堅記車仔麵

營業中

休息中

好耐都冇食過車仔麵,今日入左依間真係有意外驚喜!!佢個塘心蛋同個辣醬加埋個湯,真係完美組合!!豬紅好入味,冇得輸。成碗我連D湯都飲埋,真係好耐都未試過食車仔麵都食得咁開心。

諗住試下新嘢 外賣, 點知就足足等咗半個鐘企喺大門口, 但都忍唔住入去問佢啦。 佢話你冇入嚟問喎 整咗放喺 收銀自己後面背脊咁都算啦就當係溝通不足唔會問題， 因為呢度講嘢食㗎嘛就同你哋講嚇啲嘢食， 溏心蛋都尚算唔錯 做到溏心的效果。 大齋呢 就硬掘掘嘅 可能未索夠水啦， 最慘係豬手 大家都知豬手 食膠質 比較 軟食嘅， 唔知係佢趕時間， 或者生意太好煮唔切， 我都未食過咁擦子膠嘅豬手 完全咬唔到 係硬掘掘嘅 這次經歷 唔會再返轉頭。 西貢人睇住佢開， 梗係要支持下嘅 希望老闆再努力啲啦 未煮夠 真係唔好攞出嚟 做壞自己招牌啦 #真心流心蛋係幾好食

接完小朋友 放學小朋友 話想食麵西貢開左新車仔麵咁就去試下la門口已經有餐牌都有唔少選擇入到去都乾淨企理佢地都幾環保落單紙加膠套跟住用粗身鉛筆去畫叫左4 個餸 烏冬底+凍檸水明顯紅腸 同 蟹柳 不是我的個湯係腩汁 都ok的而烏冬 我覺得太林 但小朋友就會啱食至於蘿蔔 唔夠入味口感都係啱啱夠淋豬耳 係幾好食但個量唔多

今日試下西貢新開咗冇耐嘅堅記車仔麵， 見到餐牌車仔麵嘅餸都好多種選擇， 基本上講得出嘅都有例如，豬皮，豬紅，陳皮魚蛋，齋，魷魚，牛腩等等，還有好多款選擇。麵嘅種類大概有粗麵，油麵，幼麵，河粉，出前一丁等等。醬料方面有腩汁同埋秘製辣汁選擇。我叫咗四個餸$47， 份量十足大大碗， 蘿蔔清甜無根多汁， 陳皮魚蛋彈牙夠入味， 秘製大齋吸哂碗湯既味好好食啊！店舖雖然唔算大，但係環境裝修乾淨整齊，店員親切有禮，下次都會再到堅記食車仔麵。

今日入西貢放狗狗，一心諗住食菠蘿包，剛剛想起之前食過呢間車仔麵，突然改變主意例牌，一定食溏心蛋，凍魷魚🦑，可能今日系禮拜人比較多，等左陣先有位，店員同之前一樣有禮，值得讚個人推介要加辣汁，一碗麵的靈魂

用心製作的車仔麵，服務員細心親切，推介糖心蛋，秘製魷魚，齋等等，一定要試下環保式點餸牌，貼心服務，今次試唔晒啲餸，希望下次再試下其它，我見隔離啲腩肉都好正😁😁

早兩日同朋友去西貢買海鮮返屋企打邊邊之際，行行吓見到間裝修特別的車仔麵店，反正準備去食下午茶，所以就入去試試店內的裝潢設計好似置身於日本食拉麵的感覺，而食物方面，我點了雞亦尖（好入味)、牛栢葉（爽口）、甜蘿蔔（無渣）、溏心蛋（真係流心架)最重要係加秘制辣醬（店員推介）我選擇左微辣，當碗麵黎到既時候，我先試啖原味既湯（都夠味）不過再將辣醬渾入湯底之後原來真係好好味架最失敗我忘記左影相，下次黎一定要影返

昨天同朋友路經西貢，發現有一間新開的車仔麵舖，裝修企理,感覺到好像在日本食緊拉麵，白蘿蔔夠甜兼無渣，魚蛋彈牙(仲要係細粒曉既陳皮魚蛋)，流心蛋冇得輸👍👍，小食另外叫左個鹵水雞翼尖(我至愛)。非常入味，唔太霖同太老，非常好味，湯底清甜，重點既係必定要加祕制辣醬，辣醬亦係無得輸(店員推介既。確實正)正到無朋友呀凍食既魷魚亦係另一推介，加上本身既辣汁，絕配，(推推推)店員親切又友善，服務態度非常良好，價錢好大眾化，唔覺得貴，抵食到不得了，下次再到西貢必定再食。

