城大中菜廳

營業中

休息中

早上與友人逛完又一城，想吃一點價格較親民的東西。於是便選擇回城大飲茶。到了門口時，有不少人等位，大約等了15分鐘便能入座。 2個人坐4人枱，不用搭枱。點了6個點心，上菜速度快，15分鐘左右便上齊了。味道不錯，胡椒豬肚湯沒有我不喜歡的豬臭味，值得一讚。燒賣大粒彈牙，肉質結實，很足料。蝦腸是一碟長碟上的，切成6塊，一口一塊剛剛好，腸粉皮厚薄適中。鳳爪，小籠包和珍珠雞就不過不失。埋單$150左右，很滿足了。

平時來飲茶嘢食好食夜晚今次訂左圍價錢好低再加咗個燉湯作為叫雞之王我一定。focus係隻雞到有點失望因為好似唔夠熟不過可能係突登掛？可能係人地既煮法....有點唔太開心但其他野食幾好性格比大

以大學嘅餐廳嚟講，水準幾高。首先上嘅乳豬，個皮好脆，同埋係熱辣辣嘅。不過有啲肥，一咬落去感覺有啲油，食左兩舊就覺得膩。之後到龍蝦伊麵，可能因為係上湯煮，無平時芝士龍蝦伊麵咁濟，就同乳豬平衡番。龍蝦好彈牙，而且份量都好足。另外我覺得值得一提嘅係米網鳳尾蝦，炸到脆卜卜，雖然隻蝦有啲細，但味道幾特別。(都有啲偏油)最後有個紅豆沙，好足料而且唔會太甜。雖然見到好大塊果皮，但食落塊果皮味唔太香同唔太突出。整體嚟講大家都好滿意，所有姨姨都好好禮貌，好熱心。唯獨有少少美中不足嘅就係野飲唔太夠。但以呢個價錢嚟講已經算ok

相信食得城軒大部份都一定係城大學生天地堂 嚟食個下午茶 都真係幾好hea時間同埋比起又一城個間 價錢一定平民好多好唔好食?其實都叫同平時酒樓差唔多不過最推薦一定係豬頸肉！雖然唔係點心 但係一定要試 比想像中出色但係唔知點解次次嘅質素都好參差 為免好似伏左大家 都係講句鍾意食豬頸肉就嗌啦 話唔定有驚喜另外係甜薄餐 一次機緣巧合之下嗌錯左做甜嘅 點知又幾好食喎 入面好似糖不甩啲花生粉咁 都幾鬆軟 特別嘅 所以都係可以一試系列！

新年轉眼就年初五 星期六食晏 穩陣啲打電話問吓多唔多人 但肥姐姐知客唔願講情況 ……唯有泊好車現場睇 幸好唔係咁多人等位 2~3張就有枱(而家會問埋齊人至安排入座)叫咗午市套餐$258 假期+$20老火湯+燒味+油菜+炒粉麵+3點心都算抵食因過年 剩叫炒粉麵都要成嚿水過年老火湯~蓮藕豬肉豬脷 好濃傑材料多 湯量足蠔油菜心 ~ 點心部灼菜心 嫩义燒切雞双併~ 雞滑皮爽义燒夠淋 但肉味淡 冇蜜味魚香茄子炆伊麵~非常油膩點心 牛肉球好味 豉汁鳳爪 惹味夠淋但油多蘿蔔千絲酥~好大個 都幾膩

很有學院回憶的地方！本人不是城大畢業生，幸好城大中菜廳可以招待非校友及學生！對於在又一城附近無咩新驚喜的食肆是一個不錯的嘗試！這地方令我回憶起讚大學時在理工李嘉誠樓中菜廳飲菜既地方很相似！一開始以為價錢很抵食，但最後都埋單食左$388！或許是不是城大校友/教職員/學生，所以沒有折扣！不是特別抵食！又不是特別好味，但份量很大！感覺跟屋苑樓下既酒樓不模多樣，款式沒有驚喜！不過位置還舒服寬敞，服務都很好！👍🏻而且本人嘗試尋求新地方，慶幸有openrice 既map, 好似作出尋寶般搜尋，都蠻有趣！只是所有食物味道沒有驚喜！跟其他酒樓一樣有茶錢每位$5.5，外賣盒$2。份量太多，都要拎走！本身對餐廳的壽包很有興趣，但係太少人！如果是一家大細來慶祝就真的是好去處！❤️而且$48任食下午茶，有機會可以一試！

