堤岸酒吧及餐廳

營業中

休息中

昨天有8人同行，以為會有很多食物，點知得前菜、BBQ任食及火焰雪糕，全部都係低成本食物，完全不合格，不值$300幾蚊。例如前菜方面，只有沙律配菜、西式湯及甜品，我相信只有煙三魚是最名貴的。BBQ任食方面有23款食物，有蝦、帶子、青口、秋刀魚、三文魚柳、三文魚胶、紅鯛魚、魷魚串、西冷牛肉、羊扒、燒排骨、牛肋骨、牛仔腸、雞翼、腎串、雞軟骨串及燒蔬菜，全部唔新鮮又唔好食。最後有火焰雪糕，又硬又唔好食。我們今次晚餐，($298+$40) ＊ 8 人為總數$2,704，以這種價錢，我們可以食很好食物，經過今次，不會再有下次。

第一次團購便出事,以為原價$580現在付出$298好抵啦!結果失望而回,食物質素差,款式又少,一班朋友都一致劣評.所謂頭盤祗得沙律,西瓜,哈密瓜,煙三文魚,少許甜品,羅宋湯,南瓜湯........主菜23款有大蝦,元貝,青口,雞腎串,雞軟骨串,魷魚串,雞翼,牛仔骨,牛排,豬排骨,羊排,三文魚較,秋刀魚,粟米,番薯等等....大蝦唔知點解大部份霉的,元貝無味,秋刀魚鯹鯹地,其他一般.......另外由於是週末每人需多付$40,每4人送一個火焰雪糕,不過都是一般.總結:這樣一般水準的食物收$298實在太過份了,另想順便一問辦團購者有否親身體驗呢??

係團購買左 $298 1 位任食燒海鮮套餐，當然繼續同我至愛去食，兩位加埋一 $600 仲要多ｄ　任食頭盤，還可以，但巴馬火腿味道怪怪地，好似有ｄ問題咁。燒野食黎喇！叫西冷牛扒叫左４次，冇１次黎到！黎唔齊野！又漏單！大蝦燒得太乾！跟住唔應該除殼燒！點解燒好既帶子要落咁多配料搶哂帶子真正既味道？加上完全冇燒烤香味，似蒸帶子多ｄ，失敗之作！不得不彈，就係青口！燒得又乾，調味落得太勁，完全搶哂青口鮮味！咸到呢，勁咸！　我食得咸，都即刻係口吐番出黎！雞翼算勉強放得入口，但味道完全唔似燒過！外皮完全冇燒香味 or 脆既感覺！加上燒好既野食係唔應該淋哂汁係上面！可以放係底，或用另外一個碗裝起！雞軟骨，點解要整到咁咸，仲要加埋汁，咸上加咸，又係吐番出黎！自助甜品拼盤，一句到尾，算啦。真係唔知點解會有咁多好評，不食也罷！

幾個月無見班朋友，看見團購的BBQ 自助餐，遂相約大吃大喝去也。天氣唔太好，訂了窗旁的桌子，看着外面的景色，喝着各自選擇的飲品，心情驟然放鬆下來。跟一般的自助餐略有不同，除頭盤和甜品自己到外面取用外，BBQ 用餐點形式，吃起來比較舒服。食物種類也很多，大蝦、三文魚、青口、帶子、牛柳、羊扒等等數拾款，食材水準高。團購COUPON 於星期六日加收 $40，但送上火熖雪糕，好玩之餘亦幾好食。服務亦跟得貼，酒類、果汁無須通知亦自行添加，感覺得舒服。有機會的話，還是值得幫襯的。

$298尖沙咀皇家太平洋酒店得獎餐廳Pierside 任食 - Coupon團購買左呢間酒店 Buffet, 因為任飲任食, 又包埋加一 $298 都抵啦!羊架, 雞亦都好好味!我地 4 個女仔飲紅, 白酒, 果度服務真係唔錯, 因為餐廳怕落雨, 冇晒 outside 坐, 我地食飽之後要求轉出 outside, 佢地即刻幫我地加台同櫈, 然後通知我地 last order, 加完酒比我地又再放定一支酒比我地係出面飲, 之後大約 10 點幾我地又轉返入去坐, 因為真係落雨啦!我地問有冇 nuts 果 d, 佢地好 nice 開包 nacho 比我地食, 呵呵今晚食野我地唔係食左好多, 不過酒我地就飲左好多啦!

