士林台灣麵

營業中

休息中

早前吃過鑽石山開業不久的台灣牛肉麵，是日一個人來到元朗，喝過虹吸咖啡後，心思思又想再來一碗，當然不會長途跋涉前往鑽石山，幸好在元朗也有名氣甚享的牛肉麵店［士林台灣麵］，二話不說便由媽橫路直走菁華街。長假期第一天晚上七點前到達，但店裡店外都全部坐滿了，果然人氣爆燈，幸好單身一人，店員終於能擠出了一個位置給我。剛剛坐下便點了名物＜紅燒牛肉麵＞，來這裡也是為了這個，當然不用多想。等了約十分鍾，＜紅燒牛肉麵＞$40，便送到檯上，先喝一口湯，能嚐到濃郁的牛肉味，果然如餐牌上的說明一樣，喝得出是 "慢火精製" 的佳品；牛肉共有三大片，當中佔了九成的肉質都超軟嫩，祇有一小口比較乾涸，牛肉都煮得十分入味，在香港來說是水準之作；唯獨幼身麵條口感沒有彈性，和湯頭也不太配合，後來添加了辣椒油和少許醋後，感覺容易入口得多，假如店裡能提供酸菜的話，相信效果會來得更好。最好湯都差不多全部喝完，$40 的定價，絕對是值得回味之作；知道這裡的＜香酥雞扒＞也是名物之一，但這夜單人匹馬實在是亳無勝算，在不想浪費食物的大前題下，唯有等下次有機會再來品嚐吧。總結是會專程再來的小店，呵呵。好味指數 : 7/10 (值得支持)拍

成日食日韓野, 系時候轉下口味,朋友想食台灣野, 第一時間就諗起佢了...士林台灣麵。紅燒牛肉麵, 次次黎我都會點呢個, 因為肉質夠淋又夠入味，牛肉湯底味道又夠香濃, 通常我會加少少醋同辣椒醬去食, 夠晒惹味。原本諗住點個香酥雞扒做"小食"既...黎到原來甘足料甘大份既...好彩佢炸得夠乾身, 吾太油膩, 好香口。其實平時既我吾會點飲奶茶既~不過食台式野點又少得肧芽珍珠奶茶呢...至鍾意佢甜度適中, 又有最愛既肧芽, 奶茶味吾太濃, 珍珠又有口感。

係出面食塊大大大炸雞都要$28士林正價一碗雞排面係$36，加杯珍珠奶茶$16，2：30既下午茶只係$36仲送埋杯台式飲品（凍飲加$2，珍珠/肧芽/仙草加$3）真係又好味又抵食塊雞排又大，炸得好香口，一啲都唔油膩。本人極鐘意呷醋，所以倒左勁多香醋落件炸雞到，加埋適量既椒鹽粉，味到一流！本身件雞無咩咸味，味道方面每個客人都可以因應喜好而落醋同椒鹽粉。個人覺得落左醋無甘熱氣，同埋雞排低有啲菜，啲菜浸左醋變成酸菜甘，好好味。我今次飲既肧芽珍珠甜度岩岩好，而珍珠煮得適中，唔會太林或者生p.s.店舖雖然細，但每台都供應tissue,今日weekday tea time around 1530未有學生放學都full house. 不過我今次一個人食，所以唔洗等位即刻入得。推！！！！！

去過臺灣和品嚐過出名的牛肉麵的我，真的被那香濃而不肥＂利＂的牛肉湯和肉質嫩滑的牛肉所吸引住! 常常想在香港找到一家臺灣麵店可以跟臺灣相比。我終於找到啦! 超開心! 仲要係好近我家! 更加超級開心!牛肉麵：肉質非常滑和淋，不用用力咬而經溶在口中! 犀利! 香濃的牛肉湯底的味道真的跟臺灣的改有分別! 十個讚。雖然麵條比較幼，但也有些彈牙的質感! 如果有粗麵就更加好啦! 豬手麵： 豬手夠入味，肉質淋和皮也很淋兼有彈性! 因為豬手已經炆了一段時間而很入味，所以配上清湯就非常配合啦! 芳香的豬手充滿肉汁! 無得彈!青瓜條： 都ok架! 沒有濃味的汁料，只有蒜蓉和醋味! 清清的味道，都幾開胃，又食到青瓜的清甜! 一定會再去試唔同的美食!