好耐無嚟過「城軒」，唔喺，喺「城大中菜廳」，因為十年八年前間唔時會晌星期日嚟飲茶。原來，呢年啱啱轉咗手，仲改名為「城大中菜廳」，以示佢喺城大所屬。是日，因嚟到城大參觀一啲義工服務，午餐就嚟到呢度飲茶、食點心。星期六嘅午市都幾多客，算喺坐滿，晌用餐期間亦見到有翻枱，相信「城大」個價位點都平過對面又一城任何一家中菜館啦。至於整體嘅環境，裝修屬於平實型，完全見唔到有咩浮誇嘅裝飾。因為一切已安排好晒，所以，都喺坐低食食食。原隻鮮蝦腸啲腸粉皮都拉得幾薄，薄透睇到啲大蝦，但入口就唔算好滑溜，不過，啲蝦就又大又爽又鮮甜。雪山叉燒包無論傳統嘅叉燒包，還是叉燒餐包，甚至雪山叉燒包，我都鍾意食。眼前嘅雪山叉燒包焗得都幾香，入口鬆軟，叉燒餡都約香濃。鮮蝦菜苗餃菜苗餃摺得幾靚仔，造型工整，而啲餃皮夠薄透，軟熟唔黏牙；鮮蝦與菜苗嘅比例恰好，入口既有鮮蝦嘅爽甜，但又有菜苗嘅清香。流沙奶皇包自從有「流沙」呢樣嘢，經常成為我嘅心水，流沙奶黃真喺又香又好食，熱辣辣時嗰陣鹹香味，真喺一流。可惜，包身我就覺得有啲厚身。蟹籽燒賣皇通常話蝦餃皇就用啲又大又鮮嘅靚蝦做賣點，但叫燒賣皇就一直理解唔到會有咩亮籽，加蟹籽更非新鮮事物。

11/12/2018一大班人約吃飯，選擇咗城大中菜廳。此食肆位於九龍塘城市大學內，位置幽靜。因為閒日而城大中菜廳又不為外人所熟悉，故此夜晚飯市並不多人，座位寬敞，又不嘈吵，各枱嘅人都有自己嘅空間，可以放開胸懷畅談。服務人員頗為熱情殷勤，可能因為不是客滿，面口很寬容，給予客人真摯的服務。點了一個套餐，又叫多了幾個蔬菜，分量足，大大碟。味道全味都可口，有幾樣特别出色。隨套餐送贈兩揸橙汁及六罐汽水。乳猪全體，皮脆有少少肉，無酥腥味，蘸上海鮮醬及沙糖，美味！米網鳳尾蝦，雖是炸物，香口酥脆又不失清爽，蘸上甜酸汁，佳作。金銀蛋浸菠菜，大魚大肉後來個蔬菜，特别開胃。上湯加金銀蛋再加上炸蒜頭的味道滙合在菠菜上，令單調的菜蔬變得不寡，又增加了層次，正！食完主食，還奉送寿桃包及紅豆沙，味道不俗！飲飽食醉，嘻笑怒駡，大家仍然聚在一枱，没有誰遲到早退，是何等完滿，何等痛快！

近日城大中菜廳轉手後水準及質素大大提升！以全新面貌視人，以低價可以吃到質素非常高的食物！新承辦商的駐場經理說，他們公司最重視的是食物質素，食材一定要好，價錢要比出面低，就是要做到以低價吃到高級食物，他們對食物出品要求高。想必在不久的未來城大中菜廳又會是個金碧輝煌、賓客滿座的酒樓！此外，這裏有多間貴賓房，一早預約可舉辦不同的宴會或聚會，價錢比外面酒樓便宜，食物的質素也勝過外面的酒樓！