今日係同女朋友仔既紀念日子諗住搵間環境 ok , 價錢又唔太過貴ge 開心下上開飯見到做緊set dinner買一送一 promo d 相又好似幾靚, 雖然之前食評好壤參半最後都決定試佢一次set din 4 個 coursesoup - 周打海鮮湯 (with bread)appetizer - 海鮮三重奏 (菠蘿蟹柳, 魷魚圈, 青口) or 辣味三文魚main course - 西冷牛扒 or 三文魚扒dessert - resperry roll (但有 coupon 自動將其中一份轉做朱古力火窩)and 上 facebook like 佢地有 drinks 任飲, 紅白酒, 橙汁 or 其他 我地試左佢地既 house red wine & white wine, 兩隻都好飲 (以我地唔係好識飲酒既人計)食物 overall 質素就中規中距啦, 唔差, 亦唔好太大期望最好既都算係甜品 & wine, 一流!環境算係唔錯, 燈光幾柔和但可能我地坐得近喇叭, 音樂大左d可能客人唔多啦三個 staff 已經 serve 得我地好妥當笑容又好, 又有禮貌我地呢d 用 coupon

2010年2月的老公生日飯係openrice見到有買一送一優惠 , 見佢環境幾好 , 咪打算試下囉....點知....錯哂.......唉....成件事都係一個錯誤.....我地坐outdoor~岩煙民 對住海景~是不錯的~服務生....成日唔見哂人...可能我地坐outdoor吧....野食就.................更加.........差如果唔係有優惠...佢一d都唔值.....我唔想再食多一次.......

買一送一的海鮮dinner set星期五咁凍都坐outdoor, 因為indoor真係好焗 個景好靚, indoor睇一定冇咁正, 想睇靚景就坐outdoor啦, 有飛機飛過頭頂 outdoor有2支暖爐, 但擺左去個別餐桌附近, 想叫個waiter攞1支俾我地, 佢話得2支, 人地攞左先喎... 咁點解唔放中間d嘅位置呢? 勸要去呢間餐廳食outdoor dinner又怕凍的朋友早d開聲囉...... 有暖酒試飲, 都幾好味, 貼心! 生日又額外有飲品送, 幾好! 份量太少啦, 食完都唔飽嘅...... 即刻叫個side dish, 同埋唔好味囉! 只有三文魚ok!因為食物唔掂, 唔會再黎喇... 慶祝生日但食得唔好, 真係令人失望 + 唔開心已約好第2日食餐好d嘅補數~~~~~~~~~

今日同男朋友同去Pierside食飯, 環保都唔錯, 我地order咗兩份set dinner, 頭先有帶子他他, 和炸蝦, 好好食, 個蟹肉粟米餅全個都是蟹肉. 好正, 跟住有碗蟹肉南瓜湯飲, 又好味又熱, 天寒地凍岩晒, 大盆我地各選, 一份燒三文魚, 一份牛柳菌汁天使麵, 個三文魚燒得好香之餘又唔係熟晒岩岩好, 個牛柳我地要5成熟加天使麵, 食咗好食既嘢, 真係滿足晒, 估唔到咁既價錢, 又咁好水準食物, 下次一定叫朋友嚟食, 咪走寶, 如果唔係遲d加價就幣家伙.

終於等到老表小登科的日子，行禮和午宴的地方由新娘子親自挑選，選了在尖沙嘴的堤岸，因為在一個對著靚海景的露天地方舉行婚禮，必定會有一個更深刻難忘的回憶。這天，天公造美，陽光普照，新娘子連日來所擔心會下雨的憂慮一掃而空，但她應該明白一句老話，「天要下雨，娘要嫁人，誰也阻擋不了。」我們先在露天的地方喝杯雜果賓治，這飲品是兒時最愛的，貪其有幾粒罐頭雜果和有汽的，我知酒店的雜果賓治是沒有罐頭雜果的，但沒有汽就不爽。不一會，証婚的律師到了場，各賓客和親戚朋友亦魚貫就座，莊嚴肅穆的婚禮開始了，新人表達了感人的心底話，我不期然也被感動，始終兩個人的成長、相識、相愛至一起生活是一件不容易的事，其間經過幾多番磨練和考驗，才可修成正果。經過一輪祝福和合照後，午餐正式開始。午餐是自助形式，在入口處設置了自助餐桌，分為海鮮和刺身區，冷盤區，熱盤區和甜品。海鮮方面有凍蝦和青口，刺身有三文魚，立魚和吞拿，壽司約有六款，都是蝦，玉子，蟹柳等，下面用冰鎮著，以保持冷凍，冷盤款式雖然不多，但也頗新鮮，而沙律約有六款，我個人較喜歡的是柚子蝦沙律，自從在泰國餐廳吃過這沙律便愛上了它，然而這處的做法有別，少了點風味，凍燒牛肉和

