影片
食店名字，有些會令你時常都忘記，尤其是一些難記的英、日、法外語，難讀、難寫、難明，筆者每每吃完都會忘記店名⋯⋯反而有時嚟得簡單易明，會令食客加深記憶。朋友介紹依間”刮穿煲” 私房菜，未到來，已覺得名字有趣，相信店主用意是好吃得用匙羹刮穿煲之意，這純粹筆者估計，並沒有問過食店。過年時訂滿，於是為食貓飯局延至三月，地店在土瓜環美景街⋯⋯首次到訪，看牆上面的明星相片，才知這店並非新開，原來在舊鋪搬過來⋯⋯六至八人的話，有一間細房，可是今晚我們一行12人，房間太細，未能包房⋯⋯私房菜餐單已預先在what’s app內溝通，訂好菜單，人齊即上菜。店內每晚有三至四張枱，店員招呼有經驗，令塲內氣氛很好，一讚。薑蔥霸王雞$480~這隻雞是餐單以外，另加$480,是當晚筆者至愛，可惜不在餐單系列中，要另加錢。雞是用新鮮雞，夠嫩滑，有鮮雞嘅香味，吸引。吃完隻雞之後就開始龍蝦雞包翅套餐$5680~蒜香大鱔煲粒粒大蒜，蒜子份量多，足足有一大碗份量之多，朋友係蒜子控，大樂！有點兒覺得蒜子才是主角，熱騰騰上枱，照片都感受到那份熱騰騰的氣息，賣相吸引，鱔質感爽彈，一讚。時菜炒龍躉球~龍躉球反而有少許過火，未夠滑漏。脆皮菠蘿咕嚕肉~XO醬金沙粉絲龍蝦煲~粉絲才是主角，朋友們很快KO了整煲粉絲，反而吃淨了很多龍蝦爪。套餐還包括:金華火腿蹄片燉清遠雞:12人份量，菜單標明12両翅一隻雞的，原盅上，每人一盅，喝得方便，熱騰騰。椒鹽焗大蝦豉油王炒麵生果拼盆及紅豆沙清炒什菜由於當晚大家久別重逢，老朋友很耐冇見，正所謂雞啄唔斷⋯⋯忘了拍食物照，罪過⋯⋯生果拼盆有洋桃，清清喉嚨相當唔錯，另外紅豆沙加了綠豆，清香滋潤，甜度適中。套餐外要留意一些項目:套餐12位$5680霸皇雞$480由於餐單沒菜，於是預先安排了蒜蓉豆苗，但最後原來㕑子忘了，抱歉走出來說後加一個炒什菜，但端上枱大家都覺得整碟菜很油膩，後來看單才知原來這道炒什菜原來要$200，大家都覺得有點貴。還有一些其他收費項目，一問之下，是冰筒、切蛋糕的紙碟、紙巾、X O 醬等等，遂一收費，但從另外角度來看，由於沒有加收費，這些費用，相對抵銷了加一的項目吧。整體來說㕑子菜式扁油，但有鑊氣，食店店員招呼很有經驗，店員態度一讚，最後㕑子煮完所有菜式後也很有禮貌出來打招呼，令食客感覺良好。
繼續閱讀
真心等菜與菜之間上菜時間等得勁耐，明白廚師得一對手要照顧3枱人，但真係2個半鐘裡面，一半時間都係用嚟等上另一道菜，仲要係唔覺好食先出事......冇一樣值得讚而又覺得值。真心不講假，唔明TVB讚嘅點係乜，唔明網上食客讚嘅係乜......咁就6位盛惠3千3.........首先上嘅牛柳粒帶子變左牛柳粒蝦球都唔係重點，問題係鹹過頭.......個人覺得任何一間酒樓大排檔都好食過呢碟第2味菠蘿咕嚕肉，正常嘅，但冇網上講得咁驚豔第3味蒜子鱔煲，都算ok，蒜子唔會辣好食嘅第4味椒鹽大蝦，明明已經開左背，但蝦腸都仲明顯斷斷續續黑色黏住蝦身...不過齋講味道就算係不過不失咁個重點蟹粉絲煲都ok算係最好食了不過另一個重點佛跳牆就.....冇咩想講了最後嘅炒麵同生果同紅豆沙...起碼等左半個鐘先續樣上下停下，上到我屋企人係咁叫走人...勁失望，唔信歡迎你地自己去試下不過可能係我地全家人嘅個人唔啱口味掛本身個套餐2880，話新年食材貴啲，2月9號前要加200，咁呢樣訂枱時已經講左，我地知道並接受嘅。咁另一項收費就係，一入到去就枱上已經放左普洱茶，即係再加10蚊一個人頭茶錢（食到尾升先睇倒牆上貼住張細細地嘅紙寫住有啲咩額外收費項目）
繼續閱讀
今時今日喺香港搵一間用心做菜嘅餐廳，實在太難啦，呢間食材質量優秀，雖然都係傳統嘅中式小廚菜式，但廚藝一流，餸菜煑得超好味😋，價錢亦算合理，大廚基哥非常好客，喜歡同顧客傾下飲杯，一個字掂👍。現時見只有6人或12人套餐，希望遲啲有4人套餐就好啦。 我最喜歡就係：XO醬粉絲蟹煲，炒得非常乾身，羔蟹鮮甜，另外就是蒜子乳香白鱔煲，蒜頭竟然完全唔辣，鱔片鮮味，時菜龍躉球，魚肉鮮味炒得剛剛好👍，脆皮菠蘿咕嚕肉，皮脆肉質鬆軟，好耐冇食過咁好味嘅咕嚕肉，難以形容🤗⋯⋯記得要預訂位置，只收現金或轉數快！
繼續閱讀