早前甜魔HIM新年來訪，與大家連掃多場，其中士林牛肉麵也是一站。這裡的人氣真的十分誇張，特別週末就算是下午茶時段，店內店外也一樣爆滿；一般而言要坐店內會等得久一些，不介意坐店外（對，食店已取露天茶座牌）就會快一些。帶食友來這裡，當然會推介他們試紅燒牛肉麵($38)，雖然我真的不覺得這裡的麵有何特別美味過人之處；而那據稱要熬上三天的牛肉湯底也要碰運氣，有時味道會較淡，還好這次的出品夠鮮又濃；不過幾喜歡它必定加上兩棵青菜，還有一樣是長期保持優質水準的，就是那炆得既鬆化又入味的牛腱牛展，是個人的至愛，當日大家也吃得滿意。其實這裡的鹽燒雞扒($30)也很馳名而且水準不差，不過大概大家在早幾站吃得太飽太膩了，這樣一份雞扒也好不容易才清到貨，最後都是多得CEO了。5個人只點了2項食物，就算是下午茶時段也著實難看，好在CEO伉儷點下一杯蜂蜜綠茶來充撐場面。凡惠顧飯麵類，食客就可加$10任選所有台式特飲，凍飲另加$2，份量不小而且試過數次質素還好，都幾抵加的。而大概是台灣之行在即，上週日獨個帶寶寶返教會後，心思思又想來開餐，吃的也是牛肉，不過這次不是紅燒牛肉麵而是紅燒牛肉飯($38)。飯的版本也有附送

下午茶時間過後, 店舖門前座無虛席, 非常熱鬧, 我們一行五人到店內雅座.香酥雞扒 $30大大件的香酥雞扒, 是厚肉版, 送來已切開八塊, 連雞皮炸的, 是香口, 不太鹹, 稍為油膩一點, 拌甜酸汁吃是香口醒胃小吃.紅燒牛肉麵 $38湯底和麵條都都一般般, 反而牛肉是牛展肉, 非我們吃開的橫切一片片, 他是直刀切件, 牛展口感嫩滑, 肉腍, 不錯！峰蜜紅茶 $12凍峰蜜紅茶味道清淡, 潤喉解喝, 凡跟任何食原價$16可減為$12, 相當經濟！

這間士林台灣麵都光顧咗好多次. 每次 (平日下午) 來到都很多人要等位. 但等的時間都算怏. 可能人多一食完就要埋單. 加上門口都有座位啦. 但我就不會選擇座門口啦. 因為旁邊是馬路. 有時大風d都幾多塵.食咗幾次都係紅燒牛肉麵最好味今次就另外叫咗肉鬆豆腐及腎片. 因這兩款之前未食過. 兩款都幾好味唔錯食品質數 good 但杯珍珠奶茶就覺得淡咗d. 今次一行5人食咗三百幾 (5 麵 , 5 奶茶 , 1 雞扒 , 1 豆腐 , 1 腎片)

牛腩冧, 麵煙囪; 湯夠味而不過濃....雖然等候時間較其他菜式耐, 應該係即叫即炸所以時間長啫...嘩... 雞扒果然超鬆脆, 肉質尚算滑... 唔錯!!呢款尚可, 皮滑肉鬆... 但不難在其他食店找到!!皮蛋混入凍豆腐, 果然不錯!!皮蛋味濃溝入滑滑淡淡豆腐, 中和味道他的茶底有種淡淡花香味, 與別不同!!珍珠也夠煙囪; 唔粉唔硬.... 正!!有時間都會再來幫襯

好多年前食過一次，之後好幾次想再食，但見到門口圍著一群人在等位就卻步。今日正是行日, 在LUNCH時間前到了，不用等位。吃了酸辣雞扒拉麵，同以前一樣好足料、一樣咁好味，雞扒鬆脆，拉麵爽口彈牙，食完唔夠喉飲左幾啖湯。食物無變，但價錢就貴左好多。我覺得麵既份量可增加多一點，餸則可減少一點，咁樣希望價錢可以實惠一點。食完有點口渴!