上星期六是城軒轉了新老板後首次光顧，燒味質素keep到👍🏻。但例湯就好似比人加咗好多水咁，淡而無味。與以前出名的例湯比間直天淵之別！京都骨就似細粒嘅生炒排骨，龍蝦伊麵隻龍蝦得幾丁肉，伊麵又少又碎。甜品食咗個喊嘅楊枝金露，同waitress講，佢load咗幾秒然後話楊枝金露是這樣的（唔知佢係咪唔識聽廣東話，諗緊我哋講乜）🤣！直覺新老板是為了控制成本而犧牲食物質素。另外同啲waitress溝通有啲困難，佢哋好似唔係好follow到啲指示。如叫佢先上一部份菜，佢會即刻把把全部菜傅上枱。以前散叫菜式都會飯後都會送上糖水，而家呢樣都冇埋！唯一可取是有房間和不分時段，可以一班朋友慢慢傾計。

城市大學的城大中菜廳在今年八月份由一間新公司經營，新裝修非常雅致，環境舒適，食物出品質素高，最重要的是價錢非常便宜，八個人去飲茶也只是$456埋單！(城大教職員及學生免加一) ，這裏也是晚上吃高質大餐的好去處！價錢也是意想不到的低！我已光顧過幾次，每次都吃得非常盡興！城大中菜廳幾乎每日排長龍，有時還得先訂位才能入座！這一款滷水食物非常爽口，味道一流！這一款上面是炸豆腐，下面是牛肉粒，整個出品賣相很好，口感一流，尤其是牛肉！海參也不錯！聖子鮮味十足，不會太鹹。賣相一流，味道也是無可挑剔！這個龍蝦無疑是賣相極好，一上桌就令人急不及待去拍照留念，龍蝦肉質鮮甜！

暑假前城市大學的中菜廳裝潢，停開了一陣子，原來開學前已重開了，今晚一於試試在這裡吃下晚飯啦中午打了去訂枱，準時七點半去到，已經有枱了。我們點了八個餸，清蒸海星班仔、上湯焗波士頓龍蝦伊麵、白灼海生蝦、瑤池貴妃雞、黑椒鹹豬手煲、錦鹵蜜桃咕嚕肉、金銀蛋浸菜苗，及化皮燒腩仔。魚、蝦及龍蝦非常鮮味，豬手煲入味及腍，燒味中規中矩，其他小菜味道亦不錯，碟頭也不小啊！下次會㨂中午再來飲下茶呢還有，如席上其中一位是城大學生，就有免加一優惠的

城大中菜廳 似換咗老細 招呼好好經理勤快 新開張 新手下 有待改進餐牌唔同咗 點心紙都齊款 價錢貴咗少少 質素高咗 買相靚 ……閒日下午茶而家有8折 點心靚咗 但上枱有啲凍 ……鮮虾云吞$30 有5隻 饀足肉大嚿但虾細件應該係海虾 爽 但上菜湯凍 云和皮乾咗 經理即加番熱湯燒鴨味湯底 生菜幾條 小籠包$20 好味饀料肉香 但冇乜湯汁皮頂硬 蘿蔔糕 $17 有臘味虾米香 味較重 煎得唔夠香 太油膩 炒粉麵貴咗少少 都係市面價 有新菜式 海鮮靚 一級廚功夫籠仔南瓜斑頭腩飯 $108賣相靚 魚鮮滑 炒飯靚唔硬 唔油膩8件骨倒 魚肉唔多 下次要試斑片啖啖肉假日泊車 4小時$20 (依家要幫襯$200起)收銀亂咗 泊車收咗加一

原來今日就試業，book左星期一下午食，睇下有咩變化，睇價錢係貴左，但款式特別左。結果今日我地行去book枱都無人，但職員都好熱情，好似都轉左人，希望好食啦！期待。

好耐無飲茶，今日去左城大飲茶，好彩去得早，如果唔係實摸門釘。聽D食客同店員吹水，原來做到今個月月底，要9月至重開。D野食質素不過不失，夠平，但服務就一般般，專服務D熟客。個流沙包係有流心，但迷你得很，而且上碟已爆漿。叉燒腸如果熱D就好啦！鳳爪都味濃，入味。排骨最好味。希望重開後更好。