之前見評價不俗，於是今晚去光顧一番。預先兩星期訂位，印埋優惠劵，諗住開心食一餐，點知...我地食海鮮晚餐 (只有這個餐有優惠)。先講下個頭盤，我點芒果龍蝦沙律，隻龍蝦細隻到基本上無咩肉食。我老婆個份煙三文魚就好咸...至於個湯就最把火。叫海鮮雜菜湯，但係淡到好似水咁，有幾粒複仁，個樣似金寶字母湯，但係金寶湯都好飲過佢。到主菜。老婆點條魚我無試，所以吾評價。至於我點左beef cheek and risotto，d飯就生生地(未煮熟硬硬地個款)，好rich。個4片牛肉就好肥，有一半係脂肪(見圖)，味道就算普通。甜品係火燄雪山，d cream燒度弄左，d雪糕仲好硬，不過比起之前d湯同主菜，都算數....總括而言，食物質素好差，連一般餐廳都不及。收費方面，一個餐$388，加埋一，就算有COUPON，兩個人都要$400-500. 我諗我求其搵間都好佢好多。Last but not least，全程只有一隻匙，上甜品時個waitress竟然無俾細匙，想叫我地用隻飲過湯的匙食甜品...酒店？有無攪錯呀！如果因為係特價餐所以先至差，咁呢間野實係吾洗去。

今晚同朋友仔一齊行過呢度,發現這個平台有間bar有outdoor,個景勁靚~於是坐低開左支白酒叫左兩個小食,係度開酒唔算貴,四佰蚊以下都有好多選擇白酒好好飲,是waiter介紹的,忘記什麼提子下次再來都要搵返他再介紹下! ><小食都ok~沒有什麼驚喜再值得一提這裡個景色真係好靚問過waitress姐姐原來這裡可以有倒數partyhaha~令到我好期待!!在這裡和一大班朋友仔一齊倒數一定勁開心!!又唔洗同人迫~下星期要同老公仔泥呢度食飯睇燈飾浪漫下先!!!><這裡的員工很有禮貌,好細心解答我們的問題!!! ><已經訂了下星期來食飯!期待中....!!!! ><

八月中，週日，約下午六時多，本想在海港城露台的餐廳酒吧HAPPY HOUR，但又熱又無位，太陽亦未下山，提議去太平洋酒店。去到剛剛好６時半，天色晴朗，藍色天空，一柳煙雲劃過長空，一彎明月乍現，左邊國際金融中心，右邊環球金融中心及凱旋門，坐在露天酒吧，慢慢喝着冰凍黑色Guinness啤酒，看著鐮刀明月及北斗星隨着天色變黑後越見光亮，看著天空從光亮變藍再變黑，月亮從高處慢慢向下，星星從無到滿天繁星，感受吹來陣陣涼風的快意，可等美妙，滿心開懷舒暢，詩意大發。露台酒吧喝啖酒，坐看北斗彎月亮。

係openrice度見到set dinner buy one get one free於是唸住去試下啦!!打電話去訂位個姐姐都幾好人仲問我要揀indoor or outdoor但因為我地係煙民..so 訂左坐outdoor終於到左星期日啦><侍應帶左我地出outdoor真係要嘩一聲因為可以望到ifc同西九0個邊,而且0岩0岩六點半多d個日落真係正到爆牙>< (太誇張...但真係好靚)我地叫兩杯白酒睇日落( happy hour 野飲又係but on get one,但只限於紅白酒杯裝!)又抵返!!但坐下坐下,呢幾日實在太熱於是就要求侍應哥哥幫我轉返indoor坐啦侍應哥哥提議我坐上層window seat但我經過下層,不如近近地,又有得出去食煙就坐左樓下indoor啦!!入正提setdinner頭盤同主菜有兩樣可2揀最近全部要哂...唔洗煩牙...haha!!!侍應姐姐俾左個麵包仔我地細細個,好可愛,而家有d dressing 俾我地''點''麵包而且個麵包夠熱!!good!!:先食頭盤 : 有個seafood taps同crab meat salad

遲來的食評....真的太遲.....記憶可能有D....請見諒X的生日揀左黎依度食生日飯.地點非常方便.BOOK左枱黎到.OUTDOOR得我地1枱.因為去用餐既時候係冬天,所以OUTDOOR無問題.依家夏天可能坐OUTDOOR會比較熱.但的確外面個VIEW係靚D (而且係SMOKING AREA) 但INDOOR都唔差 有SOFA位Buy 1 get 1 free meau既主菜可以二選一.麵包唔夠熱,味道唔算特別好頭盤係SEAFOOD STARTER,1) 香辣螺肉 同$10/5包個D撈撈野食無分別2) 青瓜三文魚卷 新鮮!3) 吉列蠔 無特別主菜係豬扒配蔬菜春捲同香煎鱸魚我揀既鱸魚煎得非常好 外皮脆得黎又唔會腥(我好怕魚皮腥) 魚肉又嫰又有鮮味 配蕃茄蓉味道更加豐富!豬扒我試左少少 竟然有驚喜 成日食餐廳個D朱扒都係又淋又無味 食到厭 依個豬扒鬆軟得黎又好JUICY 肥瘦又適中 豬扒太瘦得塊瘦肉既話有乜好食????P.S: 最精彩既係....主菜拌碟既椰菜花蓉!!!!!!!!!!嘩....佢個TEXTURE非常之咁香滑 椰菜花同淡淡既牛油味....甜品係香芒雪芭.我事前已經ORDE