一去到見到都幾多人等心諗係咪真係咁好食? 不過有時間,就等吓啦佢D位比較窄不過係來食好嘢唔係來食D位,食完就走,冇所謂啦紅燒牛肉麵上來,飲啖湯先啖湯夠鮮甜, 唔會勁鹹牛肉"稔"身得來夠味,而且都幾大舊,好似食極都食唔完咁,佢係長方形,唔係片得好薄哥D"視覺牛肉"麵身都幾彈牙,而且唔會鬆抛抛,落足料食食吓覺得都幾飽吓然後發覺個雞扒食唔晒鹽酥雞扒就一般般, 下次可以試鹽酥雞翼試過香港唔少牛肉麵,就算好食,都唔似台灣.......呢間係好味到有台灣風味如果路經開元朗真係要再去

昨天與友人相約到大棠影紅葉，需在元朗轉乘巴士，因素聞元朗是香港美食集中地之一，但平時對我們這些市區來說，特意進去實在太遙遠，因此今次特意預留午晚兩餐在區內進食。首先去到「士林台灣麵」，由於在此行前已聽過不少朋友推介此店，尤其是其紅燒牛肉麵，數位朋友都不約而同地稱讚它正宗而有水準，加上在香港，台灣食品極其量只有「豪大大雞排」和台式茶店「貢茶」等，絕少機會嘗到正宗台灣麵，因此定了「士林台灣麵」為此行必經之處。首先來的是「紅燒牛肉麵」，雖然台灣麵沒有日本拉麵那種「試麵先試湯」的傳統，不過由於紅燒牛肉麵中，湯底是最難做得正宗的一部份，因此我決定先喝一口湯才開始。由於湯底用上新鮮牛骨及牛肉熬十六小時，並焗達三天才製成，因此非常濃味，亦不會因牛肉本身帶有咸味，而令湯底過咸。湯底在咸味及濃度之間取捨得宜，亦不覺有加入味精，令湯底既味道濃郁，但不會令人吃得口渴，整體與台灣名店「永康牛肉麵」及「老張牛肉麵」不相伯仲，水準高超。接著便試紅燒牛肉麵另一個高潮-牛肉。正宗牛肉麵對牛肉的肥瘦比例以至軟硬程度都有極高要求。「士林台灣麵」的紅燒牛肉麵在牛肉方面亦做得非常出色，牛肉肥瘦比例適中，比例近乎1:1，加上炆

如果大家試試於開飯網search元朗地區，就會發現以下這間台灣麵店很多時候都位於榜首，所以都要朝聖一下。店內非常細小，大概坐到30人。所有食物都是單點，如要飲品，可加＄10就飲到香酥雞扒飯雞扒好大份，切了8件，炸粉不厚，肉質不會炸乾身，夠嫩香酥排骨麵排骨炸得剛好，不是太油膩，但略為未夠入味。麵爽口，湯ok，食完不口渴. 應該沒有太多味精鹽酥魷魚鬚炸得剛好，香口，鬆軟，不韌且脆全單盛為＄136，不算貴。但由於太炸關係，所以間中試試就好啦。

現在的元朗,一到星期六或日及公眾假期,所有食肆都必定會大排長龍,經過士林,居然有位,於是立即入去食午餐,一碗招牌牛肉面,一杯蜂蜜綠茶加珠,雖然係好忙,但係待應的服務態度都不錯,有問必覆,好快牛肉面就到,質量一點也沒有因為多人或急趕而下降,湯夠熱,牛肉入味,面很爽.飲品也很熱,蜜糖很香.雖然要51蚊一個什餐,但真的不錯.

The restaurant opens at 11:30. I arrived to the store at 11:20 and there's already a line. The food was decent and I would used to there for lunch at least once everytime I come back to Hong Kong. The beef is tender and juicy and the noodles are in the right consistency but soup base is not the best I've had. It's sad that this is already considered the best in yuen long. If you decide to go, keep in mind you're only going for food and don't expect any service. It's one of the worst services I'v

家住天水圍，早已聽說過士林台灣麵又大份又好味，可惜每次想要試的時候都見到大排長龍的樣子，沒什耐性的我通常會一走了之。是次與友人到來(還要趕下場打麻雀)，幸運地轉身想走時，他便問我們會否坐門外露天位，只是一頓午飯，我們當然不介意。點了香酥雞排麵，好大份雞排啊，而且炸得香口又夠酥之餘，雞肉亦非常的嫩，可能是雞排太出色都幾乎忘了那有咬感的油麵了。另外，我的湯底是酸辣的，不會過辣，還是ok的。這天還點了蘋果綠茶的，餐飲真的不怎麼樣，可免則免。提提駕車人士，雖然餐廳在一個停車場的對面，但一到星期六、日便會很難搵位泊車的啊，光顧當天我們看到街上不只有double-park，更驚人的是triple-park。