲，下次都要考慮攞幾人飛。