呢間新開無耐。店舖裝修好骨子。環境舒服。☺️之前食過十全十湯面已經唔錯。湯底清甜。仲抵食。可惜唔識加辣醬。今日試食撈面。加秘制辣醬。溏心蛋👍🏻👍🏻。辣醬堅店👍🏻。老闆推介辣醬，加前同加後堅係兩樣野黎。老闆推介無錯。辣醬加面好食👍🏻👍🏻下次要再食湯面加辣醬。朋友仔今日連湯飲晒一滴不留。湯面加辣醬應該係好好味🤤🤤，下次要再食湯面🤗老闆推介確係店👍🏻，溏心蛋。豬腸。白蘿蔔。辣醬好味👍🏻👍🏻

今天天氣好熱，無意間路過此店位置算多，外觀以車仔麵店來說整潔乾淨，看起來很舒適，就進去試下。點了一個牛丸蘿蔔牛百葉油麵加腩汁和微辣，和一個腸仔南乳豬手生菜米粉微辣。跟餐還可以用優惠價錢點了一杯凍檸茶和冰底可樂。點餐後上餐速度算快，東西也不算貴，味道很不錯。湯底很棒，不會過咸，尤其是在湯底中加少許辣，非常的香。唯一有點美中不足的是南乳豬手不夠入味和軟稔，外皮也有一點刺刺的，有待改善，不過這間店值得下次再來。

之前聽朋友講西貢開左間新車仔麵，一直未有得閒去試，今日收工姑且一試😊店員全部都好有禮貌，值得一讚，而且香港d食肆大部分都系冇禮貌可言，店舖雖然吾算大，但裝俢比一般車仔麵店好吾同，尤其系檯面d👍🏽好小車仔麵有溏心蛋食，所以同朋友一人2 隻，夠曬満足👏蘿蔔無根夠甜good ！店員推介辣汁，小弟一向冇辣不歡，當然吾會客氣，果然正，整體味道，裝修，服務都好滿意因為放工已經好肚餓，所以叫左7、8 個餸，結果都清曬，仲有2 個小食值得推介「魷魚🦑」一共試左2 個，一個熱食，一個凍食，個人覺得熱食好味d、有經開西貢，不防一試

今日黎西貢行山，太耐冇黎都唔知食乜好，之後朋友介紹話有間新開的車仔麵，，仲早未算好多人，唔洗排隊，店內環境裝修得好靚好乾淨，檯的花紋好特別試左碗招牌秘制撈麵（雞翼尖，蘿蔔，紅腸，牛腩）食物味道都很新鮮夠足料，特別係個秘制辣醬點亮了成碗麵，好想問下有無得賣秘制魷魚係凍食，第一次試凍的魷魚 覺得好特別，加埋個醬汁真係好好味！朋友仔食左碗粗麵都讚話好味（可惜冇影到相）凍奶茶夠濃又夠奶味，比其他茶餐廳好飲好多！下次會再黎

今日經過見到好多食客，全場爆滿，食物質素很好 價錢合理，車仔麵餸菜選擇都多 我會再次光顧！👍🏻我最鍾意溏心蛋 老闆推介的秘制辣汁真係冇得頂！我下次都要衝住辣汁再去食。

西貢新開左尼間「堅記車仔麵」。甘就當然要去一試新野。入到去，立即拎起個餐牌。點左三樣餸：秘制大腸、豬紅、清甜蘿蔔。麵底：油麵（我的最愛，本小姐覺得食車仔麵係一定要叫油麵，先叫正宗車仔麵）碗麵好快就送上我眼前。試下個湯底先，湯底味道濃郁再加上少少微辣多蔥作調味，個湯底好味道！再食一口油麵，麵的軟度適中，唔好太硬亦唔會太軟。食到絕料啦。首先，要彈一下個豬紅，豬紅口感唔錯，但個味道淡而無味，無豬血味。尼個血紅唔得。另外，清甜蘿蔔咬落去清甜多汁，無渣。值得推薦！👍最後，要講下秘制大腸，大腸內有脂肪，見唔到有黑色物，即係洗得乾淨。完全放心咬落去，仲要係好味道，林身，唔會太硬。再加上腸內脂肪融入口中。整碗車仔麵（除左豬紅），可以說係有質素既車仔麵！

個位以前都係做麵舖，呢間新開張，主打車仔麵，裝修唔錯，乾淨企理，伙計見老人家唔明點落單會主動幫忙，點單牌可以環保再用，加一分。食物選擇算 OK 多，每樣價錢由7到10蚊，都可以接受，豬皮豬紅達到standard ，魚蛋實淨有驚喜，丸類選擇多，大齋就麻麻無乜味，仲可以揀撈麵多蔥少蔥辣汁大中細，有誠意。點食物有最低消費（嘢飲唔計），雖然係30蚊好容易點到，但係感覺都係怪怪哋，街坊生意嘛！不過，點都好過阿松，起碼食完係開心滿足咁行出嚟嘛！